Bhukhanda 107: atha dvādaśādhikaśatatamo'dhyāyaḥ
Bhūkhaṇḍa 107
- Language
- Sanskrit
Contents
- 107.8 — 1 part
atha dvādaśādhikaśatatamo'dhyāyaḥ
107.1
kuñjala uvāca —
tadeva gānaṃ ca surāṅganābhirgītaṃ samākarṇya ca gītakairdhruvaiḥ
samākulā cāpi babhūva tatra sā śaṃbhuputrī paricintayānā
107.2
āsanāttūrṇamutthāya mahotsāhena saṃyutā | tūrṇaṃ gatā varārohā tapobalasamanvitā
107.3
taṃ dṛṣṭvā devasaṃkāśaṃ divyairlakṣaṇasaṃyutam | divyagandhānuliptāṅgaṃ divyamālābhiśobhitam
107.4
divyairābharaṇairvastraiḥ śuśubhe nṛpanandanaḥ | [ dīptimāṃśca yathā sūryo divyalakṣaṇasaṃyutaḥ
107.5
kiṃvā devo mahāprājño gandharvo vā bhaviṣyati | kiṃvā nāgasutaḥ so'yaṃ kiṃvā vidyādharo bhavet
107.6
deveṣu naiva paśyāmi kuto yakṣeṣu jāyate | anayā līlayā devaḥ sahasrākṣo'pi jāyate
107.8
śaṃbhureva bhavetkiṃvā kiṃvā cāyaṃ manobhavaḥ | kiṃvā pituḥ sakhā me syātpau Paulastyo'yaṃ dhanādhipaḥ]
evaṃ samālokayantī balarūpaguṇānvitam | sametya taṃ sakhībhistu rambhādyābhiḥ sthitā'bhavat
107.8.p1
iti śrīmahāpurāṇe pādme bhūmikhaṇḍe venopākhyāne gurutīrthe dvādaśādhikaśatatamo'dhyāyaḥ || 112
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit