[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Bhukhanda](https://indike.org/pramana/in.purana.bhukhanda) › 74 # Bhukhanda 74 Bhūkhaṇḍa 74 - **Language:** Sanskrit ## Contents - [74.107](https://indike.org/pramana/in.purana.bhukhanda.74.107) — 1 part ### [74.1](https://indike.org/pramana/in.purana.bhukhanda.74.1) sukarmovācakāmasya gītalāsyena hāsyena lalitena ca | mohitastena rājendro naṭarūpeṇa pippala ### [74.2](https://indike.org/pramana/in.purana.bhukhanda.74.2) kṛtvā mūtrapurīṣaṃ ca sa rājā nahuṣātmajaḥ | akṛtvā pādayoḥ śaucamāsana upaviṣṭavān ### [74.3](https://indike.org/pramana/in.purana.bhukhanda.74.3) tadantaraṃ tu saṃprāpya saṃcacāra jarā nṛpam | kāmaścāpi nṛpaśreṣṭha indrakāryaṃ kṛtaṃ hi taiḥ ### [74.4](https://indike.org/pramana/in.purana.bhukhanda.74.4) nivṛtte nāṭake tasmingateṣu teṣu bhūpatiḥ | jarābhibhūto dharmātmā kāmasaṃsaktamānasaḥ ### [74.5](https://indike.org/pramana/in.purana.bhukhanda.74.5) mohitaḥ kāmadevena vihvalo vikalendriyaḥ | atīva mugdho dharmātmā viṣayaiśca parājitaḥ ### [74.6](https://indike.org/pramana/in.purana.bhukhanda.74.6) ekadā mṛgayāśīlaḥ saṃprāptaḥ kāmasaṃyutaḥ | vane ca krīḍate vipra moharāgavaśaṃ gataḥ ### [74.7](https://indike.org/pramana/in.purana.bhukhanda.74.7) krīḍamānasya tasyāpi nṛpateśca mahātmanaḥ | mṛgaścaikaḥ samāyātaścatuḥśṛṅgo hyanaupamaḥ ### [74.8](https://indike.org/pramana/in.purana.bhukhanda.74.8) sarvāṅgasundaro vipra hemavarṇatanūruhaḥ | ratnamauliḥ sucitrāṅgo darśanīyamanoharaḥ ### [74.9](https://indike.org/pramana/in.purana.bhukhanda.74.9) abhyadhāvatsa vegena taṃ dṛṣṭvā cāpabāṇavān | ityāśaṅka medhāvī ko'pi daityo'yamāgataḥ ### [74.10](https://indike.org/pramana/in.purana.bhukhanda.74.10) tena rājā mṛgeṇāpi dūramākarṣitastadā | gataḥ sa rathavegena śrameṇa parikheditaḥ ### [74.11](https://indike.org/pramana/in.purana.bhukhanda.74.11) paśyamānasya tasyāpi mṛgastvantaradhīyata | sa paśyati vanaṃ tatra nandanopamamadbhutam ### [74.12](https://indike.org/pramana/in.purana.bhukhanda.74.12) cāruvṛkṣasamākīrṇaṃ bhūtapañcakagobhitam | gurubhiścandanaiḥ puṇyaiḥ kadalīkhaṇḍamaṇḍitaiḥ ### [74.13](https://indike.org/pramana/in.purana.bhukhanda.74.13) bakulāśokapuṃnāgainārīkelaiśca tindukaiḥ | pūgīphalaiśca kharjūraiḥ kumudaiḥ saptaparṇakaiḥ ### [74.14](https://indike.org/pramana/in.purana.bhukhanda.74.14) puṣpitaiḥ karṇikāraiśca nānādrukṣaiḥ sadāphalaiḥ | puṣpitāmodasaṃyuktaiḥ ketakaiḥ pāṭalaistathā ### [74.15](https://indike.org/pramana/in.purana.bhukhanda.74.15) paśyamāno mahārājo dadarśa sara uttamam | puṇyodakena saṃpūrṇa vistīrṇaṃ pañcayojanam ### [74.16](https://indike.org/pramana/in.purana.bhukhanda.74.16) haṃsakāraṇaḍavākīrṇaṃ jalapakṣinināditam | kamalaiścāpi muditaṃ śvetotpalavirājitam ### [74.17](https://indike.org/pramana/in.purana.bhukhanda.74.17) raktotpalaiḥ śobhamānaṃ hāṭakotpalakhaṇḍitam | nīlotpalaiḥ prakāśantaṃ(?) kahlārairatiśobhitam ### [74.18](https://indike.org/pramana/in.purana.bhukhanda.74.18) mattairmadhukaraiścāpi sarvatra parināditam | \[ evaṃ sarvaguṇopetaṃ dadarśa sara uttamam ### [74.19](https://indike.org/pramana/in.purana.bhukhanda.74.19) pañcayojanavistīrṇaṃ daśayojanadairghakam | taḍāgaṃ sarvatobhadraṃ divyabhāvairalaṅkṛtam \] ### [74.20](https://indike.org/pramana/in.purana.bhukhanda.74.20) rathavegena saṃsvinnaḥ kiṃcicchrameṇa pīḍitaḥ | nipasāda taṭe tasyai śritacchāyāṃ suśītalām ### [74.21](https://indike.org/pramana/in.purana.bhukhanda.74.21) snātvā pītvā jalaṃ śītaṃ padmaugandhavyavāsitam | sarvaśramopaśamanamamṛtopamameva tat ### [74.22](https://indike.org/pramana/in.purana.bhukhanda.74.22) śītacchāyāśritenāpi rājñā tena ca bhūtale | gītadhvaniṃ samākarṇya gīyamānaṃ yathā tathā ### [74.24](https://indike.org/pramana/in.purana.bhukhanda.74.24) yathā strī gīyate divyā tathā'yaṃ śrūyate dhvaniḥ | gītapriyo mahārāja evaṃ cintāṃ parāṃ gataḥ 23 cintākulastu dharmātmā yāvaccintayate kṣaṇam | tāvannārī varā kācitpīnonnatapayodharā ### [74.25](https://indike.org/pramana/in.purana.bhukhanda.74.25) nṛpateḥ paśyamānasya gatā dṛṣṭipathaṃ vane | sarvābharaṇaśobhāṅgī śīlalakṣaṇasaṃpadā ### [74.27](https://indike.org/pramana/in.purana.bhukhanda.74.27) \[†tasminvane samāyātā nṛpateḥ purataḥ sthitām̐\] | sā pṛṣṭā tena vai rājñā kā tvaṃ kiṃkāraṇā''gatā vada sarvaṃ viśālākṣi tacchrutvā vacanaṃ tu sā | novāca kiṃcidbhūpālaṃ lajjamānā varānanā ### [74.28](https://indike.org/pramana/in.purana.bhukhanda.74.28) prahasyaiva gatā śīghraṃ vīṇāvādanatatparā | vismayenāpi rājendro mahatā vyāpṛtastadā ### [74.29](https://indike.org/pramana/in.purana.bhukhanda.74.29) mayā saṃbhāṣinā cāpi na sā brūte tathottaram | tataścintāṃ samāpede yayātiḥ pṛthivīpatiḥ ### [74.30](https://indike.org/pramana/in.purana.bhukhanda.74.30) yo'sau mṛgo yathā dṛṣṭastuḥśṛṅgasuvarṇakaḥ | tasmānnārī samudbhūtā tatsatyaṃ pratibhāti me ### [74.32](https://indike.org/pramana/in.purana.bhukhanda.74.32) māyārūpamidaṃ satyaṃ dānavānāṃ bhaviṣyati | \[ cintayitvā kṣaṇaṃ rājā yayātirnahuṣātmajaḥ\] 31 yāvaccintayate rājā tāvannārī mahāvane | antardhānaṃ gatā vipra prahasya nṛpanandanam ### [74.33](https://indike.org/pramana/in.purana.bhukhanda.74.33) etasminnantare gītaṃ susvaraṃ nṛpatiḥ punaḥ | śuśrāva paramaṃ divyaṃ mūrcchanātālasaṃyutam ### [74.34](https://indike.org/pramana/in.purana.bhukhanda.74.34) jagāma satvaraṃ rājā yatra gītadhvanirmahān | jalānte puṣkale caiva mahatsadanamuttamam ### [74.35](https://indike.org/pramana/in.purana.bhukhanda.74.35) tasyopari varā nārī śīlarūpaguṇānvitā | divyalakṣaṇasaṃpannā divyābharaṇabhūṣitā ### [74.36](https://indike.org/pramana/in.purana.bhukhanda.74.36) divyairbhāvaiḥ prabhātyekā vīṇādaṇḍakadhāriṇī | gāyantī sundaraṃ gītaṃ tālamānalayānvitam ### [74.37](https://indike.org/pramana/in.purana.bhukhanda.74.37) tena gītaprabhāvena mohayantī carācaram | devānmunigaṇānsarvāndaityāngandharvakinnarān ### [74.38](https://indike.org/pramana/in.purana.bhukhanda.74.38) tāṃ ca dṛṣṭvā viśālākṣīṃ rūpatejopaśālinīm | saṃsāre nāsti caivānyā nārīdṛśī carācare ### [74.39](https://indike.org/pramana/in.purana.bhukhanda.74.39) purā naṭo jarāyukto nṛpate kāma eva hi | saṃcaraṃśca mahākāmastadā'sau prakaṭo'bhavat ### [74.40](https://indike.org/pramana/in.purana.bhukhanda.74.40) ghṛtaṃ spṛṣṭvā yathā vahnī raśmimānsaṃprajāyate | tāṃ ca dṛṣṭvā tathā kāmastatkāyātprakaṭo'bhavat ### [74.41](https://indike.org/pramana/in.purana.bhukhanda.74.41) manmathāviṣṭadharmātmā tāṃ dṛṣṭvā cārulocanām | īdṛgrūpā na dṛṣṭā me yuvatī viśvamohinī ### [74.42](https://indike.org/pramana/in.purana.bhukhanda.74.42) cintayitvā kṣaṇaṃ rājā kāmasaṃsaktamānasaḥ | tasyāṃḥ sa viraheṇāpi lubdho'bhūnnṛpatistadā ### [74.43](https://indike.org/pramana/in.purana.bhukhanda.74.43) kāmāgninā dahyamānaḥ kāmajvareṇa pīḍitaḥ | kathaṃ syānmama caiveyaṃ kathaṃ bhāvo bhaviṣyati ### [74.46](https://indike.org/pramana/in.purana.bhukhanda.74.46) yadīyaṃ prāpyate tarhi saphalaṃ jīvitaṃ bhavet | \[ yadā māṃ gūhate bālā padmāsyā padmalocanā \] 44 evaṃ vicintya dharmātmā yayātiḥ pṛthivīpatiḥ | tāmuvāca varārohāṃ kā tvaṃ kasyāsi vā śubhe 45 pūrvaṃ dṛṣṭā tu yā nārī sā dṛṣṭā punareva ca | tāṃ ca papraccha dharmātmā kā ceyaṃ tava pārśvagā ### [74.47](https://indike.org/pramana/in.purana.bhukhanda.74.47) sarvaṃ kathaya kalyāṇi ahaṃ hi nahuṣātmajaḥ | somavaṃśaprasūtaśca saptadvīpādhipaḥ śubhe ### [74.48](https://indike.org/pramana/in.purana.bhukhanda.74.48) yayātirnāma me devi khyāto'haṃ bhuvanatraye | tvayi saṃgacchate ceto bhāvamevaṃ pravāñchate ### [74.49](https://indike.org/pramana/in.purana.bhukhanda.74.49) dehi me saṃgamaṃ bhadre kuruṣva priyameva me | yaṃ yaṃ hi vāñchase kāmaṃ taṃ taṃ dadmi na saṃśayaḥ ### [74.50](https://indike.org/pramana/in.purana.bhukhanda.74.50) durjeyenāpi kāmena hato'haṃ varavarṇini | tasmāntrāhi suśīlaṃ māṃ prapannaṃ śaraṇaṃ tava ### [74.51](https://indike.org/pramana/in.purana.bhukhanda.74.51) rājyaṃ ca sakalāmurvī śarīraṃ cāpi cā''tmanaḥ | saṃgame tava dāsyāmi trailokyamidameva te ### [74.53](https://indike.org/pramana/in.purana.bhukhanda.74.53) tasya rājño vacaḥ śrutvā sā strī padmanibhānanā | viśālāṃ svasakhīṃ prāha brūhi rājānamāgatam nāma cotpattisthānaṃ ca pitaraṃ mātaraṃ śubhe | mamāpi bhavate kāmo asyāgre ca nivedaya ### [74.54](https://indike.org/pramana/in.purana.bhukhanda.74.54) tasyāśca kāṅkṣitaṃ jñātvā viśālā bhūpatiṃ tadā | uvāca madhurālāpaiḥ śrūyatāṃ nṛpanandana ### [74.55](https://indike.org/pramana/in.purana.bhukhanda.74.55) kāma eṣa purā dagdho devadevena śaṃbhunā | ruroda sā ratirduḥkhādbhartṛhīnā hi susvaram ### [74.56](https://indike.org/pramana/in.purana.bhukhanda.74.56) asminsarasi rājendra ratirhi nyavasatsadā | tasyāśca vimalāpaṃ tu susvaraṃ karuṇānvitam ### [74.57](https://indike.org/pramana/in.purana.bhukhanda.74.57) samākarṇya tato devī kṛpayā parayā'nvitā | saṃjātā rājarājendra śaṃkaraṃ vākyamabravīt ### [74.58](https://indike.org/pramana/in.purana.bhukhanda.74.58) jīvayasva mahādeva punareva manobhavam | varākīyaṃ mahābhāga bhartṛhīnā hi duḥkhitā ### [74.59](https://indike.org/pramana/in.purana.bhukhanda.74.59) kāmenātha samāyuktāmasmatsnehātkuruṣva vai | tacchrutvā ca vacaḥ prāha jīvayāmi manobhavam ### [74.60](https://indike.org/pramana/in.purana.bhukhanda.74.60) kāyenāpi vihīno'yaṃ pañcabāṇo manobhavaḥ | bhaviṣyati na saṃdeho mādhavasya sakhā punaḥ ### [74.61](https://indike.org/pramana/in.purana.bhukhanda.74.61) divyenāpi śarīreṇa vartayiṣyati nānyathā | mahādevaprasādena mīnaketuḥ sa jīvitaḥ ### [74.62](https://indike.org/pramana/in.purana.bhukhanda.74.62) āśīrbhirabhinandyaiva devyāḥ kāmaṃ manobhavam | gaccha kāma pravartasva nityaṃ hi priyayā saha ### [74.64](https://indike.org/pramana/in.purana.bhukhanda.74.64) tāvanmartye mahātejāḥ sthitisaṃhārakārakaḥ | punaḥ kāmaḥ saraḥ prāpto yatrā''ste duḥkhitā ratiḥ idaṃ kāmasaro rājannatra sā saṃsthitā ratiḥ | dagdhe tasminmahābhāge manmathe duḥkhadharṣiṇi ### [74.65](https://indike.org/pramana/in.purana.bhukhanda.74.65) ratyām̐ḥ kopātsamutpannaḥ pāvako dāruṇākṛtiḥ | atīva dagdhā tenāpi sā ratirmoharmūrcchitā ### [74.66](https://indike.org/pramana/in.purana.bhukhanda.74.66) aśrupātaṃ mumocātha bhartṛhīnā narottama | netrābhyāṃ hi jale tasyāḥ patitā aśrubindavaḥ ### [74.67](https://indike.org/pramana/in.purana.bhukhanda.74.67) tebhyo jāto mahāśokaḥ sarvasaukhyapraṇāśakaḥ | \[ †kṣaṇātpaścātsamudbhūte aśrubhyo nṛpasattama ### [74.68](https://indike.org/pramana/in.purana.bhukhanda.74.68) viyogo nāma durmedhāstebhyo jajñe praṇāśakaḥ \] | duḥkhasaṃtāpako cobhau jajñāte dāruṇau tadā ### [74.69](https://indike.org/pramana/in.purana.bhukhanda.74.69) mūrchā nāma tato jajñe dāruṇā sukhanāśinī | śokājjajñe mahārāja kāmajvaro'tha vibhramaḥ ### [74.70](https://indike.org/pramana/in.purana.bhukhanda.74.70) pralāpo bahulaścaiva unmādo mṛtyureva ca | tasyāstadā'śrubindubhyo jajñire viśvanāśakāḥ ### [74.71](https://indike.org/pramana/in.purana.bhukhanda.74.71) tasyāḥ pārśve samuttasthuḥ sarve te duḥkhakāriṇaḥ | mūrtimanto mahārāja sadbhāvaguṇasaṃyutāḥ ### [74.72](https://indike.org/pramana/in.purana.bhukhanda.74.72) kāma eṣa samāyātaḥ kenāpyuktaṃ tadā nṛpa | mahānandena saṃyuktā dṛṣṭvā kāmaṃ samāgatam ### [74.73](https://indike.org/pramana/in.purana.bhukhanda.74.73) netrābhyāmaśrupūrṇābhyāṃ patitā aśrubindavaḥ | apsu madhye