Bhukhanda 24: atha pañcaviṃśo'dhyāyaḥ
Bhūkhaṇḍa 24
- Language
- Sanskrit
Contents
- 24.32 — 1 part
atha pañcaviṃśo'dhyāyaḥ
24.1
vṛtraṃ tu nihataṃ śrutvā sā ditirduḥkhapīḍitā | putraśokena tenaiva saṃdagdhā dvijasattamāḥ
24.2
uvāca ca mahātmānaṃ kaśyapaṃ munisattamam | indrasyāpi suduṣṭasya vadhārthaṃ munipuṃgavāḥ
24.3
brahmatejomayaṃ divyaṃ duḥsahaṃ sarvadaivataiḥ | putraikaṃ dātumarho'si supriyā'haṃ yadā vibho
24.4
nihatau balavṛtrau tau mama putrau mahābalau | pāpamāśritya devena indreṇāpi durātmanā
24.5
tasyaiva ca vadhārthāya putramekaṃ dadāmyaham | [†varṣāṇāṃ tu śataikaṃ tvaṃ śucirbhava yaśasvini]
24.6
evamuktvā sa yogīndro hastaṃ śirasi vai tadā | dattvā dityā sahaivāsau gato merostapovanam
24.7
tapa āsthāya sā devī tam̐pantī vahniśālinī | śuciṣmatī sadā bhūtvā putrārthaṃ dvijasattamāḥ
24.8
tato devaiḥ sahasrākṣo jñātvā tasyāstamudyamam | dityāścaivaṃ mahābhāgā antaraprekṣako'bhavat
24.9
pañcaviṃśābdiko bhūtvā devarāḍdeva̍tāpasaḥ | brāhmaṇasya ca rūpeṇa tasyāścāntikamāgataḥ
24.10
sa tāṃ praṇamya dharmātmā mātaraṃ tapasā'nvitām | tayoktastu sahasrākṣo bhavānko dvijasattama
24.11
tāmuvāca sahasrākṣaḥ putro'haṃ tava śobhane | brāhmaṇo vedaviddvāṃśca dharmaṃ jānāmi suvrate
tapasastava sāhāyyaṃ kariṣye nātra saṃśayaḥ
24.12
śuśrūṣati sa caivaṃ hi mātaraṃ tāṃ tapasvinīm | tamindraṃ sā na jānāti āgataṃ duṣṭakāriṇam
24.13
dharmaputraṃ vijānāti śuśrūṣantaṃ dine dine | aṅgaṃ saṃvāhayeddevyāḥ pādau prakṣālayettathā
24.14
phalaṃ puṣpaṃ payaḥ patraṃ valkalājinameva ca | dadātyevaṃ sa dharmātmā prītyā tasyai sadaiva hi
24.15
bhaktyā saṃtoṣitā tasya saṃtuṣṭā tamabhāṣata | putre jāte mahāpuṇya indre ca nihate sati
24.16
kuru rājyaṃ mahābhāgaṃ putreṇa mama daivakam | evamastu mahābhāge tvatprasādācchucismite
24.17
tasyāścaivāntaraṃ prepsurabhavatpākaśāsanaḥ | pūrṇe varṣaśate tasyā dadarśāntaramīśvaraḥ
24.19
akṛtvā pādayoḥ śaucaṃ ditiḥ śayanamāviśat | suptā paścācchiraḥ kṛtvā muktakeśā suvihvalā 18
nidrāmāhārayāmāsa tasyāḥ kukṣiṃ praviśya saḥ | vajrapāṇistato garbhaṃ saptadhā vicakarta ha
24.20
vajreṇa tīkṣṇadhāreṇa ruroda udare sthitaḥ | sa garbhastatra viprendrā indrahastagatena vai
24.21
rudamānaṃ mahāgarbhaṃ tamuvāca punaḥ punaḥ | śatakraturmahātejā mā rodīrityabhāṣata
24.22
[ saptadhā kṛtavāñchakrastaṃ garbhaṃ ditijaṃ punaḥ |] punaḥ sa rodamānaṃ tamekaikaṃ saptadhā'karot
24.23
te vai jātāstu maruto devāḥ sarve mahaujasaḥ | yathā indreṇa vai proktā babhūvurnāmatastathā
24.24
am̐nivāryamahākāyāstīvratejaḥparākramāḥ | ekonāśca babhūvuste pañcāśanmarutastataḥ
24.25
maruto nāma te khyātā indrameva samāśritāḥ | bhūtānāmeva sarveṣāṃ rocayanto jaganmahat
24.26
varaṃ devanikāyeṣu hariḥ prādātprajāpatiḥ | [†kramaśastāni rājyāni pṛthupūvīṇi tāni vai
24.27
sa devaḥ puruṣaḥ kṛṣṇaḥ sarvavyāpī jagadguruḥ | tapojiṣṇurmahātejāḥ sarva ekaḥ prajāpatiḥ]
24.28
parjanyaḥ pāvakaḥ puṇyaḥ sarvātmā sarva eva hi | tasya sarvamidaṃ puṇyaṃ jagatsthāvarajaṅgamam
24.29
bhūtasargamidaṃ samyakśrutvā'tha dvijasattamāḥ | na kiṃcidbhayamastīha paralokabhayaṃ kutaḥ
24.30
imāṃ sṛṣṭiṃ mahāpuṇyāṃ sarvapāpaharāṃ śubhām | yaḥ śṛṇoti naro bhaktyā sarvapāpaiḥ pramucyate
24.32
sa hi dhanyaśca puṇyaśca sa hi satyasamanvitaḥ | yaḥ śṛṇoti imāṃ sṛṣṭiṃ sa yāti paramāṃ gatim 31
sarvapāpaviśuddhātmā viṣṇulokaṃ ca gacchati
24.32.p1
iti śrīmahāpurāṇe pādme bhūmikhaṇḍe marudutpattirnāma pañcaviṃśo'dhyāyaḥ || 25
Linked texts (5)
- Padmapurāṇa — Vyāsa, Sanskrit
- Critical edition (BORI) — Sanskrit
- Brahmapurāṇa — Vyāsa, Sanskrit
- Vulgate (Nīlakaṇṭha's text) — Sanskrit
- Bhūmikhaṇḍa — Sanskrit