Bhukhanda 93: atha ṣaṇṇavatitamo'dhyāyaḥ
Bhūkhaṇḍa 93
- Language
- Sanskrit
Contents
- 93.52 — 1 part
atha ṣaṇṇavatitamo'dhyāyaḥ
93.1
subāhuruvāca —
duṣṭena karmaṇā yena sukṛtenāpi karmaṇā | narakaṃ kīdṛśaṃyānti tanme tvaṃ vaktumarhasi
93.2
jaiminiruvāca —
brāhmaṇyaṃ puṇyamutsṛjya ye dvijā lobhamohitāḥ | kukarmaṇyupajīvanti te vai nirayagāminaḥ
93.3
nāstikā bhinnamaryādāḥ kandarpaviṣayonmukhāḥ | dāmbhikāśca kṛtaghnāśca te vai nirayagāminaḥ
93.4
brāhmaṇebhyaḥ pratiśrutya na prayacchanti ye dhanam | brahmasvānāṃ ca hartāro narā nirayagāminaḥ
93.5
puruṣāḥ piśunāścaiva mānino'nṛtavādinaḥ | asaṃbaddhapralāpāśca te vai nirayagāminaḥ
93.6
ye parasvāpahatāraḥ paradūṣaṇasotsukāḥ | paraśriyā pratapyante te vai nirayagāminaḥ
93.7
prāṇināṃ prāṇahiṃsāyāṃ ye narā niratāḥ sadā | paranindāratā ye ca te vai nirayagāminaḥ
93.8
kūpārāmataḍāgānāṃ prapānāṃ ca vidūṣakāḥ | [+sarasāṃ caiva bhettāro narā nirayagāminaḥ
93.9
viparyayaṃ vrajeyustāñśiśūnbhṛtyātithīṃstataḥ ] utsannapitṛdevejyāste vai nirayagāminaḥ
93.10
pravrajyādūṣakā rājanye caivā''śramadūṣakāḥ | sakhīnāṃ dūṣakāścaiva te vai nirayagāminaḥ
93.11
ādyaṃ puruṣamīśānaṃ sarvalokamaheśvaram | na cintayanti ye viṣṇuṃ te vai nirayagāminaḥ
93.12
prayājānāṃ makhānāṃ ca kanyānāṃ śuddhacetasām | sādhūnāṃ ca gurūṇāṃ ca dūṣakā nirayaṃgamāḥ
93.13
[ kāṣṭhairvā śaṅkubhirvā'pi śūlairaiśmabhireva vā | ye mārgānuparundhanti te vai nirayagāminaḥ ]
93.14
sarvabhūteṣvaviśvastāḥ kāmenā''rtāstathaiva ca | sarvavarṇeṣu bhuñjānāste vai nirayagāminaḥ
93.15
āgatānabhojanārthāya brāhmaṇānyuttikarśittān | avajñāya pravartante nirayeṣu patanti vai
93.16
kṣetraṃ vṛttiṃ gṛhaṃ caiva prītiṃ chindanti ye narāḥ | āśācchedaṃ ca kurvanti te vai nirayagāminaḥ
93.17
[+śastrāṇāṃ caiva kartāraḥ śalyānāṃ dhanuṣāṃ tathā | vikretāraśca rājendra te vai nirayagāminaḥ]
93.18
anāthaṃ vaiṣṇavaṃ dīnaṃ rogārtaṃ vṛddhameva ca | nānumpanti ye mūḍhāste vai nirayagāminaḥ
93.19
niyamānpūrvamādāya ye paścādajitendriyāḥ | atikrāmanti cāñcalyātte vai nirayagāminaḥ
93.20
hanta te kathayiṣyāmi narānvai svargagāminaḥ | bhoginaḥ sarvalokasya ye proktāstānribodha me
93.21
satyena tapasāṃ jñānadhyānenādhyayanena vā | ye dharmamanuvartante te narāḥ svargagāminaḥ
93.22
ye ca homeṃparā dhyānadevatārcanatatparāḥ | audadānā mahātmānaste narāḥ svargagāminaḥ
93.23
śucayaḥ śucideśe vā vāsudevaparāyaṇāḥ | bhaktyā ca viṣṇumāpannāste narāḥ svargagāminaḥ
93.24
mātāpittrośca śuśrūṣāṃ ye kurvanti sadā''hṛtāḥ | varjayanti divā svapnaṃ te narāḥ svargagāminaḥ
93.25
sarvahiṃsānivṛttāśca sādhusaṅgāśca ye narāḥ | sarvasyāpi hite yuktāste narāḥ svargagāminaḥ
93.26
śuśrūṣābhiḥ samāyuktā gurūṇāṃ mānadā narāḥ | pratigrahanivṛttāśca te narāḥ svargagāminaḥ
93.27
bhayātkāmāttathā''krośāddaridrānpūrvakarmaṇaḥ | na kutsanti ca ye nūnaṃ te narāḥ svargagāminaḥ
93.28
