Bhukhanda 68: atha saptatitamo'dhyāyaḥ

Bhūkhaṇḍa 68

mātaliruvāca —
yamapīḍāṃ pravakṣyāmi mahātīvrāṃ sudāruṇām | bhuñjanti pāpinaḥ sarve kūṭāste brahmaghātinaḥ

kvacitpāpāḥ prapacyante tīvreṇa narakāgninā | kvacitsiṃhairvyāghrairdaśaiḥ kīṭaistu dāruṇaiḥ

kvacinmahājalaukobhiḥ kvaciccājagaraiḥ punaḥ | makṣikābhiśca raudrābhiḥ kvacitsarpairivolbaṇaiḥ

mattamātaṅgayūthaiśca balotkṛṣṭaiḥ pramāthibhiḥ | panthānamulikhadbhiśca tīkṣṇaśṛṅgairmahāvṛṣaiḥ

mahāśṛṅgaiśca mahiṣairduṣṭagātraprabādhakaiḥ | ḍākinībhiśca raudrābhirvikaṭākṣaiśca rākṣasaiḥ

vyādhibhiśca mahāraudraiḥ pīḍyamānā vrajanti te | mahottulā samārūḍhā dolyamānā atīva te

mahāvegaprabhūtāste mahācaṇḍena vāyunā | mahāpāṣāṇavarṣeṇa bhidyamānāśca sarvataḥ

patadbhirvajranirghoṣairulkāpātaiśca dāruṇaiḥ | pradīptāṅgāravarṣeṇa hanyamānā vrajanti te

mahatā pāṃsuvarṣeṇa pūryamāṇā yamaṃ gatāḥ| ye narāḥ pāpakarmāṇaḥ pāpaṃ bhuñjanti dāruṇam

evaṃ pāpaviśeṣeṇa pāpiṣṭhāḥ pāpakārakāḥ| nirayaṃ prāpya bhuñjanti bahupīḍāsamākulam

etatte sarvamākhyātaṃ vivekaṃ pāpapuṇyayoḥ| anyatkiṃ te pravakṣyāmi dharmasāramanuttamam

iti śrīmaddmāpurāṇe pādme bhūmikhaṇḍe venopākhyāne yayāticarite pitṛtīrthe saptatitamo'dhyāyaḥ || 70

Linked texts (5)