Bhavishyapurana 4.12

Bhaviṣyapurāṇa 4.12

Language: Sanskrit

4.12.1

pratimālakṣaṇavarṇanam

4.12.2

.. sūta uvāca .. ..

4.12.3

pratimālakṣaṇaṃ vakṣye yathāśāstramataṃ dvijāḥ ..

4.12.4

pratimāṃ lakṣaṇairhīnāṃ gṛhītāṃ naiva pūjayet .. 1 ..

4.12.5

śailajā dārujā tāmrī mṛdbhavā sarvakāmadā ..

4.12.6

ekahastā dvihastā vā sārdhahastā tathāpi vā .. 2 ..

4.12.7

prāsādamānamathavā athavā sarvalakṣaṇam ..

4.12.8

aṣṭāṃgulotsedhakaṃ ca na gehe'rcayetkṛtī .. 3 ..

4.12.9

devāgārasya yaddvāraṃ tasmādaṣṭāṃgulena tu ..

4.12.10

tribhāgapiṃḍikā kāryā dvau bhāgau pratimā bhavet .. 4 ..

4.12.11

aṃgulaṃ vai bhavedvṛddhiraśītiścaturuttarā..

4.12.12

vistāramānataḥ kāryaṃ vadanaṃ dvādaśāṃgulam .. 5 ..

4.12.13

mukhatribhāge cibukaṃ lalāṭaṃ nāsikāṃ tathā ..

4.12.14

karṇau nāsikayā grīvātulyau vā niyatau tu yau .. 6 ..

4.12.15

nayane dvyaṃgule syātāṃ tribhāgā tārakā bhavet ..

4.12.16

tṛtīyatārakābhāge śubhadṛṣṭiṃ vicakṣaṇaḥ .. 7 ..

4.12.17

lalāṭamastakagrīvaṃ kuryāttatsamameva tu ..

4.12.18

pariṇāhastu śiraso bhaveddvātriṃśadaṃgulaḥ .. 8 ..

4.12.19

tulyau nāsikayā grīvā mukhena hṛdayāṃtaram ..

4.12.20

atha vistārapaṃktistu tato'rdhaṃ tu kaṭiḥ sadā .. 9 ..

4.12.21

bāhū ca bāhutulyau ca ūrū jaṃghe ca jāghanam ..

4.12.22

gulphāvasthnastu pādaḥ syāddhāṭitaścaturaṃgulaḥ ..

4.12.23

ṣaḍaṃgulastu vistārastulyāṃguṣṭhoṃ'gulatrayam .. 2.1.12.10 ..

4.12.24

pradeśinī ca tattulyā hīnā śeṣānnakhānakham ..

4.12.25

caturdaśāṃgulaḥ pādasyāyāmaḥ parikīrtitaḥ .. 11 ..

4.12.26

evaṃ lakṣaṇasaṃyuktā sā pūjyā pratimā śubhā ..

4.12.27

adharoṣṭhastathaivorubhrūlalāṭamanīṣikam .. 12 ..

4.12.28

gaṃḍaṃ ca niyataṃ mūrtau kuryādaṃgasamunnateḥ ..

4.12.29

viśālanayanastāmrapado vāyatalocanaḥ .. 13 ..

4.12.30

savitānala patrasya cāruvidyādharastathā ..

4.12.31

vatsaprokto'timukuṭaḥ kaṭakāṃgadahāravān .. 14 ..

4.12.32

abhyaṃgapadabandhādi sāmānyenopaśobhi ca ..

4.12.33

suprabhāmaṃḍalā cāru vicitramaṇikuṇḍalā .. 15 ..

4.12.34

karābhyāṃ kāṃcanīṃ mālāṃ prodvahaṃtīṃ śiroruhān..

4.12.35

evaṃ lakṣaṇasaṃpannāṃ kārayedvihitapradām .. 16 ..

4.12.36

susnigdhāṃ varadāṃ saumyāṃ dvitīyāśramiṇāmimām ..

4.12.37

navatālo bhavedviṣṇurvāsudevastritālakaḥ .. 17 ..

4.12.38

nṛsiṃhaḥ pañcatālaḥ syāddhayagrīvastu paṃcamaḥ ..

4.12.39

nārāyaṇaścāṣṭatālo maheśaḥ pañcatālakaḥ .. 18 ..

4.12.40

navatālā bhaveddurgā lakṣmīścaiva tritālikā ..

4.12.41

vāṇīṃ tritālikāṃ vidyātsavitā saptatālakaḥ .. 19 ..

4.12.42

dakṣiṇe vāsudevasya kare cakraṃ pratiṣṭhitam ..

4.12.43

śaṃkho bhavecca tadadho vāmārdhe tasya vai gadā .. 2.1.12.20 ..

4.12.44

tadadhaśca bhavetpadmaṃ śrīvatsenopaśobhitam ..

4.12.45

savye'rdhe tārakāsyaṃ ca trinetramubhayātmakam .. 21 ..

4.12.46

pārśve nalinasiṃhau dvau subhadrāṃ dakṣiṇe nyaset ..

4.12.47

rukmiṇī vāmabhāge ca tadadhastāddivīṃdrakam .. 22 ..

4.12.48

kṛtāṃjalipuṭasthaśca nāradaḥ kapilastathā ..

4.12.49

dharmādharmāvubhau pārśve kartavyau sragviṇāṃ varau .. 23 ..

4.12.50

yadugraṃ vāsudevasya tathā nārāyaṇasya ca ..

4.12.51

vaiparītyaṃ vijānīyānmādhavānāṃ tathaiva ca .. 24 ..

4.12.52

tīrthe girau taḍāge ca samīpe sthāpayetsudhīḥ ..

4.12.53

nagaragrāmamadhye vā brāhmaṇānāṃ ca saṃsadi .. 25 ..

4.12.54

avimukte viśeṣaṇa siddhakṣetre daśārṇake ..

4.12.55

trīṇyuttarasahasrāṇi paṃcapaṃcottarāṇi ṣaṭ .. 26 ..

4.12.56

kulāni pūrvaṃ vipreṃdrāḥ samuddharati nānyathā ..

4.12.57

kalau dārumayaḥ kāryo hyaśakto mṛnmayotha vā .. 27 ..

4.12.58

caṃdanāgurubhiḥ kuryādbilvaśrīparṇikasya ca ..

4.12.59

padmakāṣṭhamayaścaiva vāmamasya tathaiva hi .. 28 .. ..

4.12.60

iti śrībhaviṣye mahāpurāṇe madhyamaparvaṇi prathamabhāge dvādaśo'dhyāyaḥ .. 12 ..