[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Bhukhanda](https://indike.org/pramana/in.purana.bhukhanda) › 6 # Bhukhanda 6 Bhūkhaṇḍa 6 - **Language:** Sanskrit ## Contents - [6.32](https://indike.org/pramana/in.purana.bhukhanda.6.32) — 1 part ### [6.2](https://indike.org/pramana/in.purana.bhukhanda.6.2) sūta uvāca— kaśyapasyai ca bhāryā'nyā danurnāma tapasvinī | putraśokena saṃtaptā saṃprāptā ditimandiram rudamānā praṇamyaiva pādapadmayugaṃ tadā | duḥkhena mahatā prāptā ditistāṃ pratyabodhayat ### [6.3](https://indike.org/pramana/in.purana.bhukhanda.6.3) ditiruvāca — tavaiva hi mahābhāge kimidaṃ rodakāraṇam | putriṇyaścaikaputreṇa loke nāryo bhavanti vai ### [6.4](https://indike.org/pramana/in.purana.bhukhanda.6.4) bhavatī śataputrāṇāṃ guṇināmapi bhāminī | mātā tvamasi kalyāṇi śumbhādīnāṃ mahātmanām ### [6.5](https://indike.org/pramana/in.purana.bhukhanda.6.5) kasmādduḥkhaṃ tvayā prāptametanme kāraṇaṃ vada | hiraṇyakaśipū rājā hiraṇyākṣo mahābalaḥ ### [6.6](https://indike.org/pramana/in.purana.bhukhanda.6.6) yasyāḥ putrau mahātmānau mahābalaparākramau | kasmādduḥkhaṃ mahajjātaṃ tasmāccaiva sakhe vada ### [6.7](https://indike.org/pramana/in.purana.bhukhanda.6.7) \[ evamābhāṣya sā devī tāṃ ditirduḥkhasaṃyutām\]| ākhyāhi kāraṇaṃ sarvaṃ yasmādrodiṣi sāṃpratam evamābhāṣya tāṃ devīṃ virarāma manasvinī ### [6.8](https://indike.org/pramana/in.purana.bhukhanda.6.8) danuruvāca — paśya paśya mahābhāge sapatnyāśca manoratham | paripūrṇaṃ kṛtaṃ tena devadevena cakriṇā ### [6.9](https://indike.org/pramana/in.purana.bhukhanda.6.9) yathā pūrvaṃ varo datto hyadityai devi viṣṇunā | tathedānīṃ ca putrāya tasyā datto varo mahān ### [6.10](https://indike.org/pramana/in.purana.bhukhanda.6.10) kaśyapādiścuto jātastrailokyapālakaḥ sutaḥ | indratvaṃ tasya vai dattaṃ tava putrādvihṛtya ca ### [6.11](https://indike.org/pramana/in.purana.bhukhanda.6.11) manorathaistu saṃpūrṇā aditiḥ sukhavardhinī | kanīyānvasudattaśca tasya putraśca saṃprati aindraṃ padaṃ suduṣprāpyaṃ devaiḥ sārdhaṃ bhunakti ca ### [6.12](https://indike.org/pramana/in.purana.bhukhanda.6.12) ditiruvāca — kasmātpadātparibhraṣṭo mama putro mahāmatiḥ | anye ca dānavā daityāstejobhraṣṭāḥ kathaṃ sakhe ### [6.13](https://indike.org/pramana/in.purana.bhukhanda.6.13) tasya tvaṃ kāraṇaṃ brūhi vistareṇa yaśasvini | tāmābhāṣya ditirvākyaṃ virarāma suduḥkhitā ### [6.14](https://indike.org/pramana/in.purana.bhukhanda.6.14) danuruvāca — devāśca dānavāḥ sarve krodhācca saṃgaraṃ gatāḥ | tatra yuddhaṃ mahajjātaṃ daityasaṃkṣayakārakam ### [6.15](https://indike.org/pramana/in.purana.bhukhanda.6.15) devaiśca viṣṇunā yuddhe mama putrā nipātitāḥ | tathaiva tava putrāśca hatā devena cakriṇā ### [6.16](https://indike.org/pramana/in.purana.bhukhanda.6.16) vane gajānyathā siṃho drāvayetsvena tejasā | tathā te māmakāḥ putrā nihatāḥ śaṅkhapāṇinā ### [6.17](https://indike.org/pramana/in.purana.bhukhanda.6.17) kālanemimukhaṃ sainyaṃ durjayaṃ yatsurāsuraiḥ | nāśitaṃ marditaṃ sarvaṃ drāvitaṃ vikalīkṛtam ### [6.18](https://indike.org/pramana/in.purana.bhukhanda.6.18) svīyārcirbhiryathā vahnistṛṇāni jvālayedvane | tathā daityagaṇānsarvānnirdahatyeva keśavaḥ ### [6.19](https://indike.org/pramana/in.purana.bhukhanda.6.19) mama putrā mṛtā devi bahuśastava nandanāḥ | vahniṃ prāpya yathā sarve śalabhā yānti saṃkṣayam ### [6.20](https://indike.org/pramana/in.purana.bhukhanda.6.20) tathā te dānavāḥ sarve hariṃ prāpya kṣayaṃ gatāḥ | evameva hi vṛttāntaṃ ditiḥ śuśrāva dāruṇam ### [6.21](https://indike.org/pramana/in.purana.bhukhanda.6.21) ditiruvāca - vajrapātopamaṃ bhadre vadasyevaṃ kathaṃ mama | evamābhāṣya tāṃ devī mūrcchitā nipapāta ha ### [6.22](https://indike.org/pramana/in.purana.bhukhanda.6.22) hā hā kaṣṭaṃ mahajjātaṃ bahuduḥkhaṃ pratāpakam | ruroda karuṇaṃ sā'pi putraśokasupīḍitā ### [6.23](https://indike.org/pramana/in.purana.bhukhanda.6.23) tāṃ dṛṣṭvā sa muniśreṣṭha uvāca vacanaṃ śubham | mā rodiṣi ca bhadraṃ te naivaṃ śocanti tvadvidhāḥ ### [6.24](https://indike.org/pramana/in.purana.bhukhanda.6.24) sattvavanto mahābhāge lobhamohenaṃ varjitāḥ | kasya putrā hi saṃsāre kasya devi subāndhavāḥ ### [6.26](https://indike.org/pramana/in.purana.bhukhanda.6.26) nāsti kasya hi kenāpi¹ tatsarvaṃ śrūyatāṃ priye | dakṣasyāpi sutā yūyaṃ sundaryaścaiva māmakāḥ ### [6.26-2](https://indike.org/pramana/in.purana.bhukhanda.6.26-2) bhavatīnāmahaṃ bhartā bharakaḥ pūrakaḥ śubhe | poṣakaḥ pālakaścaiva rakṣako'smi varānane ### [6.27](https://indike.org/pramana/in.purana.bhukhanda.6.27) kasmādvairaṃ kṛtaṃ krūrairasurairajitātmabhiḥ | tava putrā mahābhāge satyadharmavivarjitāḥ ### [6.28](https://indike.org/pramana/in.purana.bhukhanda.6.28) tena doṣeṇa te sarve tava doṣeṇa vai śubhe | nihatā vāsudevena devaiśca sunipātitāḥ ### [6.30](https://indike.org/pramana/in.purana.bhukhanda.6.30) tasmācchoko na kartavyaḥ satyemokṣavināśanaḥ | śoko hi nāśayetpuṇyaṃ kṣayātpuṇyasya naśyati 29 tasmācchokaṃ parityajya vinnarūpaṃ varānane | ātmadoṣaprabhāvena dānavā maraṇaṃ gatāḥ ### [6.31](https://indike.org/pramana/in.purana.bhukhanda.6.31) devā nimittabhūtāśca nāśitāḥ svena karmaṇā | evaṃ jñātvā mahābhāge samāgaccha sukhaṃ prati ### [6.32](https://indike.org/pramana/in.purana.bhukhanda.6.32) evamuktvā mahāyogī tāṃ priyāṃ duḥkhabhāginīm | viṣādācca nivṛtto'sau virarāma mahāmatiḥ ### [6.32.p1](https://indike.org/pramana/in.purana.bhukhanda.6.32.p1) iti śrīmahāpurāṇe pādme bhūmikhaṇḍe ditivilāpo nāma ṣaṣṭho'dhyāyaḥ || 6 ## Linked texts (2) - [Padmapurāṇa](https://indike.org/pramana/in.purana.padma.2.6.1) — Vyāsa, Sanskrit - [Bhūmikhaṇḍa](https://indike.org/pramana/in.purana.bhumikhanda.p36) — Sanskrit --- Source: [https://indike.org/pramana/in.purana.bhukhanda.6](https://indike.org/pramana/in.purana.bhukhanda.6) · Pramāṇa