Bhukhanda 96: atha navanavatitamo'dhyāyaḥ
Bhūkhaṇḍa 96
- Language
- Sanskrit
Contents
- 96.10 — 1 part
atha navanavatitamo'dhyāyaḥ
96.1
viṣṇuruvāca —
stotraṃ pavitraṃ paramaṃ purāṇaṃ pāpāpahaṃ puṇyamayaṃ śivaṃ ca
dhanyaṃ susūktaṃ paramaṃ sujāpyaṃ niśamya rājansa sukhī babhūva
96.2
gatā sutṛṣṇā kṣudhayā sametā devopamo bhūpatirbabhūva
bhāryā ca rājñaḥ subhagā babhūva jātāvubhau pāpavimuktadehau
96.3
haristu devaḥ prabhurāvirāsīdvipraiḥ supuṇyairharibhaktiyuktaiḥ
āgatya bhūpaṃ gatakalmaṣaṃ taṃ śrīśaṅkhacakrābjagadāsidhartā
96.4
śrīnārado bhārgavavyāsamukhyāḥ samāgatāstatra mṛkaṇḍasūnuḥ
vālmīkināmā munirviṣṇubhaktaḥ samāgato brahmasuto vasiṣṭhaḥ
96.5
gargī mahātmā haribhaktiyukto jābālirabhyāvarthaṃ kāśyapaśca
ājagmurete hariṇā sametā viṣṇupriyā bhāgavatāṃ variṣṭhāḥ
96.6
puṇyāḥ sudhanyā gatakalmaṣāste hareḥ supādāmbujabhaktilīnāḥ
śrīvāsudevaṃ parivārya tasthuḥ stuvanti bhūpaṃ vividhaprakāraiḥ
96.7
devāśca sarve hutabhuṅmukhāśca brahmā hariścāpi sa devadevaḥ
gāyanti divyaṃ madhuraṃ manoharaṃ gandharvarājādisugāyanāśca
96.8
sum̐devayuktaiḥ paramārthasaṃmitaiḥ stavaiḥ supuṇyairmuunayaḥ stuvanti
uccaistarāṃ bhūpatimeva devatā harirbabhāṣe vacanaṃ manoharam
96.9
varaṃ yatheṣṭaṃ varayasva bhūpate dadāmyahaṃ te paritoṣito yataḥ
harestu vākyaṃ sa niśamya rājā dṛṣṭvā murāriṃ vadamānamagre
96.10
nīlotpalābhaṃ mam̐raghātinaṃ prabhuṃ śaṅkhābjacakrāsigadāpradhāriṇam
śriyā sametaṃ parameśvaraṃ taṃ ratnojjvalaṃ kaṅkaṇahārabhūṣitam
96.10.p1
[ raviprabhaṃ devagaṇaiḥ susevitaṃ mahārhahārābharaṇaiḥ subhūṣitam ]
96.11
sudivyagandhairvaralepanairhariṃ subhaktibhāvairavanīṃ gato nṛpaḥ
96.12
daṇḍapraṇāmaiḥ satataṃ nanāma jayetyuvācātha mahāmudaṃ gataḥ
dāso'smi bhṛtyo'smi sureśa te sadā bhaktiṃ na jāne tava bhāvamuttamam
96.13
jām̐yānvitaṃ māmiha cā''gataṃ hare prapāhi vai tvāṃ śaraṇaṃ prapannam
dhanyāstu te mādhava mānavā dvijāḥ sadaiva ye dhyānamanovilīnāḥ
96.14
samuccaranto bhava keśaveti prayānti vaikuṇṭhamitaḥ sunirmalāḥ
tavaiva pādāmbujamārjaṃnaṃ payaḥ puṇyaṃ tathā ye śirasā vahanti
samastatīrthodbhavatoyasaṃplutāste mānavā yānti hareśca dhāma
96.16
nāsti yogo na me bhaktirnāsti jñānaṃ na me kriyā| kasya puṇyasya saṅgena varaṃ pāpe prayacchasi 15
hariruvāca —
vāsudevābhidhānaṃ yanmahāpātakanāśanam | bhavatā vijvalātpuṇyācchrutaṃ rājanvikalmaṣam
96.18
tena tvaṃ muktibhāgī ca saṃjāto nātra saṃśayaḥ| mama loke prabhuṅkṣva tvaṃ divyānbhogānamanogunān
subāhuruvāca —
yadi deva varo deyo mahyaṃ dīnāya vai tvayā | vijvalāya prayaccha tvaṃ prathamaṃ varamuttamam
96.19
hariruvāca —
vijvalasya pitā puṇyaḥ kuñjalo jñānapaṇḍitaḥ | vāsudevamahāstotraṃ nityaṃ japati bhūpate
96.20
putraiśca priyayā caiva sametau māṃ prapatsyati | yaścaivaṃ japati stotraṃ tasya dāsye mahatphalam
96.21
evamukte śubhe vākye rājā keśavamabravīt | idaṃ stotraṃ mahāpuṇyaṃ saphalaṃ kuru keśava
96.22
vāsudeva uvāca —
saiṃtye yuge mahārāja yadā stoṣyati mānavaḥ | tadā mokṣaṃ pradāsyāmi tatkṣaṇānnātra saṃśayaḥ
96.23
tretāyāṃ māsamātreṇa mam̐āsaṣaṭkena dvāpare | varṣaikeṇa kalau prāpte ye japanti ca mānavāḥ
