Bhukhanda 23: atha caturviṃśo'dhyāyaḥ
Bhūkhaṇḍa 23
- Language
- Sanskrit
atha caturviṃśo'dhyāyaḥ
23.1
sūta uvāca —
iyaṃ tu kā gāyati cārulocanā vilāsayantī parito vanaṃ ca
atīva śobhāṃ labhate manoharā hyapūrvabhāvaiḥ parimohayantī
23.3
[ dṛṣṭvā sa rambhāṃ kamalāyatākṣīṃ pīnastanīṃ candanacarcitāṅgīm
padmānanā kāmagṛhaṃ na vaiṣā no vā ratiścārumanohareyam ||] 2
saṃpūrṇabhāvāṃ parirūpayuktāṃ kāmāṅgam̐līlāmahimādadhānām
paśyāmi caināṃ ca sukāmamohitāṃ yāsyāmi pṛcchāmi ca kā bhavetsā
23.4
itīva daityaḥ suvicintayānaḥ kaulena mugdhaḥ sa ca kālanoditaḥ
rambhāṃ tu tāṃ tatra jagāma satvaramuvāca vai dīnamanāḥ sulocanām
23.5
kasyāsi vā sundari kena sevitā kiṃ nāma te puṇyatamaṃ vadasva me
tavaiva rūpeṇa mahāhitejasā mugdho'smi bāle mama vaśyatāṃ vraja
23.6
evamuktā viśālākṣī prāha kāmāturaṃ prati | ahaṃ rambhā mahābhāga krīḍārthaṃ vanamuttamam
23.7
sakhībhiḥ sahitā yātā nandanaṃ kāmadaṃ śubham | tvaṃ ca ko vā kimarthaṃ hi mama pārśvamupāgataḥ
23.8
vṛtra uvāca —
śrūyatāmabhidhāsyāmi yo'haṃ bāle samāgataḥ | hutāśanātsamutpannaḥ kaśyapasya sutaḥ śubhe
23.9
sakhā'haṃ devadevasya śakrasyāpi śubhānane | aindraṃ padaṃ varārohe hyarthaṃ me bhuktimāgatam
23.10
ahaṃ vṛtraḥ kathaṃ devi māṃ caivaṃ tvaṃ na vindasi | trailokyaṃ vaśamāyātaṃ paśya me varavarṇini
23.11
ahaṃ śaraṇamāyātaḥ kārmādvacim varānane | ramasva māṃ viśālākṣi kāmenā''kulitaṃ priye
23.12
rambhovācavaśagā'haṃ tavaivādya bhaviṣyāmi na saṃśayaḥ | yadyadvadāmyahaṃ vīra tattatkāryaṃ tvayaiva hi
23.13
evamastu mahābhāge tattatsarvaṃ karomyaham | evaṃ saṃbhāṣaṇaṃ kṛtvā tayā saha mahābalaḥ
23.14
tasminvane mahāpablockuṇye reme dānavasattamaḥ | tasyā gītena nṛtyena hāsyena caॅlitena vā
23.15
atimugdho mahādaityaḥ sa tasyāḥ suratena ca | tamuvāca mahābhoaugaṃ dānavaṃ sā varānanā
23.16
surāpānaṃ kuruṣveti pibasva madhumādhavīm | tāmuvāca viśālākṣīṃ rambhāṃ śaśanibhānanām
23.17
putro'haṃ brāhmaṇasyāpi vedavedāṅgapāragaḥ | surāpānaṃ kathaṃ bhadre kariṣyāmi vininditam
23.19
tayām̐ tu rambhayā devyā prītyā dattā surā haṭhāt | tasyā dākṣiṇyabhāvaistu surāpānaṃ kṛtaṃ tadā 18
atimugdhaḥ surāpānājjñānabhraṣṭo'bhavattadā | tam̐dantare surendreṇa vajreṇa nihatastathā
23.20
brahmahatyādikaiḥ pāpaiḥ sa lipto vṛtrahā tataḥ | brāhmaṇāstu tataḥ procurindra pāpaṃ kṛtaṃ tvayā
23.21
asmadvākyāttu viśvasto vṛtro nāma mahābalaḥ | hato viśvāsabhāvena evaṃ pāpaṃ tvayā kṛtam
23.22
yena kenāpyupāyena hantavyo'riḥ sadaiva hi | devabrāhmaṇahantā ca yajñadharmasya kaṇṭakaḥ
23.23
nihato dānavo duṣṭo lokānāṃ ca vināśakṛt | kimarthaṃ kupitā yūyametannyāyasya lakṣaṇam
23.25
vicāraścāpi kartavyo bhavadbhirdvijasattamāḥ | paścātkāryaṃ prakartavyaṃ nyāyyānyāyyaṃ vicintyatām
evaṃ saṃbodhitā viprā indreṇāpi mahātmanā | brahmādibhiḥ suraiḥ sarvairbodhitāste ca sattamāḥ
jagmuḥ svasthānamevaṃ hi nihate dharmakaṇṭake
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit