Pramāṇa · Search · About · API

Bhukhanda 36

Bhūkhaṇḍa 36

Language
Sanskrit

Contents

36.17

sūta uvāca —
evaṃ saṃbodhito venaḥ pāpabhāvaṃ gataḥ kila | puruṣeṇa tena pāpena mahāpāpena mohitaḥ
namaskṛtya tataḥ pādau tasyaiva ca durātmanaḥ | vedadharmaṃ parityajya satyadharmārthikāṃ kriyām
suyajñānāṃ nivṛttiḥ syādvedānāṃ hi tathaiva ca | puṇyaśāstramayo dharmastadā tairapravartitaḥ
sarvapāpamayo lokaḥ saṃjātastasya śāsanāt | tena yajñāśca vedāśca dharmaśāstrārthamuttamam
na dānādhyayanaṃ viprāstasmincchāsati pārthive | evaṃ dharmapralopo'bhūnmahatpāpaṃ pravartitam
aṅgena vāryamāṇastu [ cānyathā kurute bhṛśam | pituḥ pādau nanāmātha mātuścaiva durātmavān
sanakasyāpi viprasya hyahamekaḥ pratāpavān | pitrā nivāryamāṇaśca] mātrā caiva durātmavān
na karoti śubhaṃ puṇyaṃ tīrthadānādikaṃ tathā | ātmabhāvaṃ svarūpaṃ ca bahukālaṃ mahāyaśāḥ
punaḥ punarvicāryaiva kasmātpāpī tvajāyata | [†tuṅgaḥ prajāpateḥ putro vaṃśalāñchanamāgatam]
tataḥ papraccha dharmātmā rājā madhurameva ca | kasmāddoṣātsamutpanno vada satyaṃ mama priye
sunīthovācabālye kṛtaṃ mayā pāpaṃ suśaṅkhasya mahātmanaḥ | tapasi saṃsthitasyāpi nānyatkiṃcitkṛtaṃ mayā
śaptā'haṃ kupyatā tena duṣṭā te saṃtatirbhavet | iti jāne mahābhāga tenāyaṃ duṣṭatāṃ gataḥ
tacchrutvā vacanaṃ rājā diṣṭamevānvapadyata | atha saptarṣayastatra venapārśva samāgatāḥ
samāśvāsya tataḥ procuraṅgasya tanayaṃ prati
ṛṣaya ūcuḥmā vena sāhasaṃ kārṣīḥ prajāpālo bhavāniha | tvayi sarvamidaṃ lokaṃ trailokyaṃ sacarācaram
dharmādharmātmakaṃ rājansakalaṃ hi pratiṣṭhitam | pāpakarma parityajya dharmakarma samācara
evamukte tu tairvākye prahasannākyamabravīt
vena uvāca —
ahameva paro dharmo'hamevāhaṃ sanātanaḥ | ahaṃ dhātā hyahaṃ goptā tvahaṃ vai satyameva ca

36.18

[ ahaṃ dharmo mahāpuṇyo jainadharmaḥ sanātanaḥ |] māmeva karmaṇā viprā bhajadhvaṃ dharmarūpiṇam

36.19

ṛṣaya ūcuḥbrāhmaṇāḥ kṣatriyā vaiśyāstrayo varṇā dvijātayaḥ | sarveṣāmeva varṇānāṃ śrutireṣā sanātanī

36.20

vedācāreṇa vartante tena jīvanti jantavaḥ | brahmavaṃśātsamudbhūto bhavānbrāhmaṇa eva ca

36.22

paścādrājā pṛthivyāṃ tu saṃjātaḥ khyātavikramaḥ | rājñaḥ puṇyena rājendra sukhaṃ jīvanti vai prajāḥ 21
rājñaḥ pāpena naśyanti tasmātsatyaṃ samācara | samāhṛtastvayā dharmaḥ kṛtaścāpi narādhipa

36.23

tasmāttretāyugasyāyaṃ dvāparasya tathā na hi | kaleścaiva praideśe tu vartayiṣyanti mānavāḥ

36.24

jainadharmaṃ samāśritya sarve pāpapramohitāḥ | vedācāraṃ parityajya pāpaṃ yāsyanti mānavāḥ

36.25

[†pāpasya mūlamevaṃ vai jainadharmaṃ na saṃśayaḥ | anena mugdhā rājendra mahāmohena pātitāḥ

36.26

mānavāḥ] pāpasaṃghātāsteṣāṃ nāśāya nānyathā | bhaviṣyatyeva govindaḥ sarvapāpāpahārakaḥ

36.27

mleccharūpaṃ samāśritya saṃhariṣyati pātakān | pāpeṣu saṃgateṣvevaṃ mlecchanāśāya vai punaḥ

36.28

kalkireva svayaṃ devo bhaviṣyati na saṃśayaḥ | vyavahāraṃ kaleścaiva tyaja puṇyaṃ samāśraya
vartayasva hi dehena prajāpālo bhava svayam

36.29

vena uvāca —
ahaṃ jñānavatāṃ śreṣṭho viśvajñānaṃ ca vai dvijāḥ | yo'nyathā vartate caiva sa daṇḍyo bhavati dhruvam

36.30

am̐tyarthaṃ bhāṣamāṇaṃ taṃ rājānaṃ pāpacetasam | kupitāste mahātmānaḥ sarve vai brahmaṇaḥ sutāḥ

36.31

kupiteṣveva vipreṣu veno rājā mahātmasu | teṣāṃ śāpabhayāccaiva valmīkaṃ praviveśa ha

36.32

atha te munayaḥ kruddhā venaṃ paśyanti sarvataḥ | tairjñātaṃ na pranaṣṭaṃ tu valmīkasthaṃ tu sāṃpratam

36.33

balādāninyuste viprā krūraṃ taṃ pāpacetasam | dṛṣṭvā ca pāpakarmāṇaṃ munayaḥ susamāhitāḥ

36.34

savyaṃ pāṇiṃ mamanthuste bhūpasya jātamanyavaḥ | tasmājjāto mahāhrasvo nīlavarṇo bhayaṃkaraḥ

36.35

barbaro raktanetrastu bāṇapāṇirdhanurdharaḥ | sarveṣāmeva pāpānāṃ niṣādānāṃ babhūva ha

36.36

dhātā pālayitā rājā mlecchānāṃ tu viśeṣataḥ | taṃ dṛṣṭvā pāpakarmāṇamṛṣayastu mahāmate

36.37

mamanthurdakṣiṇaṃ pāṇiṃ venasyāpi durātmanaḥ | tasmājjajñe mahātmā'sau yena dugdhā vasuṃdharā

36.38

pṛthurnāma mahāprājño rājarājo mahābalaḥ | tasya puṇyaprasādācca veno dharmārthakovidaḥ

36.39

cakravartapadaṃ bhuktvā prasādāttasya cakriṇaḥ | jagāma vaiṣṇavaṃ lokaṃ tadviṣṇoḥ paramaṃ padam

36.39.p1

iti śrīmahāpurāṇe pādme bhūmikhaṇḍe venopākhyāne saptatriṃśo'dhyāyaḥ || 37

Linked texts (3)