Bhukhanda 108: atha trayodaśādhikaśatatamo'dhyāyaḥ
Bhūkhaṇḍa 108
- Language
- Sanskrit
Contents
- 108.46 — 1 part
atha trayodaśādhikaśatatamo'dhyāyaḥ
108.1
rambhovācatapa etatparityajya kimālokayase śubhem̐ | manaḥ saṃrakṣa vai sādhvi puruṣasya vicintanāt
108.2
aśokasundaryuvāca —
manastapasi līnaṃ me nahuṣasyāpi kāmyayā | na vai cālayituṃ śakyaṃ devairapi saheśvaraiḥ
108.3
enaṃ dṛṣṭvā mahābhāge mano me calate bhṛm̐śam | rantumicchāmyahaṃ gatvā evamutkaṇṭhatāṃ gatam
108.4
evaṃ viparyayaścā''sīnmanaso me varānane | tanme tvaṃ kāraṇaṃ brūhi tavāsti jñānamuttamam
108.5
āyoḥ putrasya bhāryā'haṃ devaiḥ sṛṣṭā rmāhātmanaḥ | kasmānme dhāvate ceta utsukaṃ rantumeva ca
108.6
rambhovācasarveṣvevaṃ mahābhāge deharūpeṣu bhāmini | vasatyātmā svayaṃ brahma jñānarūpaḥ sanātanaḥ
108.7
yadyapi prakṛterbhāvairindriyairapakāribhiḥ | mohapāśaśatairbaddhastathā siddhastu sarvadā
108.8
prakṛtirnaiva jānāti tāṃ vai vaijñānikīṃ kalām | ayaṃ śuddhastu dharmajña ātmā vetti ca sundari
108.9
gacchatyapi manastāpa enaṃ dṛṣṭvā mahāmatim | pāpamevaṃ parityajya satyameva pradhāvati
108.10
bhartā'yamāyuputraste tatsatyaṃ ca na saṃśayaḥ | anyaṃ dṛṣṭvā viśaṅketa puruṣaṃ pāpalakṣaṇam
108.11
[ evaṃ vidhiḥ kṛto devaiḥ satyapāśena bandhitaḥ | asyāstu hyāyuputro'pi bhartṛtvamupayāsyati
108.14
evamākarṇitaṃ bhadre hyātmānaṃ cāpi sundari ] | tadbhavaṃ satyasaṃpanno vijñānātmā svayaṃ sthitaḥ12
anyaṃ bhāvaṃ na jānāti hyāyuputraṃ ca vindati | prakṛtirnaiva te devi hyenaṃ jānāti cā''gatam 13
evaṃ jñātvā pradhānātmā tavādyaiva pradhāvati | ātmā sarvaṃ prajānāti ātmā devaḥ sanātanaḥ
108.15
svayameva narendro'yaṃ nahuṣo nāma vīryavān | tasmādgacchati cetaste satyabandhaṃ viśiṣyate
108.17
āyoḥ sutaṃ parijñāya anyaṃ caiva na gacchati | etatte sarvamākhyātaṃ śāśvataṃ tvanmanogatam |i 16
huṇḍaṃ hatvā mahāghoraṃ samare dānavādhamam | tvāṃ nayiṣyati svasthānamāyośca gṛhamuttamam
108.19
hṛto daityena vīrendro nijapuṇyena śeṣataḥ| [†bālyātprabhṛti vīrendro viyuktaḥ svajanena vai ] 18
pitṛmātṛvihīnastu gato vṛddhiṃ mahāvane | yāsyatyeva piturgṛhaṃ tvayaiva saha sāṃpratam
108.20
evamābhāṣitaṃ śrutvā rambhāyāḥ śivanandinī | harṣeṇa mahatā''viṣṭā tāmuvāca tapasvinī
108.21
ayameva sa dharmātmā mama bhartā suvīryavān | mano me dhāvate satyaṃ kāmākulitavihvalam
108.22
nāsti cittasamo devo yo jānāti suniścitam | satyametanmayā dṛṣṭaṃ sucitraṃ cāruhāsini
108.23
manobhavasamānaṃ tu puruṣaṃ divyalakṣaṇam | na(pra)dhāvatyatibhāvena enaṃ dṛṣṭvā yathā sakhi
108.24
tathā na dhāvate bhadre puṃsamanyaṃ na manyate | evaṃ gantavyamāvābhyāṃ sakhībhirgṛhameva hi
108.25
evamābhāṣya sā rambhāṃ gamanāyopacakrame | gamanāyotsukāṃ jñātvā nahuṣasyāntikaṃ prati
tāmuvāca tato rambhā kasmāddevi na gamyate
108.27
sakhyā ca rambhayā sārdhaṃ nahuṣaṃ vīra lakṣaṇam | tasyāntikaṃ tu saṃprāpya preṣayāmāsa tāṃ sakhīm 26
enaṃ gaccha mahābhāge nahuṣaṃ devarūpiṇam | kathayasva kathāmetāṃ tavārthaṃ āgatā yataḥ
108.28
evaṃ sakhi kariṣyāmi supriyaṃ tava suvrate | evamuktvā gatā rambhā nahuṣaṃ rājanandanam
108.29
cāpabāṇadharaṃ vīraṃ dvitīyamiva vāsavam | pratyuvāca gatā rambhā sakhyā vacanamuttamam
108.30
āyuputra mahābhāga rambhā'haṃ samupāgatā | śivasya kanyayā vīra tapasyantyā prayojitā
108.31
tvadarthaṃ devadevena umayā divyayā purā | bhāryāratnaṃ vane sṛṣṭaṃ śreṣṭhaṃ lokeṣu durlabham
108.32
duṣprāpyaṃ ca naraśreṣṭhairdevaiḥ sendraistapodhanaiḥ | gandharvaiḥ pannagaiḥ siddhaiścāraṇaiḥ puṇyalakṣaṇaiḥ
108.33
svayameva samāyātaṃ tavārthe śṛṇu sāṃpratam | strīratnaṃ ca mahāprājña prakṛṣṭaṃ puṇyanirmitam
108.34
aśokasundarī nāma tavārthe tapasi sthitā | atyarthaṃ tu tapastaptaṃ bhavantamicchate sadā
108.35
evaṃ jñātvā mahāprājña bhajamānāṃ bhajasva hi | tvadṛte sā varārohā puruṣaṃ naiva yācate
108.36
nahuṣeṇa tayoktaṃ tu śrutvā tathā'vadhāritam | pratyuttaraṃ dadau cātha rambhe me śrūyatāṃ vacaḥ
108.37
[ tattu sarve vijānāmi yattvayoktaṃ mamāgrataḥ | mamāṃgre kathitaṃ pūrvaṃ vasiṣṭhena mahātmanā
108.38
sarvameva vijānāmi hyasyāstu tapa uttamam | ] śrūyatāṃ vacanaṃ rambhe yena saukhyaṃ bhaviṣyati
108.39
ahatvā dānavaṃ huṇḍaṃ na gacchāmi varānane | sarvametatsuvṛttāntamahaṃ jānāmi caiva hi
108.40
mamārthe tava saṃbhūtistapa ācaritaṃ tvayā | mama bhāryā na saṃdeho bhavatī vidhinā kṛtā
108.41
mamārthe niścayaṃ kṛtvā tapa ācaritaṃ tvayā | hṛtā tasmām̐dupāyena bhavatī niyamasthitā
108.42
sūtikāgṛhādahaṃ tena dānavenādhamena ca | bālabhāvasthito devi pitṛmātṛvinākṛtaḥ
108.44
tasmāttaṃ tu haniṣyāmi [ huṇḍaṃ taṃ dānavādhamam | paścāttvāmupaneṣye'haṃ ] vasiṣṭhasyā''śramaṃ prati
evaṃ kathaya bhadraṃ te rambhe matpriyakāriṇīm | evaṃ visarjitā tena satvaraṃ sā gatā punaḥ
108.45
aśokasundarīṃ devīṃ kathayāmāsa tasya ca | samāsena tathā sarvaṃ rambhā sā dvijasattama
108.46
aśokasundarī bālā hyavadhārya subhāṣitam | nahuṣasyāpi vīrasya harṣeṇa ca samanvitā
108.46.p1
tasthau tatra tayā sārdhaṃ svasakhyā rambhayā tadā | bhartuśca kīdṛśaṃ vīryamiti paśyāmyahaṃ sthitā 47
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit