Pramāṇa · Search · About · API

Bhavishyapurana 13.35

Bhaviṣyapurāṇa 13.35

Language
Sanskrit

13.35.1

sārasvatavratavarṇanam

13.35.2

.. yudhiṣṭhira uvāca .. ..

13.35.3

madhurā bhāratī kena vratena madhusūdana ..

13.35.4

tathaiva janasaubhāgyamatividyāsu kauśalam ..1..

13.35.5

abhedaścāpi daṃpatyostathā baṃdhujanena ca ..

13.35.6

āyuśca vipulaṃ puṃsāṃ jāyate kena keśava .. 2 ..

13.35.7

.. śrīkṛṣṇa uvāca .. ..

13.35.8

samyakpṛṣṭastvayā rājañchṛṇu sārasvataṃ vratam ..

13.35.9

yasya saṃkīrtanādeva tuṣyatīha sarasvatī .. 3 ..

13.35.10

yo'yaṃ bhaktaḥ pumānkuryādetadvratamanuttamam ..

13.35.11

tadvatsarādau saṃpūjya vipreṇa taṃ samācaret .. 4 ..

13.35.12

atha cādityavāreṇa grahatārābalena ca ..

13.35.13

pāyasaṃ bhojayitvā ca kuryādbrāhmaṇavācanam .. 5 ..

13.35.14

śuklavastrāṇi dadyācca sahiraṇyāni śaktitaḥ ..

13.35.15

gāyatrīṃ pūjayedbhaktyā śuklamālyānulepanaiḥ ..

13.35.16

ebhirmaṃtrapadaiḥ paścātpūrvaṃ kṛtvā kṛtāñjaliḥ .. 6 ..

13.35.17

yathā tu devi bhagavānbrahmā lokapitā mahaḥ..

13.35.18

tvāṃ parityajya no tiṣṭhettathā bhava varapradā .. 7 ..

13.35.19

vedaśāstrāṇi sarvāṇi nṛtyagītādikaṃ ca yat ..

13.35.20

vāhitaṃ yattvayā devi tathā me saṃtu siddhayaḥ .. 8 ..

13.35.21

lakṣmīrmedhā varāriṣṭirgorī tuṣṭiḥ prabhā matiḥ ..

13.35.22

etābhiḥ pāhi tanubhiraṣṭābhirmāṃ sarasvati .. 9 ..

13.35.23

evaṃ saṃpūjya gāyatrīṃ vīṇākṣamaṇidhāriṇīm ..

13.35.24

śuklapakṣe'kṣatairbhaktyā sakamaṃḍalupustakām .. 4.35.10 ..

13.35.25

maunavratena bhuñjīta sāyaṃ prātaśca dharmavit ..

13.35.26

pañcamyāṃ pratipakṣe ca pūjayitvā suvāsinīḥ .. 11 ..

13.35.27

tilaiśca taṃḍulaprasthaṃ ghṛtapātreṇa saṃyutam ..

13.35.28

kṣīraṃ tathā hiraṇyaṃ ca gāyatrī prīyatāmiti .. 12 ..

13.35.29

saṃdhyāyāṃ ca tato maunaṃ tadvrata tu samācaret ..

13.35.30

nāṃtarā bhojanaṃ kuryādyāvanmāsāstrayodaśa .. 13 ..

13.35.31

samāpte tu vrate dadyādbhojanaṃ śuklataṃḍulaiḥ ..

13.35.32

pūrṇaṃ suvastrayugmaṃ ca gāṃ ca viprāya bhojanam .. 14 ..

13.35.33

devyai vitānaṃ ghaṃṭāṃ ca sitanetraṃ paṭānvitam ..

13.35.34

candanaṃ vastrayugmaṃ ca dadhyannaṃ śikharairyutam .. 15 ..

13.35.35

tathopadeṣṭāramapi bhaktyā saṃpūjayedgurum ..

13.35.36

vittaśāṭhyena rahito vastramālyānulepanaiḥ .. 16 ..

13.35.37

anena vidhinā yastu kuryātsārasvataṃ vratam ..

13.35.38

vidyāvānarthayuktaśca raktakaṃṭhaśca jāyate .. 17 ..

13.35.39

sarasvatyāḥ prasādena vyāsavattu kavirbhavet ..

13.35.40

nārī vā kurute yā tu sāpi tatphalabhāginī ..

13.35.41

brahmaloke vasettāvadyāvatkalpāyutatrayam .. 18 ..

13.35.42

sārasvataṃ vrataṃ yastu śṛṇuyādapi yaḥ paṭhet ..

13.35.43

vidyādharapure so'pi vasetkalpāyutatrayam .. 19 ..

13.35.44

saṃvatsaraṃ vratavareṇa sarasvatīṃ ye saṃpūjayaṃti jagato jananīṃ janitrīm ..

13.35.45

madhurasvarāste rūpānvitā vahukalākuśalā bhavaṃti ..4.35.20..

13.35.46

iti śrībhaviṣye mahāpurāṇa uttaraparvaṇi śrīkṛṣṇayudhiṣṭhirasaṃvāde sārasvatavratanirūpaṇaṃ nāma paṃcatriṃśattamo'dhyāyaḥ .. 35 ..

Linked texts (3)