Pramāṇa · Search · About · API

Bhukhanda 81: atha caturaśītitamo'dhyāyaḥ

Bhūkhaṇḍa 81

Language
Sanskrit

atha caturaśītitamo'dhyāyaḥ

81.1

sukarmovāca—
etatte sarvamākhyātaṃ caritaṃ pāpanāśanam | putrāṇāṃ tārakaṃ divyaṃ bahum̐śreyaḥpradāyakam

81.2

pratyakṣaṃ dṛśyate loke yayāticaritaṃ śubham | rājyaṃ ca puruṇā prāptaṃ svargetaṃ prāptavānguruḥ

81.3

pituṃ prasādātkopācca yathā jātaṃ tathā punaḥ | [ putrāṇāṃ tārakaṃ puṇyaṃ yaśasyaṃ dhanadhānyadam ]

81.4

[† śāpayuktāvimau cobhau guruśca yadureva ca ] | pitṛmātṛsamaṃ nāsti abhīṣṭaphaladāyakam

81.5

[ sābhilāṣeṇa bhāvena pitā putraṃ samāhvayet | mātā ca putra putreti tasya puṇyaphalaṃ śṛṇu

81.6

samāhūto yadā putraḥ prayāti mātaraṃ prati | yo yāti harṣasaṃyukto gaṅgāsnānaphalaṃ labhet

81.7

pādaprakṣālanaṃ yaśca kurute ca mahāyaśāḥ | sarvatīrthaphalaṃ bhuṅkte prasādādubhayoḥ sutaḥ ]

81.8

aṅgasaṃvāhanāccātha aśvamedhaphalaṃ labhet | bhojanācchādanaiścaiva gurū ca paripoṣayet

81.9

pṛthvīdānasya yatpuṇyaṃ tatpuṇyaṃ tasya jāyate | sarvatīrthamayī gaṅgā tathā mātā na saṃśayaḥ

81.10

bahupuṇyamayaḥ sindhuryathā loke pratiṣṭhitaḥ | asminneva pitā tadvatpurāṇāḥ kavayo viduḥ

81.11

śaṃ1sate krośate yastu pitaraṃ mātaraṃ punaḥ | sa putro narakaṃ yāti bahuduḥkhapradāyakam

81.12

mātaraṃ pitaraṃ vṛddhau gṛhastho yo na poṣayet | sa putro narakaṃ yāti vedanāṃ prāpnuyādbhuvam

81.13

kutsate pāpakartā yo guruṃ putraḥ sudurmatiḥ | niṣkṛtistasya no dṛṣṭā purāṇaiḥ kavibhiḥ kadā

81.14

evaṃ matvā tvahaṃ vipra pūjayāmi dine dine | mātaraṃ pitaraṃ bhaktyā pādasaṃvāhanā2dibhiḥ

81.15

kṛtyākṛtyaṃ vadeccaiva samāhūya gururmama | tatkaromyavicāreṇa śaktyā svasya ca pippala

81.16

tena me paramaṃ jñānaṃ saṃjātaṃ gatidāyakam | etayośca prasādena saṃsāre parivartate

81.17

ye vipra bhaktiṃ kurvanti mānavā bhuvi saṃsthitāḥ | atrasthastadahaṃ jāne adhitvarge pravartate
[ nāgānāṃ tu ihastho'pi cāraṃ jānāmi pippala ]

81.18

etayośca prasā3dena jñānaṃ mama pradṛśyatām | gaccha vidyādharaśreṣṭha bhavānarcatu mādhavam

81.19

viṣṇuruvāca—
evaṃ saṃcoditastena pippalo hi svakarmaṇā | ām̐namya4 taṃ dvijaśreṣṭhaṃ lajjito'pi divaṃ yayau
sukarmā so'pi dharmātmā guruṃ śuśrūṣate punaḥ

81.20

etatte sarvamākhyātaṃ tīrtha5yātrānugaṃ mayā | anyatkiṃ te pravakṣyāmi vada vena mahāmate

Linked texts (2)