Pramāṇa · Search · About · API

Bhukhanda 25: athaikaṣaṣṭitamo'dhyāyaḥ

Bhūkhaṇḍa 25

Language
Sanskrit

athaikaṣaṣṭitamo'dhyāyaḥ

25.1

sūta uvācaṃsa prabhuḥ sarvadevastu hyabhyaṣiñcya tato nṛpam | pṛthuṃ vainasya tanayaṃ sarvarājye mahāprabhuḥ

25.2

mahābāhuṃ mahākāyaṃ yathendraṃ ca sureśvaram | krameṇāpi tato brahmā rājyāni suvicārya hi

25.3

yadyasyāpi bhavedyogyaṃ dātuṃ tadupacakrame | vṛkṣāṇāṃ brāhmaṇānāṃ ca graharkṣāṇāṃ tathaiva ca

25.4

somaṃ rājye'bhyaṣiñcacca tapasāṃ ca mahāmatiḥ | dharmāṇāṃ sarvayajñānāṃ puṇyānāṃ saumyatejasā

25.5

apāṃ madhye tathā devaṃ tīrthānāṃ hi tathaiva ca | varuṇaṃ so'bhyaṣiñcadvai ratnānāṃ ca dvijottama

25.6

anyeṣāṃ sarvayakṣāṇāṃ rājye vaiśravaṇaṃ punaḥ | viṣṇumeva mahāprājñamādityānāṃ pitāmahaḥ

25.7

rājye saṃsthāpayāmāsaṃ tīrthānāṃ hitahetave | sarveṣāmeva puṇyānāṃ dakṣamave prajāpatim

25.8

samarthaṃ sarvadharmajñaṃ prajāpatigaṇeśvaram | daityānāṃ dānavānāṃ ca viṣṇutejaḥsamanvitam

25.9

prahlādaṃ sthāpayāmāsa sa hi rājye prajāpatiḥ | yamaṃ vaivasvataṃ dharme pitṛrājye'bhyaṣiñcayat

25.10

yakṣarākṣasabhūtānāṃ piśācoragarakṣasām | yoginīnāṃ ca sarvāsāṃ [ vetālānāṃ mahātmanām

25.11

kaṅkālāṃ hi sarveṣāṃ kūṣmāṇḍāṃnāṃ tathaiva ca| pārthivānāṃ tu sarveṣāṃ] giriśaṃ śūlapāṇinam

25.12

parvatānāṃ hi sarveṣāṃ himavantaṃ mahāgirim | nadīnāṃ ca taḍāgānāṃ vāpikānāṃ tathaiva ca
[ †kuṇḍānāṃ kūparājye hi divyeṣu ca sureśvaraḥ ]

25.13

sāgarāṇāṃ ca sarveṣāṃ puṣkaraṃ tīrthamuttamam | gandharvāṇāṃ ca sarveṣāṃ puṇyātmānaṃ mahābalam

25.14

nāmnā citrarathaṃ rājye so'bhyaṣiñcatsureśvaraḥ | nāgānāṃ puṇyavīryāṇāṃ vāsukiṃ ca caturmukhaḥ

25.15

sarpāṇāṃ tu tathā rājye'bhyaṣiñcacca sa takṣakam | vāraṇānāṃ tathā rājye sa cairāvaṇamādiśat

25.16

aśvānāṃ caiva sarveṣāmuccaiḥśravasameva ca | pakṣiṇāṃ caiva sarveṣāṃ vainateyamathāpi saḥ

25.18

mṛgāṇāṃ ca tato rājye brahmā siṃhamathā''diśat | govṛṣaṃ tu gavāṃ madhye hyabhyaṣiñcatprajāpatiḥ 17
vanaspatīnāṃ sarveṣāṃ plakṣaṃ rājānamādiśat | evaṃ rājyāni puṇyāni saṃsthāpya sa pitāmahaḥ

25.19

diśāpālāṃstato brahmā sthāpayāmāsa sattamaḥ | vairājasya tathā putraṃ pūrvasyāṃ diśyasiñcayat

25.20

sudhanvānaṃ diśaḥ pālaṃ rājānaṃ so'bhyaṣiñcayat | dakṣiṇasyāṃ mahātmānaṃ kardamasya prajāpateḥ

25.21

putraṃ śaṅkhapadaṃ nāma rājānaṃ so'bhyaṣiñcayat | paścimāyāṃ tathā brahmā varuṇasya prajāpateḥ

25.22

[ putraṃ ca puṣkaraṃ nāma so'bhyaṣiñcatprajāpatiḥ] | uttarasyāṃ diśi brahmā nalakūvarameva ca

25.23

evaṃ caivābhyaṣiñcacca [ †dikpālāṃsta mahaujasaḥ | yairiyaṃ pṛthivī sarvā saptadvīpā sapattanā

25.24

yathāpradeśamadyāpi dharmeṇa paripālyate | pṛthuścaiva mahābhāgo] hyabhiṣikto narādhipaḥ

25.25

rājasūyādibhiḥ sarvairabhiṣiktaḥ sa eva ca | vidhinā vidhidṛṣṭena sa ca rājye mahīpatiḥ

25.26

cākṣuṣe nāmbyatīte tu manau caiva mahaujasi | [ manvantare mahābhāgā devapuṇye hitaiṣiṇi]

25.27

tato vaivasvatāyaiva manave rājyamādiśat | vistaraṃ cāpi vyākhyāsye pṛthoścaiva mahātmanaḥ
yadi yūyaṃ ca viprendrāḥ śuśrūṣatha hyatandritāḥ

25.28

etadeva pratiṣṭhānaṃ mahatpuṇyaṃ prakīrtitam | [ †sarveṣveva purāṇeṣu tvevaṃ hi niścitaṃ sadā]

Linked texts (4)