Pramāṇa · Search · About · API

Bhavishyapurana 8.1

Bhaviṣyapurāṇa 8.1

Language
Sanskrit

8.1.12

.. sūta uvāca .. ..
ityuktassa tu vaitālo mahākāleśvarasthitaḥ ..
śivaṃ manasi saṃsthāpya rājñānamidamabravīt..
vikramādityabhūpāla śṛṇu gāthāṃ manoramām ..
vārāṇasī purī ramyā maheśo yatra tiṣṭhati .. 2 ..
cāturvarṇyaprajā yatra pratāpamukuṭo nṛpaḥ ..
mahādevī ca mahiṣī dharmajñasya mahīpateḥ .. 3 ..
tatputro vajramukuṭo maṃtriṇaḥ sutavallabhāḥ ..
ṣoḍaśābde'tha saṃprāpte hayārūḍho vanaṃ gataḥ ..4..
amātyatanayaścaiva buddhidakṣa iti śrutaḥ ..
hayārūḍho gataḥ sārdhaṃ samānavayasā vane ..5..
sa dṛṣṭvā vipinaṃ ramyaṃ mṛgapakṣisamanvitam ..
mumoda vajamukuṭaḥ kāmāśayavaśaṃ gataḥ .. 6 ..
tatra divyaṃ saro ramyaṃ nānāpakṣinināditam ..
tasya kūle śivasthānaṃ munivṛṃdaiḥ prapūjitam .. 7 ..
dṛṣṭvā tatra gatau vīrau paramānaṃdamāpatuḥ ..
etasminnaṃtare bhūpa karaṇāṭakabhūpateḥ .. 8 ..
daṃtavaktrasya tanayā nāmnā padmāvatī matā ..
kāmadevaṃ namaskṛtya kāminī kāmarūpiṇī ..9..
cikrīḍa sakhibhiḥ krīḍāṃ saromadhye manoharā ..
tadā tu vajramukuṭo mandirādāgato bahiḥ .. 3.2.1.10 ..
dṛṣṭvā padmāvatīṃ bālāṃ tulyarūpaguṇānvitām..
mūrcchitaḥ patito bhūmau sā dṛṣṭvā tu mumoha vai .. 11 ..
prabuddho vajramukuṭo māṃ pāhi śivaśaṃkara ..
ityuktvā bhūpatanayaḥ punarbālāṃ dadarśa ha .. 12

8.1.12_1

śirasaḥ padmakusumaṃ sā gṛhītvā tu karṇayoḥ ..

8.1.12_2

kṛtvā cakhāna daśanaiḥ pādayordadhatī punaḥ .. 13 ..

8.1.12_3

punargṛhītvā tatpuṣpaṃ hṛdaye saṃpraveśitam ..

8.1.12_4

iti bhāvaṃ ca sā kṛtvā''libhiḥ sārdhaṃ yayau gṛham .. 14 ..

8.1.12_5

tīrthārthaṃ ca samaṃ pitrā saṃprāptā girijāvane ..

8.1.12_6

tasyāṃ gatāyāṃ sa nṛpo mārabāṇena pīḍitaḥ .. 15 ..

8.1.12_7

mahatīṃ mānasīṃ pīḍāṃ prāptavānmohamāgataḥ ..

8.1.12_8

unmādīva tato bhūtvā khādyapānavivarjitaḥ .. 16 ..

8.1.12_9

dhyātvā padmāvatīṃ bālāṃ maunavratamacīkarat ..

8.1.12_10

tadā kolāhalo jātaḥ pratāpamukuṭāṃtike .. 17 ..

8.1.12_11

kumāraḥ kāṃ daśāṃ prāpta iti hāheti sarvataḥ ..

8.1.12_12

tridināṃte maṃtrisuto buddhi dakṣo viśāradaḥ .. 18 ..

8.1.12_13

abravīdvajramukuṭaṃ satyaṃ kathaya bhūpate ..

8.1.12_14

sa āha kāraṇaṃ sarvaṃ yathā jātaṃ sarovare .. 19 ..

8.1.12_15

tacchrutvā buddhidakṣaśca vihasyāha mahīpatim ..

8.1.12_16

mahākaṣṭena sā devī mitratvaṃ hi gamiṣyati .. 3.2.1.20 ..

8.1.12_17

karaṇāṭakabhūpasya daṃtavaktrasya sā sutā ..

8.1.12_18

padmāvatīti vikhyātā dadhatī tvāṃ svamānase .. 21 ..

8.1.12_19

puṣpabhāvena jñātvāhaṃ tvāṃ nayāmi tadaṃtike ..

8.1.12_20

ityuktvā tasya pitaraṃ pratāpamukuṭaṃ prati .. 22 ..

8.1.12_21

āhājñāṃ dehi bhūpāla yāsyehaṃ kāraṇāṭake ..

8.1.12_22

tvatsutasya cikitsārthaṃ sa vajramukuṭo'ciram .. 23 ..

8.1.12_23

āyāmi nā'tra sandeho yadi jīvayase sutam ..

8.1.12_24

tatheti matvā sa nṛpaḥ prādātputraṃ ca mantriṇe .. 24 ..

8.1.12_25

hayārūḍhau gatau śīghraṃ daṃtavaktrasya pattane ..

8.1.12_26

kācidvṛddhā sthitā tatra tasyā gehaṃ ca tau gatau .. 25 ..

8.1.12_27

bahudravyaṃ dadau tasyai buddhidakṣo viśāradaḥ ..

8.1.12_28

ūṣaturmaṃdire tasminrātriṃ ghoratamovṛtām .. 26 ..

8.1.12_29

prātaḥkāle tu sā vṛddhā gacchatī rājamandiram ..

8.1.12_30

tāmāha mantritanayaḥ śṛṇu mātarvaco mama .. 27 ..

8.1.12_31

padmāvatīṃ ca saṃprāpyaikāṃte madvacanaṃ vada ..

8.1.12_32

jyeṣṭhaśuklasya pañcamyāmiṃduvāre sarovare .. 28 ..

8.1.12_33

yo dṛṣṭaḥ puruṣo ramyastvadarthe samupāgataḥ..

8.1.12_34

iti śrutvā yayau vṛddhā padmaṃ tasyai nyavedayat .. 29 ..

8.1.12_35

ruṣṭā padmāvatī prāha caṃdanārdrāṃgulīyikā ..

8.1.12_36

gaccha gaccha mahāduṣṭe talenorasyatāḍayat ..3.2.1.30 ..

8.1.12_37

aṃgulībhiḥ kapolau ca tasyāḥ spṛṣṭvā yayau gṛham ..

8.1.12_38

sā tu vṛddhā buddhidakṣaṃ sarvaṃ bhāvaṃ nyavedayat .. .. 31 ..

8.1.12_39

sa mitraṃ duḥkhitaṃ prāha śṛṇu mitra śucaṃ tyaja ..

8.1.12_40

tvāmāha bhūpateḥ kanyā prāṇapriya vacaḥ śṛṇu .. 32 ..

8.1.12_41

tvadarthe tāḍitaṃ vakṣaḥ kadā mitraṃ bhaviṣyasi..

8.1.12_42

śrutvā tanmadhuraṃ vākyaṃ rajo dehe samāgatam .. 33 ..

8.1.12_43

rajasvalāṃte bho mitra tavāsyaṃ cuṃbitāsmyaham ..

8.1.12_44

iti śrutvā bhūpasutaḥ paramānandamāyayau .. 34 ..

8.1.12_45

tridināṃte tu sā vṛddhā padmāvatyai nyavedayet ..

8.1.12_46

tvāmutsukaḥ sa bhūpālastava darśanalālasaḥ .. 35 ..

