[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Bhukhanda](https://indike.org/pramana/in.purana.bhukhanda) › 80 # Bhukhanda 80 Bhūkhaṇḍa 80 - **Language:** Sanskrit ## Contents - [80.78](https://indike.org/pramana/in.purana.bhukhanda.80.78) — 1 part ### [80.1](https://indike.org/pramana/in.purana.bhukhanda.80.1) sukarmovāca— samāhūya prajāḥ sarvā dvīpānāṃ vasudhādhipaḥ | harṣeṇa mahatā''viṣṭa idaṃ vacanamabravīt ### [80.2](https://indike.org/pramana/in.purana.bhukhanda.80.2) indralokaṃ brahmalokaṃ śivalokaṃ tataḥ param | vaiṣṇavaṃ lokapāpaghnaṃ prāṇināṃ gatidāyakam ### [80.2-2](https://indike.org/pramana/in.purana.bhukhanda.80.2-2) vrajāmyahaṃ na saṃdeho hyanayā saha sattamāḥ ### [80.3](https://indike.org/pramana/in.purana.bhukhanda.80.3) brāhmaṇāḥ kṣatriyā vaiśyāḥ śūdrāścaiva prajā mama | sakuḍumbaiḥ sukhenārpi sthātavyamājñayaiva hi ### [80.4](https://indike.org/pramana/in.purana.bhukhanda.80.4) purureṣa mahābāhurbhavatāṃ pratipālakaḥ | \[ sthāpito'sti mayā lokā rājā dhīraḥ sadaṇḍakaḥ\] ### [80.5](https://indike.org/pramana/in.purana.bhukhanda.80.5) evamuktāstu tāḥ sarvāḥ prajā rājānamabruvan | śrūyate sarvavedeṣu purāṇeṣu nṛpottama ### [80.6](https://indike.org/pramana/in.purana.bhukhanda.80.6) dharmameva parikhyātaṃ na dṛṣṭaṃ kena vai purā | \[† dṛṣṭo'smābhirasau dharmo daśāṅgaḥ satyavallabhaḥ\] ### [80.7](https://indike.org/pramana/in.purana.bhukhanda.80.7) somavaṃśasamutpanno nahuṣasya mahāgṛhe | hastapādamukhairyuktaḥ sarvācārapracārakaḥ ### [80.8](https://indike.org/pramana/in.purana.bhukhanda.80.8) jñānavijñānasaṃpannaḥ puṇyānāṃ ca mahānidhiḥ | guṇānāṃ hi mahārāja ādhāraḥ satyapaṇḍitaḥ ### [80.9](https://indike.org/pramana/in.purana.bhukhanda.80.9) kurvanti ca mahādharmaṃ satyavanto mahaujasaḥ | nārthikaṃ dṛṣṭamasmābhirbhavaṃtaḥ kāmarūpiṇaḥ ### [80.10](https://indike.org/pramana/in.purana.bhukhanda.80.10) bhavantaṃ dharmakartāramīdṛśaṃ satyavādinam | karmaṇā trividhenāpi vayaṃ tyaktuṃ na śaknumaḥ ### [80.11](https://indike.org/pramana/in.purana.bhukhanda.80.11) yatra tvaṃ tatra ca vayaṃ sukhaṃ vā duḥkhameva vā | narake'pi bhavānyatra vayaṃ tatra na saṃśayaḥ ### [80.12](https://indike.org/pramana/in.purana.bhukhanda.80.12) kiṃ dārairdhanabhogaiśca kiṃ caiva jīvitena ca | tvāṃ vinā'pi mahārāja tena nāstyatra kāraṇam tvayaiva saha rājendra vayaṃ yāsyāma nānyathā ### [80.13](https://indike.org/pramana/in.purana.bhukhanda.80.13) evaṃ śrutvā vacastāsāṃ prajānāṃ pṛthivīpatiḥ | harṣeṇa mahatā''viṣṭaḥ prajā vākyamuvāca ha ### [80.14](https://indike.org/pramana/in.purana.bhukhanda.80.14) āgacchantu mayā sārdhaṃ sarve lokāḥ supuṇyakāḥ | nṛpo rathaṃ samāruhya tayā vai kāmakanyayā ### [80.15](https://indike.org/pramana/in.purana.bhukhanda.80.15) rathena haṃsavarṇena candrabimbānusāriṇā | cāmarairvyajanaiścāpi vījyamāno gatavyathaḥ ### [80.16](https://indike.org/pramana/in.purana.bhukhanda.80.16) ketunā