Pramāṇa · Search · About · API

Bhukhanda 53

Bhūkhaṇḍa 53

Language
Sanskrit

Contents

53.1

viṣṇuruvāca —
evamuktā gatā dūtī tayā sukalayā tadā | samāsena susaṃproktamavadhārya puraṃdaraḥ

53.2

tadarthaṃ bhāṣitaṃ tasyāḥ satyadharmasamanvitam | ālocya sāhasaṃ dhairyaṃ jñānameva puraṃdaraḥ

53.3

īdṛśaṃ na vadetkācinnārī bhūtvā mahītale | yogarūpaṃ susiddhaṃ ca jñānodakena kṣālitam

53.4

pavitreyaṃ mahābhāgā satyarūpā na saṃśayaḥ | trailokyaṃ hi samastaṃ tu eṣā dhartuṃ bhavetkṣamā

53.5

etadarthaṃ vicāryaiva jiṣṇuḥ kaṃdarpamabravīt | tvayā saha gamiṣyāmi draṣṭuṃ tāṃ kṛkalāṃ(la)priyām

53.6

pratyuvāca sahasrākṣaṃ manmatho baladarpitaḥ | gamyatāṃ tatra deveśa yatrā''ste sā pativratā

53.8

jñānaṃ vīryaṃ balaṃ dhairyaṃ tasyāḥ satyaṃ pativratam | gatvā'haṃ nāśayiṣyāmi kiyanmātrā(trāṃ) sureśvara 7
samākarṇya sahasrākṣo vacanaṃ manmathasya ca | bho bho dūta śṛṇuṣva tvamadhikaṃ bhāṣitaṃ tvayā

53.9

sudṛḍhā satyavīryeṇa susthirā dharmakarmabhiḥ | sukaleyamajeyā vai tatra te pauruṣaṃ na hi

53.10

ityākarṇya tataḥ kruddho manmathastvindramabravīt | ṛṣīṇāṃ devatānāṃ ca mayā balaṃ praṇāśitam

53.12

asyā balaṃ kiyanmātraṃ bhavenmama prakathyatām | tvaṃ ca paśyasva deveśa nāśayiṣyāmi tāṃ striyam
bhavantaṃ vai yathā cāgre tato dṛṣṭvā tvaraṃ vrajet | tathemāṃ bhāvayiṣyāmi rūpeṇa svena tejasā

53.13

gaccha tatra mahatkāryamutpādyaṃ sāṃprataṃ dhruvam | kasmātkutsasi me tejastrailokyasya vināśanam

53.13.p1

viṣṇuruvāca —
ākarṇya vākyaṃ tu manobhavasya eṣā na sādhyā tava kāma jāne
dharmeṇa vīryeṇa susatyabhāvā puṇyena puṇyā bahupuṇyacārā
paśyāmi tejo balamugravīryamito hi gatvā ca dhanuṣmatā vai
tenāpi sārdhaṃ prajagāma devo ratyā ca dūtyā ca pativratāṃ tām
ekāṃ supuṇyāṃ svagṛhe sthitāṃ tāṃ dhyāne pralīnāṃ parihartukāmām
yathāsuyogaṃ paridhyāyamānāṃ vikailpahīnāṃ na ca kalpayetkaḥ
atyadbhutaṃ rūpamananyatejaḥkandarpayuktaṃ hi satāṃ praimodam
līlāyutaṃ bhāvayutaṃ mahātmā tasyāgramevaṃ ca punardadarśa
dṛṣṭvā sulīlaṃ puruṣaṃ mahāntaṃ carantamevaṃ parikāmabhāvam
jāyā hi vaiśyasya mahātmanastu mene na sā rūpaguṇaṃ na tejaḥ
jalaṃ yathā padmadale gataṃ vai prayāti dūraṃ ca dalaṃ vihāya
śaṅkākulaṃ mānasameva sadyaḥ saṃjātamasyāstu pativratāyāḥ
anena dūtī parikeṣitā purā taṃ tu bruvatyeva guṇajñamenam
līlāsvarūpaṃ bahu ātmabhāvaṃ māmeva sarvaṃ paridarśayedyaḥ
mamaiva kālaṃ pravalaṃ prabuddhvā gate hi kānte svaguṇaughaśṛṅkhalaiḥ
ratyā sametaḥ sa kathaṃ tu jīvetpatyā svabhāvena prasādiṃtaṃ ca (?)
mamāpi bhāvaṃ parigṛhya kānto'jīvātkiyānvā'pi subuddhiyuktaḥ
śūnyo hi kāyo mama cāsti sadyaśceṣṭāvihīno mṛtakalpa eva
kāyasvayānasya prajāḥ pranaṣṭā suhṛtkriyākhyaṃ parigṛhya karma
mamāpi kenāpi samaṃ tu kāntaṃ sa ūrdhvaśobhāmanayacca kāmaḥ
yadā stuto vacanairharṣayuktaḥ svakandharopari nṛtyamānaḥ
dattvā anenāpi prabhāṣayedbruvaṃ yo māṃ hi vāñchatyapi bhoktukāmaḥ
evaṃ vicāryaiva tadā mahāsatī satyākhyairajjvairviṃnivaddhatejāḥ
jñātvā gṛhāntaḥ praviveśa sā tadā svakāntabhāvaṃ nijameva raktā

Linked texts (4)