Bhukhanda 62
Bhūkhaṇḍa 62
- Language
- Sanskrit
Contents
- 62.15 — 2 parts
62.1
sukarmovāca—
[ tayoścāpi dvijaśreṣṭha mātāpitrośca snātayoḥ | putrasyāpi hi sarvāṅge patantyambukaṇā yadā
sarvatīrthasamaṃ snānaṃ putrasyāpi prajāyate]
62.2
patitaṃ kṣudhitaṃ vṛddhamaśaktaṃ sarvakarmasu | vyādhitaṃ kuṣṭhinaṃ tātaṃ mātaraṃ ca tathāvidhām
62.3
upācarati yaḥ putrastasya puṇyaṃ vadāmyaham | viṣṇustasya prasannātmā jāyate nātra saṃśayaḥ
62.4
prayāti vaiṣṇavaṃ lokaṃ yadaprāpyaṃ hi yogibhiḥ | pitarau vikalau dīnau vṛddhau duḥkhitamānasau
62.5
mahāgadena saṃtaptau parityajati pāpadhīḥ | sa putro narakaṃ yāti dāruṇaṃ kṛmisaṃkulam
62.6
vṛddhābhyāṃ yaḥ samāhūto gurubhyāmiha sāṃpratam | na prayāti suto bhūtvā tasya pāpaṃ vadāmyaham
62.7
viṣṭhāśī jāyate mūḍho'medhyabhojī na saṃśayaḥ | yāvajjanmasahasraṃ tu punaḥ śvāno'bhijāyate
62.8
putragehe sthitau mātāpitarau vṛddhakau tayo | svayaṃ tābhyāṃ vinā bhuktvā prathamaṃ jāyate ghṛṇiḥ
62.9
mūtraṃ viṣṭhāṃ ca bhuñjīta yāvajjanmasahasrakam | kṛṣṇasarpo bhavetpāpī yāvajjanmaśatatrayam
62.10
mātaraṃ pitaraṃ vṛddhamavajñāya pravartate | gṛdhro'pi jāyate duṣṭo janmakoṭiśatairapi
62.11
pitarau kutsate putraḥ kaṭukairvacanairapi | sa ca pāpī bhavedvyāghraḥ paścādduḥkhī prajāyate
62.12
mātaraṃ pitaraṃ putro na namasyati pāpadhīḥ | kumbhīpāke vasettāvadyāvadyugasahasrakam
62.13
nāsti mātuḥ paraṃ tīrthaṃ putrāṇāṃ ca pitustathā | nārāyaṇasamāvetāviha caiva paratra ca
62.14
tasmādahaṃ mahāprājña pitṛdevaṃ prapūjaye | mātaraṃ ca tathā nityaṃ yathāyogaṃ yathāhitam
62.15
pitṛmātṛprasādena saṃjātaṃ jñānamuttamam | trailokyaṃ sakalaṃ vipra saṃprāptaṃ vaśyatāṃ mama
62.15.p1
arvācīnaṃ paraṃ jñānaṃ pituścāsya prasādataḥ | parācīnaṃ ca viprendra vāsudevasvarūpakam
sarvajñānaṃ samudbhūtaṃ pitṛmātṛprasādataḥ | ko na pūjayate vidvānpitaraṃ mātaraṃ tathā
sāṅgopāṅgairadhītaistaiḥ śrutiśāstrasamanvitaiḥ | vedairapi ca kiṃ vipra pitā yena na pūjitaḥ
mātā na pūjitā yena tasya vedā nirarthakāḥ | yajñaiśca tapasā vipra kiṃ dānaiḥ kiṃ ca pūjanaiḥ
prayāti tasya vaiphalyaṃ na mātā yena pūjitā | na pitā pūjito yena jīvamāno gṛhe sthitaḥ
eṣa putrasya vai dharmastathā tīrthaṃ nareṣviha | [ eṣa putrasya vai mokṣastathā janma phalaṃ śubham ]
eṣa putrasya vai yajño dānameva na saṃśayaḥ
pitaraṃ pūjayennityaṃ bhaktyā bhāvena tatparaḥ | tasya jñānaṃ samastaṃ syādyaduktaṃ pūrvameva hi
dānasyāpi phalaṃ labdhaṃ tīrthasyāpi na saṃśayaḥ | yajñasyāpi phalaṃ tena yena mātā'pyupāsitā
pitā ca yena vai bhaktyā nityamevāpyupāsitaḥ | tasya sarvā vipra siddhā yajñādyāḥ puṇyadāḥ kriyāḥ
etadarthe mayā jñātaṃ dharmaśāstraṃ śrutaṃ purā | pitṛbhaktiparo nityaṃ bhavetputro hi pippala
tuṣṭe pitari saṃprāpto yadurājaḥ purā sukham
[ ruṣṭe pitari ca prāptaṃ mahatpāpaṃ purā śṛṇu | guruṇā pauraveṇāpi pitrā śaptena bhūtale ]
evaṃ jñātvā mayā samyagdvāvetau samupāsitau | etayośca prasādena prāptaṃ phalamanuttamam
62.15.p2
iti śrīmahāpurāṇe pādme bhūmikhaṇḍe venopākhyāne triṣaṣṭitamo'dhyāyaḥ || 63
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit