Bhukhanda 69: athaikasaptatitamo'dhyāyaḥ
Bhūkhaṇḍa 69
- Language
- Sanskrit
athaikasaptatitamo'dhyāyaḥ
69.1
yayātiruvāca —
yattvayā sarvamākhyātaṃ dharmādharmamanuttamam| śṛṇvato'tha mama śraddhā puṇyaṃ caiva pravardhate
69.2
devānāṃ lokasaṃsthānāṃ vada saṃkhyāḥ prakīrtitāḥ| yasya puṇyaprasaṅgena yena prāptaṃ ca mātale
69.3
mātaliruvāca —
yogayuktaṃ pravakṣyāmi [ tapasā yadupārjitam | devānāṃ vāsasaṃsthānaṃ sukhabhogapradāyakam
69.4
dharmabhāvaṃ pravakṣyāmi hyā]yāsenā'rjitaṃ pṛthak| upariṣṭācca lokānāṃ svarūpaṃ cāpyanukramāt
69.5
tatrāṣṭaguṇamaiśvaryaṃ pārthivaṃ piśitāśinām| tasmātsadyrogatānāṃ ca narāṇāmuttamaṃ smṛtam
69.6
bahudvāraṃ ṣoḍaśakulaṃ pārthivātpañca tadvidhā| ekaṃ niravaśeṣaṃ ca yaccheṣaṃ kulatejasām
69.7
gandharvāṇāṃ ca vāyvavyamātraṃ ca sakalaṃ smṛtam| [ pāñcabhautikamindrasya catvāriṃśadguṇaṃ mahat ]
69.8
somasya mānasaṃ divyaṃ viśveśaṃ pāñcabhautikam
saumyaṃ prajāpatīśānāmahaṃkāraguṇāṃnvitam | catuḥṣaṣṭiguṇaṃ brāhmyaṃ baudhamaiśvaryamuttamam
69.9
viṣṇoḥ pradhānakaṃ sūkṣmaṃ śivasyā''tmagataṃ mahat| ādimadhyāntarahitaṃ viśuddhaṃ tattvalakṣaṇam
69.10
sarvābhibhāvakaṃ sūkṣmamanaupamyaṃ parātparam| susaṃpūrṇaṃ jagaddhetuḥ paśupāśavimokṣaṇam
69.11
yo yatsthānamanuprāptastasya bhogastadātmakaḥ| vimānaṃ tatsamānaṃ ca bhavedīśaprasādataḥ
69.13
nānārūpāṇi bhāvānāṃ dṛśyante koṭayastvimāḥ| aṣṭāviṃśatirevordhvasudīrghāḥ sukṛtātmanām 12
ye kurvanti namaskāramīśvarāya kvacitkvacit| saṃparkātkautukāllobhāttadvimānaṃ labhanti te
69.14
nāmasaṃkīrtanaṃ cāpi prasaṅgena śivasya yaḥ| kuryādrā'pi namaskāraṃ na tasya viphalaṃ bhavet
69.15
ityetā gatayaḥ proktā mahatyaḥ śivakarmaṇi| karmaṇā manasā vācā puṃsāmīśānubhāvataḥ
69.16
prasaṅgenāpi ye kuryurāṇkaṭhaṃ smaraṇaṃ naraḥ| te labhante'tulaṃ saukhyaṃ kiṃ punastatparāyaṇāḥ
69.18
viṣṇucintāṃ prakurvanti dhyānenā''kulamānasāḥ| te yānti paramaṃ sthānaṃ tadviṣṇoḥ paramaṃ padam
śaiva ca vaiṣṇavaṃ lokamekarūpaṃ narottama| dvayoścāpyantaraṃ nāsti ekarūpaṃ mahātmanoḥ
69.19
śivāya viṣṇurūpāya viṣṇave śivarūpiṇe| śivasya hṛdaye viṣṇurviṣṇośca hṛdaye śivaḥ
69.20
ekamūrtistrayo devā brahmaviṣṇumaheśvarāḥ| trayāṇāmantaraṃ nāsti guṇabhedāḥ prakīrtitāḥ
69.21
śivabhakto'si rājendra tathā bhāgavato'si ca| tena devāḥ prasannāste brahmaviṣṇumaheśvarāḥ
suprītā varadā rājankarmaṇā tava suvrata
69.22
indrādeśātsamāyātaḥ saṃnidhau tava mānada| aindramenaṃ(tat) padaṃ yāhi paścādbrāhmyaṃ maheśvaram
69.23
vaiṣṇavaṃ ca prayāhi tvaṃ rdāhmapralayavarjitam| anenāpi vimānena divyena sarvagāminā
69.25
devānāṃ divyabhogāṃstvaṃ bhuṅkṣva rājanmanogatān| samāruhya vimānaṃ tvaṃ puṣpakaṃ sukhagāmina(nā)m24
sukarmovāca—
evamuktvā dvijaśreṣṭha rājānaṃ dharmavatsalam| yayātiṃ mātalī rājñā pūjitaḥ sādaraṃ tadā
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit