Bhagavatapurana 6.12

English (machine translation) 6.12

Language: English

6.12.1

The sage said:
Desiring thus to give up his body in battle, O king, and considering death to be superior to victory, / he seized his trident and rushed upon the lord of the gods, as Kaiṭabha rushed upon the Supreme Person in the waters.

6.12.2

Then the asura lord, whirling with force his trident that had tongues as fierce as the fire at the end of the cosmic age, / hurled it at the great Indra, and roaring, the hero shouted in fury: 'You are dead, wicked one!'

6.12.3

kha āpatat tadvicaladgraholkavan nirīkṣya duṣprekṣyamajātaviklavaḥ
vajreṇa vajrī śataparvaṇācchinad bhujaṃ ca tasyoragarājabhogam

6.12.4

chinnaikabāhuḥ parigheṇa vṛtraḥ saṃrabdha āsādya gṛhītavajram
hanau tatāḍendramathāmarebhaṃ vajraṃ ca hastān nyapatan maghonaḥ

6.12.5

vṛtrasya karmātimahādbhutaṃ tat surāsurāścāraṇasiddhasaṅghāḥ
apūjayaṃstat puruhūtasaṅkaṭaṃ nirīkṣya hā heti vicukruśurbhṛśam

6.12.6

indro na vajraṃ jagṛhe vilajjitaś cyutaṃ svahastādarisannidhau punaḥ
tamāha vṛtro hara āttavajro jahi svaśatruṃ na viṣādakālaḥ

6.12.7

yuyutsatāṃ kutracidātatāyināṃ jayaḥ sadaikatra na vai parātmanām
vinaikamutpattilayasthitīśvaraṃ sarvajñamādyaṃ puruṣaṃ sanātanam

6.12.8

lokāḥ sapālā yasyeme śvasanti vivaśā vaśe
dvijā iva śicā baddhāḥ sa kāla iha kāraṇam

6.12.9

ojaḥ saho balaṃ prāṇamamṛtaṃ mṛtyumeva ca
tamajñāya jano hetumātmānaṃ manyate jaḍam

6.12.10

yathā dārumayī nārī yathā patramayo mṛgaḥ
evaṃ bhūtāni maghavannīśatantrāṇi viddhi bhoḥ

6.12.11

puruṣaḥ prakṛtirvyaktamātmā bhūtendriyāśayāḥ
śaknuvanty asya sargādau na vinā yadanugrahāt

6.12.12

avidvān evamātmānaṃ manyate 'nīśamīśvaram
bhūtaiḥ sṛjati bhūtāni grasate tāni taiḥ svayam

6.12.13

āyuḥ śrīḥ kīrtiraiśvaryamāśiṣaḥ puruṣasya yāḥ
bhavanty eva hi tatkāle yathānicchorviparyayāḥ

6.12.14

tasmādakīrtiyaśasorjayāpajayayorapi
samaḥ syāt sukhaduḥkhābhyāṃ mṛtyujīvitayostathā

6.12.15

sattvaṃ rajastama iti prakṛternātmano guṇāḥ
tatra sākṣiṇamātmānaṃ yo veda sa na badhyate

6.12.16

paśya māṃ nirjitaṃ śatru vṛkṇāyudhabhujaṃ mṛdhe
ghaṭamānaṃ yathāśakti tava prāṇajihīrṣayā

6.12.17

prāṇaglaho 'yaṃ samara iṣvakṣo vāhanāsanaḥ
atra na jñāyate 'muṣya jayo 'muṣya parājayaḥ

6.12.18

/0 śrīśuka uvāca
indro vṛtravacaḥ śrutvā gatālīkamapūjayat
gṛhītavajraḥ prahasaṃstamāha gatavismayaḥ

6.12.19

/0 indra uvāca
aho dānava siddho 'si yasya te matirīdṛśī
bhaktaḥ sarvātmanātmānaṃ suhṛdaṃ jagadīśvaram

6.12.20

bhavān atārṣīn māyāṃ vai vaiṣṇavīṃ janamohinīm
yadvihāyāsuraṃ bhāvaṃ mahāpuruṣatāṃ gataḥ

6.12.21

khalvidaṃ mahadāścaryaṃ yadrajaḥprakṛtestava
vāsudeve bhagavati sattvātmani dṛḍhā matiḥ

6.12.22

yasya bhaktirbhagavati harau niḥśreyaseśvare
vikrīḍato 'mṛtāmbhodhau kiṃ kṣudraiḥ khātakodakaiḥ

6.12.23

/0 śrīśuka uvāca
iti bruvāṇāvanyonyaṃ dharmajijñāsayā nṛpa
yuyudhāte mahāvīryāvindravṛtrau yudhāmpatī

6.12.24

āvidhya parighaṃ vṛtraḥ kārṣṇāyasamarindamaḥ
indrāya prāhiṇodghoraṃ vāmahastena māriṣa

6.12.25

sa tu vṛtrasya parighaṃ karaṃ ca karabhopamam
ciccheda yugapaddevo vajreṇa śataparvaṇā

6.12.26

dorbhyāmutkṛttamūlābhyāṃ babhau raktasravo 'suraḥ
chinnapakṣo yathā gotraḥ khādbhraṣṭo vajriṇā hataḥ

6.12.27

mahāprāṇo mahāvīryo mahāsarpa iva dvipam
kṛtvādharāṃ hanuṃ bhūmau daityo divy uttarāṃ hanum

6.12.28

nabhogambhīravaktreṇa leliholbaṇajihvayā
daṃṣṭrābhiḥ kālakalpābhirgrasanniva jagattrayam

6.12.29

atimātramahākāya ākṣipaṃstarasā girīn
girirāṭ pādacārīva padbhyāṃ nirjarayan mahīm

6.12.30

jagrāsa sa samāsādya vajriṇaṃ sahavāhanam
vṛtragrastaṃ tamālokya saprajāpatayaḥ surāḥ
hā kaṣṭamiti nirviṇṇāścukruśuḥ samaharṣayaḥ

6.12.31

nigīrṇo 'py asurendreṇa na mamārodaraṃ gataḥ
mahāpuruṣasannaddho yogamāyābalena ca

6.12.32

bhittvā vajreṇa tatkukṣiṃ niṣkramya balabhidvibhuḥ
uccakarta śiraḥ śatrorgiriśṛṅgamivaujasā

6.12.33

vajrastu tatkandharamāśuvegaḥ kṛntan samantāt parivartamānaḥ
nyapātayat tāvadahargaṇena yo jyotiṣāmayane vārtrahatye

6.12.34

tadā ca khe dundubhayo vinedur gandharvasiddhāḥ samaharṣisaṅghāḥ
vārtraghnaliṅgaistamabhiṣṭuvānā mantrairmudā kusumairabhyavarṣan

6.12.35

vṛtrasya dehān niṣkrāntamātmajyotirarindama
paśyatāṃ sarvadevānāmalokaṃ samapadyata

Translations (1)

The Srimad Bhagavatam — S. Subba Rau 1928, English

Commentaries (1)

Bhāgavatapurāṇaṭīkā — Vaṃśīdhara 1630, Sanskrit

Linked texts (1)

Bhāgavatapurāṇa — Vyāsa, Sanskrit