Bhukhanda 102

Bhūkhaṇḍa 102

Language: Sanskrit

102.1

kuñjala uvāca —
āyubhāryā mahābhāgā svarbhānostanayā sutam | apaśyantī svakaṃ cāpi devopamamanaupamam

102.2

hāhākāraṃ mahatkṛtvā ruroda varavarṇinī | kena me lakṣaṇopeto hṛto bālaḥ sulakṣaṇaḥ

102.3

tapasā dānayajñaiśca niyamairduṣkaraiḥ sutaḥ | saṃprāpto hi mayā vatsaḥ sakāmairāruṇaiḥ punaḥ

102.4

dattātreyeṇa puṇyena tuṣṭena sumahātmanā | dattaḥ putro hṛtaḥ kena ruroda karuṇānvitā

102.5

hā putra vatsa me tāta hā bāla guṇamandira | kkāsi kenābhinīto'si mama śabdaḥ pradīyatām

102.6

somavaṃśasya sarvasya bhūṣaṇastvaṃ na saṃśayaḥ | kena tvamadya nīto'si mama prāṇaiḥ samanvitaḥ

102.7

surāṅgalakṣaṇairdivyaiḥ saṃpūrṇaḥ kamalekṣaṇaḥ | kenāpyadya hṛto vatsa kiṃ karomi kva yāmyaham

102.8

sphuṭaṃ jānāmyahaṃ karma hyanyajanmani yatkṛtam | nyāsabhaṅgaḥ kṛtaḥ kasya tasmātputro hṛto mama

102.9

[ kiṃvā chalaṃ kṛtaṃ kasya pūrvajanmani pāpayā | karmaṇaḥ kasya vai duḥkhamanubhuāmi nānyathā

102.10

ratnāpahāriṇī jātā putraratnaṃ hṛtaṃ mama] | tasmāddaivena vai divya anaupamyaguṇākaraḥ

102.11

kiṃvā vitarkito vipraḥ karmaṇastasya vai phalam | prāptaṃ mayā na saṃdehaḥ putraśokānvitaṃ bhṛśam

102.12

kiṃvā śiśuvirodhaśca kṛto janmāntare mayā | tasya pāpasya bhujāāmi karmaṇaḥ phalamīdṛśam

102.13

yācamānasya caivāgre vaiśvadevasya karmaṇi | kiṃ vā'pi nārpitaṃ cānnaṃ vyāhṛtibhirhutaṃ dvijaiḥ

102.14

evaṃ suvedanāyuktā svarbhānutanayā tadā | indumatī mahābhāgā śokavihvalitā'bhavat

102.15

patitā mūrcchitā śokādvihvalatvaṃ gatā satī | niḥśvāsaṃ muñcamānā sā vatsahīnā yathā hi gauḥ

āyu rājā'tha śokena duḥkhena mahatā'nvitaḥ | hataṃ śrutvā hi putraṃ tu dhairyaṃ tatyāja pārthivaḥ 16
tapasaśca phalaṃ nāsti nāsti dānasya vai phalam | yasmāddevaṃ hṛtaḥ putrastasmānnāstyatra saṃśayaḥ 17
dattātreyaḥ prasannastu varaṃ me dattavānpurā | ajeyaṃ ca jayopetaṃ putraṃ sarvaguṇānvitam

102.19

tadvarasya prasādāttu kathaṃ vighno hyajāyata | iti cintāparo rājā duḥkhitaḥ praruroddhṛśam

102.7-2

evamābhāṣya rājānamāyuṃ devarṣisattamaḥ | jagāma sahasā tasya paśyataḥ sānugasya ha

102.8-2

gate tasminmahābhāge nārade devasadmani | āyurāgatya tāṃ rājñīṃ tatsarvaṃ vinyavedayat

102.9-2

dattātreyeṇa dattastu putro devavaropamaḥ | saṃ vai rājñi kuśalyāste viṣṇoścaiva prasādataḥ

102.10-2

yenāpyasau hṛtaḥ putraḥ saguṇo me varānane | śirastasya gṛhītvā tu punarevā''gamiṣyati

102.11-2

ityāha nārado bhadre mā kṛthāḥ śokamave ca | tyaja mohaṃ mahāmodaṃ kuru bhadre sukhākaram

102.12-2

bharturvākyaṃ niśamyaivaṃ rājñī indumatī tataḥ | atiharṣānvitā jātā putrasyā''gamanaṃ prati

102.13-2

yathoktaṃ devaṛṣiṇā tattathaiva bhaviṣyati | dattātreyeṇa me dattastanayo hyajarāmaraḥ

102.14-2

bhaviṣyati na saṃdehaḥ pratibhātyevameva hi | ityeva cintayitvā tu nanāma dvijapuṃgavam

102.15-2

namo'stu tasmai pairisiddhidāya atreḥ suputrāya mahātmane ca
yasya prasādena mayā suputraḥ prāptaiḥ supuṇyaśca yaśaḥpradaśca

102.16

evamuktvā tu sā devī virarāma suharṣitā | āgamiṣyantamājñāya nahuṣaṃ tanayaṃ punaḥ

Linked texts (2)

Padmapurāṇa — Vyāsa, Sanskrit
Bhūmikhaṇḍa — Sanskrit