8.1.12_47

taṃ bhajasvādya suśroṇi saphalaṃ jīvanaṃ kuru ..

8.1.12_48

iti śrutvā mahāhṛṣṭā sā masyārdrāṃgulīyakam .. 36 ..

8.1.12_49

gavākṣadvāri niṣkāsya tale pṛṣṭhe ca tāḍitā ..

8.1.12_50

tathaiva vṛddhā taṃ prāpya mantriṇaṃ cābravīdvacaḥ .. 37 ..

8.1.12_51

prasanno buddhidakṣaśca mitraṃ prāha śṛṇuṣva bhoḥ ..

8.1.12_52

paścime diśi bhoḥ svāmingavākṣaṃ tava nirmitam .. 38 ..

8.1.12_53

arddharātre tu saṃprāpya bhaja māṃ kāmavihvalām ..

8.1.12_54

śrutvā tadvajramukuṭaḥ priyādarśanalālasaḥ .. 39 ..

8.1.12_55

yayau śīghraṃ mahākāmī ramaṇīṃ tāmarāmayat ..

8.1.12_56

māsāṃte kāmaśithilo mitradarśanalālasaḥ .. 3.2.1.40 ..

8.1.12_57

padmāvatīṃ priyāṃ prāha śṛṇu vākyaṃ varānane ..

8.1.12_58

yena prāptavatī mahyaṃ tvaṃ subhrūḥ suradurlabhā .. 41 ..

8.1.12_59

tanmitraṃ buddhidakṣaśca kiṃ nu tiṣṭhati sāṃpratam ..

8.1.12_60

ājñāṃ dehi priye mahyaṃ dṛṣṭvāyāsyāmi teṃ'tikam .. 42 ..

8.1.12_61

iti śrutvā vacastasya niṣṭhuraṃ kuliśopamam ..

8.1.12_62

miṣṭānnaṃ saviṣaṃ kṛtvā maṃtriṇe sā nyavedayat .. 43 ..

8.1.12_63

tadā tu buddhidakṣaśca citraguptaprapūjakaḥ ..

8.1.12_64

jñātvā tatkāraṇaṃ sarvaṃ na tu bhakṣitavānsvayam .. 44 ..

8.1.12_65

etasminnantare prāpto bhūpatistvarayānvitaḥ ..

8.1.12_66

vivekavantaṃ mitraṃ taṃ dṛṣṭvā prāha ruṣānvitaḥ .. 45 ..

8.1.12_67

kasmānna khāditaṃ mitra bhojanaṃ matpriyākṛtam ..

8.1.12_68

vihasya buddhidakṣastu sārameye dadau hi tat .. 46 ..

8.1.12_69

bhuktvā sa maraṇaṃ prāptaḥ sa dṛṣṭvā vismito nṛpaḥ ..

8.1.12_70

strīcaritraṃ ca vijñāya snehaṃ tyaktvā'bravīttu tam ..47..

8.1.12_71

mitra gaccha gṛhaṃ śīghraṃ mayā tyaktā ca pāpinī ..

8.1.12_72

sa āha śṛṇu bhūpāla gaccha śīghraṃ priyāṃtikam ..48..

8.1.12_73

tadalaṃkāramāhṛtya triśūlaṃ kuru jānuni ..

8.1.12_74

prasuptāṃ tyaja bho mitra yāhi tvaṃ mā vicāraya .. 49 ..

8.1.12_75

iti śrutvā yayau bhūpastathā kṛtvā samāgataḥ ..

8.1.12_76

svamitreṇa yayau sārdhaṃ smaśāne rudramaṇḍape .. 3.2.1.50 ..

8.1.12_77

śiṣyaṃ kṛtvā nṛpaṃ taṃ sa yogirūpo hi bhūṣaṇam ..

8.1.12_78

vikrayārthaṃ dadau tasmai svamitrāya sa buddhimān .. 51 ..

8.1.12_79

sa vajramukuṭo matvā tadājñāṃ nagaraṃ gataḥ ..

8.1.12_80

coroyamiti taṃ matvā baddhvā rājño hi rakṣiṇaḥ .. 52 ..

8.1.12_81

śīghraṃ nivedayāmāsurdantavaktrastamabravīt ..

8.1.12_82

kva prāptaṃ bhūṣaṇaṃ ramyaṃ sarvaṃ kathaya pūruṣa .. 53 ..

8.1.12_83

jaṭilaḥ prāha bho rājanśmaśāne madguruḥ sthitaḥ ..

8.1.12_84

tena dattaṃ vikrayārthaṃ bhūṣaṇaṃ svarṇaguṃṭhitam .. 54 ..

8.1.12_85

iti śrutvā sa nṛpatistūrṇamāhūya tadgurum ..

8.1.12_86

bhūṣaṇaṃ pṛṣṭavānrājā yogī prāha śṛṇuṣva bhoḥ .. 55 ..

8.1.12_87

smaśāne saṃdhitaṃ maṃtraṃ mayā yogisvarūpiṇā ..

8.1.12_88

piśācī prāpitā kācittasyāścihnaṃ mayā kṛtam .. 56 ..

8.1.12_89

vāmajānuni śūlena tayā dattaṃ hi bhūṣaṇam ..

8.1.12_90

jñātvā tatkāraṇaṃ rājā sutā niṣkāsitā gṛhāt .. 57 ..

8.1.12_91

sa vajramukuṭastāṃ tu gṛhītvā gṛhamāyayau ..

8.1.12_92

vihasya prāha vaitālaḥ śṛṇu vikramabhūpate .. 58 ..

8.1.12_93

kasmai pāpaṃ mahatprāptaṃ caturṇā me vadādhunā ..

8.1.12_94

.. sūta uvāca .. ..

8.1.12_95

iti śrutvā vacastasya vikramo nāma bhūpatiḥ .. 59 ..

8.1.12_96

vihasya bhārgavaṃ prāha prāptaṃ pāpaṃ hi bhūpateḥ ..

8.1.12_97

mitrakāryamamātyena svāmikāryaṃ ca rakṣibhiḥ .. 3.2.1.60 ..

8.1.12_98

bhūpa putreṇārthasiddhaṃ kṛtaṃ tasmācca bhūpateḥ ..

8.1.12_99

mahatpāpaṃ ca saṃprāptaṃ tenāsau narakaṃ gataḥ .. 61 ..

8.1.12_100

rajovatīṃ sutāṃ dṛṣṭvā na vivāheta yo naraḥ ..

8.1.12_101

sa pāpī narakaṃ yāti ṣaṣṭivarṣasahasrakam .. 62 ..

8.1.12_102

gāṃdharvaṃ ca vivāhaṃ vai kāminyā ca kṛtaṃ yayā ..

8.1.12_103

tasyā vighnakaro yo vai sa pāpī yamapīḍitaḥ .. 63 ..

8.1.12_104

adṛṣṭadoṣāṃ yaḥ kanyāṃ vivekena vinā tyajet ..

8.1.12_105

sa pāpī narakaṃ yāti lakṣavarṣapramāṇakam .. 64 ..

8.1.12_106

iti śrutvā? sa vaitālo dharmagāthāṃ nṛperitām ..

8.1.12_107

prasannahṛdayaḥ prāha bhūpatiṃ dharmatatparam ..65 ..

8.1.12_108

iti śrībhaviṣye mahāpurāṇe pratisargaparvaṇi caturyugakhaṇḍāparaparyāye nāma prathamo'dhyāyaḥ .. 1 ..

8.1.12_109

mukuṭopari ṭippaṇī

8.1.12_110

tulanīya - vetālapaṃcaviṃśatiḥ

Discussed in (1)