96.24
svargaṃ yāsyanti rājendra vaiṣṇavaṃ gatidāyakam | trikālamekakālaṃ vā snāto japati brāhmaṇaḥ
96.25
yaṃ yaṃ tu vāñchate kāmaṃ sa sa tasya bhaviṣyati | kṣatriyo jayamāpnoti dhanadhānyairalaṃkṛtaḥ
96.27
vaiśyo bhaviṣyati śrīmāñśūdraḥ sukhamavāpnuyāt | atha yaḥ śrāvayetstotraṃ pāpānmukto bhaviṣyati
śrāvako narakaṃ ghoraṃ kadācinneva paśyati | mama stotraprasādācca sarvasiddho bhaviṣyati
96.28
bhuñjāneṣu ca vipreṣu śrāddhakāle tu yaḥ paṭhet | pitaro vaiṣṇavaṃ lokaṃ tṛptā yāsyanti bhūpate
96.29
tarpaṇānte japaṃ kuryādbrāhmaṇo vā'pi kṣatriyaḥ | pibanti cāmṛtaṃ tasya pitaro hṛṣṭamānasāḥ
96.30
home ca yajñamadhye ca bhāvājjapati mānavaḥ | tatra vighnā na jāyante sarvasiddhirbhaviṣyati
96.31
viṣame durgasaṃsthāne siṃhavyāghrabhayeṣu ca | caurāṇāṃ saṃkaṭe prāpte tatra stotramudīrayet
96.32
tatrābhayaṃ mahārāja stotrapāṭhādbhaviṣyati | aśeṣeṣveva durgeṣu rājadvāre gate nare
96.33
vāsudevābhidhānasya ayutaṃ japate naraḥ | brahmacaryeṇa ca snātaḥ krodhalobhavivarjitaiḥ
96.34
dvilakṣaṃ bilvakairhomaṃ ghṛtaguggulasaṃyutam | vāsudevaṃ prapūjyaiva kuryātprayatamānasaḥ
96.35
stotraṃ prati tato deyo homo dhyānena mānavaiḥ | teṣāṃ subhṛtyavartitvaṃ pārśvaṃ naiva tyajāmyaham
96.36
kalau yuge'pi saṃprāpte stotre dāsyaṃ prayāsyati | vedabhaṅgaprasaṅgena yasya kasya na dīyate
96.37
sarvakāmasamṛddhārthaḥ sarvadaiva bhaviṣyati | evaṃ hi saphalaṃ stotraṃ mayā bhūpa kṛtaṃ śṛṇu
96.38
brahmaṇā nirmitaṃ stotraṃ japtaṃ rudreṇa vai purā | brahmahatyāvinirmukta indro muktaśca kilbiṣāt
96.39
devāśca ṛṣayaḥ sarve siddhavidyādharoragāḥ | japitvā stotrametattu siddhimāpuryathepsitām
96.40
puṇyo dhanyaḥ sa vai dātā putravānhi bhaviṣyati | mama stotraṃ paṭhedyastu nātra kāryā vicāraṇā
96.41
āgaccha tvaṃ striyā sārdhaṃ mama sthānaṃ nṛpottama | hastāvalambanaṃ dattaṃ hariṇā tasya bhūpateḥ
96.42
nedurdundubhayastatra gandharvā lalitaṃ jaguḥ | nanṛtuścāpsaraḥśreṣṭhāḥ puṣpavṛṣṭiṃ pracakrire
96.43
devāśca ṛṣayaḥ sarve vedastotraiḥ stuvanti te | tato dayitayā sārdhaṃ jagāma nṛpatirharim
96.44
taṃ stūyamānaṃ surasiddhasaṅghaiḥ sa vijjvalaḥ paśyati hṛṣṭamānasaḥ
samāgatastiṣṭhati yatra vai pitā mātā ca vegena mahāprabhāvaḥ
96.6-2
athaivaṃ sa praśasyāpi āśīrbhirabhinandya caṃ | sthitastasminvaṭe ramye cyavanasyopa paśyataḥ
96.7-2
etatte sarvamākhyātaṃ teṣāṃ vṛttaṃ mahātmanām | vaiṣṇavānāṃ mahārāja anyatkiṃ te vadāmyaham
96.12-2
vena uvāca —
amṛtaṃ śaṅkhapātreṇa pānārthaṃ mama cārpitam | [ tasmātkasya na ca śraddhā pātuṃ martyasya bhūtale ]
uttamaṃ vaiṣṇavaṃ jñānaṃ pānānāmiha sarvadā
tvayaivaṃ kathyamānasya pāne tṛptirna jāyate | śrotuṃ hi devadeveśa mama śraddhā vivardhate
kathayasva prasādena kuñjalasyāpi ceṣṭitam | mahātmanā kimuktaṃ tu caturthatanayaṃ prati
tanme suvistarāddevaṃ kathayasva mahāmate
viṣṇuruvāca —
śrūyatāmabhidhāsyāmi caritaṃ kuñjalasya ca | bahuśreyaḥsamāyuktaṃ caritaṃ cyavanasya ca
idaṃ puṇyaṃ naraśreṣṭha hyākhyānaṃ pāpanāśanam | yaḥ śṛṇoti naro bhaktyā gosahasraphalaṃ labhet
Linked texts (2)
- Padmapurāṇa — Vyāsa, Sanskrit
- Bhūmikhaṇḍa — Sanskrit