Bhukhanda 80

Bhūkhaṇḍa 80

Language: Sanskrit

80.78 — 1 part

80.1

sukarmovāca—
samāhūya prajāḥ sarvā dvīpānāṃ vasudhādhipaḥ | harṣeṇa mahatā''viṣṭa idaṃ vacanamabravīt

80.2

indralokaṃ brahmalokaṃ śivalokaṃ tataḥ param | vaiṣṇavaṃ lokapāpaghnaṃ prāṇināṃ gatidāyakam

80.2-2

vrajāmyahaṃ na saṃdeho hyanayā saha sattamāḥ

80.3

brāhmaṇāḥ kṣatriyā vaiśyāḥ śūdrāścaiva prajā mama | sakuḍumbaiḥ sukhenārpi sthātavyamājñayaiva hi

80.4

purureṣa mahābāhurbhavatāṃ pratipālakaḥ | [ sthāpito'sti mayā lokā rājā dhīraḥ sadaṇḍakaḥ]

80.5

evamuktāstu tāḥ sarvāḥ prajā rājānamabruvan | śrūyate sarvavedeṣu purāṇeṣu nṛpottama

80.6

dharmameva parikhyātaṃ na dṛṣṭaṃ kena vai purā | [† dṛṣṭo'smābhirasau dharmo daśāṅgaḥ satyavallabhaḥ]

80.7

somavaṃśasamutpanno nahuṣasya mahāgṛhe | hastapādamukhairyuktaḥ sarvācārapracārakaḥ

80.8

jñānavijñānasaṃpannaḥ puṇyānāṃ ca mahānidhiḥ | guṇānāṃ hi mahārāja ādhāraḥ satyapaṇḍitaḥ

80.9

kurvanti ca mahādharmaṃ satyavanto mahaujasaḥ | nārthikaṃ dṛṣṭamasmābhirbhavaṃtaḥ kāmarūpiṇaḥ

80.10

bhavantaṃ dharmakartāramīdṛśaṃ satyavādinam | karmaṇā trividhenāpi vayaṃ tyaktuṃ na śaknumaḥ

80.11

yatra tvaṃ tatra ca vayaṃ sukhaṃ vā duḥkhameva vā | narake'pi bhavānyatra vayaṃ tatra na saṃśayaḥ

80.12

kiṃ dārairdhanabhogaiśca kiṃ caiva jīvitena ca | tvāṃ vinā'pi mahārāja tena nāstyatra kāraṇam
tvayaiva saha rājendra vayaṃ yāsyāma nānyathā

80.13

evaṃ śrutvā vacastāsāṃ prajānāṃ pṛthivīpatiḥ | harṣeṇa mahatā''viṣṭaḥ prajā vākyamuvāca ha

80.14

āgacchantu mayā sārdhaṃ sarve lokāḥ supuṇyakāḥ | nṛpo rathaṃ samāruhya tayā vai kāmakanyayā

80.15

rathena haṃsavarṇena candrabimbānusāriṇā | cāmarairvyajanaiścāpi vījyamāno gatavyathaḥ

80.16

ketunā tena puṇyena śubhreṇāpi mahāyaśāḥ | śobhamāno yathā devo devarājaḥ puraṃdaraḥ

80.18

ṛṣibhiḥ stūyamānaśca [ bandibhiścāraṇaistathā | prajābhiḥ stūyamānaśca ] yayātirnahuṣātmajaḥ 17
prajāḥ sarvā mudā yuktāḥ samāyātā nareśvaram | gajaiścaiva rathaiścānyaiḥ prasthitāśca divaṃ prati

80.20

brāhmaṇāḥ kṣatriyā vaiśyāḥ śūdrāścānye pṛthagjanāḥ | sarve te vaiṣṇavā lokā viṣṇudhyānaparāyaṇāḥ
teṣāṃ tu ketavaḥ śuklā hemadaṇḍairalaṃkṛtāḥ | [† śaṅkhacakrāṅkitāḥ sarve sadaṇḍāḥ sapadākinaḥ

80.21

prajāvṛndeṣu bhāsanti patākā māruteritāḥ | divyamālādharāḥ sarve śobhitāstulasīdalaiḥ ]

80.22

divyacandanadigdhāṅgā divyagandhānulepanāḥ | divyavastrakṛtāśobhāḥ sarvābharaṇabhūṣitāḥ

80.23

sarve lokāḥ surūpārate rājānamanujagmire |prajānāṃ ca sahasrāṇi lakṣakoṭiśatāni ca

80.24

arbakharbasahasrāṇi te janāḥ parijagmire | tena rājñā samaṃ sarve vaiṣṇavāḥ puṇyakāriṇaḥ
viṣṇudhyānaparāḥ sarve japadānaparāyaṇāḥ

80.25

sukarmovāca—
evaṃ te prasthitāḥ sarve harṣeṇa mahatā'nvitāḥ | puruṃ putraṃ mahārājaḥ svarājye pratiṣicya tam

80.26

indralokaṃ jagāmātha yayātiḥ pṛthivīpatiḥ | tejasā tasya puṇyena dharmeṇa tapasā tadā
te janāḥ prasthitāḥ sarve vaiṣṇavaṃ lokamuttamam

80.27

tato devāḥ sagandharvāḥ kinnarāścāraṇāstathā | sahitā devarājena āgatāḥ saṃmukhaṃ tadā
taiḥ sahāpi ca sarvaiśca pūjayanto nṛpottamam

80.28

indra uvāca—
svāgataṃ te mahābhāga mama gehaṃ samāviśa | atra bhogānprabhuṅkṣva tvaṃ divyānpuṇyānmanoramān

80.29

rājovāca—
sahasrākṣa mahārāja tava pādāmbujaṃ vayam | namaskṛtyā vrajāmo'dya brahmalokaṃ sanātanam

80.30

devaiḥ prastūyamānaśca brahmalokaṃ jagāma ha | padmayonirmahātejāḥ sārdhaṃ munivaraistadā

80.32

ātithyaṃ ca cakārāsya ardhyādibhiḥ suvistaraiḥ | uvāca viṣṇulokaṃ hi prayāhi tvaṃ svakarmaṇā
brahmaṇā bhāṣitaścaivaṃ jagāma śivamandiram | cakra ātithyapūjāṃ ca śaṃkaraścomayā saha

80.34

śivaḥ saṃpūjya taṃ cāpi rājānamidamabravīt | kṛṣṇabhakto'si rājendra mamāpi supriyo bhavān 33
sthātavyamatra rājendra tvayaiva mama mandire | sarvabhogānprabhuṅkṣva tvaṃ suduṣprāpyā hi mānuṣaiḥ

80.36

antaraṃ nāsti rājendra mama viṣṇorna saṃśayaḥ | yo'sau viṣṇuḥ svarūpeṇa sa ca rudro na saṃśayaḥ
rudro yaḥ sa ca vai viṣṇurjānīhi tvaṃ nareśvara | [ ubhayorantaraṃ nāsti tasmādevaṃ vadāmyaham

80.67

viṣṇubhaktasya puṇyasya sthānamevaṃ na saṃśayaḥ | tasmādatra mahārāja sthātavyaṃ hi tvayā'nagha]

evamuktaḥ śivenāpi yayātirharivallabhaḥ | bhaktyā praṇamya deveśaṃ śaṃbhuṃ namitakaṃdharaḥ
etatsatyaṃ mahādeva tvayoktamiha sāṃpratam | yuvayorantaraṃ nāsti ekā mūrtistridhā'bhavat
vaiṣṇavaṃ gantumicchāmi pādau tava namāmyaham | evamastu mahārāja gaccha lokaṃ ca vaiṣṇavam
samādiṣṭaḥ śivenāpi praṇamya ca śivāmumām | pṛthvaviśastairmahāpuṇyairvaiṣṇavairviṣṇuvallabhaiḥ
nṛtyamānāstataste tu puratastasya bhūpateḥ | śaṅkhaśabdaistathā vādyairghaṇṭānādaiḥ supuṣkalaiḥ
apsarobhiryuto rājā pūjyamāno'tha kinnaraiḥ | sukhasvarairgīyamānastu pāṭhakaḥ śāstrakovidaiḥ
gāyanti puratastasya gandharvā gītatatparāḥ | ṛṣibhirdevavṛndaiśca stūyamānaḥ samantataḥ
apsarobhiḥ surūpāmiḥ sevyamānaḥ sa nāhūṣiḥ | gandharvaiḥ kinnaraiḥ siddhaiścāraṇaiḥ puṇyasaṃyutaiḥ
sādhyairvidyādharai rājā marudbhirvasubhistathā | rudraiścā''dityavargaiśca lokapālairdigīśvaraiḥ
stūyamāno mahārājastrailokyena samantataḥ | dadarśa vaiṣṇavaṃ lokamanaupamyamanāmayam
vimānaiḥ kāñcanai rājā sarvaśobhāsamākulaiḥ
haṃsakundendudhavalairvimānairupaśobhitam | prāsādaiḥ śataśobhaiśca merumandarasaṃnibhaiḥ
śikharairullasadbhristu svarvyomahāṭakānvitaiḥ | kalaśaiḥ śobhamānaiśca śobhate supurottamam
tārāgaṇairyathā''kāśaṃ tejaḥśriyā prakāśate | prajvalattejajvālābhirlocanairiva lokate
nānāratnairharerloko hasate daśanairiva | samāhvayati tānpuṇyānvaṣṇavānviṣṇuvallabhān
dhvajavyājena rājendracalitāgraiḥ supallavaiḥ | śvasranāndolitaistaiśca dhvajāgraiśca manoharaiḥ
hemadaṇḍaiśca ghaṇṭābhiḥ sarvatra samalaṃkṛtam | sūryatejaḥprakāśaiśca gopurāṭṭālakaiḥ punaḥ
gavākṣairjālamālaiśca vātāyanairmahāguṇaiḥ | pratolībhiḥ prakāśeta prākārairhemarūpakaiḥ
toraṇaiḥ sapaṃtākābhirnānāśabdaiḥ sumaṅgalaiḥ | kalaśāgraiścakrabimbai ravibimbasamaprabhaiḥ
suśobhanaiḥ syamantaiśca nīlāmbudasamaprabhaiḥ | daṇḍacchatrasamākīrṇaiḥ kalaśairupaśobhitam
prāvṛṭkālāmbudākārairmandirairupaśobhitam | kalaśaiḥ śobhamānaistairṛkṣaidyauriva bhūtalam
daṇḍajālapatākābhirṛkṣajālasamaprabhaiḥ | tādṛśaiḥ sphāṭikākāraiḥ kāntikhaṇḍena saṃnibhaiḥ
hemaprāsādasaṃbādhairnānādhātumayaistataḥ
vimānairarbudasaṃkhyaiḥ śatakoṭisahasrakaiḥ | sarvabhogayutaistaiśca śobhamānaṃ harergṛham
yaiḥ samārādhito devaḥ śaṅkhacakragadādharaḥ | suprasādāttatasteṣu nivasanti gṛheṣu ca
sarvapuṇyeṣu divyeṣu divyaugheṣu ca mānavāḥ | vaiṣṇavāḥ puṇyakartāro nirdhūtāśeṣakalmaṣāḥ
evaṃvidhairgṛhaiḥ puṇyaiḥ śobhitaṃ viṣṇumandiram | nānāṛkṣaiḥ samākīrṇairvanaiścandanaśobhitaiḥ
sarvakāmaphalai rājansarvatra samalaṃkṛtam | vāpīkūpataḍāgaiśca sārasairupaśobhitam
haṃsakāraṇḍavākīrṇaiḥ padmakahlārakotpalaiḥ | śatapatrairmahāpatraiḥ padmotpalavirājitaiḥ
kanakotpalavarṇaiśca sarobhiśca virājate | vaikuṇṭhaṃ sarvaśobhāḍhyaṃ devodyānairalaṃkṛtam
divyaśobhāsamākīrṇaṃ vaiṣṇavairupaśobhitam | vaikuṇṭhaṃ dadṛśe rājā mokṣasthānamanuttamam
devavṛndaiḥ samākīrṇaṃ yayātirnahuṣātmajaḥ | praviveśa puraṃ divyaṃ sarvaidāhavivarjitam

Linked texts (2)

Padmapurāṇa — Vyāsa, Sanskrit
Bhūmikhaṇḍa — Sanskrit

Bhukhanda 80

Contents

Linked texts (2)