[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Bhukhanda](https://indike.org/pramana/in.purana.bhukhanda) › 41 # Bhukhanda 41: atha dvicatvāriṃśo'dhyāyaḥ Bhūkhaṇḍa 41 - **Language:** Sanskrit ## Contents - [41.73](https://indike.org/pramana/in.purana.bhukhanda.41.73) — 1 part ### atha dvicatvāriṃśo'dhyāyaḥ ### [41.1](https://indike.org/pramana/in.purana.bhukhanda.41.1) yā sudevā tvayā proktā kimācārā vadasva naḥ| tvayā proktaṃ mahābhāge vada naḥ satyameva ca ### [41.2](https://indike.org/pramana/in.purana.bhukhanda.41.2) ayodhyāyāṃ mahārājā sa āsīddharmakovidaḥ| manuputro mahābhāgaḥ sarvadharmārthatatparaḥ ### [41.3](https://indike.org/pramana/in.purana.bhukhanda.41.3) ikṣvākurnāma sarvajño devabrāhmaṇapūjakaḥ| tasya bhāryā sadā puṇyā pativrataparāyaṇā ### [41.4](https://indike.org/pramana/in.purana.bhukhanda.41.4) tayā sārdhaṃ yajedyajñāṃstīrthāni vividhāni ca| devarājasya vīrasya kāśīśasya mahātmanaḥ ### [41.5](https://indike.org/pramana/in.purana.bhukhanda.41.5) sudevā nāma vai kanyā satyācāraparāyaṇā| upayeme mahārāja ikṣvākustāṃ mahīpatiḥ ### [41.6](https://indike.org/pramana/in.purana.bhukhanda.41.6) sudevāṃ cārusarvāṅgīṃ satyavrataparāyaṇām| tayā sārdhaṃ yajedyajñānsupuṇyānpuṇyanāyakaḥ ### [41.7](https://indike.org/pramana/in.purana.bhukhanda.41.7) sa reme nṛpaśārdūlo gṛhe ca priyayā tadā| ekadā tu mahārājastayā sārdhaṃ vanaṃ yayau ### [41.8](https://indike.org/pramana/in.purana.bhukhanda.41.8) gaṅgāraṇyaṃ samāsādya gam̐yāyāṃ krīḍate sadā| siṃhānhatvā varāhāṃśca gajānsamahiṣāṃstataḥ ### [41.9](https://indike.org/pramana/in.purana.bhukhanda.41.9) krīḍamānasya tasyāpi varāhaśca samāgataḥ| bahuśūkarayūthena putrapautrairalaṃkṛtaḥ ### [41.10](https://indike.org/pramana/in.purana.bhukhanda.41.10) ekā ca śūkarī tasya priyā pārśve pratiṣṭhati| dṛṣṭvā'tha śūkaraścainaṃ rājānaṃ mṛgayāratam ### [41.11](https://indike.org/pramana/in.purana.bhukhanda.41.11) parvatādhāramāśritya bhāryayā saham̐ śūkaraḥ| tiṣṭhatyekaḥ suvīryeṇa putrānpautrāngurūñchiśūn ### [41.12](https://indike.org/pramana/in.purana.bhukhanda.41.12) jñātvā teṣāṃ mahārāja mṛgāṇāṃ kadanaṃ mahat| tānuvāca sutānpautrānbhāryāṃ tāṃ ca sa śūkaraḥ ### [41.13](https://indike.org/pramana/in.purana.bhukhanda.41.13) kośalādhipatirvīro manuputro mahābalaḥ | krīḍate mṛgayāṃ kānte mṛgānsaṃharate bahūn ### [41.14](https://indike.org/pramana/in.purana.bhukhanda.41.14) sa māṃ dṛṣṭvā mahārāja eṣyate nātra saṃśayaḥ | anyeṣāṃ laghukānāṃ me nāsti prāṇabhayaṃ dhruvam ### [41.15](https://indike.org/pramana/in.purana.bhukhanda.41.15) mama rūpaṃ nṛpo dṛṣṭvā kṣamāṃ naiva kariṣyati | harṣeṇa mahatā''viṣṭo bāṇapāṇirdhanurdharaḥ ### [41.16](https://indike.org/pramana/in.purana.bhukhanda.41.16) śvabhiryukto mahātejā lubdhakaiḥ parivāritaḥ | priye kariṣyate ghātaṃ mamāpyeva na saṃśayaḥ ### [41.17](https://indike.org/pramana/in.purana.bhukhanda.41.17) sūkaryuvāca— yadā yadā paśyasi lubdhakānbahūnmahāvane kānta samāyudhānbahūn ebhistu putrairmama pautrakaiḥ samaṃ dūraṃ paraṃ yāhi palāyamānaḥ ### [41.18](https://indike.org/pramana/in.purana.bhukhanda.41.18) tyaktvā sudhairyaṃ balapauruṣaṃ mahānmahābhayenāpi viṣaṇṇacetanaḥ dṛṣṭvā nṛpendraṃ puruṣārthamuttamaṃ karoṣi kiṃ kānta vadasva kāraṇam ### [41.19](https://indike.org/pramana/in.purana.bhukhanda.41.19) tasyāstu vākyaṃ sa niśamya kola uvāca tāṃ śūkararāja uttaram yadarthabhīto'smi sulubdhakātpriye dṛṣṭvā gato dūraṃ niśamya śūkarān ### [41.20](https://indike.org/pramana/in.purana.bhukhanda.41.20) sulubdhakāḥ pāpaśaṭhā mahāpriye kurvanti pāpaṃ paridurgakandare sadaiva duṣṭā bahupāpacittakā jātāśca sarve paripāpināṃ kule ### [41.21](https://indike.org/pramana/in.purana.bhukhanda.41.21) teṣāṃ hi hastānmaraṇādvibhemi mṛto'pi yāsyāmi punareva pāpam dūraṃ giri parvatakandaraṃ ca vrajāmi kānte apamṛtyubhītaḥ ### [41.22](https://indike.org/pramana/in.purana.bhukhanda.41.22) ayaṃ hi puṇyo nṛpanātha āgato viśvādhipaḥ keśavarūpabhūpaḥ yuddhaṃ kariṣye samare mahātmanā sārdhaṃ priye pauruṣavikrameṇa ### [41.23](https://indike.org/pramana/in.purana.bhukhanda.41.23) jeṣyāmi bhūpaṃ yadi svena tejasā bhokṣyāmi kīrti tvatulāṃ pṛthivyām no vā hato vīravareṇa saṃgare yāsyāmi lokaṃ madhusūdanasya ### [41.24](https://indike.org/pramana/in.purana.bhukhanda.41.24) mamāṅgabhūtena palena medasā tṛptiṃ parāṃ yāsyati bhūmināthaḥ tṛptā bhaviṣyanti sulokadevatā yasmādayaṃ cā''gato vajrapāṇiḥ ### [41.25](https://indike.org/pramana/in.purana.bhukhanda.41.25) asyaiva hastānmaraṇaṃ yadā bhavellābhaśca me sundari kīrtiruttamā tasmādyaśo bhūmitale jagattraye vrajāmi lokaṃ madhusūdanasya ### [41.27](https://indike.org/pramana/in.purana.bhukhanda.41.27) naivaṃ bhīto'smi kṣubdho'smi gato'haṃ girisānuṣu | pāpāddhīto gataḥ kānte dharmaṃ dṛṣṭvā sthiro hyaham na jāne pātakaṃ pūrvamanyajanmani cārjitam | yenāhaṃ śūkarīṃ yoniṃ gato'haṃ pāpasaṃcayāt ### [41.28](https://indike.org/pramana/in.purana.bhukhanda.41.28) kṣālayiṣyāmyahaṃ ghoraṃ pātakaṃ pūrvasaṃcayam | bāṇodakairmahāghoraistīkṣṇaiśca niśitaiḥ śataiḥ ### [41.29](https://indike.org/pramana/in.purana.bhukhanda.41.29) putrānpautrānvarāṃ kanyāṃ kuṭumbaṃ bālavṛddhakam | giriṃ gaccha gṛhītvā tvaṃ mama mohamamaṃ tyaja ### [41.30](https://indike.org/pramana/in.purana.bhukhanda.41.30) mama snehaṃ parityajya harireṣa samāgataḥ | asya hastātprayāsyāmi tadviṣṇoḥ paramaṃ padam ### [41.32](https://indike.org/pramana/in.purana.bhukhanda.41.32) devenāpi mamādyaiva svargadvāramanuttamam | udghāṭitakapāṭaṃ tu yāsyāmi sumahaddivam 31 sukalovāca— tacchrutvā vacanaṃ tasya śūkarasya mahātmanaḥ | uvāca tatpriyā sakhyaḥ sīdamānāntarā tadā ### [41.33](https://indike.org/pramana/in.purana.bhukhanda.41.33) śūkaryuvāca— yasminyūthe bhavetsvāmī putrapautrairalaṃkṛtaḥ | mitraiśca bhrātṛbhiścaiva anyaiḥ svajanabāndhavaiḥ ### [41.34](https://indike.org/pramana/in.purana.bhukhanda.41.34) tathaivālaṃkṛto yūtho bhavatā pariśobhate | tvāṃ vinā'yaṃ mahābhāga kīdṛgyūtho bhaviṣyati ### [41.35](https://indike.org/pramana/in.purana.bhukhanda.41.35) tavaiva subalenāpi garjamānāśca śūkarāḥ | vicaranti girau kānta tanayā mama bālakāḥ ### [41.36](https://indike.org/pramana/in.purana.bhukhanda.41.36) mṛdūnmūlāṃstu bhakṣanti nirbhayāstava tejasā | durgeṣu vanakuñjeṣu parvatāntardarīṣu ca ### [41.37](https://indike.org/pramana/in.purana.bhukhanda.41.37) na kurvanti bhayaṃ tīvraṃ siṃhānāmiha parvate | mānavānāṃ mahābhāga pālitāstava tejasā ### [41.39](https://indike.org/pramana/in.purana.bhukhanda.41.39) tvayā tyaktā amī sarve bālakā mama dārakāḥ | di(dī)nāścaiva varākāśca bhaviṣyanti vicetanāḥ 38 nityaṃ caiva sukhaṃ karma gatvā paśyanti bālakāḥ | patihīnā yathā nārī śobhate naiva śobhanā ### [41.40](https://indike.org/pramana/in.purana.bhukhanda.41.40) alaṃkṛtā cāpi divyairalaṃkāraiḥ sukāñcanaiḥ | ratnaiḥ paricchadairvastraiḥ pitṛmātṛsahodaraiḥ ### [41.41](https://indike.org/pramana/in.purana.bhukhanda.41.41) śvaśrūśvaśurakaiścānyaiḥ patihīnā na bhāti sā | candrahīnā yathā rātriḥ putrahīnaṃ yathā kulam ### [41.42](https://indike.org/pramana/in.purana.bhukhanda.41.42) dīpahīnaṃ yathā gehaṃ naiva bhāti kadā kila | tvāṃ vinā'yaṃ tathā yūtho naiva śobhati mānada ### [41.43](https://indike.org/pramana/in.purana.bhukhanda.41.43) ācāreṇa yathā martyo jñānahīno yatiḥ kila̍ | maṃtrahīnaṃ yathā rājyaṃ tathā'yaṃ naiva śobhate ### [41.44](https://indike.org/pramana/in.purana.bhukhanda.41.44) kaivartena vinā nāvaḥ saṃpūrṇāḥ parisāmare | na bhāntyeva yathā sārthaḥ sārthavāhena vai tathā ### [41.46](https://indike.org/pramana/in.purana.bhukhanda.41.46) senādhyakṣeṇa ca vinā yathā sainyaṃ na bhāti ca | tvāṃ vinā vai tathā sainyaṃ śūkarāṇāṃ mahāmate dīno bhaviṣyati yathā vedahīno yathā dvijaḥ | mayi bhāraṃ kuṭumbasya viniveśya pragacchasi ### [41.47](https://indike.org/pramana/in.purana.bhukhanda.41.47) maraṇaṃ jñātvā sulabhaṃ kā pratijñā tavedaśī | tvāṃ vinā'haṃ na śaknomi dhartuṃ prāṇānniyeśvara ### [41.48](https://indike.org/pramana/in.purana.bhukhanda.41.48) tvayaiva sahitā svargaṃ bhūmiṃ vā'pi mahāmateai | narakaṃ vā prabhokṣyāmi satyaṃ satyaṃ vadāmyaham ### [41.49](https://indike.org/pramana/in.purana.bhukhanda.41.49) atha putrānsaputrāṃśca gṛhītvā yūthamuttamam | āvāṃ vrajāva yūtheśa durgamevaṃ sukandaram ### [41.50](https://indike.org/pramana/in.purana.bhukhanda.41.50) jīvitavyaṃ parityajya maraṇāyābhigamyate | tatra kiṃ dṛśyate lābho maraṇe vada sāṃpratam ### [41.52](https://indike.org/pramana/in.purana.bhukhanda.41.52) vīrāṇāṃ tvaṃ na jānāsi sudharmaṃ śṛṇu sāṃpratam | yuddhārthinā hi vīreṇa vīraṃ gatvā prayācitam dehi me yodhanaṃ saṃkhye yuddhārthī tvahamāgataḥ | pareṇa yācitaṃ yuddhaṃ na dadāti yadā bhaṭaḥ ### [41.53](https://indike.org/pramana/in.purana.bhukhanda.41.53) kāmāllobhādbhayādvā'pi mohādvā śṛṇu vallabheai | kumbhīpāke sa narake vasedyugasahasrakam ### [41.54](https://indike.org/pramana/in.purana.bhukhanda.41.54) kṣatriyāṇāṃ paro dharmo yuddhaṃ deyaṃ na saṃśayaḥ | tadyuddhaṃ dīyamānena raṅgabhūmiṃ gatena vai ### [41.56](https://indike.org/pramana/in.purana.bhukhanda.41.56) jitvā śatruṃ punastatra yaśaḥ kīrtiṃ prabhuñjate | no vā hato'pi yuddhe'sminyudhyamānaḥ sunirbhayaḥ vīralokamavāpnoti divyām̐llokānprabhuñjate | yāvadvarṣasahasrāṇāṃ viṃśatyekā priye śṛṇu̍ ### [41.57](https://indike.org/pramana/in.purana.bhukhanda.41.57) vīraloke vasettāvaddevavīrairmahīyate | manuputraḥ samāyātaḥ svayaṃ vīro na saṃśayaḥ ### [41.58](https://indike.org/pramana/in.purana.bhukhanda.41.58) saṃgrāmaṃ yācamānastu yuddhaṃ deyaṃ mayā dhruvam | yuddhātithiḥ samāyāto viṣṇurūpaḥ sanātanaḥ satkāro yuddharūpeṇa kartavyaśca mayā śubhe ### [41.59](https://indike.org/pramana/in.purana.bhukhanda.41.59) yadā yuddhaṃ tvayā deyaṃ rājñe caiva mahātmane | tato'haṃ pauruṣaṃ kānta paśye vai tava kīdṛśam ### [41.60](https://indike.org/pramana/in.purana.bhukhanda.41.60) evamuktvā priyānputrānsamāhūya tvarānvitā | uvāca putrakā yūyaṃ śṛṇudhvaṃ vacanaṃ mama ### [41.61](https://indike.org/pramana/in.purana.bhukhanda.41.61) yuddhātithiḥ samāyāto viṣṇurūpaḥ sanātanaḥ | mayā tatra pragantavyaṃ yatrāyaṃ hi gamiṣyati ### [41.62](https://indike.org/pramana/in.purana.bhukhanda.41.62) yāvattiṣṭhati vai nāṃtho bhavatāṃ pratipālakaḥ | yūyaṃ gacchantu vai dūraṃ durgaṃ giriguhāmukham ### [41.63](https://indike.org/pramana/in.purana.bhukhanda.41.63) sukhaṃ jīvata me vatsā varjayitvā sulubdhakān | mayā tatra pragantavyaṃ yam̐traiṣa hi gamiṣyati ### [41.64](https://indike.org/pramana/in.purana.bhukhanda.41.64) bhavatāṃ śreṣṭho'yaṃ bhrātā yūtharakṣāṃ kariṣyati | ete pitṛvyakāḥ sarve bhavatāṃ trāṇakārakāḥ dūraṃ prayāntu vai sarve māṃ vihāya suputrakāḥ ### [41.65](https://indike.org/pramana/in.purana.bhukhanda.41.65) ayaṃ hi parvataḥ śreṣṭho bahumūlaphalodakaḥ | bhayaṃ tu kasya vai nāsti sukhaṃ jīvanamasti vai ### [41.66](https://indike.org/pramana/in.purana.bhukhanda.41.66) yuvābhyāṃ hi akasmāddhi yuddhamuktaṃ bhayaṃkaram | tanno hi kāraṇaṃ mātarvada satyamihaiva hi ### [41.67](https://indike.org/pramana/in.purana.bhukhanda.41.67) ayaṃ rājā mahāraudraḥ kālarūpaḥ samāgataḥ | krīḍate mṛgayā lubdho mṛgānhatvā bahūnvane ### [41.68](https://indike.org/pramana/in.purana.bhukhanda.41.68) ikṣvākūnāṃma durdharṣo manuputro mahābalaḥ | saṃhariṣyati kālo'yaṃ dūraṃ yāntu suputrakāḥ ### [41.69](https://indike.org/pramana/in.purana.bhukhanda.41.69) mātaraṃ pitaraṃ tyaktvā yaḥ prayātim̐ sa pāpadhīḥ | mahāraudraṃ sughoraṃ tu narakaṃ yāti nām̐nyathā ### [41.70](https://indike.org/pramana/in.purana.bhukhanda.41.70) mātuḥ puṇyaṃ payaḥ pītvā puṣṭo bhavati nirghṛṇaḥ | mātaraṃ pitaraṃ tyajya yaḥ prayāti sudurbalaḥ ### [41.71](https://indike.org/pramana/in.purana.bhukhanda.41.71) pūyaṃ narakaṃ pibennityaṃ kṛmidurgandhasaṃkulam | mātastasmānna yāsyāmo guruṃ tyaktvā ihaiva ca ### [41.72](https://indike.org/pramana/in.purana.bhukhanda.41.72) evaṃ vedādasaṃjātaṃ (?) teṣāṃ dharmārthasaṃyutaṃ | vyūhaṃ kṛtvā sthitāḥ sarve balatejaḥsamākulāḥ ### [41.73](https://indike.org/pramana/in.purana.bhukhanda.41.73) sāhasotsāhasaṃhṛṣṭāḥ paśyanti nṛpanandanam | nadantaḥ pauruṣairyuktāḥ krīḍamānā vane tadā ### [41.73.p1](https://indike.org/pramana/in.purana.bhukhanda.41.73.p1) iti śrīmahāpurāṇe pādme bhūmikhaṇḍe venopākhyāne sukalācarite dvicatvāriṃśattamo'dhyāyaḥ || 42 ## Linked texts (3) - [Padmapurāṇa](https://indike.org/pramana/in.purana.padma.2.42.1) — Vyāsa, Sanskrit - [Bhūmikhaṇḍa](https://indike.org/pramana/in.purana.bhumikhanda.p214) — Sanskrit - [Puruṣārthasudhānidhi](https://indike.org/pramana/in.niti.dharma.nibandha.daksinatya.purusarthasudhanidhi.17.34) — Sāyaṇācārya, Sanskrit --- Source: [https://indike.org/pramana/in.purana.bhukhanda.41](https://indike.org/pramana/in.purana.bhukhanda.41) · Pramāṇa