[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Bhukhanda](https://indike.org/pramana/in.purana.bhukhanda) › 91 # Bhukhanda 91 Bhūkhaṇḍa 91 - **Language:** Sanskrit ### [91.1](https://indike.org/pramana/in.purana.bhukhanda.91.1) kuñjala uvāca - śrūyatāmabhidhāsyāmi tatsarvaṃ kāraṇaṃ suta | yasmāttau tādṛśau jātau svamāṃsaparibhakṣakau ### [91.2](https://indike.org/pramana/in.purana.bhukhanda.91.2) sarvatra kāraṇaṃ karma śubhaṃ vā'śubhameva ca | puṇyena karmaṇā putra jantuḥ saukhyaṃ bhunakti ca duṣkṛtaṃ bhuṅka evāpi pāpayuktena karmaṇā ### [91.3](https://indike.org/pramana/in.purana.bhukhanda.91.3) sūkṣmadharmaṃ vicāryaiva śāstrajñānena cakṣuṣā | sthūladharmaṃ prahṛṣṭaiva suvicārya punaḥ punaḥ ### [91.4](https://indike.org/pramana/in.purana.bhukhanda.91.4) samārabhettataḥ karma manasā vipulaina vā | sa mūrtikārakaḥ śilpī samāvartayate yathā ### [91.5](https://indike.org/pramana/in.purana.bhukhanda.91.5) agneśca tejasā putra jvālābhiśca samantataḥ | dravībhūto bhaveddhāturvihninā tāpitaḥ śanaiḥ ### [91.6](https://indike.org/pramana/in.purana.bhukhanda.91.6) yādṛśaṃ vatsa bhakṣyaṃ tu rasayuktaṃ ca sevyate | tādṛśaṃ jāyate vatsa rūpaṃ caiva na saṃśayaḥ karma eva pradhānaṃ yajjīvarūpeṇa vartate ### [91.7](https://indike.org/pramana/in.purana.bhukhanda.91.7) yādṛśaṃ vapate bījaṃ kṣetre tu kṛṣikārakaḥ | bhunakti tādṛśaṃ vatsa phalameva na saṃśayaḥ ### [91.8](https://indike.org/pramana/in.purana.bhukhanda.91.8) yādṛśaṃ kriyate karma tādṛśaṃ paribhujyate | vināśahetuḥ karmāsya sarve karmavaśā vayam ### [91.9](https://indike.org/pramana/in.purana.bhukhanda.91.9) karmadāyādakā loke karma eva ca bāndhavāḥ | karmāṇi codayantīha puruṣaṃ sukhaduḥkhayoḥ ### [91.10](https://indike.org/pramana/in.purana.bhukhanda.91.10) suvarṇaṃ rajataṃ vā'pi yathā rūpaṃ niṣecya(vya)te | tathā niṣevyate jantuḥ pūrvakarmavaśānugaḥ ### [91.11](https://indike.org/pramana/in.purana.bhukhanda.91.11) pañcaitānyapi sṛjyante garbhasthasyaiva dehinaḥ | āyuḥ karma ca vittaṃ ca vidyā nidhanameva ca ### [91.12](https://indike.org/pramana/in.purana.bhukhanda.91.12) yathā kṛṣiphalaṃ kartuḥ prāpyate yadyadīhati | tathā pūrvakṛtaṃ karma kartāraṃ pratipadyate ### [91.13](https://indike.org/pramana/in.purana.bhukhanda.91.13) devatvamatha mānuṣyaṃ paśutāṃ pakṣitāṃ tathā | tiryaktvaṃ sthāvaratvaṃ ca yāti jantuḥ svakarmabhiḥ ### [91.14](https://indike.org/pramana/in.purana.bhukhanda.91.14) sa eva tu tathā bhuṅkte nityaṃ vihitamātmanaḥ | ātmanā vihitaṃ duḥkhamātmanā vihitaṃ sukham garbhaśayyāmupādāya bhuṅkte te pūrvadaihike ### [91.15](https://indike.org/pramana/in.purana.bhukhanda.91.15) pūrvadehakṛtaṃ karma na kaścitpuruṣo bhuvi | balena prajayā vā'pi samarthaḥ kartumanyathā ### [91.16](https://indike.org/pramana/in.purana.bhukhanda.91.16) svakaptānyeva bhuñjanti duḥkhāni ca sukhāni ca | hetubhiḥ karaṇairvā'pi so'haṃkāreṇa badhyate ### [91.17](https://indike.org/pramana/in.purana.bhukhanda.91.17) yathā dhenusahasreṣu vatso vindati mātaram | tadvacchubhāśubhaṃ karma kartāramanugacchati upabhogādṛte tasya nāśa eva na vidyate ### [91.18](https://indike.org/pramana/in.purana.bhukhanda.91.18) prāktanaṃ bandhanaṃ karma ko'nyathā kartumarhati | suśīghramapi dhāvantaṃ vidhānamapi dhāvati ### [91.19](https://indike.org/pramana/in.purana.bhukhanda.91.19) śobhate saṃnipātena purā karma yathākṛtam | upatiṣṭhati tiṣṭhantaṃ gacchantamanugacchati ### [91.20](https://indike.org/pramana/in.purana.bhukhanda.91.20) karoti kurvataḥ karma chāyevānuvidhīyate | yathā chāyātapau nityaṃ susaṃbandhau parasparam ### [91.21](https://indike.org/pramana/in.purana.bhukhanda.91.21) upasargā hi viṣayā upasargā jarādayaḥ | pīḍayanti naraṃ paścātpīḍitaṃ pūrvakarmaṇā ### [91.22](https://indike.org/pramana/in.purana.bhukhanda.91.22) yena yatropabhoktavyaṃ sukhaṃ vā duḥkhameva ca | sa tatra badhyate janturbalāddaivena nīyate ### [91.23](https://indike.org/pramana/in.purana.bhukhanda.91.23) daivaṃ prāhuśca jīvānāṃ sukhaduḥkhopapādanam | anyathā karma taccintyaṃ jāgrataḥ svapato'pi vā ### [91.24](https://indike.org/pramana/in.purana.bhukhanda.91.24) anyathā duḥkhinaṃ daivaṃ vadhyameva jighāṃsati | śastrāgniviṣadurgebhyo rakṣitavyaṃ ca rakṣati ### [91.26](https://indike.org/pramana/in.purana.bhukhanda.91.26) yathā pṛthivyāṃ bījāni hyannaṃ vṛkṣāstṛṇāni ca | tathaivā''tmani karmāṇi tiṣṭhanti prabhavanti ca tailakṣayādyathā dīpo nirvāṇamadhigacchati | karmakṣayāttathā jantoḥ śarīraṃ nāśamṛcchati ### [91.27](https://indike.org/pramana/in.purana.bhukhanda.91.27) karmakṣayāttathā mṛtyustattvavidbhirudāhṛtaḥ | vividhāḥ prāṇināṃ rogāḥ smṛtāsteṣāṃ ca hetavaḥ ### [91.28](https://indike.org/pramana/in.purana.bhukhanda.91.28) tasmāttattu pradhānaṃ ca prāṇināṃ karma eva hi | yatpurā kriyate karma tadihaiva prabhajyate ### [91.29](https://indike.org/pramana/in.purana.bhukhanda.91.29) yattvayā dṛṣṭamevāpi pṛcchitaṃ tāta sāṃpratam | tasyārthaṃ hi mayoktaṃ vai bhuñjāte tau hi sāṃpratam ### [91.30](https://indike.org/pramana/in.purana.bhukhanda.91.30) ānandake tvayā dṛṣṭaṃ tayoḥ karma sudāruṇam | śṛṇu vatsa pravakṣyāmi vipākaṃ pūrvakarmaṇaḥ ### [91.31](https://indike.org/pramana/in.purana.bhukhanda.91.31) karmabhūmiriyaṃ tāta cānyā bhogāya bhūmayaḥ | svargādīnāṃ mahāprājña kartā gatvā bhunakti ca ### [91.32](https://indike.org/pramana/in.purana.bhukhanda.91.32) coladeśe mahāprājña subāhurnāma bhūpatiḥ | rūpavānguṇavāndhīraḥ pṛthivyāṃ nāsti tādṛśaḥ ### [91.33](https://indike.org/pramana/in.purana.bhukhanda.91.33) viṣṇubhakto mahājñānī vaiṣṇavānāṃ ca supriyaḥ | karmaṇā vividhenāpi dhyāyetsa madhusūdanam ### [91.34](https://indike.org/pramana/in.purana.bhukhanda.91.34) aśvamedhādikānsarvānyajedyajñāṃssa vai nṛpaḥ | purodhāstasya caivāsti jaiminirnāma brāhmaṇaḥ ### [91.35](https://indike.org/pramana/in.purana.bhukhanda.91.35) sa cā''hūya subāhuṃ tamidaṃ vacanamabravīt | rājandeha sudānāni yaiśca saukhyaṃ prabhajyate ### [91.36](https://indike.org/pramana/in.purana.bhukhanda.91.36) dānaistu labhate lokāndurgānpretya gato naraḥ | dānena sukhamāpnoti yaśaḥ prāpnoti śāśvatam ### [91.39](https://indike.org/pramana/in.purana.bhukhanda.91.39) dānenaivāsya satkīrtirjāyate martyamaṇḍale | \[ yāvatkīrtiḥ sthirā cātra tāvatkartā divaṃ vaset 37 taddānaṃ duṣkaraṃ prāhurdātuṃ naiva praśakyate | tasmātsarvaprayatnena dātavyaṃ mānavaiḥ sadā || \] 38 rājovācadānasya tapaso vā'pi dvayormadhye suduṣkaram | kiṃ vā mahāphalaṃ pretya tanme brūhi dvijottama ### [91.40](https://indike.org/pramana/in.purana.bhukhanda.91.40) jaiminiruvāca — dānānna duṣkarataraṃ pṛthivyāmasti kiṃcana | rājanpratyakṣamevaivaṃ dṛśyate lokasākṣikam ### [91.42](https://indike.org/pramana/in.purana.bhukhanda.91.42) parityajya priyānprāṇāndhanārthe lobhamohitāḥ | praviśanti narā loke samudramaṭavīṃ tathā ||. 41 sevāmanye prakurvanti prapaṭhanti vipaścitaḥ | hiṃsāprāyānabahūnkleśāṃkṛṣiṃ caiva tathā pare ### [91.43](https://indike.org/pramana/in.purana.bhukhanda.91.43) tasya duḥkhārjitasyāpi prāṇebhyo'pi garīyasaḥ | arthasya puruṣavyāghra parityāgaḥ suduṣkaraḥ viśeṣato mahārāja tasya nyāyārjitasya ca ### [91.44](https://indike.org/pramana/in.purana.bhukhanda.91.44) śraddhayā vidhivatpātre dattasyānto na vidyate | śraddhā dharmasutā devī pāvanī viśvabhāvinī ### [91.45](https://indike.org/pramana/in.purana.bhukhanda.91.45) sāvitrī prasavitrī ca saṃsārārṇavatāriṇī | śraddhayām̐ dhyāyate dharmo vidvadbhiśśā''tmavādibhiḥ ### [91.46](https://indike.org/pramana/in.purana.bhukhanda.91.46) niṣkiṃcanāstu munayaḥ śraddhāvanto divaṃ gatāḥ | santi dānānyanekāni nānābhedairnṛpottama ### [91.47](https://indike.org/pramana/in.purana.bhukhanda.91.47) annadānātparaṃ nāsti prāṇināṃ gatidāyakam | tasmādannaṃ pradātavyaṃ payasā ca samanvitam ### [91.48](https://indike.org/pramana/in.purana.bhukhanda.91.48) madhureṇāpi puṇyena vacasā ca samanvitam | nāstyannācca paraṃ dānamiha loke paratra ca ### [91.49](https://indike.org/pramana/in.purana.bhukhanda.91.49) tāraṇāya hitāyaiva sukhasaṃpattihetave | śraddhayā dīyate pātre nirmalenāpi cetasā ### [91.50](https://indike.org/pramana/in.purana.bhukhanda.91.50) annasyaikapradānasya phalaṃ bhuṅkte naraḥ sadā | grāsāgraṃ saṃpradātavyaṃ muṣṭiprasthaṃ na saṃśayaḥ ### [91.52](https://indike.org/pramana/in.purana.bhukhanda.91.52) akṣayaṃ jāyate tasya dānasyāpi mahatphalam | na ca prasthaṃ na vā muṣṭiṃ yasyāpi na hi saṃbhavet 51 anāstikaprabhāvena parvaṇi prāpya mānavaḥ | śraddhayā brāhmaṇaṃ caikaṃ bhaktyā caiva prabhojayet ### [91.53](https://indike.org/pramana/in.purana.bhukhanda.91.53) ekasyāpi pradānasya hyannasyāpi nareśvara | janmāntaraṃ susaṃprāpya nityameva bhunakti ca pūrvajanmani yaddattaṃ bhaktyā pātre sakṛnnaraiḥ ### [91.54](https://indike.org/pramana/in.purana.bhukhanda.91.54) janmāntaraṃ ca saṃprāpya nityaṃ cānnaṃ prabhajyate | annadānaṃ prayacchanti nityaṃ hi brāhmaṇāya ye miṣṭānnapānaṃ bhuñjanti te narāḥ svargagāminaḥ ### [91.55](https://indike.org/pramana/in.purana.bhukhanda.91.55) annameva vadantyete ṛṣayo vedapāragāḥ | prāṇarūpaṃ na saṃdehamamṛtāddhi samudbhavam ### [91.56](https://indike.org/pramana/in.purana.bhukhanda.91.56) prāṇāstena pravṛttā hi yena cānnaṃ samarpitam | annadānaṃ mahārāja dehi tvaṃ vai prayatnataḥ ### [91.57](https://indike.org/pramana/in.purana.bhukhanda.91.57) evamākarṇya vai rājā jaiminestu mahadvacaḥ | punaḥ papraccha taṃ vipraṃ jaiminiṃ jñānapaṇḍitam ## Linked texts (4) - [Padmapurāṇa](https://indike.org/pramana/in.purana.padma.2.94.1) — Vyāsa, Sanskrit - [Southern recension](https://indike.org/pramana/in.lit.mahabharata.vyasa*southern.3.260.35) — Sanskrit - [Itihāsasamuccaya](https://indike.org/pramana/in.lit.mahabharata.itihasasamuccaya.2.47) — Sanskrit - [Bhūmikhaṇḍa](https://indike.org/pramana/in.purana.bhumikhanda.p479) — Sanskrit --- Source: [https://indike.org/pramana/in.purana.bhukhanda.91](https://indike.org/pramana/in.purana.bhukhanda.91) · Pramāṇa