Pramāṇa · Search · About · API

Bhukhanda 47

Bhūkhaṇḍa 47

Language
Sanskrit

47.1

brāhmaṇyuvāca—
māthure viṣaye ramye mathurāyāṃ nṛpottamaḥ | ugraseneti vikhyāto yādavaḥ paravīrahā

47.2

sarvadharmārthatattvajño vedajñaḥ śrutavām̐nbalī | dātā bhoktā guṇagrāhī sadguṇānvetti bhūpatiḥ

47.3

rājyaṃ cakāra medhāvī prajā dharmeṇa pālayet | evameva mahātejā ugrasenaḥ pratāpavān

47.4

vaidarbhaviṣaye puṇye satyaketuḥ pratāpavān | tasya kanyā mahābhāgā padmākṣī kamalānanā

47.5

nāmnā padmāvatī nāma satyadharmaparāyaṇā | sā strīṇāṃ ca guṇairyuktā dvitīyeva samudrajā

47.6

vaidarbhī śuśubhe rājansvaguṇaiḥ satyakāraṇaiḥ | māthurastūgrasenastu hyupayeme sulocanām

47.7

tayā saha mahābhāgaḥ sukhaṃ reme pratāpavān | atiprīto guṇaistasyāstayā saha sukhī bhavet

47.8

tasyāḥ snehena prītyā vai sa mugdho madhureśvaraḥ | padmāvatī mahābhāga tasya prāṇapriyā'bhavat

47.9

tayā vinā na bubhuje tayā saha prakrīḍayet | tayā vinā na vai lebhe paramaṃ sukhameva saḥ

47.10

evaṃ prītikarau jātau parasparamanuttamau | snehavantau dvijaśreṣṭha sukhasaṃprītidāyakau

47.11

satyaketuśca rājendraḥ sasmāra sa padmāvatīm | svasutāṃ tāṃ mahābhāgāṃ mātā tasyāḥ suduḥkhitā

47.12

sā dūtānpreṣayāmāsa vaidarbhī māthuraṃ prati | ugrasenaṃ nṛvīrendraṃ sādareṇa dvijottama

47.13

gatvā dūto'tha madhurāṃ rājānaṃ vākyamabravīt | vidarbhādhipatiṃ bhaktyā sa snehena nyavedayat

47.14

ātmanaḥ kuśalaṃ brūte bhavatāṃ paripṛcchati | satyaketurmahārāja tvāmevaṃ parinigdhavān

47.15

darśanāya sutāṃ cā''rya padmāvartī ca preṣaya | yadi tvaṃ manyase nātha prītisnehaṃ hi tasya ca

47.16

preṣayasva mahābhāgāṃ tava prītikarāṃ sadā | autsukyena mahārāja sā śokenānuvartate

47.17

samākarṇya tato vākyamugraseno narottamaḥ | prītyā snehena tasyāpi satyaketormahātmanaḥ

47.18

dākṣiṇyena ca viprendra preṣayāmāsa bhūpatiḥ | padmāvatīṃ priyāṃ bhāryāmugrasenaḥ pratāpavān

47.19

preṣitā tena rājendra gatā padmāvatī svakam | pūrvaṃ gṛhaṃ saṃtī sā tu mahāharṣeṇa saṃyutā

47.20

pitṛpūrvaṃ kuṭumbaṃ tu dadṛśe cārumaṅgalā | pituḥ pādau nanāmātha śirasā satyatatparā

47.21

āgatāyāṃ mahārāja padmāvatyāṃ dvijottama | harṣeṇa mahatā''viṣṭo vidarbhādhipatirnṛpaḥ

47.22

vardhitā mānairdānaiśca vastrālaṃkārabhūṣaṇaiḥ | padmāvatī sukhaināpi piturgehe pravartate

47.23

sakhībhiḥ sahitā sā tu niḥśaṅkaṃ parivartate | ramate sā tadā tatra yathāpūrvaṃ tathaiva ca

47.24

gṛhe vane taḍāgeṣu prāsādeṣu tathaiva ca | punarbālā babhūvātha nirlajjevai parvartate

47.25

niḥśaṅkā vartate vipra sakhībhiḥ saha sarvadā | pativratā mahābhāgā harṣeṇa mahatā'nvitā

47.26

sukhaṃ tu pitṛgehasya durlabhaṃ śvārure gṛhe | evaṃ jñātvā tadā reme kadā īdṛgbhaviṣyati

47.27

anena mohabhāvena krīḍālubdhā varānanā | sakhībhiḥ sahitā nityaṃ vaneṣūpavane tadā

Linked texts (2)