[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.10 # Brahmandapurana 1.10 Brahmāṇḍapurāṇa 1.10 - **Language:** Sanskrit ## Contents - [1.10.88](https://indike.org/pramana/in.purana.brahmanda.1.10.88) — 1 part ### [1.10.1](https://indike.org/pramana/in.purana.brahmanda.1.10.1) ṛṣiruvāca asminkalpe tvayā noktaḥ prādurbhāvo mahātmanaḥ / mahādevasya rudrasya sādhakairṛṣibhiḥ saha // ### [1.10.2](https://indike.org/pramana/in.purana.brahmanda.1.10.2) sūta uvāca utpattirādisargasya mayā proktā samāsataḥ / vistareṇa pravakṣyāmi nāmāni tanubhiḥ saha // ### [1.10.3](https://indike.org/pramana/in.purana.brahmanda.1.10.3) patnīṣu janayāmāsa mahādevaḥ sutānbahūna / kalpeṣvanyeṣvatīteṣu hyasminkalpe tu tāñśṛṇu // ### [1.10.4](https://indike.org/pramana/in.purana.brahmanda.1.10.4) kalpādāvātmanastulyaṃ sutamadhyāyata prabhuḥ / prādurā sīttatoṅke 'sya kumāro nīlalohitaḥ // ### [1.10.5](https://indike.org/pramana/in.purana.brahmanda.1.10.5) ruroda susvaraṃ ghoraṃ nirdahanniva tejasā / dṛṣṭvā rudantaṃ sahasā kumāraṃ nīlalohitam // ### [1.10.6](https://indike.org/pramana/in.purana.brahmanda.1.10.6) kiṃ rodiṣi kumāreti brahmā taṃ pratyabhāṣata / so 'bravīddehi me nāma prathamaṃ tvaṃ pitāmaha // ### [1.10.7](https://indike.org/pramana/in.purana.brahmanda.1.10.7) rudrastvaṃ deva nāmāsi sa ityukto 'rudatpunaḥ / kiṃ rodiṣi kumāreti brahmā taṃ pratyabhāṣata // ### [1.10.8](https://indike.org/pramana/in.purana.brahmanda.1.10.8) nāma dehi dvitīyaṃ me ityuvāca svayaṃbhuvam / bhavastvaṃ devanāmnāsi ityuktaḥ so 'rudatpunaḥ // ### [1.10.9](https://indike.org/pramana/in.purana.brahmanda.1.10.9) kiṃ rodiṣīti taṃ brahmā rudantaṃ pratyuvāca ha / tṛtīyaṃ dehi me nāma ityuktaḥ so 'bravītpunaḥ // ### [1.10.10](https://indike.org/pramana/in.purana.brahmanda.1.10.10) śarvastvaṃ deva nāmnāsi ityuktaḥ so 'rudatpunaḥ / kiṃ rodiṣīti taṃ brahmā rudantaṃ pratyuvāca ha // ### [1.10.11](https://indike.org/pramana/in.purana.brahmanda.1.10.11) caturtha dehi me nāma ityuktaḥ so 'bravītpunaḥ / īśāno devanāmnāsi ityuktaḥ so 'rudatpunaḥ // ### [1.10.12](https://indike.org/pramana/in.purana.brahmanda.1.10.12) kiṃ rodiṣīti taṃ brahmā rudantaṃ punarabravīt / pañcamaṃ nāma dehīti pratyuvāca svayaṃbhuvam // ### [1.10.13](https://indike.org/pramana/in.purana.brahmanda.1.10.13) paśūnāṃ tvaṃ patirdeva ityuktaḥ so 'rudatpunaḥ / kiṃ rodiṣīti taṃ brahmā rudantaṃ punarabravīt // ### [1.10.14](https://indike.org/pramana/in.purana.brahmanda.1.10.14) ṣaṣṭhaṃ vai dehi me nāma ityuktaḥ pratyuvāca tam / bhīmastvaṃ deva nāmnāsi ityuktaḥ so 'rudatpunaḥ // ### [1.10.15](https://indike.org/pramana/in.purana.brahmanda.1.10.15) kiṃ rodiṣīti taṃ brahmā rudantaṃ punarabravīt / saptamaṃ dehi me nāma ityuktaḥ pratyuvāca ha // ### [1.10.16](https://indike.org/pramana/in.purana.brahmanda.1.10.16) ugrastvaṃ deva nāmnāsi ityuktaḥ so 'rudatpunaḥ / taṃ rudantaṃ kumāraṃ tu mārodīriti so 'bravīt // ### [1.10.17](https://indike.org/pramana/in.purana.brahmanda.1.10.17) so 'bravīdaṣṭamaṃ nāma dehi me tvaṃ vibho punaḥ / tvaṃ mahādevanāmāsi ityukto virarāma ha // ### [1.10.18](https://indike.org/pramana/in.purana.brahmanda.1.10.18) labdhvā nāmāni caitāni brahmāṇaṃ nīlalohitaḥ / provāca nāmnāmeteṣāṃ sthānāni pradiśeti ha // ### [1.10.19](https://indike.org/pramana/in.purana.brahmanda.1.10.19) tato visṛṣṭāstanava eṣāṃ nāmnā svayaṃbhuvā / sūryo jalaṃ mahī vāyurva hnirākāśameva ca // ### [1.10.20](https://indike.org/pramana/in.purana.brahmanda.1.10.20) dīkṣitā brāhmaṇaścandra ityevaṃ te 'ṣṭadhā tanuḥ / teṣu pūjyaśca vandyaśca namaskāryaśca yatnataḥ // ### [1.10.21](https://indike.org/pramana/in.purana.brahmanda.1.10.21) provāca taṃ punarbrahmā kumāraṃ nīlalohitam / yaduktaṃ te mayā pūrvaṃ nāma rudreti vai vibho // ### [1.10.22](https://indike.org/pramana/in.purana.brahmanda.1.10.22) tasyādityatanurnāmnaḥ prathamā prathamasya te / ityukte tasya yattejaścakṣustvāsītprakāśakam // ### [1.10.23](https://indike.org/pramana/in.purana.brahmanda.1.10.23) viveśa tattadādityaṃ tasmādrudro hyasau smṛtaḥ / udyatamastaṃ yantaṃ ca varjayeddarśaneravim // ### [1.10.24](https://indike.org/pramana/in.purana.brahmanda.1.10.24) śaśvacca jāyate yasmācchaśvatsaṃtiṣṭhate tu yat / tasmātmūryaṃ na vīkṣeta āyuṣkāmaḥ śuciḥ sadā // ### [1.10.25](https://indike.org/pramana/in.purana.brahmanda.1.10.25) atītānāgataṃ rudraṃ viprā hyāpyāyayanti yat / ubhe saṃdhye hyupāsīnā gṛṇantaḥ sāmaṛgyajuḥ // ### [1.10.26](https://indike.org/pramana/in.purana.brahmanda.1.10.26) udyansa tiṣṭhate ṛkṣu madhyāhne ca yajuḥṣvatha / sāmasvathāparāhṇe tu rudraḥ saṃviśati kramāt // ### [1.10.27](https://indike.org/pramana/in.purana.brahmanda.1.10.27) tasmādbhavennābhyudito bāhyastamita eva ca / na rudramprati meheta sarvāvasthaṃ kathaṃ cana // ### [1.10.28](https://indike.org/pramana/in.purana.brahmanda.1.10.28) evaṃ yuktān dvijān devo rudrastānna hinasti vai / tato 'pravītpunarbrahmā taṃ devaṃ nīlalohitam // ### [1.10.29](https://indike.org/pramana/in.purana.brahmanda.1.10.29) dvitīyaṃ nāmadheyaṃ te mayā proktaṃ bhaveti yat / etasyāpo dvitīyā te tanurnāmnā bhavatviti // ### [1.10.30](https://indike.org/pramana/in.purana.brahmanda.1.10.30) ityukte tvatha tasyāsīccharīrasthaṃ rasātmakam / viveśa tattadā yastu tasmādāpo bhavaḥ smṛtaḥ // ### [1.10.31](https://indike.org/pramana/in.purana.brahmanda.1.10.31) yasmādbhavanti bhūtāni tābhyastā bhāvayanti ca / bhavanādrāvanāccaiva bhūtānāmucyate bhavaḥ // ### [1.10.32](https://indike.org/pramana/in.purana.brahmanda.1.10.32) tasmānmūtraṃ purīṣaṃ ca nāpsu kurvīta karhicit / na niṣṭhīvennāvagāhennaiva gacchecca maithunam // ### [1.10.33](https://indike.org/pramana/in.purana.brahmanda.1.10.33) na caitāḥ paricakṣīta vahantyo vā sthitā api / maidhyāmedhyāstvapāmetāstanavo munibhiḥ smṛtāḥ // ### [1.10.34](https://indike.org/pramana/in.purana.brahmanda.1.10.34) vivarṇarasagandhāśca varjyā alpāśca sarvaśaḥ / apāṃ yoniḥ samudrastu tasmāttaṃ kāmayanti tāḥ // ### [1.10.35](https://indike.org/pramana/in.purana.brahmanda.1.10.35) madhyāścaivāmṛtā hyāpo bhavanti prāpya sāgaram / tasmādapo na rundhīta samudraṃ kāmayanti tāḥ // ### [1.10.36](https://indike.org/pramana/in.purana.brahmanda.1.10.36) na hinasti bhavo devo ya evaṃ hyapsu vartate / tato 'bravītpunarbrahmā kumāraṃ nīlalohitam // ### [1.10.37](https://indike.org/pramana/in.purana.brahmanda.1.10.37) śarveti yattṛtīyaṃ te nāma proktaṃ mayā vibho / tasya bhūmistṛtīyasya tanurnāmnā bhavattviyam // ### [1.10.38](https://indike.org/pramana/in.purana.brahmanda.1.10.38) ityukte yatsthiraṃ tasya śarīre hyasthisaṃjñitam / viveśa tattadā bhūmiṃ yasmātsā śarva ucyate // ### [1.10.39](https://indike.org/pramana/in.purana.brahmanda.1.10.39) tasmātkṛṣṭena kurvīta purīṣaṃ mūtrameva ca / na cchāyāyāṃ tathā mārge svacchāyāyāṃ na mehayet // ### [1.10.40](https://indike.org/pramana/in.purana.brahmanda.1.10.40) śiraḥ prāvṛtya kurvīta antardhāya tṛṇairmahīm / evaṃ yo vartate bhūmau śarvastaṃ na hinasti vai // ### [1.10.41](https://indike.org/pramana/in.purana.brahmanda.1.10.41) tato 'bravītpunarbrahmā kumāraṃ nīlalohitam / īśāneti caturtha te nāma proktaṃ mayeha yat // ### [1.10.42](https://indike.org/pramana/in.purana.brahmanda.1.10.42) caturthasya caturthī tu vāyurnāmnā tanustava / ityukte yaccharīrasthaṃ pañcadhā prāṇasaṃjñitam // ### [1.10.43](https://indike.org/pramana/in.purana.brahmanda.1.10.43) viveśa tasya tadvāyumīśānastana mārutaḥ / tasmānnainaṃ parivadetpravāntaṃ vāyumīśvaram // ### [1.10.44](https://indike.org/pramana/in.purana.brahmanda.1.10.44) yajñairvyavaharantyenaṃ ye vai paricaranti ca / evaṃ yuktaṃ maheśāno naiva devo hinasti tam // ### [1.10.45](https://indike.org/pramana/in.purana.brahmanda.1.10.45) tato 'bravītpunarbrahmā taṃ devaṃ dha5mlamīśvaram / nāma yadvai paśupatirityuktaṃ pañcamaṃ mayā // ### [1.10.46](https://indike.org/pramana/in.purana.brahmanda.1.10.46) pañcamī pañcama syaiṣā tanurnāmnāgnirastu te / ityukte yaccharīrasthaṃ tejastasyoṣṇasaṃjñitam // ### [1.10.47](https://indike.org/pramana/in.purana.brahmanda.1.10.47) viveśa tattadā hyagniṃ tasmātpaśupatistu saḥ / yasmādagniḥ paśuścāsīdyasmātpāti paśūṃśca saḥ // ### [1.10.48](https://indike.org/pramana/in.purana.brahmanda.1.10.48) tasmātpaśupatestasya tanuragnirnirucyate / tasmādamedyaṃ na dahenna ca pādau pratāpayet // ### [1.10.49](https://indike.org/pramana/in.purana.brahmanda.1.10.49) adhastānnopadadhyācca na cainamatilaṅghayet / nainaṃ paśupatirdeva evaṃ yuktaṃ hinasti vai // ### [1.10.50](https://indike.org/pramana/in.purana.brahmanda.1.10.50) tato 'bravītpunarbrahmā taṃ devaṃ śvetapiṅgalam / ṣaṣṭaṃ nāma mayā proktaṃ tava bhīmeti yatprabho // ### [1.10.51](https://indike.org/pramana/in.purana.brahmanda.1.10.51) ākāśaṃ tasya nāmnastu tanuḥ ṣaṣṭhī bhavatviti / ityukte suṣiraṃ tasya śarīrasthamabhūcca yat // ### [1.10.52](https://indike.org/pramana/in.purana.brahmanda.1.10.52) viveśa tattadākāśaṃ tasmādbhīmasya sā tanuḥ / yadākāśe smṛto devastasmānnā saṃvṛtaḥ kvacit // ### [1.10.53](https://indike.org/pramana/in.purana.brahmanda.1.10.53) kuryānmūtraṃ purīṣaṃ vā na bhuñjīta pibenna vā / maithunaṃ vāpi na careducchiṣṭāni ca notkṣipet // ### [1.10.54](https://indike.org/pramana/in.purana.brahmanda.1.10.54) na hinasti ca taṃ devo yo bhīme hyevamācaret / tato 'bravītpunarbrahmā taṃ devaṃ sabalaṃ prabhum // ### [1.10.55](https://indike.org/pramana/in.purana.brahmanda.1.10.55) saptamaṃ yanmayā proktaṃ nāmogreti tava prabho / tasya nāmnastanustubhyaṃ dvijo bhavati dīkṣitaḥ // ### [1.10.56](https://indike.org/pramana/in.purana.brahmanda.1.10.56) evamukte tu yattasya caitanyaṃ vai śarīragam / viveśa dīkṣitaṃ tadvai brāhmaṇaṃ somayājinam // ### [1.10.57](https://indike.org/pramana/in.purana.brahmanda.1.10.57) tāvatkālaṃ smṛto vipra ugro devastu dīkṣitaḥ / tasmānnemaṃ parivadennāślīlaṃ cāsya kīrttayet // ### [1.10.58](https://indike.org/pramana/in.purana.brahmanda.1.10.58) te harantyasya pāpmānaṃ ye vai parivadanti tam / evaṃ yuktān dvijānugro devastānna hinasti vai // ### [1.10.59](https://indike.org/pramana/in.purana.brahmanda.1.10.59) tatobravītpunarbrahmā taṃ devaṃ bhāskaradyutim / aṣṭamaṃ nāma yat proktaṃ mahādeveti te mayā // ### [1.10.60](https://indike.org/pramana/in.purana.brahmanda.1.10.60) tasya nāmno 'ṣṭamasyāstu tanustubhyaṃ tu candramāḥ / ityukte yanmana stasya saṃkalpakamabhūtprabhoḥ // ### [1.10.61](https://indike.org/pramana/in.purana.brahmanda.1.10.61) viveśa taccandramasaṃ mahādevastataḥ śaśī / tasmādvibhāvyate hyeṣa mahādevastu candramāḥ // ### [1.10.62](https://indike.org/pramana/in.purana.brahmanda.1.10.62) amāvāsyāṃ na vai chindyādvṛkṣagulmauṣadhīrdvijaḥ / mahādevaḥ smṛtaḥ somastasyātmā hyauṣadhīgaṇaḥ // ### [1.10.63](https://indike.org/pramana/in.purana.brahmanda.1.10.63) evaṃ yo varttate caiha sadā parvaṇi parvaṇi / na hanti taṃ mahādevo ya evaṃ veda taṃ prabhum // ### [1.10.64](https://indike.org/pramana/in.purana.brahmanda.1.10.64) gopāyati divādityaḥ prajā naktaṃ tu candramāḥ / ekarātrau sameyātāṃ sūryā candramasāvubhau // ### [1.10.65](https://indike.org/pramana/in.purana.brahmanda.1.10.65) amāvāsyāniśāyāṃ tu tasyāṃ yuktaḥ sādā bhavet / rudrāviṣṭaṃ sarvamidaṃ tanubhirnnāmabhiśca ha // ### [1.10.66](https://indike.org/pramana/in.purana.brahmanda.1.10.66) ekākī caścaratyeṣa sūryo 'sau rudra ucyate / sūryasya yatprakāśena vīkṣante cakṣuṣā prajāḥ // ### [1.10.67](https://indike.org/pramana/in.purana.brahmanda.1.10.67) muktātmā saṃsthito rudraḥ pibatyaṃbho gabhastibhiḥ / adyate pīyate caiva hyannapānādikāmyayā // ### [1.10.68](https://indike.org/pramana/in.purana.brahmanda.1.10.68) tanuraṃbūdbhavā sā vai deheṣvevopacīyate / yayā dhatte prajāḥ sarvāḥ sthirībhūtena tejasā // ### [1.10.69](https://indike.org/pramana/in.purana.brahmanda.1.10.69) pārthivī sā tanustasya sādhvī dhārayate prajāḥ / yā ca sthitā śarīreṣu bhūtānāṃ prāṇavṛttibhiḥ // ### [1.10.70](https://indike.org/pramana/in.purana.brahmanda.1.10.70) vātātmikā tu caiśānī sā prāṇaḥ prāṇināmiha / pītāśitāni pacati bhūtānāṃ jaṭhareṣviha // ### [1.10.71](https://indike.org/pramana/in.purana.brahmanda.1.10.71) tanuḥ pāśupatī tasya pācakaḥ so 'gnirucyate / yānīha śuṣirāṇi syurdeheṣvantargatāni vai // ### [1.10.72](https://indike.org/pramana/in.purana.brahmanda.1.10.72) vāyoḥ saṃcaraṇārthāni bhīmā sā procyate tanuḥ / vaitānyādīkṣitānāṃ tu yā sthitirbrahmavādinām // ### [1.10.73](https://indike.org/pramana/in.purana.brahmanda.1.10.73) tanurugrātmikā sā tu tenogro dīkṣitaḥ smṛtaḥ / yattu saṃkalpakaṃ tasya prajāsviha samāsthitam // ### [1.10.74](https://indike.org/pramana/in.purana.brahmanda.1.10.74) sā tanurmānasī tasya candramāḥ prāṇiṣu sthitaḥ / navonavo yo bhavati jāyamānaḥ punaḥpunaḥ // ### [1.10.75](https://indike.org/pramana/in.purana.brahmanda.1.10.75) pīyate 'sau yathākālaṃ vibudhaiḥ pitṛbhiḥ saha / mahādevo 'mṛtātmā sa candramā ammayaḥ smṛtaḥ // ### [1.10.76](https://indike.org/pramana/in.purana.brahmanda.1.10.76) tasya yā prathamā nāmnā tanū raudrī prakīrttitā / patnī suvarccalā tasyāḥ putraścāsya śanaiścaraḥ // ### [1.10.77](https://indike.org/pramana/in.purana.brahmanda.1.10.77) bhavasya yā dvitīyā tu āpo nāmnā tanuḥ smṛtā / tasyā dhātrī smṛtā patnī putraśca uśanā smṛtaḥ // ### [1.10.78](https://indike.org/pramana/in.purana.brahmanda.1.10.78) śarvasya yā tṛtīyasya nāmno bhūmistanuḥ smṛtā / tasyāḥ patnī vikeśī tu putro 'syāṅgārakaḥ smṛtaḥ // ### [1.10.79](https://indike.org/pramana/in.purana.brahmanda.1.10.79) īśānasya caturthasya nāmnā vātastanustu yā / tasyāḥ patnī śivā nāma putraścāsyā manojavaḥ // ### [1.10.80](https://indike.org/pramana/in.purana.brahmanda.1.10.80) avijñātagatiścaiva dvau putrau cānilasya tu / nāmnā paśupateryā tu tanuragnirdvijaiḥ smṛtā // ### [1.10.81](https://indike.org/pramana/in.purana.brahmanda.1.10.81) tasyāḥ patnī smṛtā svāhā skandastasyāḥ sutaḥ smṛtaḥ / nāmnā ṣaṣṭhasya yā bhīmā tanurākāśamucyate // ### [1.10.82](https://indike.org/pramana/in.purana.brahmanda.1.10.82) diśaḥ patnyaḥ smṛtāstasya svargaścāpi sutaḥ smṛtaḥ / agrā tanuḥ saptamī yā dīkṣito brāhmaṇaḥ smṛtaḥ // ### [1.10.83](https://indike.org/pramana/in.purana.brahmanda.1.10.83) dīkṣā patnī smṛtā tasyāḥ saṃtānaḥ putra ucyate / nāmnāṣṭamasya mahastanuryā candramāḥ smṛtaḥ // ### [1.10.84](https://indike.org/pramana/in.purana.brahmanda.1.10.84) tasya vai rohiṇī patnī putrastasya budhaḥ smṛtaḥ / ityetāstanavastasya nāmabhiḥ saha kīrtitāḥ // ### [1.10.85](https://indike.org/pramana/in.purana.brahmanda.1.10.85) tāsu vandyo namasyaśca pratināmatanūṣu vai / sūryepsūrvyāṃ tathā vāyāvagnau vyomnyatha dīkṣite // ### [1.10.86](https://indike.org/pramana/in.purana.brahmanda.1.10.86) bhaktaistathā candramasi bhattayā vandyastu nāmabhiḥ / evaṃ yo vetti taṃ devaṃ tanubhirnāmabhiśca ha // ### [1.10.87](https://indike.org/pramana/in.purana.brahmanda.1.10.87) prajāvāneti sāyujyamīśvarasya bhavasya saḥ / ityetadvo mayā proktaṃ guhyaṃ bhīmāsya yadyaśaḥ // ### [1.10.88](https://indike.org/pramana/in.purana.brahmanda.1.10.88) śanno 'stu dvipade viprāḥ śanno 'stu ca catuṣpade / etatproktamidānīṃ ca tanūnāṃ nāmabhi saha / mahādevasya devasya bhṛgostu śṛṇuta prajāḥ // ### [1.10.88.p1](https://indike.org/pramana/in.purana.brahmanda.1.10.88.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde mahādevavibhūtivarṇanaṃ nā daśāmo 'dhyoyaḥ ## Linked texts (2) - [Vāyupurāṇa](https://indike.org/pramana/in.purana.vayu.1.27.2) — Vyāsa, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.4.p531) — Lakṣmīdhara Bhaṭṭa, Sanskrit --- Source: [https://indike.org/pramana/in.purana.brahmanda.1.10](https://indike.org/pramana/in.purana.brahmanda.1.10) · Pramāṇa