sahasrapariveṣṭārastathaiva ca sahasradāḥ | dātāraśca sahasrāṇāṃ te narāḥ svargagāminaḥ
93.29
ātmasvarūpabhājaśca yauvanasthāḥ kṣamāratāḥ | ye vai jitendriyā vīrāste narāḥsvargagāminaḥ
93.30
suvarṇasya pradātāro gavāṃ bhūmeśca bhārata | annānāṃ vāsasāṃ caiva puruṣāḥ svargagāminaḥ
93.31
niveśanānāṃ vainyānāṃ narāṇāṃ ca paraṃtapa | svayamutpādya dātāraḥ puruṣāḥ svargagāminaḥ
93.32
dviṣatāmapi ye doṣātna vadanti kadācana | kīrtayanti guṇāṃścaiva te narāḥ svargagābhinaḥ
93.33
dṛṣṭvā vijñānprahṛṣyanti priyaṃ dattvā vadanti ca | tyaktadānaphalecchāśca te narāḥ svargagāminaḥ
93.34
ye pareṣāṃ śriyaṃ dṛṣṭvā na tapyanti vimatsarāḥ | prahṛṣṭāścābhinandanti te narāḥ svargagāminaḥ
93.35
pravṛttau ca nivṛttau ca muniśāstroktameva ca | ācaranti mahātmānaste narāḥ svargagāminaḥ
93.36
ye narāṇāṃ vaco vaktuṃ na jānanti ca vipriyam | priyavākyena vijñātāste narāḥ svargagāminaḥ
93.37
[ ye nāma bhāgaṃ kurvanti kutṛṣṇāśramakarṣiṇaḥ (?)| hantakārasya dātāraste narāḥ svargagāminaḥ
93.38
vāpīkūpataḍāgānāṃ prapānāṃ caiva veśmanām | ārāmāṇāṃ ca kartāraste narāḥ svargagāminaḥ ]
93.39
asatyeṣvapi satyā ye ṛjavo'nārjaveṣvapi | pravaktāraśca dātāraste narāḥ svargagāminaḥ
93.40
yasminkasminkule jātā bahuputrāḥ śatāyuṣaḥ| sānukrośāḥ sadācārāste narāḥ svargagāminaḥ
93.41
avandhyaṃ divasaṃ kuryurdharmeṇaikena sarvadā | vrataṃ gṛhṇanti ye nityaṃ te narāḥ svargagāminaḥ
93.42
mitrāmitre stuvantaśca tulyaṃ paśyanti ye sadā | śāntātmāno jitātmānaste narāḥ svargagāminaḥ
93.43
ye ca syurbhayasaṃtrastā brāhmaṇāṃśca tathā striyaiḥ | sārthāntvā parirakṣanti te narāḥ svargagāminaḥ
93.44
gaṅgāyāṃ puṣkare tīrthe gayāyāṃ ca viśeṣataḥ | pitṛpiṇḍapradātāraste narāḥ svargagāminaḥ
93.45
na vaśāścendriyāṇāṃ ye tathā saṃyamane ratāḥ | tyaktabhogabhayakrodhāste narāḥ svargagāminaḥ
93.46
[ +yūkāmatkuṇadaṃśādīnye jantūṃstudatastanum | putravatparirakṣanti te narāḥ svargagāminaḥ
93.47
manasaścendriyāṇāṃ ca sarvadā nigrahe ratāḥ | paropakāraniratāste narāḥ svargagāminaḥ
93.48
yajñānāṃ ca viśeṣeṇa vidhinā saṃvapanti ye | sarvadvaṃdvasahā dāntāste narāḥ svargagāminaḥ ]
93.49
ye pūtāḥ paradārāṃśca karmaṇā manasā girā | ramayanti na sattvasthāste narāḥ svargagāminaḥ
93.51
ninditāni na kurvanti kurvanti vihitāni ca | ātmaśaktiṃ vijānanti te narāḥ svargagāminaḥ
etatne kathitaṃ sarvaṃ mayā tattvena pārthiva | durgatiḥ sugatiścaiva prāpyate karmabhiryathā
93.52
tataḥ pareṣāṃ pratikūlamācaranprayāti ghoraṃ narakaṃ suduḥkhadam
sadā'nukūlasya narasya jīvinaḥ sukhāvahā muktiradūrasaṃsthitā
93.52.p1
iti śrīmahāpurāṇe pādme bhūmikhaṇḍe venopākhyāne gurutīrthe ṣaṇṇavatitamo'dhyāyaḥ || 96
Linked texts (5)
- Padmapurāṇa — Vyāsa, Sanskrit
- Vulgate — Sanskrit
- Itihāsasamuccaya — Sanskrit
- Vyākhyānamālākathānaka (Acyutānanda Sarasvatī) — Acyutānanda Sarasvatī, Sanskrit
- Bhūmikhaṇḍa — Sanskrit