Pramāṇa · Search · About · API

Bhavishyapurana 13.49

Bhaviṣyapurāṇa 13.49

Language
Sanskrit

13.49.1

śarkarāsaptamīvratavarṇanam

13.49.2

.. śrīkṛṣṇa uvāca .. ..

13.49.3

śarkarāsaptamīṃ vakṣye sarvakalmaṣanāśinīm ..

13.49.4

āyurārogyamaiśvaryaṃ yayānaṃtaṃ prajāyate .. 1 ..

13.49.5

mādhavasya site pakṣe saptamyāṃ śraddhayānvitaḥ ..

13.49.6

prātaḥ snātvā tilaiḥ śuddhaiḥ śuklamālyānulepanaiḥ .. 2 ..

13.49.7

sthaṃḍile padmamālikhya kuṃkumena sakarṇikam ..

13.49.8

tasminnamaḥ savitreti gandhapuṣpaṃ nivedayet..3..

13.49.9

sthāpayedudakuṃbhaṃ ca śarkarāpātrasaṃyutam ..

13.49.10

raktavastraiḥ svalaṃkṛtya śuklamālyānulepanaiḥ .. 4 ..

13.49.11

suvarṇāśvasamāyuktaṃ maṃtreṇānena pūjayet ..

13.49.12

viśvedevamayo yasmādvedavādīti paṭhyate .. 5 ..

13.49.13

tvamevāmṛtasarvasvamataḥ pāhi sanātana ..

13.49.14

saurasūktaṃ japaṃstiṣṭhetpurāṇaśravaṇena vā .. 6 ..

13.49.15

ahorātre gate paścādaṣṭamyāṃ kṛtanityakaḥ ..

13.49.16

sarvaṃ ca vedaviduṣe brāhmaṇāyopapādayet ..7..

13.49.17

bhojayecchaktito viprāñcharkarāghṛtapāyasaiḥ ..

13.49.18

bhuñjīta tailalavaṇaṃ svayamapyatha vāgyataḥ .. .. 8 ..

13.49.19

anena vidhinā sarvaṃ māsimāsi samācaret ..

13.49.20

vatsarāṃte punardadyādbrāhmaṇāya samāhitaḥ .. 9 ..

13.49.21

śayanaṃ vastrasaṃvītaṃ śarkarākalaśānvitam .. .
sarvopaskarasaṃyuktaṃ tathaikāṃ gāṃ payasvinīm .. 4.49.10 ..

13.49.22

gṛhaṃ ca śaktito dadyātsamastopaskarānvitam ..

13.49.23

sahasreṇāpi niṣkāṇāṃ kṛtvā dadyācchatena vā ... 11 ..

13.49.24

daśabhirdvitribhirniṣkaistadardhenāpi bhaktitaḥ ..

13.49.25

suvarṇāśvaḥ pradātavyaḥ pūrvavanmaṃtravācanam .. 12 ..

13.49.26

vittaśāṭhyaṃ na kurvīta kurvandoṣānsa maśnute ..

13.49.27

amṛtaṃ pibato vaktrātsūryasyāmṛtabindavaḥ..13..

13.49.28

nipetureta utthāya śālimudgekṣavaḥ smṛtāḥ ..

13.49.29

śarkarā ca paraṃ tasmādikṣurasodbhavā matā..14.. .
iṣṭā raverataḥ puṇyā śarkarā havyakavyayoḥ ..

13.49.30

śarkarāsaptamī caiṣā vājimedhaphalapradā .. 15 ..

13.49.31

sarve hyupaśamaṃ yāṃti punaḥ saṃtativarddhinī ..

13.49.32

yaḥ kuryātparayā bhaktyā sa paraṃ brahma gacchati .. 16 ..

13.49.33

kalpamekaṃ vasetsvarge tato yāti paraṃ padam .. 17 ..

13.49.34

idamanagha śṛṇoti yaḥ smaredvā paripaṭhatīha sureśvarasya loke ..

13.49.35

matimapi ca dadāti yo janānāmamaravadhūjanakinnaraiḥ sa pūjyaḥ .. 18 .. ..

13.49.36

iti śrībhaviṣye mahāpurāṇa uttaraparvaṇi śrīkṛṣṇa yudhiṣṭhirasaṃvāde śarkarāsaptamīvratavarṇanaṃ nāmaikonapaṃcāśattamo'dhyāyaḥ .. 49 ..

Linked texts (5)