Pramāṇa · Search · About · API

Bhavishyapurana 13.84

Bhaviṣyapurāṇa 13.84

Language
Sanskrit

13.84.1

viśokadvādaśīvratavarṇanam

13.84.2

.. yudhiṣṭhira uvāca .. ..

13.84.3

kimabhīṣṭaviyogaśokasaṃghāllaghu iha samupoṣatāṃ vrataṃ vā..

13.84.4

vibhavodbhavakāri bhūtale'sminbhavati vibho bhayasūdanaṃ ca puṃsām .. 1 ..

13.84.5

.. śrīkṛṣṇa uvāca .. ..

13.84.6

paripṛṣṭamidaṃ jagatpriyaṃ te vibudhānāmapi durllabhaṃ mahattvāt ..

13.84.7

tava bhaktimatastathāpi vakṣye vratamindrāsuradānaveṣu guhyam ..2..

13.84.8

puṇyamāśvayuje māsi viśokadvādaśīvratam ..

13.84.9

daśamyāṃ laghubhugvidvānārabhenniyamena tu .. 3 ..

13.84.10

udaṅmukhaḥ prāṅmukho vā daṃtadhāvanapūrvakam ..

13.84.11

ekādaśyāṃ nirāhāraḥ samyagabhyarcya keśavam .. 4 ..

13.84.12

vidhivattvāṃ samabhyarcya bhokṣyāmi apare'hani ..

13.84.13

evaṃ niyamakṛtsuptvā prātarutthāya mānavaḥ .. 5 ..

13.84.14

snānaṃ sarvauṣadhaiḥ kuryātpañcagavyajalena tu ..

13.84.15

śuklamālyāṃbarastadvatpūjayecchrīśamutpalaiḥ .. 6 ..

13.84.16

viśokāya namaḥ pādau jaṃghe ca varadāya vai ..

13.84.17

śrīśāya jānunī tadvadūrū ca jalaśāyine .. 7 ..

13.84.18

kaṃdarpāya namo guhye mādhavāya namaḥ kaṭim ..

13.84.19

dāmodarāyetyudaraṃ pārśve ca vipulāya vai .. 8 ..

13.84.20

nābhiṃ ca padmanābhāya hṛdayaṃ manmathāya vai ..

13.84.21

śrīdharāya vibhorvakṣaḥ karau madhubhide namaḥ .. 9 ..

13.84.22

cakriṇe nāma bāhuṃ ca dakṣiṇaṃ gadine namaḥ ..

13.84.23

vaikuṇṭhāya namaḥ kaṇṭhamāsyaṃ yajñamukhāya vai .. 4.84.10 ..

13.84.24

nāsāmaśokanidhaye vāsudevāya cākṣiṇī ..

13.84.25

lalāṭaṃ vāmanāyeti kirīṭaṃ viśvarūpiṇe .. 11 ..

13.84.26

namaḥ sarvātmane tadvacchira ityabhipūjayet ..

13.84.27

evaṃ saṃpūjya goviṃdaṃ phalamālyānulepanaiḥ .. 12 ..

13.84.28

tatastasyāgrato bhavyaṃ sthaṃḍilaṃ kārayenmṛdā ..

13.84.29

caturasraṃ samaṃtāccāratnimātramudagbhavam .. 13 ..

13.84.30

nadīvālukayā pūrṇaṃ lakṣmyākṛtiṃ kṛtī nyaset ..

13.84.31

sthaṃḍile sūryamāropya lakṣmīmityarcayedbudhaḥ .. 14 ..

13.84.32

namo devyai namaḥ śāṃtyai namo lakṣmyai namaḥ śriye ..

13.84.33

namaḥ puṣṭyai namastuṣṭyai namo dṛṣṭyai namonamaḥ .. 15 ..

13.84.34

viśokā duḥkhanāśāya viśokā varadāstu me ..

13.84.35

viśokā vāstu saṃtatyai viśokā sarvasiddhaye ..16..

13.84.36

tataḥ śuklāṃbaradharo śūrpaṃ saṃveṣṭya pūjayet ..

13.84.37

bhakṣyairnānāvidhaistadvatsuvarṇakamalena ca .. 17 ..

13.84.38

rajanīṣu ca sarvāsu pibeddarbhodakaṃ vratī ..

13.84.39

tatastu nṛtyagītādi kārayetsarvarātrakam .. 18 ..

13.84.40

yāmatraye vyatīte tu suptvā svasthopamānasaḥ ..

13.84.41

abhigamya ca viprāṇāṃ mithunāni sadārcayet .. 19 ..

13.84.42

śaktitastrīṇi caikaṃ vā vastramālyānulepanaiḥ ..

13.84.43

śayanāsthāni pūjyāni namo'stu jalaśāyine .. 4.84.20 ..

13.84.44

tatastu gītavādyādyai rātrau jāgaraṇe kṛte ..

13.84.45

prabhāte vimale snānaṃ kṛtvā dāṃpatyamarcayet .. 21 ..

13.84.46

bhojanaṃ ca yathāśaktyā vittaśāṭhyavivarjitaḥ ..

13.84.47

bhuktvā śrutvā purāṇāni taddinaṃ tvativāhayet .. 22 ..

13.84.48

anena vidhinā sarvaṃ māsimāsi samācaret ..

13.84.49

vratāṃte śayanaṃ dadyādguḍadhenusamanvitam ..

13.84.50

sopadhānakaviśrāmamāstarāvaraṇaṃ śubham .. 23 ..

13.84.51

yathā na lakṣmīrdeveśa tvāṃ parityajya gacchati ..

13.84.52

tathā kuru yathāyogyamaśokaṃ cāstu me sadā ..24..

13.84.53

yathā devena rahitā na lakṣyīrjāyate kvacit..

13.84.54

tathā viśokatā me'stu bhakti ramyā ca keśave .. .. 25 ..

13.84.55

maṃtreṇānena dhyātvā tu guḍadhenusamanvitam ..

13.84.56

śūrpaṃ ca lakṣmyā sahitaṃ dātavyaṃ bhūtimicchatā .. 26 ..

13.84.57

utpātaṃ karavīraṃ ca bāṇamamlāna kuṃḍalam ..

13.84.58

kesaraṃ siṃduvāraṃ ca mallikāgaṃdhapāṭalam ..

13.84.59

kādaṃbaiḥ kuṃkumairjātyā tathānyairapi pūjayet .. 27 ..

13.84.60

.. yudhiṣṭhira uvāca .. ..

13.84.61

guḍadhenuvidhānaṃ me tvamācakṣva jagatpate ..

13.84.62

kiṃrūpā kena maṃtreṇa dātavyā tadihocyatām ..28..

13.84.63

.. śrīkṛṣṇa uvāca .. ..

13.84.64

guḍadhenuvidhānaṃ ca yadrūmiha yatphalam ..

13.84.65

tadidānīṃ pravakṣyāmi sarvapāpapraṇāśanam .. 29 ..

13.84.66

kṛṣṇājinaṃ caturhastaṃ prāgevaṃ vinyasedbhuvi ..

13.84.67

gomayenānuliptāyāṃ darbhānāstīrya sarvataḥ .. .. 4.84.30 ..

13.84.68

labdhena kāṃcanaṃ tadvadvatsaṃ ca parikalpayet ..

13.84.69

prāṅmukhīṃ kalpayeddhenumudakpādāṃ savatsikām .. 31 ..

13.84.70

uttamā guḍadhenuḥ syātsadā bhāra catuṣṭayā ..

13.84.71

vatsaṃ bhāreṇa kurvīta dvābhyāṃ vai madhyamā smṛtā .. 32...

13.84.72

arddhabhāreṇa vatsaḥ syātkaniṣṭhā bhārakeṇa tu ..

13.84.73

caturthāṃśena vatsaḥ syādgṛhavittā nusārataḥ .. 33 ..

13.84.74

dhenuvatsau kṛtāvetau sitasūkṣmāṃbarāvṛtau ..

13.84.75

śuktikarṇāvikṣupādau śuktimuktāphalekṣaṇau .. 34 ..

13.84.76

sitasūtraśirālau tu sitakaṃbala kaṃbalau ..

13.84.77

tāmragallakapṛṣṭau tau sitacāmararomakau .. 35 ..

13.84.78

vidrumabhrūyugāvetau navanītastanānvitau ..

13.84.79

kṣaumapucchau kāṃsyadohāvindranīlakatārakau .. ..36..

13.84.80

suvarṇaśṛṃgābharaṇau rājatakhurasaṃyutau ..

13.84.81

nānāphalasamāyuktau ghrāṇagaṃdhakaraṃḍakau ..

13.84.82

ityevaṃ racayitvā tu dhūpadīpairathārcayet .. 37 ..

13.84.83

yā lakṣmīḥ sarvabhūtānāṃ yā ca deve vyavasthitā ..

