Bhukhanda 88
Bhūkhaṇḍa 88
- Language
- Sanskrit
Contents
- 88.36 — 1 part
88.1
kuñjala uvāca —
brahmahatyā'bhibhūtaśca sahasrākṣo yadā purā | gautamasya priyāsaṅgādagamyāgamanātathā
88.2
sujātaṃ pātakaṃ tasya tyaktuṃ devaiśca brāhmaṇaiḥ | sahasrākṣastapastepe nirālambo nirāśrayaḥ
88.3
tapanti devatāḥ sarvā ṛṣayo yakṣakaṃinarāḥ | devarājasya pūjārthamabhiṣekaṃ pracakrire
88.4
deśe mālavake nītvā devarājaṃ sutottamāḥ | cakruḥ snānaṃ mahābhāgāḥ kumbhairudakapūritaiḥ
88.5
snāpituṃ prathamaṃ nīto vārāṇasyāṃ svayaṃ tataḥ | prayāge ca sahasrākṣaḥ sarvatīrthe tataḥ punaḥ
88.6
mahātmanā puṣkareṇa snāpitaḥ svayameva ca | brahmādibhiḥ suraiḥ sarvairmunibṛndairdvijottamaiḥ
88.7
nāgavṛndairnagaiḥ sarvairgandharvaiśca sarkaṃinaraiḥ | snāpito devarājastu vedamantraiḥ susaṃskṛtaḥ
[ munibhiḥ sarvapāpaghnaistasminkāle dvijottama ]
88.8
śuddhe tasminsahasrākṣe mahābhāge mahāmatau | brahmahatyā gatā tasya agamyāgamanodbhavā
88.9
[ + pāpena tena ghoreṇa sārdhamindrasya bhūtale ] | suprasannaḥ sahasrākṣastīrthebhyo'pi varaṃ dadau
88.10
bhavantastīrtharājāno bhaviṣyatha na saṃśayaḥ ! matprasādātpavitrāśca yasmādahaṃ vimokṣitaḥ
sughorātkilbiṣādatra yuṣmābhirvimalairaham
88.11
evaṃ tebhyo varaṃ dattvā mālavāya varaṃ dadau | yasmātsvayaṃ tvayā'pyetadvidhṛtaṃ mama pātakam
tasmāttvamannapānaiśca dhanadhānyairalaṃ kṛtaḥ
88.12
bhaviṣyasi na saṃdeho matprasādānna saṃśayaḥ | suduṣkālairvinā tvaṃ tu bhaviṣyasi na saṃśayaḥ
88.13
evaṃ tasmai varaṃ dattvā sahasrākṣaḥ puraṃdaraḥ | kṣetrāṇi sarvatīrthāni deśānmālavakāṃstathā
[ ākhaṇḍalena sārdhaṃ te svasthānaṃ prati jagmire
88.14
sūta uvāca —
tadāprabhṛti catvāraḥ prayāgaḥ puṣkarastathā ] | vārāṇasī sarvatīrthaṃ prāpuḥ svasthānamuttamam
88.15
kuñjala vāca[+ asti pāñcāladeśe tu viduro nāma kṣatriyaḥ ] | tena lobhaprasaṅgena brāhmaṇo nihataḥ purā
88.16
śikhāsūtravihīnastu tilakena vivarjitaḥ | bhikṣārthamaṭate so'hni brahmaghno'haṃ samāgataḥ
88.17
brahmaghnāya surāpāya bhikṣā cānnaṃ pradīyatām | gṛheṣvevaṃ samasteṣu bhramate yācate purā
88.18
evaṃ sarveṣu tīrtheṣu aṭanneva samāgataḥ | brahmahatyā tatastasya na yāti dvijasattama
88.19
vṛkṣacchāyāṃ samāśritya dahyamānena tejasā | saṃsthito viduraḥ pāpī duḥkhaśokasamanvitaḥ
88.20
candraśarmā tato vipro mahāmohena pīḍitaḥ | nivasanmagadhe deśe gurughātaka ucyate
88.21
svajanairbandhuvargaiśca parityakto durātmavān | sa tatra hi samāyāto yatrāsau viduraḥ sthitaḥ
[ śikhāsūtravihīnastu vipraliṅgairvivarjitaḥ ]
88.22
tadā'sau pṛcchitastena vidureṇa durātmanā | bhavānko hi samāyāto durbhago dagghamānasaḥ
vipraliṅgairvihīnastu kasmāttvaṃ bhramase mahīm
88.23
vidureṇoditaḥ so'pi candraśarmā dvijottamaḥ | ācaṣṭe sarvamevāpi yathāpūrvaṃ kṛtaṃ svakam
88.24
pātakaṃ ca mahāghoraṃ vasatā ca gurorgṛhe | mahāmohagatenāpi krodhenā''kulacetasā
88.25
gururghātaḥ kṛtaḥ pūrvaṃ tena dagdho'smi sāṃpratam | svavṛttāntaṃ nivedyaivaṃ candraśarmā'pyapṛcchata
88.26
bhavānko hi suduḥkhātmā vṛkṣacchāyāṃ samāśritaḥ | vidureṇa samāsena ātmapāpaṃ niveditam
88.27
atha kaścidvijaḥ prāptastṛtīyaḥ śramakarṣitaḥ | vedaśarmeti vai nāmnā bahupātakasaṃcayaḥ
88.28
dvābhyāmapi ca saṃpṛṣṭaḥ ko bhavānduṣkṛtākṛtiḥ | kasmādbhramasi pṛthvīṃ tvamātmabhāvaṃ nivedaya
88.29
vedaśarmā tataḥ sarvamātmaceṣṭitameva ca | kathayāmāsa tābhyāṃ vai hyagamyāgamanaṃ kṛtam
88.30
dhikkṛtaḥ sarvalokaiśca anyaiḥ svajanabāndhavaiḥ | tena pāpena saṃlipto bhramāmyevaṃ mahīmimām
88.31
vañjulo nāma vaiśyo'tha surāpāyī samāgataḥ | sa gognastu viśeṣeṇa taiśca pṛṣṭo yathā purā
88.32
tebhya āveditaṃ tena yathājātaṃ svapātakam | taistathā''karṇitaṃ sarvaṃ samyaktasya prabhāṣitam
88.33
catvāra evaṃ pāpiṣṭhā ekasthānaṃ samāgatāḥ | kaḥ kasyāpi na saṃparkaṃ bhojanācchādanena cam̐
88.34
karoti ca mahābhāga vārtāṃ cakruḥ parasparam | na viśantyāsane caike na svapantyekasraṃstare
88.35
evaṃ duḥkhasamāviṣṭā nānātīrtheṣu te gatāḥ | eteṣāṃ pātakā ghorā na naśyanti ca nandana
88.36
sāmarthyaṃ nāsti tīrthānāṃ mahāpātakanāśane | vidurādyāstataste tu gatāḥ kālañjaraṃ girim
88.36.p1
iti śrīmahāpurāṇe pādme bhūmikhaṇḍe venopākhyāne gurutīrtha ekanavatitamo'dhyāyaḥ || 91
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit