Pramāṇa · Search · About · API

Ashtamaskandha 4

Aṣṭamaskandha 4

Language
Sanskrit

Contents

4.1

tṛtīyo'dhyāyaḥ
śrīśuka uvāca̍
evaṃ vyavasito buddhyā samādhāya mano hṛdi
jajāpa paramaṃ ja̍pyaṃ prāgjanmanyanuśikṣitam

4.2

gajendra uvāca̍
oṃ namo bhagavate tasmai yata etaccidātmakam
puruṣāyā''dibījāya pareśāyā'bhidhīmahi

4.3

yasminnidaṃ yataścedaṃ yenedaṃ ya idaṃ svayaṃm
yo'smātparasmācca parastaṃ prapadye svayambhuvam

4.4

yaḥ svātmanīdaṃ nijamāyayārpitaṃ kvacidvibhātaṃ kva ca tattirohitam
aviddhadṛk sākṣyubhayaṃ tadīkṣate sa ātmamūlo'vatu māṃ parātparaḥ

4.5

kālena pañcatvamiteṣu kṛtsnaśo lokeṣu pāleṣu ca sarvahetuṣu
tamastadā''sīdgahanaṃ gabhīraṃ yastasya pāre'bhivirājate vibhuḥ

4.6

na yasya devā ṛṣayaḥ padaṃ viduḥ jantuḥ punaḥ ko'rhati gantumīritum
yathā naṭasyā''kṛtibhirviceṣṭato duratyayānukramaṇaḥ sa mā'vatu

4.7

didṛkṣavo yasya padaṃ sumaṅgalaṃ vimuktasaṅgā munayaḥ susādhavaḥ
carantyalokavratamavraṇaṃ vane bhūtātmabhūtāḥ suhṛdasta me gatiḥ

4.8

na vidyate yasya ca janma karma vā na nāmarūpe guṇadoṣa eva vā
tathā'pi lokāpyayasambhavāya yaḥ svamāyayā tānyanukālamṛcchati

4.19

tasmai namaḥ pareśāya brahmaṇe'nantaśaktaye
arūpāyāhurūpāya nama āścarya karmaṇe

4.20

nama ātmapradīpāya sākṣiṇe paramātmane
namo girāṃ bidūrāya manasaścetasāmapi

4.21

sattvena pratilabhyāya naiṣkarmyeṇa vipaścitā
namaḥ kaivalyanāthāya nirvāṇasukhasaṃvide

4.22

namaśśāntāya ghorāya gūḍhāya guṇadharmiṇe
nirviśeṣāya sāmyāya namo jñānaghanāya ca

4.23

kṣetrajñāya namastubhyaṃ sarvādhyakṣāya sākṣiṇe
puruṣāyātmamūlāya mūlaprakṛtaye namaḥ

4.24

sarvendriyaguṇadraṣṭre sarvapratyayahetave
asatācchāyayoktāya sadābhāsāya te namaḥ

4.15

namo namaste'khilakāraṇāya niṣkāraṇāyadbhutakāraṇāya
sarvāgamāmnāyamahārṇavāya namo'pavargāya parāyaṇāya

4.16

guṇāraṇicchannacidūṣmapāya tatkṣobhavisphūrjitamānasāya
naiṣkarmyabhāvena vivarjitāgama svayaṃ prakāśāya namaskaromi

4.17

mādṛkprapannapaśuprāśavimokṣaṇāya muktāya bhūrikaruṇāya namo'layāya
svāṃśena sarvatanubhṛnmanasi pratīta pratyagdṛśe bhagavate bṛhate namaste

4.18

ātmātmajāptagṛhavittajaneṣu saktaiḥ duṣprāpaṇāya guṇasaṅgavivarjitāya
muktātmabhiḥ svahṛdaye paribhāvitāya jñānātmane bhagavate nama īśvarāya

4.19-2

yaṃ dharmakāmārthavimuktikāmā bhajanta iṣṭāṃ gatimāpnuvanti
kiñcāśiṣo rātyapi dehamavyayaṃ karotu me'dabhradayo vimokṣaṇam

4.20-2

ekāntino yasya na kañcanārthaṃ vāñchanti ye vai bhagavatprapannāḥ
atyadbhutaṃ taccaritaṃ sumaṅgalaṃ gāyanta ānanda samudramagnāḥ

4.21-2

tamakṣaraṃ brahma paraṃ pareśamavyaktamādhyātmikayogagamyam
atīndriyaṃ sūkṣmamivātidūraṃ anantamādyaṃ paripūrṇamīḍe

4.22-2

yasya brahmādayo devā vedā lokāścarācarāḥ
nāmarūpavibhedena phalgvyā ca kalayā kṛtāḥ

4.23-2

yathā'rciṣo'gneḥ saviturgabhastayo niryānti saṃyāntyasakṛt svarociṣaḥ
tathā yato'yaṃ guṇasampravāho buddhirmanaḥ khāni śarīrasargāḥ

4.24-2

sa vai na devāsuramartyatiryaṅ na strī na ṣaṇḍo na pumān na jantuḥ
nā'yaṃ guṇaḥ karma na sannacā'san niṣedhaśeṣo jayatādaśeṣaḥ

4.25

jijīviṣe nā'hamihāmuyā kiṃ antarbahiścāvṛtayebhayonyā
icchāmi kālena na yasya viplavaḥ tasyā''tmalokāvaraṇasya mokṣaṇam

4.26

so'haṃ viśvasṛjaṃ viśvamaviśvaṃ viśvavedasam
viśvātmānamajaṃ brahma praṇato'smi paraṃ padam

4.27

yogarandhitakarmāṇo hṛdi yogavibhāvi te
yogino yaṃ prapaśyanti yogeśaṃ taṃ nato'smyaham

4.28

namo namastubhya masahyavega śaktitrayāyākhila dhīguṇāya
prapannapālāya durantaśaktaye kadindriyāṇāmanavāpyavartmane

4.29

nā'yaṃ veda svamātmānaṃ yacchaktyā'handhiyā hatam
taṃ duratyaya māhātmyaṃ bhagavantaṃ nato'smyaham

4.30

śrīśuka uvāca
evaṃ gajendramupavarṇita nirviśeṣaṃ brahmādayo vividhaliṅgabhidā bhimānāḥ
naite yadopasasṛpurnikhilātmakatvāt tatrākhilāmaramayo hari rāvirāsīt

4.31

taṃ tadvadārtamupalabhya jagannivāsaḥ stotraṃ niśamya divijaissaha saṃstuvadbhiḥ
chandomayena garuḍena samuhyamānaḥ cakrāyudho'bhyagamadāśu yato gajendraḥ

4.32

sontassarasyurubalena gṛhīta ārto dṛṣṭvā garutmati hariṃ kha upāttacakram
utkṣipya sāmbujakaraṃ giramāha kṛcchrāt nārāyaṇākhilaguro bhagavannamaste

4.33

taṃ vīkṣya pīḍitamajaḥ sahasā'vatīrya sa grāhamāśu sarasaḥ kṛpayojjahāra
grāhādvipāṭitamukhādariṇā gajendraṃ sampaśyatāṃ hariramūmucudustriyāṇām

4.33.p1

iti śrīmadbhāgavate mahāpurāṇe śrīvaiyāsikyāṃ aṣṭādaśasāhasryāṃ śrīhayagrīvabrahmavidyāyāṃ pāramahaṃsyāṃ saṃhitāyāṃ aṣṭamaskandhe gajendramokṣaṇe tṛtīyo'dhyāyaḥ

Linked texts (7)