Bhukhanda 111
Bhūkhaṇḍa 111
- Language
- Sanskrit
Contents
- 111.40 — 1 part
111.1
kapiñjala uvāca —
gaṅgāmukhe purā tāta rodamānā varāṅganā | netrābhyāmaśrubindūni patanti ca mahājale
111.2
gaṅgāmadhye nimajjanti bhavanti kamalāni ca | puṇyāni hṛdyarūpāṇi sugandhīni mahānti ca
111.3
asthiśeṣo'tha puruṣo jaṭācīradharaḥ punaḥ | tāni saugandhyayuktāni padmāni vicinoti saḥ
111.4
hemavarṇāni divyāni śivaṃ nītvā samarcayet | sā kā nārī samācakṣva sa vā ko hi mahāmate
111.5
arcayitvā śivaṃ cāpi kasmātpaścātpraroditi | etanme sarvamācakṣva yadyahaṃ tava vallabhaḥ
111.6
kuñjala uvāca —
śṛṇu vatsa pravakṣyāmi vṛttāntaṃ devanirmitam | caritaṃ sarvapāpaghnaṃ viṣṇoścaiva mahātmanaḥ
111.7
yo'sau huṇḍo mahāvīryo nahuṣeṇa hato raṇe | tasya putro mahāvīryo vihuṇḍastapasā'nvitaḥ
111.8
nihataṃ pitaraṃ śrutvā sāmātyaṃ saparicchadam | āyuṣputreṇa dhīreṇa nahuṣeṇa balīyasā
111.9
tapaścacāra saṃkruddho devānhantuṃ samudyataḥ | pauruṣaṃ tasya duṣṭasya tapasā vardhitasya ca
111.10
jānanti devāḥ sarve tu duḥsahaṃ samarāṅgaṇe | huṇḍātmajo vihuṇḍastu trailokyaṃ hantumicchati
111.11
piturvairaṃ kariṣyāmi haniṣye mānavānsurān | evaṃ samudyataḥ pāpī devabrāhmaṇakaṇṭakaḥ
111.12
upadravaṃ samāraṃbhe prajāḥ pīḍayate ca saḥ | tasyaiva tejasā dagdhā devāścendrapurogamāḥ
111.13
śaraṇaṃ devadevasya jagmurviṣṇormahaujasaḥ | devadevaṃ jagannāthaṃ śaṅkhacakragadādharam
111.14
ūcuśca pāhi no nityaṃ vihuṇḍasya mahābhayāt
111.15
viṣṇuruvāca —
vardhanyu devāḥ sarve tu susukhena maheśvarāḥ | vihuṇḍaṃ nāśayiṣyāmi pāpinaṃ devakaṇṭakam
111.16
evamābhāṣya tāndevānmāyāṃ kṛṣṇo vidhāya ca | svayameva sthitastatra nandane sumahāviśu
111.17
māyāmayaṃ cakārātha svakaṃ rūpaṃ guṇānvitam | viṣṇumāyā mahābhāgā sarvaviśvapramohinī
111.18
[+cakāra rūpamatulaṃ viṣṇormāyā pramohinī] | vihuṇḍasya vadhārthāya rūpalāvaṇyaśālinī
111.19
kuñjala uvāca —
sa devānāṃ vadhārthāya divyamārga jagāma ha | nandane tapantīṃ māyāmapaśyadditijeśvaraḥ
111.20
tayā vimohito daityaḥ kāmabāṇakṛtāntaraḥ | ātmanāśaṃ na jānāti kālarūpāṃ varastriyam
111.21
tāṃ dṛṣṭvā taptahemābhāṃ rūpadraviṇaśālinīm | lubdho vihuṇḍaḥ pāpātmā tāmuvāca varāṅganām
111.22
kā'si kā'si varārohe mama cittapramāthinī | saṃgamaṃ dehi me bhadre rakṣa rakṣa varānane
111.23
saṃgamāttava deveśi yaṃ yamicchasi sāṃpratam | taṃ taṃ dadmi mahābhāge durlabhaṃ devadānavaiḥ
111.24
māyovāca—
māmeva bhoktumicchā cedbhāryaṃ me dehi dānava | saptakoṭimitaiścaiva puṣpaiḥ pūjaya śaṃkaram
111.25
kāmodasaṃbhavairdivyaiḥ sugandhairdevadurlabhaiḥ | teṣāṃ puṣpakṛtāṃ mālāṃ mama kaṇṭhe suśobhitām
111.26
āropaya mahābhāga etadbhāryaṃ pradehi me | tadā'haṃ supriyā bhāryā bhaviṣyāmi na saṃśayaḥ
111.28
vihuṇḍa uvāca—
[ evaṃ devi kariṣyāmi varaṃ dadmi prayācitam ] vanāni yāni puṇyāni divyāni ditijeśvaraḥ 27
babhrāma manmathāviṣṭo na paśyati ca taddrumam | kāmodakākhyaṃ papraccha yatra tatra gataḥ svayam
111.29
kāmodako drumo nāsti vadatyevaṃ mahājanaḥ | pṛcchamānaḥ sa duṣṭātmā kāmabāṇaiḥ prapīḍitaḥ
111.30
papraccha bhārgavaṃ gatvā bhaktyā namitakaṃdharaḥ | kāmodakaṃ drumaṃ brūhi kāntaṃ puṣpasamanvitam
111.31
śuka uvāca—
kāmodaḥ pādapo nāsti yoṣidevāsti dānava | yadā sā hasate caiva prasaṅgena praharṣitā
111.33
[†suhāsājjajñire daitya sugandhāni varāṇyupi | sumānyetāni divyāni] kāmodāni na saṃśayaḥ32
atipītāni puṣpāṇi saurabheṇa yutānyapi | tenāpyekena puṣpeṇa yaḥ pūjayati śaṃkaram
111.34
tasyepsitaṃ mahākāmaṃ saṃpūrayati śaṃkaraḥ | tasyāśca rodanā[ deva prabhavanti na saṃśayaḥ
111.37
tādṛśānyeva puṣpāṇi lohitāni mahānti ca | saurabheṇa vinā daitya] teṣāṃ sparśaṃ na kārayet 35
evamākarṇya tasyāpi vākyaṃ śukrasya bhāṣitam | uvāca sā tu kutrā''ste kāmodā bhṛgunandana 36
śuka uvāca—
gaṅgādvāre mahāpuṇye sarvapātakaśodhane | kāmodākhyaṃ puraṃ tatra nirmitaṃ viśvakarmaṇā
111.38
kāmodapattane nārī divyabhogairaṃlakṛtā | tathā cā''bharaṇairbhāti sarvadevaiḥ supūjitā
111.39
tvayā tatraiva gantavyaṃ pūjitavyā varāpsarāḥ | upāyenāpi puṇyena tāṃ prahāsaya dānava
111.40
evamuktvā sa yogīndraḥ śukrastaṃ dānavaṃ prati | virarāma mahātejāḥ svakāryāyodyato'bhavat
111.40.p1
iti śrīmahāpurāṇe pādme bhūmikhaṇḍe venopākhyāne gurutīrthe kāmodākhyānaṃ nāmāṣṭādaśādhikaśatatamo'dhyāyaḥ || 118
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit