Bhukhanda 100: atha caturadhikaśatatamo'dhyāyaḥ
Bhūkhaṇḍa 100
- Language
- Sanskrit
atha caturadhikaśatatamo'dhyāyaḥ
100.10
kuñjala uvāca—
gate tasminmahābhāge dattātreye mahāmunau | ājagāma mahārājaḥ śakraprasthapuraṃ prati
indumatyrā gṛhaṃ hṛṣṭaḥ praviveśa śriyā'nvitam | sarvakāmasamṛddhārthaṃ kuberabhavanopamam
cakre rājyaṃ sa medhāvī yathā svargaṃ puraṃdaraḥ | svarbhānusutayā sārdhamindumatyrā dvijottama
sā ca indumatī rājñī garbhamāpa phalāśanāt | dattātreyasya vacanāddivyatejaḥsamanvitam
indumatyrā mahābhāga svapnaṃ dṛṣṭamanuttamam | rātrau devānvitaṃ tāvadbahumaṅgaladāyakam
gṛhāntare viśantaṃ ca puruṣaṃ sūryasaṃnibham | muktāmālānvitaṃ vipraṃ śvetavastreṇa śobhitam
śvetapuṣpakṛtā mālā tasya kaṇṭhe virājate | sarvābharaṇaśobhāṅgo divyagandhānulepanaḥ
caturbhujaḥ śaṅkhapāṇirgadācakrāsidhārakaḥ | chatreṇa dhriyamāṇena candrabimbānukāriṇā
śobhamāno mahātejā divyābharaṇabhūṣitaḥ | hārakaṅkaṇakeyūrairnūpurābhyāṃ virājitaḥ
candrabimbānukārābhyāṃ kuṇḍalābhyāṃ virājitaḥ | evaṃvidho mahāprājñaḥ kaścitpumānsamāgataḥ
100.15
indumatīṃ samāhūya snāpitā payasā tadā | śaṅkhena kṣīrapūrṇena haṃsavarṇena bhāminī(m)
ratnakāñcanabaddhena saṃpūrṇena punaḥ punaḥ | śvetaṃ nāgaṃ surūpaṃ ca sahasraśirasaṃ varam
mahāmaṇisusaṃdīptaṃ jvālāmālāsamākulam | kṣiptaṃ tena mukhaprānte dattaṃ muktāphalaṃ punaḥ
kaṇṭhe tasyāḥ sa deveśa indumatyā mahāyaśāḥ | haste padmaṃ tato dattvā svasthānaṃ prati jagmivān 14
evaṃvidhaṃ mahāsvapnaṃ sā tu dṛṣṭvā sutottama | samācaṣṭe mahābhāgā tamāyuṃ bhūpatiṃ patim
100.16
samākarṇya mahārājaścintayāmāsa vai punaḥ | samāhvaya guruṃ paścātkathitaṃ svapnamuttamam
śaunakam̐ sumahābhāgaṃ sarvajñaṃ jñānināṃ varam
100.17
rājovāca—
adya rātrau mahābhāga mama patnyā dvijottama | vipro gehaṃ viśandṛṣṭaḥ kimidaṃ svapnakāraṇam
100.18
śaunaka uvāca—
varo dattastu te pūrvaṃ dattātreyeṇe dhīmatā | ādiṣṭaṃ ca phalaṃ rājyāṃ suguṇaṃ sutahetave
100.20
tatphalaṃ kiṃ kṛtaṃ rājankasyai tvayā niyojitam | svabhāryāyai mayā dattamiti rājñoditaṃ vacaḥ 19
śrutvovāca mahāprājñaḥ śaunako dvijasattamaḥ | vṛttāntaṃ svapnabhāvena tava gehe sutottamaḥ
100.21
vaiṣṇavāṃśena saṃyukto bhaviṣyati na saṃśayaḥ | svapnasya kāraṇaṃ rājannetatte kathitaṃ mayā
100.22
indropendrasamo rājaṃstava putro bhaviṣyati| putraste sarvadharmātmā somavaṃśasya bhūṣaṇaḥ
100.23
dhanurvede savede ca saguṇo'sau bhaviṣyati | evamuktvā sa rājānaṃ śaunako gatavāngṛham
100.24
harṣeṇa mahatā''viṣṭo rājā'bhūtsaha bhāryayā
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit