Bhukhanda 77
Bhūkhaṇḍa 77
- Language
- Sanskrit
Contents
- 77.17 — 1 part
77.1
pippala uvāca —
kāmakanyāṃ yadā rājā upayeme dvijottama | kiṃ cakrāte tadā te dve pūrvabhārye supuṇyake
77.2
devayānī mahābhāgā śarmiṣṭhā vārṣaparvaṇī | tayoścaritraṃ yatsarvaṃ kathayasva mamāgrataḥ
77.3
sukarmovāca—
yadā''nītā kāmakanyā svagṛhaṃ tena bhūbhujā | atyarthaṃ spardhate sā tu devayānī tejasvinī
77.4
tasyārthe tu sutau śaptau krodhenā''kulitātmanā | śarmiṣṭhāṃ ca samāhūya̍ śabdaṃ cakre yaśasvinī
77.5
rūpeṇa tejasā dānaiḥ satyapuṇyavrataistadā | [† śarmiṣṭhā devayānī te spardhate tu tayā saha
77.6
duṣṭabhāvaṃ tayoścāpi sā jñātvā kāmajā tadā | rājñe sarvaṃ tayā vipra kathitaṃ tatkṣaṇādiha ]
77.7
yaduṃ putraṃ samāhūya nṛpo vākyamathābravīt | mātrostvamubhayostāta śiraśchindhi suputraka
[ supriyaṃ kuru me vatsa yadi śreyo hi manyase
77.8
evamākarṇya tasyāpi piturvākyaṃ yadustadā ] | pratyuvāca nṛpaśreṣṭhaṃ pitaraṃ prati nigrahī
77.9
na hantavye tu me tāta mātarau doṣavarjite | mātṛghāte mahāndoṣaḥ kathito vedapaṇḍitaiḥ
tasmāddhātaṃ mahārāja etayorna karomyaham
77.11
doṣāṇāṃ tu sahastreṇa yuktā mātā yadā bhavet | bhaginī cāpi rājendra duhitā ca tathā''tmanaḥ
putraiśca bhrātṛbhiścaiva naiva vadhyā bhavetkadā | evaṃ jñātvā mahārāja mātarau naiva ghātaye
77.12
yadorvākyaṃ tathā śrutvā sa ca kruddho'bhyabhāṣata | [ śaśāpa taṃ sutaṃ paścādyayātiḥ pṛthivīpatiḥ ]
77.13
yattvayā'vamato'haṃ vai tasmātpāpamavāpsyasi | māturaṃśaṃ bhajasva tvaṃ macchāpakaluṣīkṛtaḥ
77.14
evaṃ śaptvā yaduṃ putraṃ yayātiḥ pṛthivīpatiḥ | putraṃ śaptvā mahārājastayā sārdhaṃ mahāyaśāḥ
ramate sukhabhogena viṣṇudhyānaparāyaṇaḥ
77.15
aśrubindumatī sā ca tena sārdhaṃ sulocanā | bubhuje cārusarvāṅgī divyānbhogānmanonugān
evaṃ kālo gatastasya yayāteḥ sumahātmanaḥ
77.17
akṣayā nirjarāḥ sarvā amarāśca prajāstadā | [ †sarve lokā mahābhāga viṣṇudhyānaparāyaṇāḥ] 16
tapasā satyabhāvena viṣṇodhyānena pippala | sarve lokā mahābhāga sukhinaḥ sādhusevakāḥ
77.17.p1
iti śrīmahāpurāṇe pādme bhūmikhaṇḍe venopākhyāne pitṛtīrthe yayāticarite'śītitamo'dhyāyaḥ || 80
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit