Pramāṇa · Search · About · API

Bhukhanda 110

Bhūkhaṇḍa 110

Language
Sanskrit

110.1

kuñjala uvāca —
nahuṣaḥ priyayā sārdhaṃ tayā caivāpi rambhayā | aindreṇāpi sudivyena syandanena vareṇa ca

110.2

nāgāhvayaṃ puraṃ prāptaḥ sarvaśobhāsamanvitam | divyamaṇḍapayuktaṃ ca bhavanairupaśobhitam

110.3

hematoraṇagehaiśca patākābhiralaṃkṛtam | nānāvāditrasaṃghoṣairbandicāraṇaśobhitam

110.4

devarūpopamaiḥ puṇyaiḥ puruṣaiḥ samalaṃkṛtam | nārībhirdivyarūpāmirgajāśvaiḥ syandanaistathā

110.5

nānāmaṅgalaśabdaiśca vedadhvanisamākulam | gītavāditraśabdaiśca vīṇāveṇusvanaistathā

110.33

sarvaśobhāsamākīrṇaṃ viveśa sa purottamam | vedamaṅgalaghoṣaiśca brāhmaṇairabhipūjitaḥ
dadarśa pitaraṃ vīro mātaraṃ tāṃ supuṇyakām | harṣeṇa mahatā''viṣṭaḥ pituḥ pādau nanāma saḥ
aśokasundarī sā tu tayoḥ pādau punaḥ punaḥ | nanāma bhaktyā bhāvena cobhayoḥ sā varānanā
rambhā ca sā nanāmāpyadarśayatprītimuttamām | [ namaskṛtya samābhāṣya svaguruṃ nṛpanandanaḥ
anāmayaṃ ca papraccha mātaraṃ pitaraṃ prati | evamukto mahābhāgaḥ sānandapulakodgamaḥ
āyuruvāca—
adyaiva vyādhayo naṣṭā duḥkhaśokāvubhau gatau | bhavato darśanātputra saṃtuṣṭaṃ hṛṣyate jagat ]
kṛtakṛtyo'smi saṃjātastvayi jāte mahaujasi | svavaṃśoddharaṇaṃ kṛtvā hyahameva samuddhṛtaḥ
indumatyuvāca—
parvaṇī prāpya cendostu tejo dṛṣṭvā mahodadhiḥ | vṛddhiṃ yāti mahābhāga tathā'haṃ tava darśanāt
vardhitā'smi suhṛṣṭā'smi hyānndena samākulā | darśanātte mahābhāga dhanyā jātā'smi mānada
evaṃ saṃbhāṣya taṃ putramāliṅgya tanayottamam | śirasyāghrāya tasyāpi vatsaṃ dhenuryathā svakam
abhinandya sutaṃ prāptaṃ naharṣaṃ devarūpakam | āśīrbhiḥ sarvapuṇyābhirdevī cendumatī tathā
sūta uvāca—
athāsau mātaraṃ puṇyaṃ devīmindumatīṃ sutaḥ | kathayāmāsa vṛttāntaṃ yathā cā''havamātmanaḥ
svabhāryāyāstathotpattiṃ prāptiṃ caiva mahāyaśāḥ | huṇḍenāpi yathā yuddhaṃ huṇḍasyāpi nipātanam
samāsena samastaṃ tadākhyātaṃ svayameva hi | mātāpitroryathā cāgre tayorānandadāyakam
mātāpitarāvākarṇya putrasyāpi parākramam | harṣeṇa mahatā''viṣṭau saṃjātau pūrṇamānasau
nahuṣo dhanurūādāya indrasya syandanena ca | jigāya pṛthivīṃ sarvāṃ saptadvīpāṃ sapattanām
pitroḥ samarpayāmāsa vasupūrṇāṃ vasuṃdharām | pitaraṃ harṣayannityaṃ dānadharmaiḥ sukarmabhiḥ
pitaraṃ yājayāmāsa rājasūyādibhistadā | mahāyajñaiḥ sudānaiśca vratairniyamasaṃyamaiḥ
[+sudānaiairyaśasā puṇyairyajñaiḥ puṇyamahodayaiḥ ] | susaṃpūrṇau kṛtau tau tu pitarau cā''yusūnunā
atha devāḥ samāgatya nāgāhvayaṃ purottamam | abhyaṣiñcanmahātmānaṃ nahuṣaṃ vīramardanam
munibhiḥ saha siddhaiśca hyāyunā'nena bhūbhujā | abhiṣicya svarājye taṃ sametaṃ śivakanyayā
bhāryāyuktaḥ sukāyena āyū rājā mahāyaśāḥ | divaṃ jagāma dharmātmā devaiḥ siddhaiḥ supūjitaḥ
aindraṃ padaṃ parityajya brahmalokaṃ gataḥ punaḥ | haralokaṃ jagāmātha sa rājā devapūjitaḥ
svakarmabhirmahārājaḥ suputrasyāpi tejasā | harerlokaṃ jagāmātha sa rājā bhaktasattamaḥ
puruṣaiḥ puṇyaikarmāṇyairyadṛśe puṇya uttame | yatitavyaṃ mahābhāga kimanyaiḥ śokakārakaiḥ
jāto yathā sa dharmātmā nahuṣaḥ pitṛtārakaḥ | kulasya dhartā sarvasya jñānavijñānasaṃyutaḥ
etatte sarvamākhyātaṃ caritaṃ tasya dhīmataḥ | anyatkiṃ te pravakṣyāmi vada putra kapiñjala
evaṃvidhaṃ puṇyamayaṃ caritraṃ variṣṭhametadyaśasā sametam
āyoha sutasyāpi śṛṇoti matyo bhogānsa bhuktvaiti padaṃ murāreḥ

Linked texts (3)