Bhukhanda 6
Bhūkhaṇḍa 6
- Language
- Sanskrit
Contents
- 6.32 — 1 part
6.2
sūta uvāca—
kaśyapasyai ca bhāryā'nyā danurnāma tapasvinī | putraśokena saṃtaptā saṃprāptā ditimandiram
rudamānā praṇamyaiva pādapadmayugaṃ tadā | duḥkhena mahatā prāptā ditistāṃ pratyabodhayat
6.3
ditiruvāca —
tavaiva hi mahābhāge kimidaṃ rodakāraṇam | putriṇyaścaikaputreṇa loke nāryo bhavanti vai
6.4
bhavatī śataputrāṇāṃ guṇināmapi bhāminī | mātā tvamasi kalyāṇi śumbhādīnāṃ mahātmanām
6.5
kasmādduḥkhaṃ tvayā prāptametanme kāraṇaṃ vada | hiraṇyakaśipū rājā hiraṇyākṣo mahābalaḥ
6.6
yasyāḥ putrau mahātmānau mahābalaparākramau | kasmādduḥkhaṃ mahajjātaṃ tasmāccaiva sakhe vada
6.7
[ evamābhāṣya sā devī tāṃ ditirduḥkhasaṃyutām]| ākhyāhi kāraṇaṃ sarvaṃ yasmādrodiṣi sāṃpratam
evamābhāṣya tāṃ devīṃ virarāma manasvinī
6.8
danuruvāca —
paśya paśya mahābhāge sapatnyāśca manoratham | paripūrṇaṃ kṛtaṃ tena devadevena cakriṇā
6.9
yathā pūrvaṃ varo datto hyadityai devi viṣṇunā | tathedānīṃ ca putrāya tasyā datto varo mahān
6.10
kaśyapādiścuto jātastrailokyapālakaḥ sutaḥ | indratvaṃ tasya vai dattaṃ tava putrādvihṛtya ca
6.11
manorathaistu saṃpūrṇā aditiḥ sukhavardhinī | kanīyānvasudattaśca tasya putraśca saṃprati
aindraṃ padaṃ suduṣprāpyaṃ devaiḥ sārdhaṃ bhunakti ca
6.12
ditiruvāca —
kasmātpadātparibhraṣṭo mama putro mahāmatiḥ | anye ca dānavā daityāstejobhraṣṭāḥ kathaṃ sakhe
6.13
tasya tvaṃ kāraṇaṃ brūhi vistareṇa yaśasvini | tāmābhāṣya ditirvākyaṃ virarāma suduḥkhitā
6.14
danuruvāca —
devāśca dānavāḥ sarve krodhācca saṃgaraṃ gatāḥ | tatra yuddhaṃ mahajjātaṃ daityasaṃkṣayakārakam
6.15
devaiśca viṣṇunā yuddhe mama putrā nipātitāḥ | tathaiva tava putrāśca hatā devena cakriṇā
6.16
vane gajānyathā siṃho drāvayetsvena tejasā | tathā te māmakāḥ putrā nihatāḥ śaṅkhapāṇinā
6.17
kālanemimukhaṃ sainyaṃ durjayaṃ yatsurāsuraiḥ | nāśitaṃ marditaṃ sarvaṃ drāvitaṃ vikalīkṛtam
6.18
svīyārcirbhiryathā vahnistṛṇāni jvālayedvane | tathā daityagaṇānsarvānnirdahatyeva keśavaḥ
6.19
mama putrā mṛtā devi bahuśastava nandanāḥ | vahniṃ prāpya yathā sarve śalabhā yānti saṃkṣayam
6.20
tathā te dānavāḥ sarve hariṃ prāpya kṣayaṃ gatāḥ | evameva hi vṛttāntaṃ ditiḥ śuśrāva dāruṇam
6.21
ditiruvāca -
vajrapātopamaṃ bhadre vadasyevaṃ kathaṃ mama | evamābhāṣya tāṃ devī mūrcchitā nipapāta ha
6.22
hā hā kaṣṭaṃ mahajjātaṃ bahuduḥkhaṃ pratāpakam | ruroda karuṇaṃ sā'pi putraśokasupīḍitā
6.23
tāṃ dṛṣṭvā sa muniśreṣṭha uvāca vacanaṃ śubham | mā rodiṣi ca bhadraṃ te naivaṃ śocanti tvadvidhāḥ
6.24
sattvavanto mahābhāge lobhamohenaṃ varjitāḥ | kasya putrā hi saṃsāre kasya devi subāndhavāḥ
6.26
nāsti kasya hi kenāpi¹ tatsarvaṃ śrūyatāṃ priye | dakṣasyāpi sutā yūyaṃ sundaryaścaiva māmakāḥ
6.26-2
bhavatīnāmahaṃ bhartā bharakaḥ pūrakaḥ śubhe | poṣakaḥ pālakaścaiva rakṣako'smi varānane
6.27
kasmādvairaṃ kṛtaṃ krūrairasurairajitātmabhiḥ | tava putrā mahābhāge satyadharmavivarjitāḥ
6.28
tena doṣeṇa te sarve tava doṣeṇa vai śubhe | nihatā vāsudevena devaiśca sunipātitāḥ
6.30
tasmācchoko na kartavyaḥ satyemokṣavināśanaḥ | śoko hi nāśayetpuṇyaṃ kṣayātpuṇyasya naśyati 29
tasmācchokaṃ parityajya vinnarūpaṃ varānane | ātmadoṣaprabhāvena dānavā maraṇaṃ gatāḥ
6.31
devā nimittabhūtāśca nāśitāḥ svena karmaṇā | evaṃ jñātvā mahābhāge samāgaccha sukhaṃ prati
6.32
evamuktvā mahāyogī tāṃ priyāṃ duḥkhabhāginīm | viṣādācca nivṛtto'sau virarāma mahāmatiḥ
6.32.p1
iti śrīmahāpurāṇe pādme bhūmikhaṇḍe ditivilāpo nāma ṣaṣṭho'dhyāyaḥ || 6
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit