Pramāṇa · Search · About · API

Bhukhanda 112: athaikonaviṃśatyadhikaśatatamo'dhyāyaḥ

Bhūkhaṇḍa 112

Language
Sanskrit

Contents

athaikonaviṃśatyadhikaśatatamo'dhyāyaḥ

112.1

kapiñjala uvāca—
etasyā hasanāttāta supuṣpāṇi bhavanti vai | puṇyāni divyagandhīni durlabhāāni surāsuraiḥ

112.2

kasmāttā devatāḥ sarvāḥ pravāñchanti mahāmate | [† śaṃkarastoṣamāyāti hāsyapuṣpaiḥ supūjitaḥ

112.3

ko guṇastasya puṣpasya tanme kathaya vistarāt]| gaṅgāsamāgame puṇye vārāṇasyāśca madhyage

112.4

kāmodā sā bhavetkā tu kasya putrī varāṅganā | hāsāttasyā mahābhāga puṣpāṇi prabhavanti ca

112.5

kiṃguṇaṃ tatphalaṃ brūhi sakalaṃ vistareṇa ca

112.6

kuñjala uvāca —
purā devairmahādaityaiḥ kṛtvā sauhārdamuttamam | amṛtārthe pramathitaṃ sāgaraṃkṣīramudyataiḥ

112.7

mathanāddevadaityānāṃ kanyāratnacatuṣṭayam | varuṇena darśitaṃ pūrvaṃ somenaiva tathā punaḥ

112.8

paścātpradarśitaṃ puṇyamamṛtaṃ kalaśasthitam | kanyācatuṣṭayaṃ tatra devānāṃ hitamicchati

112.10

sulakṣmīrnāma sā caikā dvitīyā vāruṇī tathā | kāmodākhyā hṛtā yā ca śreṣṭhā caiva caturthikā9
tāsāṃ madhye varā śreṣṭhā pūrvaṃ jātā mahāmate | tulasīti samākhyātā loke pūjyā sadaiva hi

112.11

nipānarūpā sarveṣāṃ payaḥphenasamudbhavā | amṛtasya taraṅgācca kāmodākhyā babhūva ha

112.12

somo rājā tathā lakṣmīrjāte tvamṛtādapi | trailokyabhūṣaṇaṃ somaḥ saṃjātaḥ śaṃkarasya hi

112.15

mṛtyurogaharā jātā surāṇāṃ vāruṇī tathā| jyeṣṭhā supuṇyadā jātā lokānāṃ hitamicchatām 13
amṛtādutthitā devī kāmodā nāma puṇyadā | viṣṇoḥ prītyai bhaviṣye tu vṛkṣaruūpaṃ prayāsyati 14
viṣṇuprītikarī sā tu bhaviṣyati sadaiva hi | tulasī nāma sā puṇyā bhaviṣyati na saṃśayaḥ

112.16

tayā saha jagannātho ramiṣyati sadaiva hi | tulasyāḥ patramekaṃ yo nītvā kṛṣṇāya dāsyati

112.17

sa mene'syopakāraṃ tu kimasmai pradadāmyaham | ityevaṃ cintayitvā tu tasya prītikaro bhavet

112.18

evaṃ kāmodanāmā'sau pūrvakanyācatuṣṭaye | yadā sā hasate devī harṣādgadgadabhāṣiṇī

112.20

sauvarṇāni sugandhīni mukhāttasyāḥ patanti ca | amlānāni supuṣpāṇi tāni saṃgṛhya yatnataḥ
yo'rcayecchaṃkaraṃ devaṃ brahmāṇaṃ mādhavaṃ tathā | tasya devāḥ pratuṣyanti yaṃ yamicchati tatpradāḥ

112.22

rodityeṣā yadā sā ca kena duḥkhena duḥkhitā | netrāśrubhyo hi tasyāstu prabhavanti patanti ca
tāni caiva mahābhāga hṛdyāni sumahanti ca | saurabheṇa vinā taistu yaḥ pūjayati śaṃkaram

112.23

tasya duḥkhaṃ ca saṃtāpo jāyate nātra saṃśayaḥ | puṣpaistu tādṛśairdevānsakṛdarcati pāpadhīḥ

112.24

tasya duḥkhaṃ prakurvanti devāstatra na saṃśayaḥ | etatte sarvamākhyātaṃ kāmodākhyānamuttamam

112.25

atha kṛṣṇo vicintyaiva dṛṣṭvā vikramasāhasam | vihuṇḍasyāpi pāpasya udyamaṃ sāhasaṃ tadā

112.26

nāradaṃ preṣayāmāsa mohayainaṃ durāsadam | nāradastava saṃśrutya vākyaṃ viṣṇormahātmanaḥ

112.27

gacchamānaṃ durātmānaṃ kāmodāṃ prati dānavam | gatvā tamāha daityendraṃ nāradaḥ prahasanniva

112.28

kva yāsi tvaṃ hi daityendra satvarastu samāturaḥ | sāṃprataṃ kena kāryeṇa kasyārthaṃ kena noditaḥ

112.29

brahmātmajaṃ namaskṛtya pratyuvāca kṛtāñjaliḥ | kāmodapuṣpārthamahaṃ prasthito'smi dvijottama

112.30

tamuvāca sa dharmātmā puṣpaiḥ kiṃ te prayojanam | vipravaryaṃ punaḥ prāha kāryakāraṇamātmanaḥ

112.31

nandanākhye vane puṇye kācinnārī varānanā | tasyā darśanamātreṇa gato'haṃ kāmavaśyatām

112.32

tayā prokto'smi viprendra puṣpaiḥ kāmodasaṃbhavaiḥ | pūjayasva mahādevaṃ puṣpaistaiḥ saptakoṭibhiḥ

112.34

tataste supriyā bhāryā bhaviṣyāmi ^na saṃśayaḥ | tadarthaṃ prasthito'smyadya kāmodākhyaṃ puraṃ prati 33
tāmahaṃ kāmayiṣyāmi sindhujāṃ śṛṇu sattama | manoharairmahāhāsyairhāsayiṣyāmyahaṃ punaḥ

112.35

prītā satī mahābhāgā hasiṣyati punaḥ punaḥ | tadvāsyaṃ gadgadaṃ vipra mama kāryapravardhanam

112.37

yasyā hāsyātpatiṣyanti divyāni kusumāni ca | taistu devamumākāntaṃ pūjayiṣyāmi sāṃpratam36
tena pūjāpradānena tuṣṭo dāsyati me phalam | īśvaraḥ sarvabhūteśaḥ śaṃkaro lokabhāvanaḥ

112.38

nārada uvāca —
tatra daitya na gantavyaṃ kāmodākhye purottame | viṣṇurasti sa medhāvī sarvvadevajayāvahaḥ

112.39

yenopāyena puṣpāṇi kāmodākhyāni dānava | tava haste prayāsyanti tadupāyaṃ vadāmyaham

112.40

gaṅgātoyeṣu divyāni patitāni na saṃśayaḥ | pravāhasya jalaiḥ puṇyairāgāmiṣyanti sāṃpratam

112.42

tāni tvaṃ pratigṛhāṇa suhṛdyāni mahānti ca | gṛhītvā tāni puṣpāṇi sādhayasva hi vāñchitam
nārado dānavaśreṣṭhaṃ mohayitvā tataḥ punaḥ | cintayāmāsa dharmātmā kathaṃ kāryaṃ mayā'dhunā

112.43

kathamaśrūṇi sā muñcetkenopāyena duḥkhitā | cintayānasya tasyaivaṃ kṣaṇaṃ vai nāradasya ca
tato buddhiḥ samutpannā kāmodākhyaṃ puraṃ gataḥ

112.43.p1

iti śrīmaddmāpurāṇe pādme bhūmikhaṇḍe venopākhyāne gurutīrthe kāmodākhyānaṃ nāmaikonaviṃśatyadhikaśatatamo'dhyāyaḥ || 119

Linked texts (2)