[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Bhukhanda](https://indike.org/pramana/in.purana.bhukhanda) › 35 # Bhukhanda 35 Bhūkhaṇḍa 35 - **Language:** Sanskrit ## Contents - [35.58](https://indike.org/pramana/in.purana.bhukhanda.35.58) — 2 parts ### [35.1](https://indike.org/pramana/in.purana.bhukhanda.35.1) sunīthovācasatyamuktaṃ tvayā bhadra evametatkaromyaham| anayā vidyayā vipraṃ mohayiṣyāmi nānyathā ### [35.2](https://indike.org/pramana/in.purana.bhukhanda.35.2) sāhāyyaṃ dehi me puṇyaṃ yena gacchāmi sāṃpratam| evamuktā tayā rambhā tāmuvāca yaśasvinī ### [35.3](https://indike.org/pramana/in.purana.bhukhanda.35.3) kīdṛśaṃ dadmi sāhāyyaṃ tattvaṃ kathaya bhāmini| dūtatvaṃ gaccha me bhadra enaṃ prati susāṃpratam ### [35.4](https://indike.org/pramana/in.purana.bhukhanda.35.4) evamuktvā tu sā rambhāṃ virarāma sulocanā| evametatpratijñātaṃ rambhayā devabhāryayā ### [35.5](https://indike.org/pramana/in.purana.bhukhanda.35.5) kariṣye tava sāhāyyamādeśo mama dīyatām| sadbhāvena viśālākṣī rūpayauvanaśālinī ### [35.6](https://indike.org/pramana/in.purana.bhukhanda.35.6) māyayā divyarūprā sā saṃbabhūva varānanā| rūpeṇāpratimā loke mohayantī jagattrayam ### [35.7](https://indike.org/pramana/in.purana.bhukhanda.35.7) meroścaiva mahāpuṇye śikhare cārukandare| nānādhātusamākīrṇe nānāratnopaśobhite ### [35.8](https://indike.org/pramana/in.purana.bhukhanda.35.8) devavṛkṣaiḥ samākīrṇe bahupuṣpopaśobhite| \[ devavṛndasamākīrṇe gandharvāpsarasevite\] ### [35.9](https://indike.org/pramana/in.purana.bhukhanda.35.9) manohare suramye ca śītacchāyāsamākule| candanānāmaśokānāṃ tarūṇāṃ cāruhāsinī ### [35.10](https://indike.org/pramana/in.purana.bhukhanda.35.10) dolāyāṃ sā samārūḍhā sarvaśṛṅgāraśobhitā| kauśeyena sunīlena rājamānā varānanā ### [35.11](https://indike.org/pramana/in.purana.bhukhanda.35.11) atīvaśobhamānena kañcukena dvijottamāḥ| sarvāṅgasundarī bālā vīṇāṃvādanatatparā ### [35.12](https://indike.org/pramana/in.purana.bhukhanda.35.12) gāyamānā varāṅgī taṃ susvaraṃ suvimohanam| tābhiḥ parivṛtā bālā sakhībhiḥ sumanoharā ### [35.13](https://indike.org/pramana/in.purana.bhukhanda.35.13) aṅgastu kandare puṇya ekānte dhyānamāsthitaḥ| kāmakrodhavihīnastu dhyāyamāno janārdanam ### [35.14](https://indike.org/pramana/in.purana.bhukhanda.35.14) sa śrutvā susvaraṃ gītaṃ madhuraṃ sumanoharam| tālamānakriyopetaṃ sarvasattvavikarṣaṇam ### [35.15](https://indike.org/pramana/in.purana.bhukhanda.35.15) dhyānāccalitacittastu māyāgītena mohitaḥ| samutthāyā''sanāttūrṇaṃ paśyamāno muhurmuhuḥ ### [35.16](https://indike.org/pramana/in.purana.bhukhanda.35.16) jagāma tatra vegena māyācalitamānasaḥ | dolāsaṃsthāṃ vipaśyaiva vīṇādaṇḍakadhāriṇīm ### [35.17](https://indike.org/pramana/in.purana.bhukhanda.35.17) hāsyamānāṃ sugāyantīṃ pūrṇacandranibhānanām | mohitastena gītena rūpeṇāpi mahāyaśāḥ ### [35.18](https://indike.org/pramana/in.purana.bhukhanda.35.18) tasyā lāvaṇyabhāvena manmathasya śarāhataḥ | ākulavyākulo jāto muniputro dvijottamaḥ ### [35.19](https://indike.org/pramana/in.purana.bhukhanda.35.19) pralapatyatimohena jṛmbhate ca punaḥ punaḥ | svedaḥ kampo'tha saṃtāpastasyāṅge jāyate kṣaṇāt ### [35.20](https://indike.org/pramana/in.purana.bhukhanda.35.20) muhyate ca mahāmohairglānaḥ skhalitamānasaḥ | vepamānastaṃtaḥ śuṣko dūyamānaḥ samāgataḥ ### [35.22](https://indike.org/pramana/in.purana.bhukhanda.35.22) tāmālokya viśālākṣīṃ mṛtyoḥ kanyāṃ yaśasvinīm | athovāca mahātmā sa sunīthāṃ cāruhāsinīm kā tvaṃ kasya varārohe sakhībhiḥ parivāritā | kena kāryeṇa saṃprāptā kena tvaṃ preṣitā vanam ### [35.23](https://indike.org/pramana/in.purana.bhukhanda.35.23) tavāṅgaṃ sundaraṃ sarvaṃ samābhāti varānane | samācakṣva mamādyaiva prasādasumukhī bhava ### [35.24](https://indike.org/pramana/in.purana.bhukhanda.35.24) māyāmohena saṃmugdhastasyāḥ karma na vindati | mārgaṇairmanmathasyāpi parividdho mahāmuniḥ ### [35.25](https://indike.org/pramana/in.purana.bhukhanda.35.25) evaṃvidhaṃ mahadvākyaṃ samākarṇya mahāmateḥ | novāca kiṃcitsā vipraṃ samālokya sakhīmukham ### [35.27](https://indike.org/pramana/in.purana.bhukhanda.35.27) rambhāyāḥ sā sunīthā tu saṃjñayā paritoṣitā | samuvāca tato rambhā sādaraṃ taṃ dvijottamam 26 iyaṃ kanyā mahābhāgā mṛtyoścāpi mahātmanaḥ | sunīthā suprasiddheyaṃ sarvalakṣaṇasaṃyutā ### [35.28](https://indike.org/pramana/in.purana.bhukhanda.35.28) patimanveṣate bālā dharmavantaṃ taponidhim | śāntaṃ dāntaṃ mahāprājñaṃ vedavidyāviśāradam ### [35.30](https://indike.org/pramana/in.purana.bhukhanda.35.30) tāmuvāca tatastvaṅgo rambhāmapsarasāṃ varām | mayā cā''rādhito viṣṇuḥ sarvaviśvamayo hariḥ 29 tena datto varo mahyaṃ putrākhyaḥ sarvasiddhidaḥ | tannimittamahaṃ bhadre sutārthaṃ nityameva ca ### [35.31](https://indike.org/pramana/in.purana.bhukhanda.35.31) kasyacitpuṇyavīryasya kanyāmekāmacintayam | sadaivārhaṃ na paśyāmi suśubhāmātmanaḥ kvacit ### [35.32](https://indike.org/pramana/in.purana.bhukhanda.35.32) iyaṃ dharmasya vai kanyā dharmācārā varānanā | māmeva hi bhajatveṣā yadi kāntāmihecchati ### [35.33](https://indike.org/pramana/in.purana.bhukhanda.35.33) yaṃ yamiccheddiyaṃ bālā taṃ taṃ dadmi na saṃśayaḥ | deyaṃ vā'deyamevāpi tvasyāḥ saṃgamakāraṇāt ### [35.34](https://indike.org/pramana/in.purana.bhukhanda.35.34) evameva tvayā deyaṃ rambhovāca dvijottamam | \[ viprendra tvaṃ śṛṇuṣvaiva mama vākyaṃ ca sāṃpratam ### [35.35](https://indike.org/pramana/in.purana.bhukhanda.35.35) eṣā naiva tvayā tyājyā dharmapatnī sadaiva hi | asyā doṣaguṇau caiva grāhyau naiva kadā tvayā ityarthe pratyayaṃ vipra pratyakṣaṃ paridarśaya ### [35.36](https://indike.org/pramana/in.purana.bhukhanda.35.36) svahastaṃ dehi viprendra satyapratyayadāyakam | evamastu mayā datto hyasyā hasto na saṃśayaḥ ### [35.37](https://indike.org/pramana/in.purana.bhukhanda.35.37) evaṃ saṃbandhakaṃ kṛtvā satyapratyayakārakam | gāndharveṇa vivāhena sunīthāmupayemivān ### [35.39](https://indike.org/pramana/in.purana.bhukhanda.35.39) tasmai dattvā sunīthāṃ tāṃ rambhā hṛṣṭena cetasā | sā tāṃ cā''mantrayitvā vai gatā gehaṃ svakaṃ punaḥ prahṛṣṭacetasaḥ sakhyaḥ svasthānaṃ pratijagmire | gatāsu tāsu sarvāsu sakhīṣu dvijasattamaḥ ### [35.40](https://indike.org/pramana/in.purana.bhukhanda.35.40) reme tvaṅgastayā sārdhaṃ priyayā bhāryayā saha | tasyāmutpādya putraikaṃ sarvalakṣaṇasaṃyutam ### [35.41](https://indike.org/pramana/in.purana.bhukhanda.35.41) cakāra nāma tasyaivaṃ venākhyaṃ tanayasya hi | vavṛdhe sa mahātejāḥ sunīthātanayastadā ### [35.42](https://indike.org/pramana/in.purana.bhukhanda.35.42) vedaśāstramadhītyaiva dhanurvedaṃ guṇānvitam | sarvāṃsāṃ so'pi medhāvī vidyānāṃ pārameyivān ### [35.43](https://indike.org/pramana/in.purana.bhukhanda.35.43) sa tasya tanayo venaḥ śiṣṭācāreṇa vartate | sa veno brāhmaṇaśreṣṭhāḥ kṣatrācāraparo'bhavat ### [35.44](https://indike.org/pramana/in.purana.bhukhanda.35.44) divi cendro yathā bhāti sarvatejaḥsamanvitaḥ | sa bhātyevaṃ mahāprājñaḥ svabalena parākramaiḥ ### [35.21](https://indike.org/pramana/in.purana.bhukhanda.35.21) nāhuṣasyāntare prāpte vaivasvatasamāgate | prajāpālaṃ vinā loke prajāḥ sīdanti vai sadā ṛṣayo dharmatattvajñāḥ prajāhatostapodhanāḥ | cintayanti mahīpālaṃ dharmajñaṃ satyapaṇḍitam taṃ venameva dadṛśuḥ saṃpannaṃ sarvalakṣaṇaiḥ | prājāpatye pade cainamabhyaṣiñcandvijottamāḥ abhiṣikte mahābhāge tvaṅgaputre tadā nṛpe | te prajāpatayaḥ sarve jagmuste ca tapovanam gateṣu teṣu sarveṣu veno rājyaṃ karoti saḥ sā sunīthā sutaṃ dṛṣṭvā sarvarājyaprasādhakam | viśaṅkate prabhāvena śāpāttasya mahātmanaḥ mamāpatyo mahābhāgo dharmātmā saṃbhaviṣyati | ityevaṃ cintayennityaṃ pūrvapāpāddiśaṅkitā dharmāṅgāni supuṇyāni sutāṅge paridarśayet | satyabhāvādikānpuṇyānguṇānsā vai prakāśayet ityuvāca sutaṃ sā hi cāhaṃ dharmasutā suta | pitā te dharmatattvajñastasmāddharmaṃ samācara ityevaṃ bodhayennityaṃ putraṃ venaṃ tadā satī | mātāpitrostayorvākyaṃ prajñāyuktaṃ sa pālayet evaṃ venaḥ prajāpālaḥ saṃjātaḥ kṣitimaṇḍale | lokāḥ sukhena jīvanti prajā dharmeṇa rañjitāḥ evaṃ rājyaprabhāvaṃ tu venasyāpi mahātmanaḥ | dharmaprabhāvā vartante tasmiñchāsati pārthive evaṃ venasya vai rājñaḥ sṛṣṭireva mahātmanaḥ | dharmācāraṃ parityajya kathaṃ pāpe matirbhavet jñānavijñānasaṃpannā munayastattvavedinaḥ | śubhāśubhaṃ vadantyenaṃ tanna syādiha cānyathā tapyamānena tenāpi suśaṅkena mahātmanā | dattaḥ śāpaḥ kathaṃ viprā na yathāvacca jāyate venasya pātakācāraṃ sarvameva vadāmyaham tasmiñchāsati dharmajñe prajāpāle mahātmani | puruṣaḥ kaścidāyāṃto brahmaliṅgadharastadā nagnarūpo mahākāyaḥ sitamuṇḍo mahāprabhaḥ | mārjanīṃ śikhipatrāṇāṃ kakṣāyāṃ sa hi dhārayan gṛhītvā pānapātraṃ ca nālikeramayaṃ kare | paṭhamāno marucchāstraṃ vedaśāstravidūṣakam yatra veno mahārājastatropāyāccarānvitaḥ | sabhāyāṃ tasya venasya praviveśa sa pāpavān taṃ dṛṣṭvā samanuprāptaṃ venaḥ praśnaṃ tadā'karot | bhavānko hi samāyāta īdṛgrūpadharo mama sabhāyāṃ vada māmatra tūrṇaṃ kasmātsamāgataḥ | ko veṣaḥ kiṃ tu te nāma ko dharmaḥ karma kiṃ tava ko vedaste ka ācāraḥ ko nayaḥ kā prabhāvanā | kiṃ jñānaṃ kaḥ prabhāvaste kiṃ satyaṃ dharmalakṣaṇam tattvaṃ sarvaṃ samācakṣva mamāgre satyameva ca | śrutvā venasya tadvākyaṃ pāpo vākyamudāharat pāpa uvāca — karoṣyevaṃ vṛthā bhāvaṃ mahāmūḍho na saṃśayaḥ | ahaṃ dharmasya sarvasvamahaṃ pūjyatamaḥ suraiḥ ahaṃ jñānamahaṃ satyamahaṃ dhātā sanātanaḥ | ahaṃ dharma ahaṃ mokṣaḥ sarvadevamayo hyaham brahmadehātsamudbhūtaḥ satyasaṃdho'smi nānyathā | jinarūpaṃ vijānīhi satyadharmakalevaram mama rūpaṃ hi dhyāyanti yogino jñānatatparāḥ vena uvāca — tavaiva kīdṛśo dharmaḥ kiṃ te darśanameva ca | kimācāro vadasvaihi ityuktaṃ tena bhūbhujā pāpa uvāca — arhanto devatā yatra nirgrantho gururucyate | dayā vai paramo dharmastatra mokṣaḥ pradṛśyate3 īdṛśo'sminna saṃdehe ācāraṃ pravadāmyaham | yajanaṃ yājanaṃ nāpi vedādhyayanameva ca nāsti saṃdhyā tapo dānaṃ svadhāsvāhāvivarjitam | havyakavyādikaṃ nāsti nāsti yajñādikā kriyā pitṝṇāṃ tarpaṇaṃ nāsti nātithivaiśvadevikam | kūm̐ṣṇasya na tathā pūjām̐ hyarhantadhyānamuttamam evaṃ dharmasamācāro jainamārge pradṛśyate | etatte sarvamākhyātaṃ jainadharmasya lakṣaṇam vena uvāca — vede prokto yathā dharmo yatra yajñādikāḥ kriyāḥ | pitṝṇāṃ tarpaṇaṃ śrāddhaṃ vaiśvadevaṃ na dṛśyate ### [35.22-2](https://indike.org/pramana/in.purana.bhukhanda.35.22-2) na dānaṃ na tapo vā'sti kiṃ vai dharmasya lakṣaṇam | vada satyaṃ mamāgre tvaṃ dayādharmaśca kīdṛśaḥ ### [35.25-2](https://indike.org/pramana/in.purana.bhukhanda.35.25-2) pāpa uvāca — pañcatattvamayaṃ6dbho'yaṃ prāṇināṃ kāya eva ca | ātmām̐ vāyusvarūpo'yaṃ teṣāṃ nāsti prasaṅgataḥ yathā jaleṣu bhūtānāmapi saṅgamavehi tat | jāyate budbudākāraṃ tadbhūtasamāgamaḥ pṛthvībhāvo rajaḥsthastu cā''pastatraiva saṃsthitāḥ | jyotistatra pradṛśyeta vāyum̐rāvartate ca trīn ### [35.29](https://indike.org/pramana/in.purana.bhukhanda.35.29) ākāśamāvṛṇotpaścām̐dbudbudatvaṃ prajāyate | apsu madhye prabhālyeva sutejo vartulaṃ param kṣaṇamātraṃ pradṛśyeta tatkṣaṇaṃ naiva dṛśyate | tadbhūtasamāyogaḥ sarvatra paridṛśyate antakāle prayātyātmā pañca pañcasu yānti te | mohamugdhāstato martyā vartante ca parasparam śrāddhaṃ kurvanti mohena kṣayāhe pitṛtarpaṇam | kā''ste mṛtaḥ samaśnāti kīdṛśo'sau narottamaḥ ### [35.31-2](https://indike.org/pramana/in.purana.bhukhanda.35.31-2) kiṃ jñānaṃ kīdṛśaṃ kāryaṃ kena dṛṣṭaṃ vadasva naḥ | miṣṭamannaṃ prabhuktavā tu tṛptiṃ yānti ca brāhmaṇāḥ 30 kasya śrāddhaṃ pradīyeta sā tu śraddhā nirarthikā | anyadevaṃ pravakṣyāmi vedānāṃ karma dāruṇam ### [35.32-2](https://indike.org/pramana/in.purana.bhukhanda.35.32-2) yadā'tithirgṛhaṃ yāti bhojanaṃ labhate dhruvam | tadā cā''hatya rājendra atithiṃ paribhojayet ### [35.37-2](https://indike.org/pramana/in.purana.bhukhanda.35.37-2) aśvamedhe makhe tvaśvaṃ gomedhe vṛṣameva ca | naramedhe naraṃ rājanvājapeye tathā hyajam rājasūye mahārāja prāṇināṃ ghātanaṃ bahu | puṇḍarīke gajaṃ hanyāddhajamedhe tu kuñjaram sautrāmaṇyāṃ paśuṃ medhyamevameva pradṛśyate | nānārūpeṣu sarveṣu śrūyatāṃ nṛpanandana nānājātiviśeṣāṇāṃ paśūnāṃ ghātanaṃ smṛtam‌ | kasmāddhi dīyate dānaṃ kiṃ nu dānasya lakṣaṇam‌ 36 na dattamuktaṭaṃ jñeyaṃ kriyate yadi bhojanam‌ | atyantadoṣahīnāṃstānhisanti yānmahāmakhe ### [35.38](https://indike.org/pramana/in.purana.bhukhanda.35.38) tatra kiṃ dṛśyate dharmaḥ kiṃ phalaṃ tatra bhūpate | paśūnāṃ māraṇaṃ yatra nirdiṣṭaṃ vedapaṇḍitaiḥ ### [35.39-2](https://indike.org/pramana/in.purana.bhukhanda.35.39-2) tasmāddinaṣṭadharmaṃ ca na puṇyaṃ mokṣadāyakam‌ | dayāṃ vinā hi yo dharmaḥ sa dharmo viphalāyate ### [35.40-2](https://indike.org/pramana/in.purana.bhukhanda.35.40-2) jīvānāṃ pālanaṃ yatra tatra dharmo na saṃśayaḥ | svāhākāraḥ svadhākārastapaḥ sadyo'bhijāyate ### [35.41-2](https://indike.org/pramana/in.purana.bhukhanda.35.41-2) dayāhīnaṃ niṣphalaṃ syānnāsti dharmastu tatra hi | ete vedā avedāḥ syurdayā yatra na vidyate ### [35.42-2](https://indike.org/pramana/in.purana.bhukhanda.35.42-2) dayādānaparo nityaṃ jīvameva parakṣayet‌ | cāṇḍālo vā sa śūdro vā sa vai brāhmaṇa ucyate ### [35.43-2](https://indike.org/pramana/in.purana.bhukhanda.35.43-2) brāhmaṇo nirdayo yo vai paśughātaparāyaṇaḥ | sa vai sunirdayaḥ pāpī kaṭhinaḥ krūracetanaḥ ### [35.44-2](https://indike.org/pramana/in.purana.bhukhanda.35.44-2) vacanaiḥ kathyate vedaḥ sa vedo jñānavarjitaḥ | yatra jñānaṃ bhavennityaṃ sa vai vedaḥ pratiṣṭhitaḥ ### [35.45](https://indike.org/pramana/in.purana.bhukhanda.35.45) dayāhīneṣu vedeṣu vipreṣu ca mahāmate | nāsti satyaṃ kriyā tatra vedavipreṣu vai kadā ### [35.47](https://indike.org/pramana/in.purana.bhukhanda.35.47) vedā avedā rājendra brāhmaṇāḥ satyavarjitāḥ | dānasyāpi phalaṃ nāsti tasmāddānaṃ na dīyate 46 yathā śrāddhasya vai cihnaṃ tathā dānasya lakṣaṇam‌ | jinasyāpi ca yaddharmaṃ bhuktimuktipradāyakam‌ ### [35.48](https://indike.org/pramana/in.purana.bhukhanda.35.48) tavāgre'haṃ pravakṣyāmi bahupuṇyapradāyakam‌ | ādau dayā prakartavyā śāntabhūtena cetasā ### [35.49](https://indike.org/pramana/in.purana.bhukhanda.35.49) ārādhayeddhadā devaṃ jinamekaṃ carācaram‌ | manasā śuddhabhāvena jinamekaṃ prapūjayet‌ ### [35.50](https://indike.org/pramana/in.purana.bhukhanda.35.50) namaskāraḥ prakartavyastasya devasya nānyathā | mātāpitrostu vai pādau kadā naivābhivandayet‌ ### [35.51](https://indike.org/pramana/in.purana.bhukhanda.35.51) anyeṣāmeva kā vārtā śrūyatāṃ rājasattama ### [35.52](https://indike.org/pramana/in.purana.bhukhanda.35.52) ete viprāśca hyācāryā gaṅgādyāḥ saritastathā | vadanti puṇyatīrthāni bahupuṇyapradāni ca tatkiṃ vadasva satyaṃ me yadi dharmamihecchasi ### [35.53](https://indike.org/pramana/in.purana.bhukhanda.35.53) ākāśādvai mahārāja sadyo varṣanti vai ghanāḥ | bhūmau hi parvateṣveva sarvatra patate jalam‌ ### [35.54](https://indike.org/pramana/in.purana.bhukhanda.35.54) tadāplāvrya tatastiṣṭhennadyāṃ sarvatra bhāvayet‌ | nadyo jalapravāhāstu tāsu tīrthaṃ śrutaṃ katham‌ ### [35.55](https://indike.org/pramana/in.purana.bhukhanda.35.55) jalāśayā mahārāja taḍāgāḥ sāgarāstathā | pṛthivyā dhārakāścaiva girayo hyaśmarāśayaḥ ### [35.56](https://indike.org/pramana/in.purana.bhukhanda.35.56) nāstyeteṣu ca vai tīrthaṃ jalairjaladamuktamam‌ | snāne dāne yathā puṇyaṃ kasmātsattreṣu naiva hi ### [35.57](https://indike.org/pramana/in.purana.bhukhanda.35.57) dṛṣṭvā snānenaṃ vai siddhirmīnāḥ sidhyanti nānyathā | yatra jīvastatra tīrthaṃ tatra dharmaḥ sanātanaḥ tapodānādikaṃ sarvaṃ puṇyaṃ tatra pratiṣṭhitam‌ ### [35.58](https://indike.org/pramana/in.purana.bhukhanda.35.58) eko jinaḥ sarvamayo nṛpendra nāstyeva dharmaṃ paramaṃ hi tīrtham‌ ayaṃ tu loke paramastu tasmāddhyāyasva nityaṃ susukho bhaviṣyāsi ### [35.58.p1](https://indike.org/pramana/in.purana.bhukhanda.35.58.p1) vinindya dharmaṃ sakalaṃ savedaṃ dānaṃ supuṇyaṃ pariyajñarūpam pāpasya bhāvairbahubodhito nṛpaistvaṅgasya putro bhuvi tena pāpinā ### [35.58.p2](https://indike.org/pramana/in.purana.bhukhanda.35.58.p2) iti śrīmahāpurāṇe pādme bhūmikhaṇḍe venopākhyāne ṣaṭtriṃśo'dhyāyaḥ || 36 ## Linked texts (2) - [Padmapurāṇa](https://indike.org/pramana/in.purana.padma.2.36.1) — Vyāsa, Sanskrit - [Bhūmikhaṇḍa](https://indike.org/pramana/in.purana.bhumikhanda.p178) — Sanskrit --- Source: [https://indike.org/pramana/in.purana.bhukhanda.35](https://indike.org/pramana/in.purana.bhukhanda.35) · Pramāṇa