tena puṇyena śubhreṇāpi mahāyaśāḥ | śobhamāno yathā devo devarājaḥ puraṃdaraḥ ### [80.18](https://indike.org/pramana/in.purana.bhukhanda.80.18) ṛṣibhiḥ stūyamānaśca \[ bandibhiścāraṇaistathā | prajābhiḥ stūyamānaśca \] yayātirnahuṣātmajaḥ 17 prajāḥ sarvā mudā yuktāḥ samāyātā nareśvaram | gajaiścaiva rathaiścānyaiḥ prasthitāśca divaṃ prati ### [80.20](https://indike.org/pramana/in.purana.bhukhanda.80.20) brāhmaṇāḥ kṣatriyā vaiśyāḥ śūdrāścānye pṛthagjanāḥ | sarve te vaiṣṇavā lokā viṣṇudhyānaparāyaṇāḥ teṣāṃ tu ketavaḥ śuklā hemadaṇḍairalaṃkṛtāḥ | \[† śaṅkhacakrāṅkitāḥ sarve sadaṇḍāḥ sapadākinaḥ ### [80.21](https://indike.org/pramana/in.purana.bhukhanda.80.21) prajāvṛndeṣu bhāsanti patākā māruteritāḥ | divyamālādharāḥ sarve śobhitāstulasīdalaiḥ \] ### [80.22](https://indike.org/pramana/in.purana.bhukhanda.80.22) divyacandanadigdhāṅgā divyagandhānulepanāḥ | divyavastrakṛtāśobhāḥ sarvābharaṇabhūṣitāḥ ### [80.23](https://indike.org/pramana/in.purana.bhukhanda.80.23) sarve lokāḥ surūpārate rājānamanujagmire |prajānāṃ ca sahasrāṇi lakṣakoṭiśatāni ca ### [80.24](https://indike.org/pramana/in.purana.bhukhanda.80.24) arbakharbasahasrāṇi te janāḥ parijagmire | tena rājñā samaṃ sarve vaiṣṇavāḥ puṇyakāriṇaḥ viṣṇudhyānaparāḥ sarve japadānaparāyaṇāḥ ### [80.25](https://indike.org/pramana/in.purana.bhukhanda.80.25) sukarmovāca— evaṃ te prasthitāḥ sarve harṣeṇa mahatā'nvitāḥ | puruṃ putraṃ mahārājaḥ svarājye pratiṣicya tam ### [80.26](https://indike.org/pramana/in.purana.bhukhanda.80.26) indralokaṃ jagāmātha yayātiḥ pṛthivīpatiḥ | tejasā tasya puṇyena dharmeṇa tapasā tadā te janāḥ prasthitāḥ sarve vaiṣṇavaṃ lokamuttamam ### [80.27](https://indike.org/pramana/in.purana.bhukhanda.80.27) tato devāḥ sagandharvāḥ kinnarāścāraṇāstathā | sahitā devarājena āgatāḥ saṃmukhaṃ tadā taiḥ sahāpi ca sarvaiśca pūjayanto nṛpottamam ### [80.28](https://indike.org/pramana/in.purana.bhukhanda.80.28) indra uvāca— svāgataṃ te mahābhāga mama gehaṃ samāviśa | atra bhogānprabhuṅkṣva tvaṃ divyānpuṇyānmanoramān ### [80.29](https://indike.org/pramana/in.purana.bhukhanda.80.29) rājovāca— sahasrākṣa mahārāja tava pādāmbujaṃ vayam | namaskṛtyā vrajāmo'dya brahmalokaṃ sanātanam ### [80.30](https://indike.org/pramana/in.purana.bhukhanda.80.30) devaiḥ prastūyamānaśca brahmalokaṃ jagāma ha | padmayonirmahātejāḥ sārdhaṃ munivaraistadā ### [80.32](https://indike.org/pramana/in.purana.bhukhanda.80.32) ātithyaṃ ca cakārāsya ardhyādibhiḥ suvistaraiḥ | uvāca viṣṇulokaṃ hi prayāhi tvaṃ svakarmaṇā brahmaṇā bhāṣitaścaivaṃ jagāma śivamandiram | cakra ātithyapūjāṃ ca śaṃkaraścomayā saha ### [80.34](https://indike.org/pramana/in.purana.bhukhanda.80.34) śivaḥ saṃpūjya taṃ cāpi rājānamidamabravīt | kṛṣṇabhakto'si rājendra mamāpi supriyo bhavān 33 sthātavyamatra rājendra tvayaiva mama mandire | sarvabhogānprabhuṅkṣva tvaṃ suduṣprāpyā hi mānuṣaiḥ ### [80.36](https://indike.org/pramana/in.purana.bhukhanda.80.36) antaraṃ nāsti rājendra mama viṣṇorna saṃśayaḥ | yo'sau viṣṇuḥ svarūpeṇa sa ca rudro na saṃśayaḥ rudro yaḥ sa ca vai viṣṇurjānīhi tvaṃ nareśvara | \[ ubhayorantaraṃ nāsti tasmādevaṃ vadāmyaham ### [80.67](https://indike.org/pramana/in.purana.bhukhanda.80.67) viṣṇubhaktasya puṇyasya sthānamevaṃ na saṃśayaḥ | tasmādatra mahārāja sthātavyaṃ hi tvayā'nagha\] ### [80.67-2](https://indike.org/pramana/in.purana.bhukhanda.80.67-2) evamuktaḥ śivenāpi yayātirharivallabhaḥ | bhaktyā praṇamya deveśaṃ śaṃbhuṃ namitakaṃdharaḥ etatsatyaṃ mahādeva tvayoktamiha sāṃpratam | yuvayorantaraṃ nāsti ekā mūrtistridhā'bhavat vaiṣṇavaṃ gantumicchāmi pādau tava namāmyaham | evamastu mahārāja gaccha lokaṃ ca vaiṣṇavam samādiṣṭaḥ śivenāpi praṇamya ca śivāmumām | pṛthvaviśastairmahāpuṇyairvaiṣṇavairviṣṇuvallabhaiḥ nṛtyamānāstataste tu puratastasya bhūpateḥ | śaṅkhaśabdaistathā vādyairghaṇṭānādaiḥ supuṣkalaiḥ apsarobhiryuto rājā pūjyamāno'tha kinnaraiḥ | sukhasvarairgīyamānastu pāṭhakaḥ śāstrakovidaiḥ gāyanti puratastasya gandharvā gītatatparāḥ | ṛṣibhirdevavṛndaiśca stūyamānaḥ samantataḥ apsarobhiḥ surūpāmiḥ sevyamānaḥ sa nāhūṣiḥ | gandharvaiḥ kinnaraiḥ siddhaiścāraṇaiḥ puṇyasaṃyutaiḥ sādhyairvidyādharai rājā marudbhirvasubhistathā | rudraiścā''dityavargaiśca lokapālairdigīśvaraiḥ stūyamāno mahārājastrailokyena samantataḥ | dadarśa vaiṣṇavaṃ lokamanaupamyamanāmayam vimānaiḥ kāñcanai rājā sarvaśobhāsamākulaiḥ haṃsakundendudhavalairvimānairupaśobhitam | prāsādaiḥ śataśobhaiśca merumandarasaṃnibhaiḥ śikharairullasadbhristu svarvyomahāṭakānvitaiḥ | kalaśaiḥ śobhamānaiśca śobhate supurottamam tārāgaṇairyathā''kāśaṃ tejaḥśriyā prakāśate | prajvalattejajvālābhirlocanairiva lokate nānāratnairharerloko hasate daśanairiva | samāhvayati tānpuṇyānvaṣṇavānviṣṇuvallabhān dhvajavyājena rājendracalitāgraiḥ supallavaiḥ | śvasranāndolitaistaiśca dhvajāgraiśca manoharaiḥ hemadaṇḍaiśca ghaṇṭābhiḥ sarvatra samalaṃkṛtam | sūryatejaḥprakāśaiśca gopurāṭṭālakaiḥ punaḥ gavākṣairjālamālaiśca vātāyanairmahāguṇaiḥ | pratolībhiḥ prakāśeta prākārairhemarūpakaiḥ toraṇaiḥ sapaṃtākābhirnānāśabdaiḥ sumaṅgalaiḥ | kalaśāgraiścakrabimbai ravibimbasamaprabhaiḥ suśobhanaiḥ syamantaiśca nīlāmbudasamaprabhaiḥ | daṇḍacchatrasamākīrṇaiḥ kalaśairupaśobhitam prāvṛṭkālāmbudākārairmandirairupaśobhitam | kalaśaiḥ śobhamānaistairṛkṣaidyauriva bhūtalam daṇḍajālapatākābhirṛkṣajālasamaprabhaiḥ | tādṛśaiḥ sphāṭikākāraiḥ kāntikhaṇḍena saṃnibhaiḥ hemaprāsādasaṃbādhairnānādhātumayaistataḥ vimānairarbudasaṃkhyaiḥ śatakoṭisahasrakaiḥ | sarvabhogayutaistaiśca śobhamānaṃ harergṛham yaiḥ samārādhito devaḥ śaṅkhacakragadādharaḥ | suprasādāttatasteṣu nivasanti gṛheṣu ca sarvapuṇyeṣu divyeṣu divyaugheṣu ca mānavāḥ | vaiṣṇavāḥ puṇyakartāro nirdhūtāśeṣakalmaṣāḥ evaṃvidhairgṛhaiḥ puṇyaiḥ śobhitaṃ viṣṇumandiram | nānāṛkṣaiḥ samākīrṇairvanaiścandanaśobhitaiḥ sarvakāmaphalai rājansarvatra samalaṃkṛtam | vāpīkūpataḍāgaiśca sārasairupaśobhitam haṃsakāraṇḍavākīrṇaiḥ padmakahlārakotpalaiḥ | śatapatrairmahāpatraiḥ padmotpalavirājitaiḥ kanakotpalavarṇaiśca sarobhiśca virājate | vaikuṇṭhaṃ sarvaśobhāḍhyaṃ devodyānairalaṃkṛtam divyaśobhāsamākīrṇaṃ vaiṣṇavairupaśobhitam | vaikuṇṭhaṃ dadṛśe rājā mokṣasthānamanuttamam devavṛndaiḥ samākīrṇaṃ yayātirnahuṣātmajaḥ | praviveśa puraṃ divyaṃ sarvaidāhavivarjitam ### [80.68](https://indike.org/pramana/in.purana.bhukhanda.80.68) dadarśa sarvakleśaghnaṃ nārāyaṇamanāmayam | vitānairupaśobhaṃ taṃ sarvābharaṇaśobhitam ### [80.69](https://indike.org/pramana/in.purana.bhukhanda.80.69) pītavastraṃ jagannāthaṃ śrīvatsāṅkaṃ mahāgatim | vainateyasamārūḍhaṃ śriyā yuktaṃ parātparam ### [80.70](https://indike.org/pramana/in.purana.bhukhanda.80.70) sarveṣāṃ devalokānāṃ yo gatiḥ parameśvaraḥ | paramānandarūpeṇa kaivalyena virājate ### [80.71](https://indike.org/pramana/in.purana.bhukhanda.80.71) sevyamānaṃ mahālokaiḥ supuṇyairvaiṣṇavairharim | devavṛndasamākīrṇaṃ gandharvagaṇasevitam ### [80.72](https://indike.org/pramana/in.purana.bhukhanda.80.72) apsarobhirmahātmānaṃ duḥkhakleśāpahaṃ prabhum | nārāyaṇaṃ nanāmātha svapatnyā saha bhūpatiḥ ### [80.73](https://indike.org/pramana/in.purana.bhukhanda.80.73) te nemurmānavāḥ sarve vaiṣṇavā madhusūdanam gatā ye vaiṣṇavāḥ sarve rājñā saha mahāmate | pādāmbujadvayaṃ tasya nemurbhaktyā mahāmate ### [80.74](https://indike.org/pramana/in.purana.bhukhanda.80.74) praṇamantaṃ mahātmānaṃ rājānaṃ dīptatejasam | tamuvāca hṛṣīkeśastuṣṭo'haṃ tava suvrata ### [80.75](https://indike.org/pramana/in.purana.bhukhanda.80.75) varaṃ varaya rājendra yatte manasi durlabham | tatte dadmi na saṃdeho madbhakto'si mahāmate ### [80.76](https://indike.org/pramana/in.purana.bhukhanda.80.76) rājovāca— yadi tuṣṭo'si deveśa mama vai madhusūdana | dāsatvaṃ dehi satatamātmanaśca jagatpate ### [80.77](https://indike.org/pramana/in.purana.bhukhanda.80.77) viṣṇuruvāca— evamastu mahābhāga mama bhakto na saṃśayaḥ | mama loke tvayā rājansthātavyaṃ tvanayā saha ### [80.78](https://indike.org/pramana/in.purana.bhukhanda.80.78) evamukto mahārājo yayātiḥ pṛthivīpatiḥ | prasādāttasya devasya viṣṇulokaṃ praibhāsitam nivasatyeṣa bhūpālo vaiṣṇavaṃ lokamuttamam ### [80.78.p1](https://indike.org/pramana/in.purana.bhukhanda.80.78.p1) iti śrīmahāpurāṇe pādme bhūmikhaṇḍe venopākhyāne pitṛtīrthe yayāticarite yayātisvargārohaṇaṃ nāma tryaśītitamo'dhyāyaḥ ||83 ## Linked texts (2) - [Padmapurāṇa](https://indike.org/pramana/in.purana.padma.2.83.1) — Vyāsa, Sanskrit - [Bhūmikhaṇḍa](https://indike.org/pramana/in.purana.bhumikhanda.p427) — Sanskrit --- Source: [https://indike.org/pramana/in.purana.bhukhanda.80](https://indike.org/pramana/in.purana.bhukhanda.80) · Pramāṇa