Bhukhanda 44
Bhūkhaṇḍa 44
- Language
- Sanskrit
Contents
- 44.31 — 1 part
44.1
sukalovācaatha te lubdhakāḥ sarve śūkrīṃ prati jagmire | śūrāśca dāruṇāḥ prājñāḥ pāśahastāśca bhīṣaṇāḥ
44.2
caturaśca tato ḍimbhānhṛtvā sthitā ca śūkrī | kuṭumbena samaṃ kāntaṃ hataṃ dṛṣṭvā mahāhave
44.3
bharturme cintitaṃ prāptamṛṣidevaiśca pūjitaḥ | gataḥ svarge mahātmā'sau vīreṇānena karmaṇā
44.4
anenāpi yathā yāsye svargaṃ bhartā sa tiṣṭhati | tathā suniścitaṃ kṛtvā putrānprati vicintitam
44.5
yadā jīvanti me bālāścatvāro vaṃśadhārakāḥ | bhavatyasya suvīraśca kolasyāpi mahātmanaḥ
44.6
kenopāyena putrānvai rakṣāyuktānkaromyaham | iti cintāparā bhūtvā dṛṣṭvā parvatasaṃkaṭam
44.7
tatra mārgaṃ suvistīrṇaṃ niṣkāśāya prayāsyate | tānuvāca mahārāja putrānprati vimohitā
44.8
yāvattiṣṭhāmyahaṃ putrāstāvadgacchantu śīghragāḥ | teṣāṃ madhye suto jyeṣṭhaḥ kathaṃ yāsyāmi mātaram
44.9
tyaktvā svajīvalobhācca dhiṅmāṃ mātaḥ sujīvitam| pitṛvairaṃ kariṣyāmi sādhayiṣye raṇe ripum
gṛhītvā tvaṃ kanīyaso bhrātṝṃstrīndurgekandaram
44.10
mātaraṃ pitaraṃ tyaktvā yo yāti sa hi pāpadhīḥ | narakaṃ ca prayātyeva kṛmikoṭisamākulam
44.11
tamuvāca suduḥkhārtā tvāṃ tyaktvā'haṃ kathaṃ suta | prayāsyāmi mahāpāpā trayo gacchantu me sutāḥ
44.12
trayastu purataḥ kṛtvā dvābhyāmapi ca bhūpate | jagmurdurgamārgeṇa [ teṣāmeva supaśyatām
tejasā subalenāpi garjantaśca punaḥ punaḥ
44.13
atha te lubdhakāḥ śūrāḥ saṃprāptāśca svaraṃhasā | yathā tenāpi mārgeṇa] trayaste preṣitā nṛpam
44.14
tiṣṭhete tatpathaṃ ruddhvā dvāvetau jananīsutau | lubdhakāśca tataḥ prāptāḥ khaḍgabāṇadhanurdharāḥ
44.15
prahanyustomaraistīkṣṇaiścakraiśca muśalaistataḥ | mātaraṃ pṛṣṭhataḥ kṛtvā tanayo yuyudhe sa taiḥ
44.16
daṃṣṭrayā nihatāḥ kecitkecittuṇḍena pātitāḥ| saṃjaghāna khurāgraiśca śūrāśca patitā raṇe
44.17
yuyudhe śūkaraḥ saṃkhye dṛṣṭo rājñā mahātmanā| pituḥ sakāśācchūro'yamiti jñātvā sa saṃmukhaḥ
44.18
bāṇapāṇirmahātejā manusūnuḥ pratāpavān | niśitenāpi bāṇena ardhacandrānukāriṇā
44.19
rājñā hataḥ papātorvyāṃ viddhorasko mahātmanā | mamāra sahasā bhūmau papāta sa hi śūkaraḥ
44.20
putramohātparaṃ viprā tasyopari gatā svayam | tayā ca nihatāḥ śūrāstuṇḍaghātairmahītale
44.21
nipetulubdhakāḥ śūrāḥ kati naṣṭā mṛtā nṛpa | drāvayantī mahatsainyaṃ daṃṣṭrayā śukarī tataḥ
44.22
yathā kṛtyā samudbhūtā mahābhayavidāyikā | tamuvāca tato rājñī devarājasutā priyā
44.23
anayā nihataṃ rājanmahatsainyaṃ tavaiva hi | kasmādupekṣase kānta tanme tvaṃ kāraṇaṃ vada
44.25
tāmuvāca mahārājo nāhaṃ hanmi imāṃ striyam | mahādoṣaṃ (ṣaḥ) priye dṛṣṭaṃ (ṣṭaḥ) strīvadhe daivataiḥ kila24
tasmānna ghātaye nārīṃ preṣaye'haṃ na kaṃcana | asyā vadhanimittārthe pāpādvibhemi sundari
44.26
evamuktvā tadā rājā virarāma mahāmatiḥ | lubdhako bhārgavo nāma dadṛśe sāṃ tu śūkrīm
44.27
kurvatīṃ kadanaṃ teṣāṃ duḥsahāṃ subhaṭairapi | praviddhyādha suvegena bāṇena niśitena hi
44.28
saṃlagnena subāṇena śoṇitena pariplutā | śobhamānā tvaraṃ prāptā vīraśriyā samākulā
44.29
tuṇḍena nihataṃ saṃkhye jharjharaṃ tu tayā punaḥ | patamānena tenāpi jhaiṇaṃjhaṇahatā tadā
44.30
khaḍgena niśitenāpi papāta vidalīkṛtā | śvasamānā raṇe rājanmūrcchā yāti pariplutā
44.31
duḥkhena mahatā''viṣṭā jīvamānā mahītale
44.31.p1
iti śrīmahāpurāṇe pādme bhūmikhaṇḍe sukalāvacarite pañcacatvāriṃśo'dhyāyaḥ || 45
Linked texts (3)
- Padmapurāṇa — Vyāsa, Sanskrit
- Bhūmikhaṇḍa — Sanskrit
- Puruṣārthasudhānidhi — Sāyaṇācārya, Sanskrit