<!-- Pramāṇa, a library of Indian primary sources · https://indike.org/pramana/in.purana.bhukhanda.64 -->

[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Bhukhanda](https://indike.org/pramana/in.purana.bhukhanda) › 64

# Bhukhanda 64: atha pañcaṣaṣṭitamo'dhyāyaḥ

Bhūkhaṇḍa 64

- **Language:** Sanskrit

## Contents

- [64.9](https://indike.org/pramana/in.purana.bhukhanda.64.9) — 1 part

### atha pañcaṣaṣṭitamo'dhyāyaḥ

### [64.1](https://indike.org/pramana/in.purana.bhukhanda.64.1)

yayātiruvāca —  
dharmasya rakṣakaḥ kāyo mātale ātmanā saha | nākameṣa na prayāti tanme tvaṃ kāraṇaṃ vada

### [64.2](https://indike.org/pramana/in.purana.bhukhanda.64.2)

mātaliruvāca —  
pañcānāmapi bhūtānāṃ saṃgatirnāsti bhūpate | ātmanā sahaṃ bhadraṃ te saṃgatyā naiva vartate

### [64.3](https://indike.org/pramana/in.purana.bhukhanda.64.3)

sarveṣāṃ nātra saṃghātaḥ kāyagrāme pravartate | jarayā pīḍitāḥ sarve svaṃ svaṃ sthānaṃ prayānti te

### [64.4](https://indike.org/pramana/in.purana.bhukhanda.64.4)

rasādhikā syātpṛthivī sā rājanparikathyate | rasaiḥ klinnā tataḥ pṛth‍vī mṛdutvaṃ yāti bhūpate

### [64.5](https://indike.org/pramana/in.purana.bhukhanda.64.5)

bhidyate pipīlikābhirmūṣikāmistathaiva sā | chidrāṇyeva prajāyante valmīkāśca mahodarāḥ

### [64.6](https://indike.org/pramana/in.purana.bhukhanda.64.6)

tadvatkāye prajāyante gaṇḍamālā vicarcikāḥ | krimibhirbhidyamānaśca kāya eṣa \[† narottama

### [64.7](https://indike.org/pramana/in.purana.bhukhanda.64.7)

gulmāstatra prajāyante sadyaḥpīḍākarāstadā | ebhirdoṣaiḥ samāyuktaḥ kāyo'yaṃ nahuṣātmaja

### [64.8](https://indike.org/pramana/in.purana.bhukhanda.64.8)

kathaṃ prāṇasamāyogāddivaṃ yāti \] nareśvaraḥ | kāye pārthivabhāgo'yaṃ samānārthaḥ pratitiṣṭhitaḥ

### [64.9](https://indike.org/pramana/in.purana.bhukhanda.64.9)

na kāyaḥ svargamāyāti yathā pṛthvī tathā sthitaḥ | evaṃ te sarvamākhyātaṃ doṣo vai pārthivasya hi

### [64.9.p1](https://indike.org/pramana/in.purana.bhukhanda.64.9.p1)

iti śrīmahāpurāṇe pādme bhūmikhaṇḍe venopākhyāne mātāpitṛtīrthakathane pañcaṣaṣṭitamo'dhyāyaḥ || 65

## Linked texts (2)

- [Padmapurāṇa](https://indike.org/pramana/in.purana.padma.2.65.1) — Vyāsa, Sanskrit
- [Bhūmikhaṇḍa](https://indike.org/pramana/in.purana.bhumikhanda.p332) — Sanskrit

---
Source: [https://indike.org/pramana/in.purana.bhukhanda.64](https://indike.org/pramana/in.purana.bhukhanda.64) · Pramāṇa