[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.11 # Brahmandapurana 1.11 Brahmāṇḍapurāṇa 1.11 - **Language:** Sanskrit ## Contents - [1.11.44](https://indike.org/pramana/in.purana.brahmanda.1.11.44) — 2 parts ### [1.11.1](https://indike.org/pramana/in.purana.brahmanda.1.11.1) sūta uvāca bhṛgoḥ khyātirvijajñe vai īśvarau sukhaduḥkhayoḥ / śubhāśubhapradātārau sarvaprāṇabhṛtāmiha // ### [1.11.2](https://indike.org/pramana/in.purana.brahmanda.1.11.2) devau dhātṛvidhātārau manvantaravicāriṇau / tayārjyeṣṭhā tu bhaginī devī śrīrlokabhāvinī // ### [1.11.3](https://indike.org/pramana/in.purana.brahmanda.1.11.3) sā tu nārāyaṇaṃ devaṃ pati māsadya śobhanā / nārāyaṇātmajau tasyāṃ balonmādauvyajāyatām // ### [1.11.4](https://indike.org/pramana/in.purana.brahmanda.1.11.4) balasya tejaḥ putrastu unmādasya tu saṃśayaḥ / tasyānye mānasāḥ putrā āsan vyomavicāriṇaḥ // ### [1.11.5](https://indike.org/pramana/in.purana.brahmanda.1.11.5) ye vahanti vimānāni devānāṃ puṇyakarmaṇām / merukalpe smṛte bhārye vidhāturdhātureva ca // ### [1.11.6](https://indike.org/pramana/in.purana.brahmanda.1.11.6) āyatirniyatiścaiva tayoḥ putrau dṛḍhavratau / prāṇaścaiva mṛkaṇḍaśca brahmakośau sanātanau // ### [1.11.7](https://indike.org/pramana/in.purana.brahmanda.1.11.7) manasvinyāṃ mṛkaṇḍasya mārkaṇḍeyo babhūva ha / suto vedaśirāstasya dhūmrapatnyāmajāyata // ### [1.11.8](https://indike.org/pramana/in.purana.brahmanda.1.11.8) pīvaryāṃ vedaśirasaḥ putrā vaśakarāḥ smṛtāḥ / mārkaṇḍeyāḥ samākhyātā ṛṣayo vedapāragāḥ // ### [1.11.9](https://indike.org/pramana/in.purana.brahmanda.1.11.9) prāṇasya puṇḍarīkāyāṃ dyutimānātmajo 'bhavat / unnataścadyutimataḥ svanavātaśca tāvubhau // ### [1.11.10](https://indike.org/pramana/in.purana.brahmanda.1.11.10) tayoḥ putrāśca pautrāśca bhārgavāṇāṃ parasparāt / svāyaṃbhuventare 'tītā marīceḥ śṛṇuta prajāḥ // ### [1.11.11](https://indike.org/pramana/in.purana.brahmanda.1.11.11) patnī marīceḥ saṃbhūtirvijajñe hyātmasaṃbhaṃvam / prajāpateḥ pūrṇamāsaṃ kanyāścemā nibodhata // ### [1.11.12](https://indike.org/pramana/in.purana.brahmanda.1.11.12) kṛṣirvṛṣṭistviṣā caiva tathā copacitiḥ śubhā / pūrṇamāsaḥ sarasvatyāṃ putrau dvāvudapādayat // ### [1.11.13](https://indike.org/pramana/in.purana.brahmanda.1.11.13) virajaṃ caiva dharmiṣṭhaṃ parvaśaṃ caiva tāvubhau / virajasyātmajo vidvān sudhāmā nāma viśrutaḥ // ### [1.11.14](https://indike.org/pramana/in.purana.brahmanda.1.11.14) sudhāmā sa tu vairājaḥ prācīṃ diśamupā śritaḥ / lokapālaḥ sa dharmātmā gaurīputraḥ pratāpavān // ### [1.11.15](https://indike.org/pramana/in.purana.brahmanda.1.11.15) parvaśaḥ parvagaṇanāṃ praviṣṭaḥ sa mahāyaśāḥ / parvaśaḥ parvaśāyāṃ tu janayā māsa vai sutau // ### [1.11.16](https://indike.org/pramana/in.purana.brahmanda.1.11.16) yajurdhāma ca dhīmantaṃ staṃbhakāśyapameva ca / tayorgotrakarau putrau jātau saṃnyāsaniścitau // ### [1.11.17](https://indike.org/pramana/in.purana.brahmanda.1.11.17) smṛtastvaṃ girasaḥ patnī jajñe sā hyātmasaṃbhavān / putro kanyāścatasraśca puṇyāstā lokaviśrutāḥ // ### [1.11.18](https://indike.org/pramana/in.purana.brahmanda.1.11.18) sinīvālī kuhūścaiva rākā cānumatistathā / tathaiva bharatāgniṃ ca kīrtimantaṃ ca tāvubhau // ### [1.11.19](https://indike.org/pramana/in.purana.brahmanda.1.11.19) agneḥ putraṃ ca parjanyaṃ sadvatī suṣuve tathā / hiraṇyaromā parjanyo mārīcyāmudapadyata // ### [1.11.20](https://indike.org/pramana/in.purana.brahmanda.1.11.20) ābhūtasaṃplavasthāyī lokapālaḥ sa vai smṛtaḥ / yajñe kīrttimataścāpi dhenukā vītakalmaṣau // ### [1.11.21](https://indike.org/pramana/in.purana.brahmanda.1.11.21) cariṣṇuṃ dhṛtimantaṃ ca ubhāvaṅgirasāṃ varau / tayoḥ putrāśca pautrāśca atītā vai sahasraśaḥ // ### [1.11.22](https://indike.org/pramana/in.purana.brahmanda.1.11.22) anasūyā vijajñe vai pañcātreyānakalmaṣān / kanyāṃ caiva śrutiṃ nāma mātā śaṅkhapadasya sā // ### [1.11.23](https://indike.org/pramana/in.purana.brahmanda.1.11.23) kardasasya tu patnī sā paulahasya prajāpateḥ / satyanetraśca havyaśca āpo mūrttiḥ śanaiścaraḥ // ### [1.11.24](https://indike.org/pramana/in.purana.brahmanda.1.11.24) somaśca pañcamasteṣāmāsītsvāyaṃbhuventare / yāmadevaissahātītāḥ pañcātreyāḥ prakīrttitāḥ // ### [1.11.25](https://indike.org/pramana/in.purana.brahmanda.1.11.25) teṣāṃ putrāśca pautrāśca ātreyāṇāṃ mahātmanām / svāyaṃbhuve 'ntare 'tītāḥ śataśo 'tha sahasraśaḥ // ### [1.11.26](https://indike.org/pramana/in.purana.brahmanda.1.11.26) prītyāṃ pulastyabhāryāyāṃ dānā gnistatsuto 'bhavat / pūrvajanmani so 'gastyaḥ smṛtaḥ svāyaṃbhuve 'ntare // ### [1.11.27](https://indike.org/pramana/in.purana.brahmanda.1.11.27) madhyamo devabāhuśca atrināmā ca te trayaḥ / svamā yavīyasī teṣāṃ sadvatī nāma viśrutā // ### [1.11.28](https://indike.org/pramana/in.purana.brahmanda.1.11.28) parjanyajananī śubhrā patnī cāgneḥ smṛtā śubhā / paulastyasya ca brahmarṣeḥ prītiputrasya dhīmataḥ // ### [1.11.29](https://indike.org/pramana/in.purana.brahmanda.1.11.29) dānācca suṣuve patnī sujaṅghī caṃ bahūnsutān / paulastyā iti vikhyātāḥ smṛtāḥ svāyaṃbhuve 'ntare // ### [1.11.30](https://indike.org/pramana/in.purana.brahmanda.1.11.30) kṣamā tu suṣuve putrānpulastyasya prajāpateḥ / tretāgnivarcasaḥ sarve yeṣāṃ kīrttiḥ pratiṣṭhitā // ### [1.11.31](https://indike.org/pramana/in.purana.brahmanda.1.11.31) kardamaścorvarīvāṃśca sahiṣṇuśceti te trayaḥ / ṛṣiḥ kanakapīṭhaśca śubhā kanyā ca pīvarī // ### [1.11.32](https://indike.org/pramana/in.purana.brahmanda.1.11.32) kardamasya śrutiḥ patnī ātreyyajanayatsvayam / putraṃ śaṅkhapadaṃ nāma kanyāṃ kāmyāṃ tathaiva ca // ### [1.11.33](https://indike.org/pramana/in.purana.brahmanda.1.11.33) sa vai śaṅkhapadaḥ śrīmāṃllokapālaḥ prajāpatiḥ / dakṣiṇasyāṃ diśi rataḥ kāmyā dattā priyavrate // ### [1.11.34](https://indike.org/pramana/in.purana.brahmanda.1.11.34) kāmyā priyavratāllebhe svāyaṃbhuvasamānsutān / daśa kanyādvayaṃ caiva yaiḥ kṣatraṃ sampravarttitam // ### [1.11.35](https://indike.org/pramana/in.purana.brahmanda.1.11.35) putraṃ kanakapīṭhasya sahiṣṇuṃ nāma viśrutam / yaśodharā vijajñe vai kāmadevaṃ sumadhyāmā // ### [1.11.36](https://indike.org/pramana/in.purana.brahmanda.1.11.36) kratoḥ kratusamānpu trān vijajñe saṃnatiḥ śubhān / teṣāṃ na bhāryā putro vā sarve te urddharetasaḥ // ### [1.11.37](https://indike.org/pramana/in.purana.brahmanda.1.11.37) tāni ṣaṣṭisahasrāṇi vālakhilyā iti śrutāḥ / aruṇasyāgrato yānti parivārya divākaram // ### [1.11.38](https://indike.org/pramana/in.purana.brahmanda.1.11.38) ābhūtasaṃplavātsarvepataṅgasahacāriṇaḥ / svasārau tadyavīyasyau puṇyā satyavatī cate // ### [1.11.39](https://indike.org/pramana/in.purana.brahmanda.1.11.39) parvaśasya snuve te vai pūrṇamāsa sutasya tu / ūrjāyāṃ tu vasiṣṭhasya vāsiṣṭhāḥ sapta jajñire // ### [1.11.40](https://indike.org/pramana/in.purana.brahmanda.1.11.40) jyāyasī ca sutā teṣāṃ puṇḍarīkā sumadhyamā / jananī sā dyutimataḥ prāṇasya mahiṣī priyāḥ // ### [1.11.41](https://indike.org/pramana/in.purana.brahmanda.1.11.41) tasyāstu ye yavīyāṃso vāsiṣṭhāḥ sapta viśrutāḥ / rakṣo garttorddhabā huśca savanaḥ pavanaśca yaḥ // ### [1.11.42](https://indike.org/pramana/in.purana.brahmanda.1.11.42) sutapāḥ saṃkurityete sarve saptarṣayaḥ samṛtāḥ / ratno varāṅgyajanayanmārkaṇḍeyī yaśasvinī // ### [1.11.43](https://indike.org/pramana/in.purana.brahmanda.1.11.43) pratīcyāṃ diśi rājānaṃ ketumantaṃ prajāpatim / gotrāṇi nāmabhisteṣāṃ vāsiṣṭhānāṃ mahātmanām // ### [1.11.44](https://indike.org/pramana/in.purana.brahmanda.1.11.44) svāyaṃbhuve 'ntaretītānyagnestu śṛṇuta prajāḥ / ityeṣa ṛṣisargastu sānubandhaḥ prakīrttitaḥ // ### [1.11.44.p1](https://indike.org/pramana/in.purana.brahmanda.1.11.44.p1) vistareṇānupūrvyācca agnervakṣyāmyataḥ param / ### [1.11.44.p2](https://indike.org/pramana/in.purana.brahmanda.1.11.44.p2) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde ṛṣisargavarṇanaṃ nāmaikādaśo 'dhyāyaḥ ## Linked texts (7) - [Vāyupurāṇa](https://indike.org/pramana/in.purana.vayu.1.28.2) — Vyāsa, Sanskrit - [Śivapurāṇa](https://indike.org/pramana/in.purana.siva.7.1.17.18.p30) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.1.10.7) — Sanskrit - [Kūrmapurāṇa](https://indike.org/pramana/in.purana.kurma.1.12.6) — Vyāsa, Sanskrit - [Nandipurāṇa](https://indike.org/pramana/in.purana.upa.saiva.nandi.1.5-2.9) — Sanskrit - [Śivapurāṇa (complete text)](https://indike.org/pramana/in.purana.siva*complete.9.17.26) — Sanskrit - [Vratakhaṇḍa](https://indike.org/pramana/in.niti.dharma.vrata.vratakhanda.2.p1.12) — Hemādri, Sanskrit --- Source: [https://indike.org/pramana/in.purana.brahmanda.1.11](https://indike.org/pramana/in.purana.brahmanda.1.11) · Pramāṇa