Bhukhanda 50
Bhūkhaṇḍa 50
- Language
- Sanskrit
Contents
- 50.51 — 2 parts
50.1
brāhmaṇyuvāca —
gate tasmindurādhāre gobhile pāpacetasi | padmāvatī rurodātha duḥkhena mahatā'nvitā
50.3
tasyāstu ruditaṃ śrutvā sakhyaḥ sarvā dvijottama | papracchustāṃ rājakanyāṃ tāḥ sarvāśca varānanām 2
kasmādrodiṣi bhadraṃ te kathayasva hi ceṣṭitam | ka gato'sau mahārājo māthurādhipatistava
50.4
yena tvaṃ hi samāhṛtā priye tyaktvā vadasva naḥ | tā uvāca suduḥkhena rudamānā punaḥ punaḥ
50.5
tayā āveditaṃ sarvaṃ yajjātaṃ doṣasaṃbhavam | tābhirnītā piturgehaṃ vepamānā suduḥkhitā
50.6
mātuḥ samakṣaṃ tasyāstu ācacakṣustadā striyaḥ | samākarṇya tato devī gatā sā bhartṛmandiram
50.7
bhartāraṃ śrāvayāmāsa sutāṃvṛttāntameva hi | samākarṇya tato rājā mahāduḥkhī tvajāyata
50.8
yānācchādanakaṃ dattvā parivārasamanvitām | mathurāṃ preṣayāmāsa gatā sā priyamandiram
50.9
sutādoṣaṃ samācchādya pitā mātā dvijottama | ugrasenastu dharmātmā padmāvartī samāgatām
50.10
sa dṛṣṭvā mumude devīmuvācedaṃ vacaḥ punaḥ | tvayā vinā na śaknomi jīvituṃ hi varānane
50.11
bahu prabhāsi me prītā guṇaiḥ śīlaistu sarvadā | bhaktyā satyena me kānte patidaivatyakairguṇaiḥ
50.12
samābhāṣya priyāṃ bhāryā padmāvatīṃ nareśvaraḥ | tayā sārdhaṃ sa vai rema ugraseno nṛpottamaḥ
50.13
vavṛdhe dāruṇo garbhaḥ sarvalokabhayaṃkaraḥ | padmāvatī vijānāti tasya garbhasya kāraṇam
50.14
svodare vardhamānasya cintayantī divāniśam | anenāpi vijātena lokanāśakareṇa vai
50.15
anenāpi na me kāryaṃ duṣṭaputreṇa sāṃpratam | auṣadhīṃ pṛcchate sā tu garbhapātasya sarvataḥ
50.16
naurīmahauṣadhīṃ sā hi vindatī ca dine dine | garbhasya pātanāthaiva upāyā bahuśaḥ kṛtāḥ
50.17
vavṛdhe dāruṇo garbhaḥ sarvalokabhayaṃkaraḥ | tāmuvāca tato garbhaḥ padmāvatīṃ sa mātaram
50.19
kasmāttvaṃ vyathase mātaścauṣadhībhirdine dine | puṇyena vardhate cā''yuḥ pāpenālpaṃ tu jīvitam 18
ātmakarmavipākena jīvanti ca mriyanti ca | āmagarbhā mriyantyante tvapakāstu mahītale
50.20
jātamātrā mriyantyanye kati te yauvanānvitāḥ | bālavṛddhāśca taruṇā āyuṣo vaśatāṃ gatāḥ
50.21
sarve karmavipākena jīvanti ca mriyanti ca | oṣadhyo mantradevāśca nimittāni na saṃśayaḥ
50.22
māmeva hi na jānāsi bhavatī yādṛśo hyaham | dṛṣṭaḥ śrutastvayā pūrvaṃ kālanemirmahābalaḥ
50.23
dānavānāṃ mahāvīryastrailokyasya bhayapradaḥ | devāsuramahāyuddhe hato'haṃ viṣṇunā purā
50.24
sādhanāya ca tadvairamāgato'smi tavodare | sāhasaṃ ca śramaṃ mātarmā kuruṣva dine dine
50.25
evamuktvā dvijaśreṣṭha mātaraṃ virarāma saḥ | mātā ca udyamaṃ tyajya mahāduḥkhādabhūttadā
50.26
dam̐śābdāśca gatā yāvattāvadvṛddhimavāpnuyāt | paścājjajñe mahātejāḥ kaṃso'bhūtsa mahābalaḥ
50.27
yena saṃtrāsitā lokāstrailokyasya nivāsinaḥ | yo hato vāsudevena gaṃto mokṣaṃ na saṃśayaḥ
50.28
evaṃ śrutaṃ mayā kānta bhavitavyaṃ bhaviṣyati | purāṇeṣveva sarveṣu niścitaṃ kathitaṃ tava
50.30
pitṛgehe sthitā kanyā nāśamevaṃ prayāti sā | gṛhavāsāya me kānta[ kanyāmohaṃ na kārayet 29
imāṃ duṣṭāṃ mahāpāpāṃ parityajya sthiro bhava | prāptavyaṃ tu mahāpāpaṃ duḥkhaṃ dāruṇameva ca
loke śreyaskaraṃ kānta] tadbhuṅkṣva tvaṃ mayā saha
50.32
śūkaryuvāca —
etadvākyaṃ subhadraṃ tu śrutvā sa hi dvijottamaḥ | tyāge matiṃ cakārāsau samāhūtā va(tva)haṃ tathā
sakalaṃ vastraśṛṅgāraṃ mama dattaṃ śubhe śṛṇu | tavaiva durnayairvipraḥ śivaśarmā dvijottamaḥ
50.33
gato vai matimānduṣṭe kuladuṣṭapracāriṇi | yatra te tiṣṭhate bhartā tatra gaccha na saṃśayaḥ
tvayā yadrocate sthānaṃ yathā dṛṣṭaṃ tathā kuru
50.34
evamuktvā mahābhāge pitṛmātṛkuṭumbakaiḥ | parityaktā gatā śīghraṃ nirlajjā'haṃ varānane
50.35
na labhāmyahamevāpi vāsasthānaṃ sukhaṃ śubhe | bhartsayanti ca māṃ lokāḥ puṃścalīya samāgatā
50.36
aṭamānā gatā deśātkulamānena varjitā | deśe gurjareke puṇye saurāṣṭre śivamandire
50.37
vam̐nasthaleti vikhyātaṃ nagaraṃ vṛddhisaṃkulam | atīva pīḍitā devī kṣudhayā'haṃ yam̐dā śṛṇu
50.38
karparaṃ hi kare gṛhya bhikṣārthamupacakrame | gṛhāṇāṃ dvāradeśeṣu praviśāmi suduḥkhitā
50.40
maima rūpaṃ vipaśyanti lokāḥ kutsanti bhāmini | na dadati ca me bhikṣāṃ pāpā ceyaṃ samāgatā
evaṃ duḥkhasamācārā mahārogeṇa pīḍitā | aṭamānā yam̐dā dṛṣṭaṃ gṛhamakamanuttamam
50.41
tuṅgaprākārasaṃveṭaṃ vedaśālāsamanvitam | vedadhvanisamākīrṇaṃ bahuviprasamākulam
50.42
dhanadhānyasamākīrṇaṃ dāsīdāsaralaṃkṛtam | praviveśa gṛhaṃ ramyaṃ lakṣmyā muditameva tat
50.43
tadgṛhaṃ sarvato bhadraṃ tasyaiva śivaśarmaṇaḥ | bhikṣāṃ dehītyuvācārthe sudevā duḥkhapīḍitā
50.44
śivaśarmā'tha śuśrāva bhikṣāśabdaṃ dvijottamaḥ | maṅgalā nāma vai bhāryā lakṣmīrūpā varānanā
50.47
[ tāṃ hasanprāha dharmātmā śivaśarmā mahāmatiḥ | hasantīṃ durbalāṃ prāptāṃ bhikṣārthaṃ dvāramāgatām 45
samāhūya priye caināṃ dehi tvaṃ bhojanaṃ śubhe | kṛpayā parayā''viṣṭā jñātvā māṃ tu samāgatām 46
provāca maṅgalā kāntaṃ dāsyāmi priyabhojanam | evamuktvā ca bhartāraṃ maṅgalā maṅgalāānvitā
50.48
punarmāṃ bhojayāmāsa miṣṭānnena sudurbalām | māmuvāca sa dharmātmā śivaśarmā mahāmuniḥ
50.49
kā tvamatra samāyātā kathaṃ vā bhramase jagat | kena kāryeṇa sarvatra kathayasva mamāgrataḥ
50.50
evamākarṇya tadvākyaṃ bhartuścaiva mahātmanaḥ | svareṇa lakṣitaḥ kānto mayā vai pāpayā tadā
50.51
vrīḍayā'dhomukhī jātā dṛṣṭo bhartā yadā mayā | maṅgalā cārusarvāṅgī bhartāramidamabravīt
50.51.p1
kā ceyaṃ hi samācakṣva tvāṃ dṛṣṭvā hi vilajjati | kathayasva prasādena kā ca eṣā bhaviṣyati 52
50.51.p2
iti śrīmahāpurāṇe pādme bhūmikhaṇḍe venopākhyāne sukalācarita ekapañcāśattamo'dhyāyaḥ || 51
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit