Bhukhanda 35

Bhūkhaṇḍa 35

Language: Sanskrit

35.58 — 2 parts

35.1

sunīthovācasatyamuktaṃ tvayā bhadra evametatkaromyaham| anayā vidyayā vipraṃ mohayiṣyāmi nānyathā

35.2

sāhāyyaṃ dehi me puṇyaṃ yena gacchāmi sāṃpratam| evamuktā tayā rambhā tāmuvāca yaśasvinī

35.3

kīdṛśaṃ dadmi sāhāyyaṃ tattvaṃ kathaya bhāmini| dūtatvaṃ gaccha me bhadra enaṃ prati susāṃpratam

35.4

evamuktvā tu sā rambhāṃ virarāma sulocanā| evametatpratijñātaṃ rambhayā devabhāryayā

35.5

kariṣye tava sāhāyyamādeśo mama dīyatām| sadbhāvena viśālākṣī rūpayauvanaśālinī

35.6

māyayā divyarūprā sā saṃbabhūva varānanā| rūpeṇāpratimā loke mohayantī jagattrayam

35.7

meroścaiva mahāpuṇye śikhare cārukandare| nānādhātusamākīrṇe nānāratnopaśobhite

35.8

devavṛkṣaiḥ samākīrṇe bahupuṣpopaśobhite| [ devavṛndasamākīrṇe gandharvāpsarasevite]

35.9

manohare suramye ca śītacchāyāsamākule| candanānāmaśokānāṃ tarūṇāṃ cāruhāsinī

35.10

dolāyāṃ sā samārūḍhā sarvaśṛṅgāraśobhitā| kauśeyena sunīlena rājamānā varānanā

35.11

atīvaśobhamānena kañcukena dvijottamāḥ| sarvāṅgasundarī bālā vīṇāṃvādanatatparā

35.12

gāyamānā varāṅgī taṃ susvaraṃ suvimohanam| tābhiḥ parivṛtā bālā sakhībhiḥ sumanoharā

35.13

aṅgastu kandare puṇya ekānte dhyānamāsthitaḥ| kāmakrodhavihīnastu dhyāyamāno janārdanam

35.14

sa śrutvā susvaraṃ gītaṃ madhuraṃ sumanoharam| tālamānakriyopetaṃ sarvasattvavikarṣaṇam

35.15

dhyānāccalitacittastu māyāgītena mohitaḥ| samutthāyā''sanāttūrṇaṃ paśyamāno muhurmuhuḥ

35.16

jagāma tatra vegena māyācalitamānasaḥ | dolāsaṃsthāṃ vipaśyaiva vīṇādaṇḍakadhāriṇīm

35.17

hāsyamānāṃ sugāyantīṃ pūrṇacandranibhānanām | mohitastena gītena rūpeṇāpi mahāyaśāḥ

35.18

tasyā lāvaṇyabhāvena manmathasya śarāhataḥ | ākulavyākulo jāto muniputro dvijottamaḥ

35.19

pralapatyatimohena jṛmbhate ca punaḥ punaḥ | svedaḥ kampo'tha saṃtāpastasyāṅge jāyate kṣaṇāt

35.20

muhyate ca mahāmohairglānaḥ skhalitamānasaḥ | vepamānastaṃtaḥ śuṣko dūyamānaḥ samāgataḥ

35.22

tāmālokya viśālākṣīṃ mṛtyoḥ kanyāṃ yaśasvinīm | athovāca mahātmā sa sunīthāṃ cāruhāsinīm
kā tvaṃ kasya varārohe sakhībhiḥ parivāritā | kena kāryeṇa saṃprāptā kena tvaṃ preṣitā vanam

35.23

tavāṅgaṃ sundaraṃ sarvaṃ samābhāti varānane | samācakṣva mamādyaiva prasādasumukhī bhava

35.24

māyāmohena saṃmugdhastasyāḥ karma na vindati | mārgaṇairmanmathasyāpi parividdho mahāmuniḥ

35.25

evaṃvidhaṃ mahadvākyaṃ samākarṇya mahāmateḥ | novāca kiṃcitsā vipraṃ samālokya sakhīmukham

35.27

rambhāyāḥ sā sunīthā tu saṃjñayā paritoṣitā | samuvāca tato rambhā sādaraṃ taṃ dvijottamam 26
iyaṃ kanyā mahābhāgā mṛtyoścāpi mahātmanaḥ | sunīthā suprasiddheyaṃ sarvalakṣaṇasaṃyutā

35.28

patimanveṣate bālā dharmavantaṃ taponidhim | śāntaṃ dāntaṃ mahāprājñaṃ vedavidyāviśāradam

35.30

tāmuvāca tatastvaṅgo rambhāmapsarasāṃ varām | mayā cā''rādhito viṣṇuḥ sarvaviśvamayo hariḥ 29
tena datto varo mahyaṃ putrākhyaḥ sarvasiddhidaḥ | tannimittamahaṃ bhadre sutārthaṃ nityameva ca

35.31

kasyacitpuṇyavīryasya kanyāmekāmacintayam | sadaivārhaṃ na paśyāmi suśubhāmātmanaḥ kvacit

35.32

iyaṃ dharmasya vai kanyā dharmācārā varānanā | māmeva hi bhajatveṣā yadi kāntāmihecchati

35.33

yaṃ yamiccheddiyaṃ bālā taṃ taṃ dadmi na saṃśayaḥ | deyaṃ vā'deyamevāpi tvasyāḥ saṃgamakāraṇāt

35.34

evameva tvayā deyaṃ rambhovāca dvijottamam | [ viprendra tvaṃ śṛṇuṣvaiva mama vākyaṃ ca sāṃpratam

35.35

eṣā naiva tvayā tyājyā dharmapatnī sadaiva hi | asyā doṣaguṇau caiva grāhyau naiva kadā tvayā
ityarthe pratyayaṃ vipra pratyakṣaṃ paridarśaya

35.36

svahastaṃ dehi viprendra satyapratyayadāyakam | evamastu mayā datto hyasyā hasto na saṃśayaḥ

35.37

evaṃ saṃbandhakaṃ kṛtvā satyapratyayakārakam | gāndharveṇa vivāhena sunīthāmupayemivān

35.39

tasmai dattvā sunīthāṃ tāṃ rambhā hṛṣṭena cetasā | sā tāṃ cā''mantrayitvā vai gatā gehaṃ svakaṃ punaḥ
prahṛṣṭacetasaḥ sakhyaḥ svasthānaṃ pratijagmire | gatāsu tāsu sarvāsu sakhīṣu dvijasattamaḥ

35.40

reme tvaṅgastayā sārdhaṃ priyayā bhāryayā saha | tasyāmutpādya putraikaṃ sarvalakṣaṇasaṃyutam

35.41

cakāra nāma tasyaivaṃ venākhyaṃ tanayasya hi | vavṛdhe sa mahātejāḥ sunīthātanayastadā

35.42

vedaśāstramadhītyaiva dhanurvedaṃ guṇānvitam | sarvāṃsāṃ so'pi medhāvī vidyānāṃ pārameyivān

35.43

sa tasya tanayo venaḥ śiṣṭācāreṇa vartate | sa veno brāhmaṇaśreṣṭhāḥ kṣatrācāraparo'bhavat

35.44

divi cendro yathā bhāti sarvatejaḥsamanvitaḥ | sa bhātyevaṃ mahāprājñaḥ svabalena parākramaiḥ

nāhuṣasyāntare prāpte vaivasvatasamāgate | prajāpālaṃ vinā loke prajāḥ sīdanti vai sadā
ṛṣayo dharmatattvajñāḥ prajāhatostapodhanāḥ | cintayanti mahīpālaṃ dharmajñaṃ satyapaṇḍitam
taṃ venameva dadṛśuḥ saṃpannaṃ sarvalakṣaṇaiḥ | prājāpatye pade cainamabhyaṣiñcandvijottamāḥ
abhiṣikte mahābhāge tvaṅgaputre tadā nṛpe | te prajāpatayaḥ sarve jagmuste ca tapovanam
gateṣu teṣu sarveṣu veno rājyaṃ karoti saḥ
sā sunīthā sutaṃ dṛṣṭvā sarvarājyaprasādhakam | viśaṅkate prabhāvena śāpāttasya mahātmanaḥ
mamāpatyo mahābhāgo dharmātmā saṃbhaviṣyati | ityevaṃ cintayennityaṃ pūrvapāpāddiśaṅkitā
dharmāṅgāni supuṇyāni sutāṅge paridarśayet | satyabhāvādikānpuṇyānguṇānsā vai prakāśayet
ityuvāca sutaṃ sā hi cāhaṃ dharmasutā suta | pitā te dharmatattvajñastasmāddharmaṃ samācara
ityevaṃ bodhayennityaṃ putraṃ venaṃ tadā satī | mātāpitrostayorvākyaṃ prajñāyuktaṃ sa pālayet
evaṃ venaḥ prajāpālaḥ saṃjātaḥ kṣitimaṇḍale | lokāḥ sukhena jīvanti prajā dharmeṇa rañjitāḥ
evaṃ rājyaprabhāvaṃ tu venasyāpi mahātmanaḥ | dharmaprabhāvā vartante tasmiñchāsati pārthive
evaṃ venasya vai rājñaḥ sṛṣṭireva mahātmanaḥ | dharmācāraṃ parityajya kathaṃ pāpe matirbhavet
jñānavijñānasaṃpannā munayastattvavedinaḥ | śubhāśubhaṃ vadantyenaṃ tanna syādiha cānyathā
tapyamānena tenāpi suśaṅkena mahātmanā | dattaḥ śāpaḥ kathaṃ viprā na yathāvacca jāyate
venasya pātakācāraṃ sarvameva vadāmyaham
tasmiñchāsati dharmajñe prajāpāle mahātmani | puruṣaḥ kaścidāyāṃto brahmaliṅgadharastadā
nagnarūpo mahākāyaḥ sitamuṇḍo mahāprabhaḥ | mārjanīṃ śikhipatrāṇāṃ kakṣāyāṃ sa hi dhārayan
gṛhītvā pānapātraṃ ca nālikeramayaṃ kare | paṭhamāno marucchāstraṃ vedaśāstravidūṣakam
yatra veno mahārājastatropāyāccarānvitaḥ | sabhāyāṃ tasya venasya praviveśa sa pāpavān
taṃ dṛṣṭvā samanuprāptaṃ venaḥ praśnaṃ tadā'karot | bhavānko hi samāyāta īdṛgrūpadharo mama
sabhāyāṃ vada māmatra tūrṇaṃ kasmātsamāgataḥ | ko veṣaḥ kiṃ tu te nāma ko dharmaḥ karma kiṃ tava
ko vedaste ka ācāraḥ ko nayaḥ kā prabhāvanā | kiṃ jñānaṃ kaḥ prabhāvaste kiṃ satyaṃ dharmalakṣaṇam
tattvaṃ sarvaṃ samācakṣva mamāgre satyameva ca | śrutvā venasya tadvākyaṃ pāpo vākyamudāharat
pāpa uvāca —
karoṣyevaṃ vṛthā bhāvaṃ mahāmūḍho na saṃśayaḥ | ahaṃ dharmasya sarvasvamahaṃ pūjyatamaḥ suraiḥ
ahaṃ jñānamahaṃ satyamahaṃ dhātā sanātanaḥ | ahaṃ dharma ahaṃ mokṣaḥ sarvadevamayo hyaham
brahmadehātsamudbhūtaḥ satyasaṃdho'smi nānyathā | jinarūpaṃ vijānīhi satyadharmakalevaram
mama rūpaṃ hi dhyāyanti yogino jñānatatparāḥ
vena uvāca —
tavaiva kīdṛśo dharmaḥ kiṃ te darśanameva ca | kimācāro vadasvaihi ityuktaṃ tena bhūbhujā
pāpa uvāca —
arhanto devatā yatra nirgrantho gururucyate | dayā vai paramo dharmastatra mokṣaḥ pradṛśyate3
īdṛśo'sminna saṃdehe ācāraṃ pravadāmyaham | yajanaṃ yājanaṃ nāpi vedādhyayanameva ca
nāsti saṃdhyā tapo dānaṃ svadhāsvāhāvivarjitam | havyakavyādikaṃ nāsti nāsti yajñādikā kriyā
pitṝṇāṃ tarpaṇaṃ nāsti nātithivaiśvadevikam | kūm̐ṣṇasya na tathā pūjām̐ hyarhantadhyānamuttamam
evaṃ dharmasamācāro jainamārge pradṛśyate | etatte sarvamākhyātaṃ jainadharmasya lakṣaṇam
vena uvāca —
vede prokto yathā dharmo yatra yajñādikāḥ kriyāḥ | pitṝṇāṃ tarpaṇaṃ śrāddhaṃ vaiśvadevaṃ na dṛśyate

35.22-2

na dānaṃ na tapo vā'sti kiṃ vai dharmasya lakṣaṇam | vada satyaṃ mamāgre tvaṃ dayādharmaśca kīdṛśaḥ

35.25-2

pāpa uvāca —
pañcatattvamayaṃ6dbho'yaṃ prāṇināṃ kāya eva ca | ātmām̐ vāyusvarūpo'yaṃ teṣāṃ nāsti prasaṅgataḥ
yathā jaleṣu bhūtānāmapi saṅgamavehi tat | jāyate budbudākāraṃ tadbhūtasamāgamaḥ
pṛthvībhāvo rajaḥsthastu cā''pastatraiva saṃsthitāḥ | jyotistatra pradṛśyeta vāyum̐rāvartate ca trīn

35.29

ākāśamāvṛṇotpaścām̐dbudbudatvaṃ prajāyate | apsu madhye prabhālyeva sutejo vartulaṃ param
kṣaṇamātraṃ pradṛśyeta tatkṣaṇaṃ naiva dṛśyate | tadbhūtasamāyogaḥ sarvatra paridṛśyate
antakāle prayātyātmā pañca pañcasu yānti te | mohamugdhāstato martyā vartante ca parasparam
śrāddhaṃ kurvanti mohena kṣayāhe pitṛtarpaṇam | kā''ste mṛtaḥ samaśnāti kīdṛśo'sau narottamaḥ

35.31-2

kiṃ jñānaṃ kīdṛśaṃ kāryaṃ kena dṛṣṭaṃ vadasva naḥ | miṣṭamannaṃ prabhuktavā tu tṛptiṃ yānti ca brāhmaṇāḥ 30
kasya śrāddhaṃ pradīyeta sā tu śraddhā nirarthikā | anyadevaṃ pravakṣyāmi vedānāṃ karma dāruṇam

35.32-2

yadā'tithirgṛhaṃ yāti bhojanaṃ labhate dhruvam | tadā cā''hatya rājendra atithiṃ paribhojayet

35.37-2

aśvamedhe makhe tvaśvaṃ gomedhe vṛṣameva ca | naramedhe naraṃ rājanvājapeye tathā hyajam
rājasūye mahārāja prāṇināṃ ghātanaṃ bahu | puṇḍarīke gajaṃ hanyāddhajamedhe tu kuñjaram
sautrāmaṇyāṃ paśuṃ medhyamevameva pradṛśyate | nānārūpeṣu sarveṣu śrūyatāṃ nṛpanandana
nānājātiviśeṣāṇāṃ paśūnāṃ ghātanaṃ smṛtam‌ | kasmāddhi dīyate dānaṃ kiṃ nu dānasya lakṣaṇam‌ 36
na dattamuktaṭaṃ jñeyaṃ kriyate yadi bhojanam‌ | atyantadoṣahīnāṃstānhisanti yānmahāmakhe

Linked texts (2)

Padmapurāṇa — Vyāsa, Sanskrit
Bhūmikhaṇḍa — Sanskrit

Bhukhanda 35

Contents

Linked texts (2)