Bhukhanda 2
Bhūkhaṇḍa 2
- Language
- Sanskrit
Contents
- 2.18 — 1 part
2.1
sūta uvāca-tadādāya mahātmā'sau nirjagāma tvarānvitaḥ | pitṛbhaktyā tapobhiśca satyārjavabalena saḥ
2.2
dharmamākṛṣṭavāṃścaiva dharmaśarmā tatastadā | samākṛṣṭastu vai dharmastapasā tasya dhīmataḥ
2.3
dharmaśarmāṇamāgatya idaṃ vacanamabravīt | yasmāttvayā samāhūto dharmaśarmansamāgataḥ
tanme kathaya kāryaṃ tvaṃ tatkaromi na saṃśayaḥ
2.4
dharmaśarmovāca-yadyasti guruśuśrūṣā yadi niṣṭhā'calaṃ tapaḥ | tena satyena me dharma vedaśarmā sa jīvatu
2.5
dharma uvāca —
dam̐maśaucena satyena tapasā tava suvrata | pitṛbhaktyā tava bhrātā vedaśarmā mahābhujaḥ
punareva mahātmā'sau jīvanaṃ ca labhiṣyati
2.6
tapasā tena tuṣṭo'smi pitṛbhaktyā mahāmate | varaṃ varaya bhadraṃ te durlabhaṃ dharmavittamaiḥ
2.7
evamākarṇitaṃ tena suvākyaṃ dharmaśarmaṇā | vaivasvataṃ mahātmānaṃ tamuvāca mahāyaśāḥ
2.12
dehi me tvacalāṃ bhaktiṃ pituḥ pādārhaṇe punaḥ | dharme ratiṃ tathā mokṣaṃ suprasanno yadā mama
tamuvāca tato dharmo matprasādādbhaviṣyati | evamukte mahāvākye vedaśarmā tadotthitaḥ
prasuptaivanamahāprājño dharmaśarmāṇamabravīt
[ kva sā devī gatā bhrātaḥ kva me tāto bhavediti | samāsena samākhyātaṃ yathā pitrā niyojitaḥ 10
samājñāya tato hṛṣṭo dharmaśarmāṇamabravīt | ] mamādyaiva mahābhāga śirasā jīvitena caṃ
sumukho bhava vai bhrātaḥ ko'nyo me tādṛśo bhuvi | bhrātaraṃ caivamābhāṣya utsukaḥ pitaraṃ prati
2.18
gamanāya matiṃ cakre bhrātrā ca dharmaśarmaṇā | dvāvetau tu gatau tatra pitaraṃ dṛṣṭamānaṃsau
dvābhyāṃ tatra samāsthāya śivaśarmāṇamuttamam | dharmaśarmā tadovāca pitaraṃ dīptisaṃyuktam
mayā'dyaiva mahābhāga taipasā jīvitena ca | vedaśarmā samātītastavaṃ putraṃ pragṛhṇāṇa bhoḥ
śivaśarmā tato hṛṣṭo bhaktiṃ vijñāya tasya ca | na kiṃcidabravīttaṃ tu punarścintāmupeyivān
purato vinayenāpi vartamānaṃ mahāmatim | viṣṇuśarmāṇamābhāṣīdvatsa me vacanaṃ kuru
indralokaṃ vrajasvādya tasmādānaya cāmṛtam | anayā kāntayā sārdhaṃ pātumicchāmi sāṃpratam
2.18.p1
sāgarādyatsamutpannamamṛtaṃ vyādhināśanam | nādhunecchati māmeṣā yathaināṃ tu labhāmyaham
tathā kuruṣva śīghraṃ tvamanyathā'nyaṃ prayāsyati
vṛddhaṃ jñātvā'vamanyeta iyaṃ bālā surūpiṇī | adya devyā'nayā sārdhaṃ priyayā bhuvanatraye
nirdoṣo vyādhinirmukto yathā tāta bhavāmyaham | tathā kuruṣva he vatsa madbhakto'si yedā bhuvi
evamākarṇya tadvākyaṃ pitustasya mahātmanaḥ | viṣṇuśarmā tadovāca pitaraṃ dīptatejasam
sarvametatkariṣyāmi bhavataḥ sukhamuttamam | evamābhāṣya dharmātmā viṣṇuśarmā mahāmatiḥ
pitaraṃ taṃ namaskṛtya punaḥ kṛtvā pradakṣiṇam | balena mahatā tasya tapasā niyamena ca
antarikṣāgataścā''sīdgacchamānasya dhīmataḥ | mahatā vāyuvegena aindraṃ sa pratigacchati(?)
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit