Pramāṇa · Search · About · API

Bhukhanda 32

Bhūkhaṇḍa 32

Language
Sanskrit

Contents

32.1

ṛṣaya ūcuḥśaptā gandharvamukhyena suśaṅkhena mahātmanā | tasyāḥ śāpaḥ kathaṃ jātaḥ kiṃ kiṃ karma kṛtaṃ tayā

32.2

sā lebhe kīdṛśaṃ putraṃ tasya śāpādvidāṃ vara | sunīthāyāścaritraṃ tu tvaṃ no vistarato vada

32.3

sūta uvāca —
suśaṅkhanāpi tenaiva sā śaptā tanumadhyamā | pituḥ sthānaṃ gatā sā tu sunīthā duḥkhapīḍitā

32.4

svacaritraṃ tadā sarvaṃ pitaraṃ prati cābravīt | śrutvānso'pi dharmātmā mṛtyurdharmavatāṃ varaḥ

32.5

tāmuvāca sunīthāṃ tu sutāṃ śaptāṃ mahātmanā | bhavatī duṣkṛtaṃ pāpaṃ dharmatejaḥpraṇāśanam

32.6

kasmātkṛtavatī bhadre munestasya hi tāḍanam | [†viruddhaṃ sarvalokasya bhavatyā parikalpitam ]

32.7

kāmakrodhavihīnaṃ taṃ suśāntaṃ dharmavatsalam | tapomārgavilagnaṃ ca parabrahmaṇi saṃsthitam

32.8

tameva ghātayedyo vai tasya pāpaṃ śṛṇuṣva hi | pāpātmā jāyate putri kilbiṣaṃ bhuñjate sa hi

32.9

tāḍayantaṃ tāḍayedyaḥ krośantaṃ krośayetpunaḥ | tasya pāpaṃ sa vai bhuṅkte tāḍitasya na saṃśayaḥ

32.10

sa vai śāntaḥ saṃjitātmā tāḍayantaṃ na tāḍayet | nirdoṣaṃ prati yenāpi tāḍanaṃ ca kṛtaṃ sute

32.11

paścānmohena pāpena nirdoṣo'pi ca tāḍayet | pāpaṃ kartuśca yatpāpaṃ nirdoṣaṃ prati gacchati

32.12

tāḍanaṃ naiva tasmāddhi kāryaṃ doṣavato'pi ca | duṣkṛtaṃ ca mahatputri tvayaivaṃ paripālitam

32.13

śaptā tenāpi paścācca tasmātpuṇyaṃ samācara | satāṃ saṃgamamāsādya sadaiva parivartaya

32.14

yogadhyānena dānena parivartaya nityaśaḥ | satāṃ saṅgo mahāpuṇyo bahukṣemapradāyakaḥ

32.15

bāle paśya sudṛṣṭāntaṃ satāṃ saṅgasya yadguṇam | apāṃ saṃsparśanātsnānātpānāddarśanato'pi vā

32.17

munayaḥ siddhimāyānti bāhyābhyantarakṣālitāḥ | auyuṣmanto bhavantyete lokāḥ sarve carācarāḥ
[ api saṃtoṣaśīlaśca mṛdugāmī priyaṃkaraḥ | nirmalo rasavāṃścāsau puṇyavīryo malāpahaḥ

32.18

tathā śānto bhavetputri sarvasaukhyapradāyakaḥ | yathā vahniprasaṅgācca malaṃ tyajati kāñcanam

32.19

tathā satāṃ hi saṃsargātpāpaṃ tyajati mānavaḥ | satyavahnipradīptaśca prajvaletpuṇyatejasā

32.20

satyena dīptimāṃścaiva jñānenāpi sunirmalaḥ | atyuṣṇo dhyānabhāvena hyaspṛśyaḥ pāpajairnaraiḥ

32.21

satyavahneḥ prasaṅgācca pāpendhanaṃ didhakṣati | tasmātsatyasya saṃsargaḥ kartavyo nānyathā tvayā ]

32.22

tasmātputri mahābhāge cintayādhokṣajaṃ harim | pāpabhāvaṃ parityajya puṇyameva samāśraya

32.27

sūta uvāca —
evaṃ pitrā sunīthā sā duḥkhitā pravibodhitā | namaskṛtya pituḥ pādau sā gatā nirjanaṃ vanam
kākrodhau parityajya bālyabhāvaṃ tapasvinī | mohadrohau ca māyāṃ ca tyaktvā caikāntamāsthitā 24
tasyāḥ sakhyaḥ samājagmū rambhādyāstāstaponrvitāḥ| dadṛśustāṃ viśālākṣyaḥ sunīthāṃ duḥkhabhāginīm
dhyāyantīṃ cintayānāṃ tāmūcustāḥ samupāgatāḥ | kasmāccintasi bhadraṃ te tvanayā cintayā'nvitā
saṃtāpakāraṇaṃ brūhi cintā duḥkhapradāyinī | ekaiva sārthakā cintā dharmasyārthe vicintyate

32.29

dvitīyā sārthakā cintā yogināṃ dharmanandini| anyā cānarthakā cintā tāṃ naiva parikalpayet
kaॉrmanāśakarī cintā balatejaḥpraṇāśinī | nāśayetsarvasaukhyaṃ tu rūpahāniṃ pradarśayet

32.31

[ †tṛṣṇāmo hau tathā lobhametāṃścintā hi prāpayet|pāpamutpādayeccintā cintitā ca dine dine 30
cintā vyādhiprakāśā ya narakāya prakalpayet ] | tasmāccintāṃ parityajya cānuvartasva śobhane

32.32

arjitaṃ karmaṇā pūrvaṃ svayameva nareṇa tu | tadeva bhuṅkte'sau janturjñānavānna vicintayet

32.33

tasmāccintāṃ parityajya sukhaduḥkhādikaṃ vada | tāsāṃ tadvacanaṃ śrutvā sunīthā vākyamabravīt

32.33.p1

iti śrīmahāpurāṇe pādme bhūmikhaṇḍe venopākhyāne sunīthācaritaṃ nāma dvātriṃśo'dhyāyaḥ || 32

Linked texts (3)