mahārāja cāpalyājjajñire prajāḥ ### [74.74](https://indike.org/pramana/in.purana.bhukhanda.74.74) prītirnāma tadā jajñe khyātirlajjā narottama | tebhyo jajñe mahānandaḥ śāntiścānyā nṛpottama ### [74.75](https://indike.org/pramana/in.purana.bhukhanda.74.75) jajñāte dve śubhe kanye sukhaṃsaubhāgyadāyake | līlā krīḍā manobhāvasaṃbhogastu mahānnṛpa ### [74.76](https://indike.org/pramana/in.purana.bhukhanda.74.76) ratyāstu vāmanetrādvai hyānandādaśrubindavaḥ | jalānte patitā rājaṃstasmājjajñe supaṅkajam ### [74.77](https://indike.org/pramana/in.purana.bhukhanda.74.77) tasmātsupaṅkajājjātā ceyaṃ nārī varānanā | aśrubindumatī nāma ratiputrī narottama ### [74.78](https://indike.org/pramana/in.purana.bhukhanda.74.78) asyāḥ prītyā susauhārdādahaṃ varte hi nityadā | sakhibhāvasvabhāvena saṃhṛṣṭā sarvadā śubhā ### [74.80](https://indike.org/pramana/in.purana.bhukhanda.74.80) viśālā nāma me khyātaṃ varuṇasya sutā nṛpa | asyāḥ svānte pravarte'haṃ snehātsnigdhā'smi sarvadā etatte sarvamākhyātamasyāścā''tmana eva ca | varārthameṣā rājendra tapaścarati śobhanā ### [74.81](https://indike.org/pramana/in.purana.bhukhanda.74.81) yayātiruvāca— sarvameva tvayā''khyātaṃ mayā jñātaṃ śubhe śṛṇu | māmevaṃ hi bhajatveṣā ratiputrī varānanā ### [74.83](https://indike.org/pramana/in.purana.bhukhanda.74.83) yameṣā vāñchate bālā taṃ ca kāmaṃ dadāmyaham | tathā kuruṣva kalyāṇi yathā me vaśagā bhavet 82 viśālovāca— asyā vrataṃ pravakṣyāmi tadākarṇaya bhūpate | puruṣaṃ yauvanopetaṃ sarvajñaṃ vīralakṣaṇam ### [74.84](https://indike.org/pramana/in.purana.bhukhanda.74.84) devarājasamaṃ rājanadharmārthacārasamanvitam | tejasvinaṃ mahāprājñaṃ dātāraṃ yajvanāṃ varam ### [74.85](https://indike.org/pramana/in.purana.bhukhanda.74.85) guṇānāṃ dharmabhāvasya jñātāraṃ puṇyabhājanam | \[loka indrasamaṃ rājanyajñavartmani tatparam \] sarvaiśvaryasamopetaṃ nārāyaṇaparāyaṇam ### [74.86](https://indike.org/pramana/in.purana.bhukhanda.74.86) devānāṃ supriyaṃ nityaṃ brāhmaṇānāmatipriyam | brahmaṇyaṃ vedatattvajñaṃ trailokye khyātavikramam ### [74.87](https://indike.org/pramana/in.purana.bhukhanda.74.87) evaṃguṇaiḥ samopetaṃ trailokye ca prapūjitam | sumatiṃ supriyaṃ kāntaṃ vāñchatyeṣā nṛpottama ### [74.89](https://indike.org/pramana/in.purana.bhukhanda.74.89) yayātiruvāca— ebhirguṇaiḥ samopetaṃ viddhi māmiha cā''gatam | asyā anurūpo bharttā'haṃ sṛṣṭo dhātrā na saṃśayaḥ 88 viśālovāca— bhavantaṃ puṇyasaṃnāddhaṃ jāne rājannṛganvaye | pūrvaṃ tu ye guṇāḥ sarve mayoktāḥ santi te tvayi ### [74.90](https://indike.org/pramana/in.purana.bhukhanda.74.90) ekenāpi ca doṣeṇa tvāmeṣā hi na manyate | eṣa me saṃśayo jāto bhavānviṣṇuṃsamo nṛpaḥ ### [74.91](https://indike.org/pramana/in.purana.bhukhanda.74.91) yayātiruvāca— samācakṣva mahādoṣaṃ yenaiṣā māṃ na manyate | tattvena cārusarvāṅgi prasādasumukhī bhava ### [74.92](https://indike.org/pramana/in.purana.bhukhanda.74.92) viśālovāca— ātmadoṣaṃ na jānāsi kasmāttvaṃ jagatīpate | jarayā vyāptakāyo'si kāmenāpi na paśyase ### [74.93](https://indike.org/pramana/in.purana.bhukhanda.74.93) evaṃ śrutvā mahadvākyamapriyaṃ jagatīpatiḥ | duḥkhena mahatā''viṣṭastāmuvāca punarnṛpaḥ ### [74.94](https://indike.org/pramana/in.purana.bhukhanda.74.94) jarādoṣo na me bhadre saṃsargātkasyacitkadā | samudbhūto mamāṅge vai taṃ na jāne jarāgamam ### [74.95](https://indike.org/pramana/in.purana.bhukhanda.74.95) yaṃ yaṃ hi vāñchate bālā trailokye durlabhaṃ śubhe | tamasyai dātukāmo'haṃ vriyatāṃ vara uttamaḥ ### [74.97](https://indike.org/pramana/in.purana.bhukhanda.74.97) viśālovāca— jarāhīno yadā syāstvaṃ tadā te supriyā bhavet | \[ etadviniścayaṃ rājansatyaṃ satyaṃ vadāmyaham 96 śrutirevaṃ vrajedrājan\] putre bhrātari bhṛtyake | jarā saṃkrāmyate yasya tasyāṅge parisaṃcaret ### [74.100](https://indike.org/pramana/in.purana.bhukhanda.74.100) tāruṇyaṃ tasya vai gṛhya tasmai dattvā jarāṃ punaḥ | ubhayoḥ prītisaṃvādaḥ surucyā jāyate śubhaḥ 98 yathā''tmadānapuṇyasya kṛpayā yo dadāti ca | phalaṃ rājansthiraṃ tasya jāyate nātra saṃśayaḥ 99 duḥkhaiścopārjitaṃ puṇyamanyasmai hi pradīyate | supuṇyaṃ tadbhavettasya puṇyasya phalamaśnute ### [74.101](https://indike.org/pramana/in.purana.bhukhanda.74.101) putrāya dīyatāṃ rājaṃstasmāttāruṇyameva ca | pragṛhyaiva saṃmāyuktaḥ sundaratvena bhūpate ### [74.102](https://indike.org/pramana/in.purana.bhukhanda.74.102) yathā tvāmicchate bhoktuṃ tathā tvaṃ kuru bhūpate | evamābhāṣya taṃ bhūpaṃ viśālā virarāma ha ### [74.103](https://indike.org/pramana/in.purana.bhukhanda.74.103) vāsudeva uvāca— evamākarṇya rājendro viśālāruvacanaṃ tadā | evamastu mahābhāge kariṣye vacanaṃ tava ### [74.104](https://indike.org/pramana/in.purana.bhukhanda.74.104) kāmāsaktaḥ sa mūḍhastu yayātiḥ pṛthivīpatiḥ| gṛhaṃ gatvā samāhūya sutānvākyamuvāca ha ### [74.107](https://indike.org/pramana/in.purana.bhukhanda.74.107) turuṃ puruṃ kuruṃ rājā yaduṃ ca pitṛvatsalam | kurudhvaṃ putrakāḥ saukhyaṃ yūyaṃ hi mama śāsanāt 105 putrā ūcuḥ— pitṛvākyaṃ prakartavyaṃ putraiścāpi śubhāśubham | ucyatāṃ tāta tacchīghraṃ kṛtaṃ viddhi na saṃśayaḥ 106 evamākarṇya tadvākyaṃ putrāṇāṃ pṛthivīpatiḥ | ācacakṣe punasteṣu harṣeṇā''kulamānasaḥ ### [74.107.p1](https://indike.org/pramana/in.purana.bhukhanda.74.107.p1) iti śrīmahāpurāṇe pādme bhūmikhaṇḍe venopākhyāne mātāpitṛtīrthe yayāticarite saptasaptatitamo'dhyāyaḥ || 77 ## Linked texts (2) - [Padmapurāṇa](https://indike.org/pramana/in.purana.padma.2.77.1) — Vyāsa, Sanskrit - [Bhūmikhaṇḍa](https://indike.org/pramana/in.purana.bhumikhanda.p394) — Sanskrit --- Source: [https://indike.org/pramana/in.purana.bhukhanda.74](https://indike.org/pramana/in.purana.bhukhanda.74) · Pramāṇa