Pramāṇa · Search · About · API

Bhavishyapurana 3.53

Bhaviṣyapurāṇa 3.53

Language
Sanskrit

3.53.p1

sūryavarṇanam

3.53.1

brahmovāca
tatrāruṇo mayā pūrvaṃ sārathye sanniyojitaḥ .
indreṇa māṭharo nāma vāyunā kalmaṣeṇa tu . . 1

3.53.2

vainateyena tārkṣyopari vimalo nakhatuṇḍapraharaṇaḥ purogāmī niyukta iti . .
kālena daṇḍo mahādaṇḍāyudho bhavatā śeṣā mahāgaṇādhipaḥ . . 2

3.53.3

vaiśākhena rājñā vasubhidāyudhāṅgārikau dvau agninā piṅgalaḥ .
saṃyantā mahādaṇḍāyudho bhavatā śeṣo mahāgaṇādhipaḥ . . 3

3.53.4

hasto yamena pāśahastombupatinā samindhanaḥ .
alakādhipatinā viṣṇuḥ . . 4

3.53.5

aśvibhyāṃ kālopakālau vākṣapradhānakau .
naranārāyaṇābhyāṃ kṣārau dhārau dhiṣaṇakṛṣṇau.. 5

3.53.6

vairājaśaṅkhapālaparjanyarajasāṃ diśāsu vidiśāsu diśāṃ pālanaṃ viśvedevā daduḥ . . 6

3.53.7

saptaitā lokamātaraḥ sarvamaruto'dadan .
oṃkāro vaṣaṭkāro vedanisvanaḥ pinākī vināyakaḥ śeṣo'nanto vāsukiśca nāgasahasreṇātmatulyenādityasya rathamanuyānti 1 . . 7

3.53.8

gāyatrī sāvitrī rathe sthite ubhe sandhye sadā sā devatā yā ravimaṇḍalaṃ nāpaiti2 .
bhagavantaṃ sahasrakiraṇamavalambitum . . 8

3.53.9

etadvai sarvadaivatyaṃ maṇḍalaṃ brahmavādinaṃ brahmayajñavādinīṃ yajñaḥ .
bhagavadbhaktānāṃ paramādityoyaṃ viṣṇurmāheśvarāṇām . . 9

3.53.11

sthānābhimānino hyete sadā vai vṛṣabhadhvaja .
sūryamāpyāyayantyete tejasāṃ teja uttamam . . 1.53.10
grathitaiḥ svairvacobhistu stuvante ṛṣayo ravim .
gandharvāpsarasaścaiva gītanṛtyairupāsate . . 11

3.53.12

viyadbhramaṇato rakṣāṃ kurvaṃti sma iṣugraham .
sarpā vahanti vai sūryaṃ yātudhānāstu yānti ca . . 12

3.53.13

vālakhilyā 1namantyetaṃ paricāryodayādravim .
divaspatiḥ svabhūścobhau agragau yojanasya tu . . 13

3.53.14

bhargo'tha dakṣiṇe pārśve kañjajo vāmataḥ sthitaḥ .
sarve te pṛṣṭhagā jñeyā grahā lokeṣu pūjitāḥ. . . 14

3.53.15

uparāgaśikhī cobhāvagrato nātra saṃśayaḥ .
manuṣyadharmā dakṣiṇata uttareṇa pracetasaḥ . . 15

3.53.16

sambhavanti tathā kṛṣṇa ubhāvetau sadāgragau .
vāmena vītihotrastu pṛṣṭhatastu hariḥ sadā . . 16

3.53.17

rathapīṭhe kṣamā jñeyā antarāle nabhastathā .
āśritya rathajāṃ kāntiṃ khaṃ divaḥ samayaḥ sthitaḥ . . 17

3.53.18

dhvajo daṇḍaśca vijñeyo dhvajāgre vṛṣa eva ca .
ṛddhirvṛddhistathā śrīśca patākā pārvatīpriya . . 18

3.53.19

dhvajadaṇḍāgre garuḍastadagre varuṇālayaḥ .
mainākaśchatradaṇḍastu himavāṃśchatramucyate . . 19

3.53.21

kecidevaṃ vadantīha loke cānye mahāmate .
chatradaṇḍastathā kleśaḥ kleśaṃ chatraṃ vidurbudhāḥ . . 1.53.20
eteṣāmeva devānāṃ yathā vīryaṃ tathā tapaḥ .
yathāyogaṃ tathā sattvaṃ yathā sattvaṃ tathā balam . . 21

3.53.22

tathā tapatyasau sūryasteṣāṃ siddhaḥ svatejasā .
ete tapanti varṣanti yānti viśvaṃ sṛjanti ca . . 22

3.53.23

bhūtānāmaśubhaṃ karma vyapohanti ca kīrtitāḥ .
ete sahaiva sūryeṇa bhramante sānugā divi . . 23

3.53.24

tapantaśca japantaśca hlādayantaśca vai dvijāḥ .
gopāyanti sma bhūtāni iha te hyanukampayā . . 24

3.53.25

prīṇāti devānamṛtena sūryaḥ somena sūktena vivardhayitvā .
śuklena pūrṇā divasakrameṇa taṃ kṛṣṇapakṣe vibudhāḥ pibanti . . 25

3.53.26

pītaṃ hi somaṃ dvikalāvaśeṣaṃ kṛṣṇe tu pakṣe rucibhirjvalantam .
sudhāmṛtaṃ tatpitaraḥ pibanti ūrjāśca saumyāśca tathaiva kalpāḥ . . 26

3.53.27

sūryeṇa gobhiśca samṛddhitābhiradbhiḥ punaścaiva samujjitābhiḥ .
tathauṣadhībhiḥ satataṃ pibanti atyantapānena kṣudhā jayanti . . 27

3.53.28

māsārdhatṛptistu matābhiradbhirmāsena tṛptiḥ svadhayā pitṝṇām .
annena śaśvadvidadhāti martyaṃ tvayaṃ jagaccaiva bibharti gobhiḥ . . 28

3.53.29

ahorātraṃ rathenāsāvekacakreṇa vai bhraman .
saptadvīpasamudrāntāṃ saptabhiśca hayaiḥ saha . . 29

3.53.31

chandobhirvājirūpaistairyataścakraṃ tataḥ sthitaiḥ .
kāmarūpaiḥ sakṛdyuktairantarasthairmanojavaiḥ . . 1.53.30
haribhiravyayairvaśyai kṣudhāśramavivarjitaiḥ .
dvyaśītimaṇḍalaśatamīhantyabdena vai hayāḥ . . 31

3.53.32

bāhyato'bhyantaraṃ caiva maṇḍalaṃ divasakramāt .
kalpādau samprayuktāste vahantyābhūtasamplavam . . 32

3.53.33

āvṛtā bālakhilyaistairbhramanti tānyahāni tu .
grathitaiḥ svairvacobhistu stūyamāno maharṣibhiḥ . . 33

3.53.34

sevyate nṛtyagītaiśca gandharvairapsarogaṇaiḥ .
pataṅgaḥ patagairaśvairvasate bhramayandivi . . 34

3.53.35

vīthyāgryayā vicarate nakṣatrāṇi yathā śaśī .
madhyagāścāmarāvatyāṃ yadā bhavati bhāskaraḥ . . 35

3.53.36

vaivasvate saṃyamane uttiṣṭhandṛśyate tadā .
sukhāyāmardharātraṃ tu vibhāyāmastameti ca . . 36

3.53.37

vaivasvate saṃyamane madhyamastu raviryadā .
sukhāyāmatha vāruṇyāmuttiṣṭhandṛśyate tadā . . 37

3.53.38

rātryardhaṃ cāmarāvatyāmastameti yamasya vai .
somapuryāṃ vibhāyāṃ tu madhyagaścāryamā yadā . . 38

3.53.39

māhendrasyāmarāvatyāmuttiṣṭhati divākaraḥ .
ardharātraṃ saṃyamane vāruṇyāmastameti ca . . 39

3.53.41

evaṃ caturṣu pārśveṣu meroḥ kurvanpradakṣiṇam .
udayāstamane cāsāvuttiṣṭhati punaḥ punaḥ . . 1.53.40
pūrvāhṇe cāparāhṇe ca dvau dvau devālayau punaḥ .
tapatyekaṃ tu madhyāhne tābhireva gabhastibhiḥ . . 41

3.53.42

udito vardhamānābhirāmadhyāhnāttapedraviḥ .
tataḥ paraṃ hrasantībhirgobhirastaṃ niyacchati . . 42

3.53.43

yatrodyandṛśyate sūryaḥ sa teṣāmudayaḥ smṛtaḥ .
praṇāśaṃ gacchate yatra sa teṣāmastamucyate . . 43

3.53.44

evaṃ puṣkaramadhyena tadā sarpati bhāskaraḥ .
triṃśadbhāgaṃ tu medinyā muhūrtena sa gacchati . . 44

3.53.45

yojanāgreṇa saṅkhyāṃ 1 tu muhūrtasya nibodha me .
pūrṇaṃ śatasahasrāśaṃ sahasraṃ tu trilocana . . 45

3.53.46

pañcāśacca tathālpāni sahasrāṇyadhikāni tu .
mauhūrtiko gatirhyeṣā sūryasya tu vidhīyate . . 46

3.53.47

yojanānāṃ sahasre dve dve śate dve ca yojane .
nimeṣāntaramātreṇa divi sūryaḥ prasarpati . . 47

3.53.48

sa śīghrameva paryeti bhāskaro'lātacakravat .
bhramanvai bhramamāṇeṣu ṛkṣeṣu vicaratyasau . . 48

3.53.49

indraḥ pūjayate sūryamuttiṣṭhantaṃ dine dine .
madhyāhne ca yamaḥ paścādastaṃ yāntamapāṃ patiḥ . . 49

3.53.51

somastathārdharātre tu sadā pūjayate ravim .
viṣṇurbhavānahaṃ rudraḥ pūjayāma niśākṣaye . . 1.53.50
evamagnirnirṛtiśca vāyurīśāna eva ca .
pūjayanti krameṇaiva bhramamāṇaṃ divākaram . .
śreyo'rthaṃ devaśārdūla sarve brahmādayaḥ surāḥ . . 51

3.53.53

iti śrībhaviṣye mahāpurāṇe śatārddhasāhasryāṃ saṃhitāyāṃ brāhme parvaṇi rathasaptamīkalpe
sūryagativarṇanaṃ nāma tripañcāśattamo'dhyāyaḥ . 53 .

Linked texts (6)