13.84.84

dhenurūpeṇa sā devī mama pāpaṃ vyapohatu .. 38 ..

13.84.85

viṣṇorvakṣasi yā lakṣmīḥ svāhāyāṃ ca vibhāvasau ..

13.84.86

caṃdrārkaśakraśaktiryā dhenurūpāstu sā śriye .. 39 ..

13.84.87

caturmukhasya yā lakṣmīryā lakṣmīrdhanadasya ca ..

13.84.88

yā lakṣmīrlokapālānāṃ sā dhenurvaradāstu me .. .. 4.84.40 ..

13.84.89

svadhā tvaṃ pitṛmukhyānāṃ svāhā yajñabhujāṃ punaḥ ..

13.84.90

sarvapāpahare dheno tasmādbhūtiṃ prayaccha me .. 41 ..

13.84.91

evamāmaṃtrya tāṃ dhenuṃ brāhmaṇāya nive dayet ..

13.84.92

vidhānametaddhenūnāṃ sarvāsāmiha paṭhyate .. 42 ..

13.84.93

yāstu pāpavināśinyaḥ śrūyate daśa dhenavaḥ ..

13.84.94

tāsāṃ svarūpaṃ vakṣyāmi nāmāni ca narā dhipa .. 43 ..

13.84.95

prathamā guḍadhenuḥ syād ghṛtadhenurathāparā ..

13.84.96

tiladhenustṛtīyā syāccaturthī madhudhenukā .. 44 ..

13.84.97

jaladhenuḥ paṃcamī tu ṣaṣṭhī tu kṣīrasaṃbhavā ..

13.84.98

saptamī śarkarādhenurdadhidhenurathāṣṭamī ..

13.84.99

rasadhenuśca navamī daśamī syātsvarūpataḥ .. 45 ..

13.84.100

kuṃbhā syurdaśadhenūnāmitarāsāṃ tu rāśayaḥ ..

13.84.101

suvarṇadhenumapyatra kecidicchaṃti mānavāḥ .. 46 ..

13.84.102

navanītena ratnaiśca tathāpyanye maharṣayaḥ ..

13.84.103

etadeva vidhānaṃ syātta evopaskarāḥ smṛtāḥ .. 7 ..

13.84.104

maṃtrāvāhanasaṃyuktāṃ sadā parvaṇiparvaṇi ..

13.84.105

yathāśraddhaṃ pradātavyā bhuktimuktiphalapradā .. 48 ..

13.84.106

guḍadhenuprasaṃgena sarvāstava mayoditāḥ ..

13.84.107

aśeṣayajña phaladāḥ sarvapāpaharāḥ śubhāḥ .. 49 ..

13.84.108

vratānāmuttamaṃ yatsyādviśokadvādaśīvratam ..

13.84.109

tadaṃgatvena caivaiṣā guḍadhenuḥ praśasyate .. 4.84.50 ..

13.84.110

ayane viṣuve puṇye vyatīpāte'tha vā punaḥ ..

13.84.111

guḍadhenvādayo deyā uparāgādiparvasu .. 51 ..

13.84.112

viśokadvādaśī caiṣā sarvapāpaharā śubhā ..

13.84.113

yāmupoṣya naro yāti tadviṣṇoḥ paramaṃ padam .. 52 ..

13.84.114

iha loke tu saubhāgyamāyurārogyameva ca ..

13.84.115

vaiṣṇavaṃ padamāpnoti maraṇe sadgatirbhavet .. 53 ..

13.84.116

bhavārbudasahasrāṇi daśa cāṣṭau ca dharmavit ..

13.84.117

na śokaduḥkhadaurgatyaṃ tasya saṃjāyate nṛpa .. 54 ..

13.84.118

nārī vā kurute yā tu viśokadvādaśīmi mām ..

13.84.119

nṛtyagītaparā nityaṃ sāpi tatphalamāpnuyāt .. 55 ..

13.84.120

iti paṭhati ya itthaṃ yaḥ śṛṇotīha samyaṅ madhupuranarakārerarcanaṃ yaśca paśyet ..

13.84.121

matimapi ca janānāṃ yo dadātīndraloke vasati sa vibudhādyaiḥ pūjyamānaḥ sadaiva .. 56 .. ..

13.84.122

iti śrībhaviṣye mahāpurāṇa uttaraparvaṇi śrīkṛṣṇayudhiṣṭhirasaṃvāde viśokadvādaśīvrataṃ nāma caturaśītitamo'dhyāyaḥ .. 84 ..

Linked texts (7)