Bhukhanda 33: atha trayastriṃśo'dhyāyaḥ
Bhūkhaṇḍa 33
- Language
- Sanskrit
atha trayastriṃśo'dhyāyaḥ
33.1
yathā śaptā vane pūrvaṃ suśaṅkhena mahātmanā | tāsu sarvaṃ yathā''khyātaṃ sakhīṣvevaṃ viceṣṭitam
ātmanaśca mahābhāgā duḥkhaināpi prapīḍitā
33.2
sunīthovācaanyaccāhaṃ pravakṣyāmi sakhyaḥ śṛṇvantu sāṃpratam
33.3
madīyāṃ rūpasaṃpattiṃ vayaso guṇasaṃpadam | vipaśyanmāṃ pituścintā saṃjātā mama kāraṇāt
33.4
devebhyo dātukāmo'sau munibhyastu mahāyaśāḥ | svahaste tu nigṛhyaiva devānidamadāharat
33.5
guṇāḍhyeyaṃ sutā bālā mamaivaṃ cārulocanā | dātukāmo'smi bhadraṃ vo guṇine vai mahātmane
33.23
mṝtyorvākyaṃ tato devā ṛṣayaḥ śuśruvustathā | tamūcurbhāpamāṇaṃ te devā indrapurogamāḥ
tava kanyā guṇāḍhyeyaṃ satyānāṃ paramāvadhiḥ | doṣeṇaikena saṃduṣṭā ṛpiāpena tena vai
asyāmutpatsyate putro duṣṭavīryaḥ pumānkila | bhavitā'sau mahāpāpī puṇyavaṃśavināśakaḥ
gaṅgātoyena saṃpūrṇī yathā kumbhaḥ pradṛśyate | surāyā bindunā lipto madyakumbhaḥ prajāyate
pāpasya pāpasaṃsargātkulaṃ pām̐pi prajāyate | āranālasya vai binduḥ kṣīramadhye prayāti cet
paścānnāśayate kṣīramātmarūpaṃ prakāśayet | tasmādvināśayetpuṇyaṃ pāpaputro na saṃśayaḥ
anenaiva hi doṣeṇa taveyaṃ pāpabhāginī | anyasmai dīyatāṃ gaccha devairuktaḥ pitā mama
devaiścāpi sagandharvairṛṣibhiśca mahātmabhiḥ | taiścāpi sa parityaktaḥ pitā me duḥkhapīḍitaḥ
mamāpyevaṃ pratīkāraṃ na kurvanti hi mam̐jjanāḥ | evaṃ pāpamayaṃ karma mayā caiva purā kṛtam
tataścāhaṃ svayatnena vanameva samāśritā | tapa eva cariṣyāmi kariṣye kāyaśoṣaṇam
bhavatībhiḥ supṛṣṭā'haṃ kāryakāraṇameva hi | mama cintānugaṃ karma mayā sakhyaḥ prakāśitam
evamuktvā sunīthā ca mṛtyoḥ kanyā yaśasvinī | virarāma suduḥkhārtā kiṃcinnovāca vai punaḥ 17
duḥkhameva mahābhāge tyājyaṃ kāyavināśanam | nāsti kasya kule doṣo devaiḥ proktaḥ samāśritaiḥ 18
kṣipamuktaṃ purā tena brahmaṇā harisaṃnidhau | devaiścāpi na hi tyakto brahmā pūjyatamo'bhavat
brahmahatyāpramukto'sau devarājo'pi paśyate | devaiḥ sārdhaṃ mahābhāgaistrailokyaṃ paribhuñjati
gautamasya priyāṃ bhāryāmagalyāṃ gatavānpurā | paradārābhigāmitvaṃ devatve parivartate
brahmahatyopamaṃ karma dāruṇaṃ kṛtavānharaḥ | brahmaṇastu kapālena cādyāpi parivartate
deho nipatito (taḥ) paśya nimiśāpena vā punaiḥ | agastyaḥ kumbhasaṃbhūtastrailokyaṃ parikalpayet
33.27
lokasthāśca prajā yasya devādyāśca carācarāḥ | kṛṣṇo bhuṅkte mahāśāpaṃ bhārgaveṇa kṛtaṃ purā
gurudārāngataścandraḥ kṣīṇaścaiva pradṛśyate | bhaviṣyati mahātejā rājarājaḥ pratāpavān
pāṇḍuputro mahāprājño dharmātmā sa yudhiṣṭhiraḥ | guroścaiva vadhārthāya tvanṛtaṃ sa vadiṣyati
eteṣveva mahatpāpaṃ vartitaṃ ca mahatsu ca | vaiguṇyaṃ kasya vai nāsti kasya nāsti kilāñjanam
33.32
bhavatī svalpadoṣeṇa liptā'nena varānane | upakāraṃ kariṣyāmastavaiva varavarṇini
tavāṅge ye guṇāḥ santi satāṃ strīṇāṃ yathā śubhe| anyatrāpi na paśyāmastānguṇāṃścāruvallabhe
rūpamevam̐ varastrīṇāṃ prathamaṃ bhūṣaṇaṃ śubhe | śīlameva dvitīyaṃ ca tṛtīyaṃ satyameva ca
āryatvaṃ ca caturthaṃ ca pañcamaṃ dharmameva hi | ṣaṣṭhaṃ satītvaṃ dṛḍhatā saptamaṃ sāhaso'ṣṭamam
navamaṃ maṅgalaṃ gānaṃ daśamaṃ vyavasāyatā | ekādaśastathā strīṇāṃ kāmādhikyaṃ prakīrtitam
33.33
madhuraṃ vacanaṃ proktaṃ dvādaśaṃ varavarṇini | taistvaṃ 1saṃbhāvitā bāle mā bhairdevi varānane
33.34
yenopāyena te bhartā bhaviṣyati sudharmakṛt | tamupāyaṃ prapaśyāmastvadarthaṃ vayameva hi 2
svasthā bhava mahābhāge mā vai tvaṃ sāhasaṃ kuru
33.35
sūta uvāca —
evamuktā sunīthā tu punarūce sakhīṃstu tāḥ | kathayadhvaṃ mamopāyaṃ yena bhartā bhaviṣyati
33.36
tāmūcustā varā nāryo rambhādyāścārulocanāḥ | rūpamādhuryasaṃyuktā bhavitrī(trī) bhūtivardhinī
33.38
brahmaśāpena saṃbhītā vayamatra samāgatāḥ | [ tāṃ procurhi viśālākṣīṃ mṛtyukanyāṃ sulocanām ]37
vidyāmekāṃ pradāsyāmaḥ puruṣāṇāṃ pramohinīm | sarvamāyāvidāṃ bhadre sarvabhadrapradāyinīm
33.39
vidyābalaṃ tato dadyustasyai tāḥ sukhadāyakam | yaṃ yaṃ mohayituṃ bhadra icchasyevaṃ surādikam
33.41
taṃ taṃ sadyo mohaya vā ityuktā sā tathā'karot | vidyāyāṃ hi susiddhāyāṃ sā sunīthā sunanditā
sametaivai sakhībhistu puruṣānsā vipaśyati | aṭamānā gatā puṇyaṃ nandanaṃ vanamuttamam
33.42
gaṅgātīre tato dṛṣṭvā brāhmaṇaṃ rūpasaṃyutam | sarvalakṣaṇasaṃpannaṃ sūryatejaḥsamaprabham
33.43
rūpeṇāpratimaṃ loke dvitīyamiva manmatham | devarūpaṃ mahābhāgaṃ bhāgyavantaṃ subhāgyadam
33.44
anaupamyaṃ mahātmānaṃ viṣṇutejaḥsamanvitam | vaiṣṇavaṃ sarvapāpaghnaṃ viṣṇutulyaparākramam
kāmakrodhavihīnaṃ tamatrivaṃśavibhūṣaṇam
33.45
dṛṣṭvā svarūpaṃ tapasā tapantaṃ divyaprabhāvaṃ paritapyamānam
papraccha rambhāṃ svasakhīṃ sumohātko'yaṃ diviṣṭapravaro mahātmā
Linked texts (3)
- Padmapurāṇa — Vyāsa, Sanskrit
- Brahmāṇḍapurāṇa — Vyāsa, Sanskrit
- Bhūmikhaṇḍa — Sanskrit