Pramāṇa · Search · About · API

Bhukhanda 67: athaikonasaptatitamo'dhyāyaḥ

Bhūkhaṇḍa 67

Language
Sanskrit

athaikonasaptatitamo'dhyāyaḥ

67.1

mātaliruvāca —
atha dharmāḥ śivenoktāḥ śivadharmārgamottamāḥ | jñeyām̐ viddhirvidhānena karmayogaprabhedataḥ

67.2

hiṃsādidoṣanirmuktāḥ kleśāyāsavivarjitāḥ | sarvabhūtahitāḥ śuddhāḥ susūkṣmāstu mahābalāḥ

67.3

anantaśākhāḥ kathitāḥ śivamūlāaikamāsthitāḥ | jñānadhyānasamāyuktāḥ śivadharmāḥ sanātanāḥ

67.4

dhārayanti śivaṃ yasmāddhāryate śivabhāṣitaiḥ | śivadharmāśritāstasmātsaṃsārārṇavatāraṇāḥ

67.5

athāhiṃsā kṣamā satyaṃ hrīḥ śraddhendriyasaṃyamaḥ | dānamijyā tato dhyānaṃ daśakaṃ dharmasādhanam

67.6

atha vyastaiḥ samastairvā śivadharmairanuṣṭhitaiḥ | śivaikasthānasaṃprāptirgatirekaiva kalpitā

67.7

yathā bhūḥ sarvabhūtānāṃ sthānaṃ sādhāraṇaṃ smṛtam | tatsthānaṃ śivabhaktānāmatulaṃ kevalaṃ smṛtam

67.8

yatheha sarvabhūtānāṃ bhogāḥ sātiśayāḥ smṛtāḥ | matāḥ puṇyaviśeṣeṇa bhogāḥ śivapure tathā

67.9

śubhāśubhaphalaṃ cātra bhujyate sarvadā nṛbhiḥ | śivadharmasya caikasya phalaṃ tatropabhujyate

67.10

yasya yādṛgbhavetpuṇyaṃ śraddhāpātraviśeṣataḥ | bhogāḥ śivapure tasya jñeyāḥ sām̐tiśayāḥ śubhāḥ

67.12

sthānaprāptiḥ paraṃ tulyā bhogāḥ śāntimayāḥ smṛtāḥ | kuryāttasminmahāsthānaṃ mahrāyogajigīṣayā 11
sarvātiśayamevaikaṃ bhāvitaṃ ca surottamaiḥ | ātmaiyogādhipatyaṃ syācchivaḥ sarvajagatpatiḥ

67.13

[ kecittatraiva mucyante jñānayogaratā narāḥ | āvartante punaścānye saṃsāre bhogatatparāḥ]

67.14

tasmādvimuktimicchaṃstu bhogāsaktiṃ vivarjayet | viraktaḥ śāntacittātmā śivajñānamavāpnuyāt

67.15

ye cānyāsaktahṛdayā yajantīrśa prayatnataḥ | teṣāmapi dadātīśaḥ sthānaṃ bhāvānurūpataḥ

67.16

tatrārcayanti ye rudraṃ sakṛducchiṣṭakarmaṇā | teṣāṃ piśācalokeṣu bhogānīśaḥ prayacchati

67.17

saṃtaptā duḥkhabhāvena mriyante sarvadehinaḥ | annadaḥ prāṇadaḥ proktaḥ prāṇadaścāpi sarvadaḥ

67.18

tasmādannapradānena sarvadānaphalaṃ bhavet | [ trailokye yāni ratnāni bhogāḥ strīvāhanāni ca
annadānapradaḥ sarvamihāmutra phalaṃ] labhet

67.19

yaismādannena puṣṭāṅgaḥ kurute puṇyasaṃcayam | annapradātustasyārdhaṃ kartuścārdhaṃ na saṃśayaḥ

67.20

dharmārthakāmamokṣāṇāṃ dehaḥ paramasādhanam | [ sthitirastasyānnapānābhyāmatastatsarvasādhanam]

67.21

annaṃ prajāpatiḥ sākṣādannaṃ viṣṇuḥ śivaḥ svayam| tasmādannasamaṃ dānaṃ na bhūtaṃ na bhaviṣyati

67.22

trayāṇāmapi lokānāmudakaṃ jīvanaṃ smṛtam | [ pavitramudakaṃ divyaṃ śuddhaṃ sarvarasāśrayam

67.23

annapānāśrvagovastraśayyāsrtrāsanāni ca] | pretaloke praśastāni dānānyaṣṭau viśeṣataḥ

67.24

evaṃ dānaviśeṣeṇa dharmarājapuraṃ naraḥ | yasmādyāti sukhenaiva tasmāddharmaṃ samācaret

67.25

ye punaḥ krūrakarmāṇaḥ sadā dānavivarjitāḥ | bhuñjate dāruṇaṃ duḥkhaṃ narake nṛpanandana

67.27

tathā sukhaṃ prabhokṣyante dānaṃ kṛtvā tu cātulam | teṣāṃ svayaṃ bhavetsaukhyaṃ karmayogaratātmanām 26
aprameyaguṇairdivyairvimānaiḥ sārvakāmikaiḥ | asaṅkhyaistatpuraṃ vyāptaṃ prāṇināmupakārakaiḥ

67.28

sahasrasomadivyaṃ vā sūryatejaḥsamaprabham | rudralokamiti proktamaśeṣaguṇasaṃyutam

67.29

sarveṣāṃ śivabhaktānāṃ tatpuraṃ parikīrtitam | [ rudrakṣetre mṛtānāṃ ca jaṅgamasthāvarātmanām ]

67.32

athaikadivasaṃ bhaktyā yaḥ pūjayati śaṃkaram | so'pi yāti śivaṃ sthānaṃ kiṃ punarbahuśo'rcayan 30
vaiṣṇavā viṣṇubhaktāśca viṣṇudhyānaparāyaṇāḥ | te'pi yānti ca vaikuṇṭhaṃ samīpaṃ caiva cakriṇaḥ 31
brahmavādī ca dharmātmā brahmalokaṃ prayāti saḥ | puṇyakartā supuṇyena puṇyalokaṃ prayāti ca

67.33

tasmādīśaṃ sadā bhaktyā bhāvayedātmanā''tmani | harau vā'pi mahārāja yuktātmā jñānavānsvayam
tasmātsarvavicāreṇa bhāvadoṣavicārataḥ

67.34

evaṃ viṣṇuprabhāvena viśiṣṭenāpi karmaṇā | naraiḥ sthānamavāpyeta veśabhāvānurūpataḥ

67.35

ityetadaparaṃ proktaṃ śrīmacchivapuraṃ mahat | dehināṃ karmaniṣṭhānāṃ punarāvartakaṃ smṛtam

67.36

ūrdhvaṃ śivapurājjñeyaṃ vaiṣṇavaṃ lokamuttamam | vaiṣṇavā mānavā yānti viṣṇudhyānaparāyaṇāḥ

67.38

brāhmaṇā brahmalokaṃ tu sadācārā narottamāḥ | prayānti yajvinaḥ sarve sunītāstatra kovidāḥ 37
indralokaṃ tathā yānti kṣatriyā yuddhagāminaḥ | anye ca puṇyakartāraḥ puṇyalokānprayānti ca

Linked texts (4)