[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Bhavishyapurana](https://indike.org/pramana/in.purana.bhavisya) › 5.p138 # Bhavishyapurana 5.p138 Bhaviṣyapurāṇa 5.p138 - **Language:** Sanskrit ### [5.p138](https://indike.org/pramana/in.purana.bhavisya.5.p138) śarmapradastvaṃ samare varma sarvāyaso hyasi .. rakṣa māṃ rakṣaṇīyo'haṃ tava varmannamo'stu te .. 68 .. ( iti varmamantraḥ ..) .. dundubhe tvaṃ sapatnānāṃ .ghoṣāddhṛdayakampan .. bhava bhūmipa sainyānāṃ tathā vijayavarddhanaḥ .. 69 .. yathā jīmūtaghoṣeṇa hṛṣyaṃti varavāraṇāḥ .. tathāstu tava śabdena harṣo'smākaṃ mudāvahaḥ ..70.. yathā jīmūtaśabdena strīṇāṃ trāso'bhijāyate .. tathā ca tava śabdena trasyaṃtvasmaddviṣo raṇe..71..( iti duṃdubhimaṃtraḥ ..) sarvāyudha mahāmātra sarvadevārisūdana .. cāpa māṃ sarvadā rakṣa sākaṃ sāyakasattamaiḥ .. 72.. ( iti cāpamantraḥ..) puṇyastvaṃ śaṅkha puṣpāṇāṃ maṅgalānāṃ ca maṅgalam .. viṣṇunā vidhṛto nityaṃ manaḥśāṃtiprado bhava .. 73 .. ( iti śaṅkhamantraḥ ..) śaśāṃkakarasaṃkāśa hima ḍiṃḍīrapāṃḍura .. protsārayāśu duritaṃ cāmarāmaravallabha .. 74 .. ( iti cāmaramaṃtraḥ ..) sarvāyudhānāṃ prathamā nirmitā'si pinākinā .. śūlāyudhādviniṣkṛṣya kṛtvā muṣṭiparigraham .. 75 .. caṃḍikāyāḥ pradattāsi sarvaduṣṭanibarhiṇi .. tathā vistāritā cāsi devānāṃ pratipāditā .. 76 .. - [Previous: 5.p137](https://indike.org/pramana/in.purana.bhavisya.5.p137) - [Next: 5.p139](https://indike.org/pramana/in.purana.bhavisya.5.p139) - [Up: 5](https://indike.org/pramana/in.purana.bhavisya.5) ## Linked texts (1) - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.268.36) — Sanskrit --- Source: [https://indike.org/pramana/in.purana.bhavisya.5.p138](https://indike.org/pramana/in.purana.bhavisya.5.p138) · Pramāṇa