Bhukhanda 16: atha saptadaśo'dhyāyaḥ
Bhūkhaṇḍa 16
- Language
- Sanskrit
Contents
- 16.38 — 2 parts
atha saptadaśo'dhyāyaḥ
16.1
somaśarmovāca -
pūrvajanmakṛtaṃ karma tvayā''khyātaṃ ca me mune | śūdratvena ca viprendra mayaitatparivarjitam
16.2
vipratvaṃ hi mayā prāptaṃ kathaṃ ca dvijasattama | tatsarvaṃ kāraṇaṃ brūhi jñānavijñānapaṇḍita
16.3
vasiṣṭha uvāca ....
yattvayā ceṣṭitaṃ pūrvaṃ karma dharmāśritaṃ dvija | tadahaṃ saṃpravakṣyāmi śrūyatāṃ yadi manyase
16.4
brāhmaṇaḥ kaścidanaghaḥ sadācāraḥ supaṇḍitaḥ | viṣṇubhaktastu dharmātmā nityaṃ dharmaparāyaṇaḥ
16.5
yātrāvyājena tīrthānāṃ bhramatyekaḥ sa medinīm | aṭamānaḥ samāyātastava gehaṃ mahāmuniḥ
16.6
yācitaṃ sthānamekaṃ vai vāsārthaṃ dvijasattama | adya dhanyo'smyahaṃ puṇyamadya tīrthamahaṃ gataḥ
16.7
adya tīrthaphalaṃ prāptaṃ tavādya budha darśanāt | gatvāṃ sthānaṃ varaṃ puṇyaṃ tatra vāsaṃ pradarśitam
16.8
aṅgasaṃvrāhanaṃ kṛtvā pādau caiva sumardditau | kṣālitau ca punastoyaiḥ snātaḥ pādodakena hi
16.9
sadyo ghṛtaṃ dadhi kṣīraṃ takramanaṃ pradattavān | sa tasmai brāhmaṇāyaiva bhavānitthaṃ mahāmate
16.10
evaṃ saṃtoṣito viprastvayaiva saha bhāryayā | puṇyasyārthaṃ mahābhāgo vaiṣṇavo jñānapaṇḍitaḥ
16.11
atha prabhāte saṃbhrāpte dine puṇye śubhāvahe | āṣāḍhasyai tu śu[+ dvasya dvādaśī pāpanāśanī
16.12
tasmindine susaṃprāptā sarvapāta kanāśinī | yasyāṃ devo hṛṣīkeśo yoganidrāṃ pragacchati
16.13
tāṃ prāpya ca tato lokāstyajurbuddhipaṇḍitāḥ] | gṛhasya sarva karmāṇi viṣṇudhyānaratā dvija
16.14
[ utsavaṃ paramaṃ cakrugītamaṅgalavādanaiḥ | ] stavanaṃ brāhmaṇāḥ sarve sūktaiḥ stotraiḥ sumaṅgalaiḥ
16.15
evaṃ mahotsavaṃ prāpya sa ca brāhmaṇasattamaḥ | tasmindine sthitastatra saṃprāptaṃ harivāsaram
16.16
ekādaśyāstu māhātmyaṃ paṭhitaṃ brāhmaṇena vai | bhāryāputraistvayā sārdhaṃ śrutaṃ dharmamanuttamam
16.17
śrute tasminmahāpuṇye [†bhāryāputraistu preritaḥ | saṃsargādasya viprasya vratametatsamācara
16.18
tadākarṇya mahadvākyaṃ sarvapuṇyapradāyakam | vratametatkariṣyāmi iti niścitamānasaḥ]
16.19
bhāryāputraiḥ samaṃ gatvā hṛpuṣaḥ snānaṃ kṛtaṃ tvayā | hṛṣṭena manasā vipra pūjito madhusūdanaḥ
16.20
sarvopahāraiḥ puṇyaiśca gandhairpuṣpādibhistathā | rātrau jāgaraṇaṃ kṛtvā nṛtyagītādibhistathā
16.21
brāhmaṇasya prasaṅgena nadyāḥ snānaṃ kṛtaṃ punaḥ | pūjito devadeveśaḥ puṣpadhūpādimaṅgalaiḥ
16.24
bhaktyā praṇamya govindaṃ snāpayitvā punaḥ punaḥ | nirvāṇadāmbu dattaṃ te brāhmaṇena mahātmanā 22
bhaktyā praṇamya taṃ vipraṃ dattā tasmai sudakṣiṇā | kṛtvā ca pāraṇaṃ vipra putrairbhāryādibhiḥ samam23
toṣitā bhaktitpūrveṇa sadbhāvena tvayaiva saḥ | evaṃ vrataṃ samācīrṇaṃ tvayaiva dvijasattamaḥ
16.25
saṃgatyā brāhmaṇasyaiva viṣṇoścaiva prasādataḥ | bhavānbrāhmaṇatāṃ prāptaḥ satyadharmasamanvitaḥ
16.26
tena vrataprabhāvena tvayā prāptaṃ maham̐tphalam | bhūsuratvaṃ mahābhāga satyadharmasamanvitam
16.27
tasmai tu brāhmaṇāyaiva vaiṣṇavāya mahātmane | śraddhayā satyabhāvena dattamannaṃ susaṃskṛtam
16.28
tena dānaprabhāvena miṣṭānnamupatiṣṭhati | mahāmugdhaiḥ pramugdho'si tṛṣṇayā vyathitaṃ manaḥ
16.29
pūrvajanmani te vipra hyarthameva prasaṃcitam | na dattaṃ brāhmaṇebhyo hi dīneṣvanyeṣu vai tvayā
16.30
dāraputreṣu lobhena mriyamāṇena vai tadā | tasya pāpasya bhāvena dāridryaṃ tvāmupāviśat
16.31
putralobhaṃ parityajya snehaṃ tyaktvā pradūrataḥ | aputravānbhavāñjātastasya pāpasya vai phalam
16.32
suputraṃ ca kulaṃ vipra dhanaṃ dhānyaṃ dharā striyaḥ | sujanma maraṇaṃ caiva subhogāḥ sukhameva ca
16.33
rājyaṃ svargaśca mokṣaśca yadyaddurlabhameva ca | prasādāttasya devasya viṣṇoścaiva mahātmanaḥ
16.35
tasmādārādhya govindaṃ nārāyaṇamaṃtaḥ param | prāpsyasi tvaṃ paraṃ sthānaṃ tadviṣṇoḥ paramaṃ padam 34
suputratvaṃ dhanaṃ dhānyaṃ subhogānsukhameva ca | pūrvajanmakṛtaṃ karma yattvayā pariceṣṭitam
16.36
tanmayā kathitaṃ sarvaṃ tavāgre pariniścitam | evaṃ jñātvā mahābhāga nārāyaṇaparo bhava
16.37
brahmātmajenāpi mahānubhāvaḥ sa vipravaryyaḥ paribodhito hi
harṣeṇa yuktaḥ sumahānubhāvo bhaktyā vasiṣṭhaṃ praṇipatya tatra
16.38
āmantrya vipraṃ sa jagāma gehaṃ tāṃ prāha bhāryā sumanāṃ praharṣitaḥ
sarvaṃ hi vṛttaṃ mamapūrvaceṣṭitaṃ tenaiva vipreṇa tava prasādāt
16.38.p1
bhadre vasiṣṭhena vikāsanītamadyaiva mohaṃ parihṛtya dūrāt
ārādhayiṣye madhusūdanaṃ taṃ yāsyāmi mokṣaṃ paramaṃ padaṃ tat
ākarṇya vākyaṃ paramaṃ mahārthaṃ sumaṅgalaṃ maṅgaladāyakaṃ hi
harṣeṇa yuktā tamuvāca kāntaṃ puṇyo'si viprendra vibodhito'si
16.38.p2
iti śrīmahāpurāṇe pādme bhūmikhaṇḍe sumanopākhyāne saptadaśo'dhyāyaḥ || 17
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit