[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 1.13 # Brahmandapurana 1.13 Brahmāṇḍapurāṇa 1.13 - **Language:** Sanskrit ## Contents - [1.13.151](https://indike.org/pramana/in.purana.brahmanda.1.13.151) — 1 part ### [1.13.1](https://indike.org/pramana/in.purana.brahmanda.1.13.1) suta uvāca brahmaṇaḥ sṛjataḥ putrān pūrvaṃ svāyaṃbhuveṃ'tare / gātrebhyo jajñire tasya manuṣyāsuradevatāḥ // ### [1.13.2](https://indike.org/pramana/in.purana.brahmanda.1.13.2) pitṛvanmanyamānāstaṃ jajñire pitaro 'pi ca / teṣāṃ nisargaḥ prāguktaḥ samāsācchruyatāṃ punaḥ // ### [1.13.3](https://indike.org/pramana/in.purana.brahmanda.1.13.3) devāsuramanuṣyāṃśca sṛṣṭvā brahmābhyamanyata / pitṛvanmanyamānā vai jajñire 'syopapakṣataḥ // ### [1.13.4](https://indike.org/pramana/in.purana.brahmanda.1.13.4) madhvādayaḥ ṣaḍṛtavaḥ pitṝṃstānparicakṣate / ṛtavaḥ pitaro devā ityeṣā vaidikī śrutiḥ // ### [1.13.5](https://indike.org/pramana/in.purana.brahmanda.1.13.5) manvantareṣu sarveṣu hyatītānāgateṣu vai / ete svāyaṃbhuve pūrvamutpannāścāntare śubhe // ### [1.13.6](https://indike.org/pramana/in.purana.brahmanda.1.13.6) agniṣvāttā smṛtā nāmnā tathā barhiṣadaśca vai / ayajvānastathā teṣāmāsanye gṛhamedhinaḥ // ### [1.13.7](https://indike.org/pramana/in.purana.brahmanda.1.13.7) agniṣvāttā smṛtāste vai pitaro nāhitāgnayaḥ / yajvānasteṣu ye tvāsanpitaraḥ somapīthinaḥ // ### [1.13.8](https://indike.org/pramana/in.purana.brahmanda.1.13.8) smṛtā barhiṣadaste vai pitara stvagnihotriṇaḥ / ṛtavaḥ pitaro devāḥ śāstre 'sminniścayaṃ gatāḥ // ### [1.13.9](https://indike.org/pramana/in.purana.brahmanda.1.13.9) madhumādhavau rasau jñeyau śuciśukrau ca śuṣmiṇau / nabhāścaiva nabhasyaśca jīvāvetāpudātdṛtau // ### [1.13.10](https://indike.org/pramana/in.purana.brahmanda.1.13.10) iṣaścaiva tathorjaśca svadhāvantāvṛdātdṛtau / sahaścaiva sahasyaśca ghorāvetāpudātdṛtau // ### [1.13.11](https://indike.org/pramana/in.purana.brahmanda.1.13.11) tapāścaiva tapasyaśca manyumantau tu śaiśirau / kālāvasthāsu ṣaṭsvete māsākhyā vai vyavasthitāḥ // ### [1.13.12](https://indike.org/pramana/in.purana.brahmanda.1.13.12) ime ca ṛtavaḥ proktāścetanācetaneṣu vai / ṛtavo brahmaṇaḥ putrā vijñeyāste 'bhimāninaḥ // ### [1.13.13](https://indike.org/pramana/in.purana.brahmanda.1.13.13) māsārddhamāsasthāneṣu sthāninau ṛtavo matāḥ / sthānānāṃ vyatirekeṇa jñeyāḥ sthānāgimāninaḥ // ### [1.13.14](https://indike.org/pramana/in.purana.brahmanda.1.13.14) ahorātrāṇi māsāśca ṛtavaścāyanāni ca / saṃvatsarāśca sthānāni kāmākhyā hyabhimāninām // ### [1.13.15](https://indike.org/pramana/in.purana.brahmanda.1.13.15) eteṣu sthānino ye tu kālāvasthā vyavasthitāḥ / tatsatattvāstadātmānastānvakṣyāmi nibodhata // ### [1.13.16](https://indike.org/pramana/in.purana.brahmanda.1.13.16) pārvaṇyasti thayaḥ saṃdhyāḥ pakṣā māsārddhasaṃmitāḥ / nimeṣāśca kalāḥ kaṣṭhā muhurttā divasāḥ kṣayāḥ // ### [1.13.17](https://indike.org/pramana/in.purana.brahmanda.1.13.17) dvāvarddhamāsau māsastu dvau māsāvṛ turucyate / ṛtutrayaṃ cāpyayanaṃ dve 'yane dakṣiṇottare // ### [1.13.18](https://indike.org/pramana/in.purana.brahmanda.1.13.18) saṃvatsaraḥ sametaśca sthānānyetāni sthāninām / ṛtavastu nimeḥ putrā vijñeyāste tathaiva ṣaṭ // ### [1.13.19](https://indike.org/pramana/in.purana.brahmanda.1.13.19) ṛtuputrāḥ smṛtāḥ pañca prajāḥ svārtavalakṣaṇāḥ / yasmāccaivārttavebhyastu jāyante sthāṇu jaṅgamāḥ // ### [1.13.20](https://indike.org/pramana/in.purana.brahmanda.1.13.20) ārtavāḥ pitarastasmādṛtavaśca pitāmahāḥ / sametāstu prasūyante prajāścaiva prajāpateḥ // ### [1.13.21](https://indike.org/pramana/in.purana.brahmanda.1.13.21) tasmātsmṛtaḥ prajānāṃ vai vatsaraḥ prapitāmahaḥ / sthāneṣu sthānino hyete sthānātmānaḥ prakīrttitāḥ // ### [1.13.22](https://indike.org/pramana/in.purana.brahmanda.1.13.22) tadākhyāstatsasattvāśca tadātmānaśca te smṛtāḥ / prajāpatiḥ smṛto yastu sa tu saṃvatsaro mataḥ // ### [1.13.23](https://indike.org/pramana/in.purana.brahmanda.1.13.23) saṃvatsarasuto hyagni ṛta ityucyate budhaiḥ / ṛtāttu ṛtavo yasmājjajñire ṛtavastataḥ // ### [1.13.24](https://indike.org/pramana/in.purana.brahmanda.1.13.24) māsāḥ ṣaḍartavo jñeyāsteṣāṃ pañcartavāḥ smṛtāḥ / dvipadāṃ catuṣpadāṃ caiva pakṣiṇāṃ sarvatāmapi // ### [1.13.25](https://indike.org/pramana/in.purana.brahmanda.1.13.25) sthāvarāṇāṃ ca pañcānāṃ puṣpaṃ kālārttavaṃ smṛtam / ṛtutvamārtavatvaṃ ca pitṛtvaṃ ca prakīrttitam // ### [1.13.26](https://indike.org/pramana/in.purana.brahmanda.1.13.26) ityete pitaro jñeyā ṛtavaścārtavāśca ye / sarvabhūtāni tebhyo yadṛtukālādvijajñire // ### [1.13.27](https://indike.org/pramana/in.purana.brahmanda.1.13.27) tasmādete hi pitara ārtavā iti naḥ śrutam / manvantareṣviha tvete sthitāḥ kālabhimāninaḥ // ### [1.13.28](https://indike.org/pramana/in.purana.brahmanda.1.13.28) kāryakāraṇayuktāstu e śvaryādvyāpya saṃsthitāḥ / sthānābhimānino hyete tiṣṭhantīha prasaṃgamāt // ### [1.13.29](https://indike.org/pramana/in.purana.brahmanda.1.13.29) agniṣvāttā barhiṣadaḥ pitaro vividhāḥ punaḥ / jajñe svadhāpitṛbhyastu dve kanye lokaviśrute // ### [1.13.30](https://indike.org/pramana/in.purana.brahmanda.1.13.30) menā ca dhāraṇī caiva yābhyāṃ dhatamidaṃ jagat / te ubhe brahmavādinyau yoginyau caiva te ubhe // ### [1.13.31](https://indike.org/pramana/in.purana.brahmanda.1.13.31) pitaraste nije kanye dharmārthaṃ pradaduḥ śubhe / agniṣvāttāstu ye proktāsteṣāṃ menā tu mānasī // ### [1.13.32](https://indike.org/pramana/in.purana.brahmanda.1.13.32) dhāraṇī mānasī caiva kanyā barhiṣadāṃ smṛtā / merostāṃ dhāraṇīṃ nāma patnyarthaṃ vā sṛjan ghubhām // ### [1.13.33](https://indike.org/pramana/in.purana.brahmanda.1.13.33) pitaraste barhiṣadaḥ smṛtā ye somapāyinaḥ / agniṣvāttāstu tāṃ menā patnī himavate daduḥ // ### [1.13.34](https://indike.org/pramana/in.purana.brahmanda.1.13.34) upahūtā smṛtā ye vai taddauhitrānnibodhata / menā himavataḥ patnī mainākaṃ sā vyajāyata // ### [1.13.35](https://indike.org/pramana/in.purana.brahmanda.1.13.35) gaṅgāṃ saridvarāṃ caiva patnī yā lavaṇodadheḥ / mainākasyā tmajaḥ kraucaḥ kraiñcadvīpo yataḥ smṛtaḥ // ### [1.13.36](https://indike.org/pramana/in.purana.brahmanda.1.13.36) merostu dhāraṇī patnī divyauṣadhisamanvitam / mandaraṃ suṣuve putraṃ tisraḥ kanyāśca viśrutāḥ // ### [1.13.37](https://indike.org/pramana/in.purana.brahmanda.1.13.37) velāṃ ca niyatiṃ caiva tṛtīyāṃ cāyatiṃ viduḥ / dhātuścaivāyatiḥ patnī vidhāturniyatiḥ smṛtā // ### [1.13.38](https://indike.org/pramana/in.purana.brahmanda.1.13.38) svāyaṃ bhuveṃ'tare pūrvaṃ yayorvai kīrttitāḥ prajāḥ / suṣuve sāgarādvelā kanyāmekāmaninditām // ### [1.13.39](https://indike.org/pramana/in.purana.brahmanda.1.13.39) savarṇāṃ nāma sāmudrīṃ patnīṃ prācīnabarhiṣaḥ / savarṇāyāṃ sutā jātā daśa prācīnabarhiṣaḥ // ### [1.13.40](https://indike.org/pramana/in.purana.brahmanda.1.13.40) sarve pracetaso nāma dhanurvedasya pāragāḥ / teṣāṃ svāyaṃbhuvo dakṣaḥ putratvaṃ jagmi vānprabhuḥ // ### [1.13.41](https://indike.org/pramana/in.purana.brahmanda.1.13.41) trayaṃbakasyābhiśāpena cākṣuṣasyātare manoḥ / etacchutvā tataḥ sūtamapṛcchacchāṃśapāyaniḥ // ### [1.13.42](https://indike.org/pramana/in.purana.brahmanda.1.13.42) utpannaḥ sa kathaṃ dakṣo hyabhiśāpādbhavasya tu / cākṣuṣasyāntare pūrvaṃ tannaḥ prabrūhi pṛcchatām // ### [1.13.43](https://indike.org/pramana/in.purana.brahmanda.1.13.43) ityuktaḥ kathayāmāsa sūto dakṣāśrayāṃ kathām / śāṃśapāyanimāmantrya tryaṃbakācchāpakāraṇam // ### [1.13.44](https://indike.org/pramana/in.purana.brahmanda.1.13.44) sūta uvāca dakṣasyāsansutā hyaṣṭau kanyā yāḥ kīrttitā mayā / svebhyo gṛhebhya ānāyya tāḥ pitābhyarcayadgṛhe // ### [1.13.45](https://indike.org/pramana/in.purana.brahmanda.1.13.45) tatastvabhyarcitāḥ sarvā nyavasaṃstāḥ piturgṛhe / tāsāṃ jyeṣṭhā satī nāma patnī yā tryaṃbakasya vai // ### [1.13.46](https://indike.org/pramana/in.purana.brahmanda.1.13.46) nājuhāvātmajāṃ tāṃ vai dakṣo rudramabhidviṣan / akarotsaṃnatiṃ dakṣe na kadācinmaheśvaraḥ // ### [1.13.47](https://indike.org/pramana/in.purana.brahmanda.1.13.47) jāmātā śvaśure tasminsvabhāvāttejasi sthitaḥ / tato jñātvā satī sarvāḥ nyavasaṃstāḥ piturgṛhe // ### [1.13.48](https://indike.org/pramana/in.purana.brahmanda.1.13.48) jagāma sāpyanāhūtā satī tatsva piturgṛham / tābhyo hīnāṃ pitā cakre satyāḥ pūjāmasaṃmatām // ### [1.13.49](https://indike.org/pramana/in.purana.brahmanda.1.13.49) tato 'bravītsā pitaraṃ devī krodhādamarṣitā / yavīyasībhyo pyadhamāṃ pūjāṃ kṛtvā mama prabho // ### [1.13.50](https://indike.org/pramana/in.purana.brahmanda.1.13.50) asatkṛtya pitarmāṃ tvaṃ kṛtavānasi garhitam / ahaṃ jyeṣṭhā variṣṭhā ca tvaṃ māṃ satkartumarha si // ### [1.13.51](https://indike.org/pramana/in.purana.brahmanda.1.13.51) evamukto 'bravīdenāṃ dakṣaḥ saṃraktalocanaḥ / tvattaḥ śreṣṭhāvariṣṭhāśca pūjyā bālāḥ sutā mama // ### [1.13.52](https://indike.org/pramana/in.purana.brahmanda.1.13.52) tāsāṃ caiva tu bhartāra ste me bahumātāḥ sati / brahmiṣṭhāḥ sutapaskāśca mahāyogāḥ sudhārmikāḥ // ### [1.13.53](https://indike.org/pramana/in.purana.brahmanda.1.13.53) guṇaiścaivādhikāḥ ślāghyāḥ sarve te tryaṃbakātsati / vasiṣṭho 'triḥ pulastyaśca hyaṅgirā pulahaḥ kratuḥ // ### [1.13.54](https://indike.org/pramana/in.purana.brahmanda.1.13.54) bhṛgurmarīciśca tathā śraiṣṭhā jāmātaro mama / yasmānmāṃ sparddhate śarvaḥ sadā caivāvamanyate // ### [1.13.55](https://indike.org/pramana/in.purana.brahmanda.1.13.55) tena tvāṃ na vibhūṣomi pratikūlo hi me bhavaḥ / ityuktavāṃstadā dakṣaḥ saṃpramūḍhena cetasā // ### [1.13.56](https://indike.org/pramana/in.purana.brahmanda.1.13.56) śāpārthamātmanaścaiva ye coktāḥ paramarṣayaḥ / tathoktā pitaraṃ sā vai kruddhā devīdama bravīt // ### [1.13.57](https://indike.org/pramana/in.purana.brahmanda.1.13.57) vāṅmanaḥ karmabhiryasmādaduṣṭāṃ māṃ vigarhase / tasmāttyajāmyahamimaṃ dehaṃ tāta tavātmajam // ### [1.13.58](https://indike.org/pramana/in.purana.brahmanda.1.13.58) tatastenāvamānena satī duḥkhādamarṣitā / abravīdvacanaṃ devī namaskṛtya svayaṃbhuve // ### [1.13.59](https://indike.org/pramana/in.purana.brahmanda.1.13.59) yatrāhamupapadye ca punardehena bhāsvatā / tatrāpyahamasaṃbhūtā saṃbhūtā dhārmikādapi // ### [1.13.60](https://indike.org/pramana/in.purana.brahmanda.1.13.60) gaccheyaṃ dharmapatnītvaṃ tryaṃbakasyaiva dhīmataḥ / tatraivātha samāsīnā yuktātmānaṃ samādadhe // ### [1.13.61](https://indike.org/pramana/in.purana.brahmanda.1.13.61) dhārayāmāsa cāgneyīṃ dhāraṇāṃ manasātmanaḥ / tata ātmasamuttho 'syā vāyunā samudīritaḥ / sarvāgebhyo viniḥsṛtya vahnistāṃ bhasmasātkarot // ### [1.13.62](https://indike.org/pramana/in.purana.brahmanda.1.13.62) tadupaśrutya nidhanaṃ satyā devo 'tha śūlabhṛt / saṃvādaṃ ca tayorbuddhā yāthātathyena śaṅkaraḥ / dakṣasya ca ṛṣīṇāṃ ca cukopa bhagavānprabhuḥ // ### [1.13.63](https://indike.org/pramana/in.purana.brahmanda.1.13.63) rudra uvāca sarveṣāmeva lokānāṃ bhūrlokastvādirucyate / taṃ sadā dhārayiṣyāmi nideśātparameṣṭhinaḥ // ### [1.13.64](https://indike.org/pramana/in.purana.brahmanda.1.13.64) asyāṃ kṣitau dhṛtā lokāḥ sarve tiṣṭhanti bhāsvarāḥ / tānahaṃ dhārayā mīha satataṃ ca tadājñayā // ### [1.13.65](https://indike.org/pramana/in.purana.brahmanda.1.13.65) cāturvarṇyaṃ hi devānāṃ te cāpyekatra bhuñjate / nāhaṃ taiḥ saha bhokṣaye vai tato dāsyanti te pṛthak // ### [1.13.66](https://indike.org/pramana/in.purana.brahmanda.1.13.66) yasmādavamatā dakṣa matkṛte 'nāgasā satī / praśastāścetarāḥ sarvāḥ svasutā bhartṛbhiḥ saha // ### [1.13.67](https://indike.org/pramana/in.purana.brahmanda.1.13.67) tasmā dvaivasvate prāpte punarete maharṣayaḥ / utpatsyante dvitīye vai mama yajña hyayonicāḥ // ### [1.13.68](https://indike.org/pramana/in.purana.brahmanda.1.13.68) hute vai brahmaṇā śukre cākṣuṣasyātare manoḥ / abhivyāhṛtya sarvāṃstān dakṣaṃ caivāśapatpunaḥ // ### [1.13.69](https://indike.org/pramana/in.purana.brahmanda.1.13.69) bhavitā mānuṣo rājā cākṣuṣasya tvamanvaye / prācīnabarhiṣaḥ pautraḥ putraścaiva prace tasām // ### [1.13.70](https://indike.org/pramana/in.purana.brahmanda.1.13.70) dakṣa eveha nāmnā tu māriṣāyāṃ janiṣyasi / kanyāyāṃ śākhināṃ tvaṃ vai prāpte vaivasvateṃ'tare // ### [1.13.71](https://indike.org/pramana/in.purana.brahmanda.1.13.71) vighnaṃ tatrā pyahaṃ tubhyamācariṣyāmi durmate / dharmmayukte ca te kārye ekasmiṃstu durāsade // ### [1.13.72](https://indike.org/pramana/in.purana.brahmanda.1.13.72) suta uvāca tadupaśrutya dakṣastu rudraṃ so 'bhya śapatpunaḥ / yasmāttvaṃ matkṛte 'niṣṭamṛṣīṇāṃ kṛtavānasi / tasmātsārddhaṃ surairyajñe na tvāṃ yakṣyanti vai dvijāḥ // ### [1.13.73](https://indike.org/pramana/in.purana.brahmanda.1.13.73) hutvā'hutiṃ tava krūra hyapaḥ sprakṣyanti karmasu / ihaiva vatsyasi tathā divaṃ hitvā yugakṣayāt // ### [1.13.74](https://indike.org/pramana/in.purana.brahmanda.1.13.74) tato devaiḥsa taiḥ sārddhaṃ nejyate pṛthasijyate / tato 'bhivyāhṛto dakṣo rudreṇāmitatejasā // ### [1.13.75](https://indike.org/pramana/in.purana.brahmanda.1.13.75) svāyaṃbhuvīṃ tanuṃ tyaktvā utpanno mānuṣeṣviha // ### [1.13.76](https://indike.org/pramana/in.purana.brahmanda.1.13.76) jñātvā gṛhapatirdakṣo yajñānā mīśvaraṃ prabhum / samasteneha yajñena so 'yajaddaivataiḥ saha // ### [1.13.77](https://indike.org/pramana/in.purana.brahmanda.1.13.77) atha devī satī yā tu prāpte vaivasvateṃ'tare / menāyāṃ tāmumāṃ devīṃ janayāmāsa śailarāṭ // ### [1.13.78](https://indike.org/pramana/in.purana.brahmanda.1.13.78) yā tu devī satī pūrvamāsītpaścādumābhavat / sadā patnī bhavasyaiṣā na tayā mucyate bhavaḥ // ### [1.13.79](https://indike.org/pramana/in.purana.brahmanda.1.13.79) marīcaṃ kaśyapaṃ devī yathāditiranuvratā / yathā nārāyaṇaṃ śrīśca maghavataṃ śacī yathā // ### [1.13.80](https://indike.org/pramana/in.purana.brahmanda.1.13.80) viṣṇuṃ kīrtī ruṣā mūryaṃ vasiṣṭhaṃ cāpyarundhatī / naitāstu vijahatyetān bhartṝn devyaḥ kadācana // ### [1.13.81](https://indike.org/pramana/in.purana.brahmanda.1.13.81) āvartamānāḥ kalpeṣu jāyante taiḥ punaḥ saha / evaṃ prācetaso dakṣo jajñe vai cākṣuṣeṃ'tare // ### [1.13.82](https://indike.org/pramana/in.purana.brahmanda.1.13.82) daśabhyastu pracetobhyo māriṣāyāṃ punarnṛpaḥ / jajñe tadābhiśāpena dvitīya iti naḥ śrutam // ### [1.13.83](https://indike.org/pramana/in.purana.brahmanda.1.13.83) bhṛgavādayaśca ye sapta jajñire ca maharṣayaḥ / ādye tretāyuge pūrvaṃ manorvaivasvatasya ca // ### [1.13.84](https://indike.org/pramana/in.purana.brahmanda.1.13.84) devasya mahato yajñe vāruṇīṃ bibhratastanum / ityeṣo 'nuśayo hyāsīttayorjātyantarānugaḥ // ### [1.13.85](https://indike.org/pramana/in.purana.brahmanda.1.13.85) prajāpateśca dakṣasya tryabakasya ca dhīmataḥ / tasmānnānuśayaḥ kāryo vaireṣviha kadācana // ### [1.13.86](https://indike.org/pramana/in.purana.brahmanda.1.13.86) jātyantaragatasyāpi bhavitasya śubhāśubhaiḥ / khyātiṃ na muñcate jantustanna kāryaṃ vipaścitā // ### [1.13.87](https://indike.org/pramana/in.purana.brahmanda.1.13.87) ityeṣā samanukrāntā kathā pāpapramocanī / yā dakṣamadhikṛtyeha tvayā pūrvaṃ pracauditā // ### [1.13.88](https://indike.org/pramana/in.purana.brahmanda.1.13.88) pitṛvaṃśaprasaṃgena kathā hyeṣā prakīrttitā / pitṝṇāmānupūrvyeṇa devānvakṣyāmyataḥ param // ### [1.13.89](https://indike.org/pramana/in.purana.brahmanda.1.13.89) tretāyugamukhe pūrvamāsansvāyaṃbhuveṃ'tare / devāyāmā iti khyātāḥ pūrvaṃ ye yajñasūnavaḥ // ### [1.13.90](https://indike.org/pramana/in.purana.brahmanda.1.13.90) prathitā brahmaṇaḥ putrā ajatvādajitāstu te / putrāḥ svāyaṃbhuvasyaite śaktā nāma tu mānasāḥ // ### [1.13.91](https://indike.org/pramana/in.purana.brahmanda.1.13.91) teṣāṃ yato gaṇā hyete devānāṃ tu trayaḥ smṛtāḥ / chandajāstu trayastriṃśatsarge svāyaṃbhuvasya ha // ### [1.13.92](https://indike.org/pramana/in.purana.brahmanda.1.13.92) yaduryayātirdevau dvau vīvadhasrāsato matiḥ / vibhāsaśca kratuścaiva prayātirviśruto dyutiḥ // ### [1.13.93](https://indike.org/pramana/in.purana.brahmanda.1.13.93) vāyavyaḥ saṃyamaścaiva yāmā dvādaśa kīrttitāḥ / asamaścogradṛṣṭiśca sunayo 'tha śuciśravāḥ // ### [1.13.94](https://indike.org/pramana/in.purana.brahmanda.1.13.94) kevalo viśvarūpaśca sudakṣo madhupastathā / turīya idrayukcaiva yukto grāvajitastu vai // ### [1.13.95](https://indike.org/pramana/in.purana.brahmanda.1.13.95) canimā viśvadevā ca javiṣṭho mitavānapi / jaro vibhurvibhāvaśca sa ṛcīko 'tha durdihaḥ // ### [1.13.96](https://indike.org/pramana/in.purana.brahmanda.1.13.96) śrutirgṛṇāno 'tha bṛhacchukrā dvādaśa kīrttitāḥ / āsansvāyaṃbhuvasyaite cāntare somapāyinaḥ // ### [1.13.97](https://indike.org/pramana/in.purana.brahmanda.1.13.97) dīptimanto gaṇā hyete vīryavanto mahābalāḥ / teṣāmindrastaddā hyāsītprathame viśvabhukta prabhuḥ // ### [1.13.98](https://indike.org/pramana/in.purana.brahmanda.1.13.98) asurā ye tadā teṣāmāsan dāyādabāndhavāḥ / suparṇayakṣagandharvāḥ piśācoragarākṣasāḥ // ### [1.13.99](https://indike.org/pramana/in.purana.brahmanda.1.13.99) aṣṭau tāḥ pitṛbhiḥ sārddhamāsanyā devayonayaḥ / svāyaṃbhuventare 'tītāḥ prajāstāsāṃ mahasraśaḥ // ### [1.13.100](https://indike.org/pramana/in.purana.brahmanda.1.13.100) prabhāvarūpasaṃpannā āyuṣā ca balena ca / vistarādiha nocyante māprasaṃgo bhavediha // ### [1.13.101](https://indike.org/pramana/in.purana.brahmanda.1.13.101) svāyaṃbhuvo visargastu vijñeyaḥ sāṃpratena ha / atīto vartamānena dṛṣṭo vaivasvate na saḥ // ### [1.13.102](https://indike.org/pramana/in.purana.brahmanda.1.13.102) prajābhirdevātābhiśca ṛṣibhiḥ pitṛbhiḥ saha / teṣāṃ sarparṣayaḥ pūrvamāsanye tānnibodhata // ### [1.13.103](https://indike.org/pramana/in.purana.brahmanda.1.13.103) bhṛgvaṃ girā marīciśca pulastyaḥ pulahaḥ kratuḥ / atriścaiva vasiṣṭhasca sapta svāyaṃbhuve 'tare // ### [1.13.104](https://indike.org/pramana/in.purana.brahmanda.1.13.104) āgnīdhraścāgnibāhuśca modhā medhātithir vasuḥ / jyotiṣmān dyutimānhavyaḥ savanaḥ sattra eva ca // ### [1.13.105](https://indike.org/pramana/in.purana.brahmanda.1.13.105) manoḥ svāyaṃbhuvasyaite daśa putrā mahaujasaḥ / vāyuvegā mahāsattvā rājānaḥ prathameṃ'tare // ### [1.13.106](https://indike.org/pramana/in.purana.brahmanda.1.13.106) sāsuraṃ tatsugandharvaṃ sayakṣoragarākṣasam / sapiśācamanuṣyañca sasuparṇāpsarogaṇam // ### [1.13.107](https://indike.org/pramana/in.purana.brahmanda.1.13.107) naśakyamānu pūrvyeṇa vaktuṃ varṣaśatairapi / bahutvānnāmadheyānāṃ saṃkhyā teṣāṃ kutaḥ kule // ### [1.13.108](https://indike.org/pramana/in.purana.brahmanda.1.13.108) yā vai prajā yugākhyāstu āsansvāyaṃbhuveṃ'tare / kālena mahatātītā ayanābdayugakramaiḥ // ### [1.13.109](https://indike.org/pramana/in.purana.brahmanda.1.13.109) ṛṣaya ūcuḥ ka eṣa bhagavān kālaḥ sarvabhūtāpahārakaḥ / kasya yoniḥ kimādiśca kiṃ satattvaḥ kimātmakaḥ // ### [1.13.110](https://indike.org/pramana/in.purana.brahmanda.1.13.110) kimasya cakṣuḥ kā mūrtiḥ ke vā avayavāḥ smṛtāḥ / kiṃ nāmadheyaṃ ko 'syātmā eptattvaṃ brūhi tattvataḥ // ### [1.13.111](https://indike.org/pramana/in.purana.brahmanda.1.13.111) sūta uvāca śrūyatā kālasadbhāvaḥ śrutvā caivāvadhāryatām / sūryayonirnimeṣādiḥ saṃkhyācakṣuḥ sa ucyate // ### [1.13.112](https://indike.org/pramana/in.purana.brahmanda.1.13.112) mūrtirasya tvaho rātro nimeṣāvayavaśca saḥ / saṃvatsaraḥ satattvaśca nāma cāsya kalātmakaḥ // ### [1.13.113](https://indike.org/pramana/in.purana.brahmanda.1.13.113) sāmpratānāgatātītakālātmā sa prajāpatiḥ / pañcadhā pravibhaktāṃ tu kālāvasthāṃ nibodhata // ### [1.13.114](https://indike.org/pramana/in.purana.brahmanda.1.13.114) divasārddhamāsamāsaiśca ṛtubhistvayanaistathā / saṃvatsarastu prathamo dvitīyaḥ parivatsaraḥ // ### [1.13.115](https://indike.org/pramana/in.purana.brahmanda.1.13.115) iḍravatsarastṛtīyaśca caturthaścānuvatsaraḥ / pañcamo vatsarasteṣāṃ kālaḥsa yugasajñitaḥ // ### [1.13.116](https://indike.org/pramana/in.purana.brahmanda.1.13.116) teṣāṃ tattvaṃ pravakṣyāmi kīrtyamānaṃ nibodhata / kraturagnistu yaḥ proktaḥ sa tu saṃvatsaro mataḥ // ### [1.13.117](https://indike.org/pramana/in.purana.brahmanda.1.13.117) āditeyastvasau sūryaḥ kālāgniḥ parivatsaraḥ / śuklakṛṣṇagatiścāpi apāṃ sāramayaḥ khagaḥ // ### [1.13.118](https://indike.org/pramana/in.purana.brahmanda.1.13.118) sa iḍāvatsaraḥ somaḥ purāṇe niścayaṃ gataḥ / yaścāyaṃ pavate lokāṃstanubhiḥ saptasaptabhiḥ // ### [1.13.119](https://indike.org/pramana/in.purana.brahmanda.1.13.119) anuvātā ca lokasya sa vāyuranuvatsaraḥ / ahaṅkārādudagrudraḥ saṃbhūto brahmaṇāstu yaḥ // ### [1.13.120](https://indike.org/pramana/in.purana.brahmanda.1.13.120) sa rudro vatsara steṣāṃ vijñeyo nīlalohitaḥ / satattvaṃ tasya vakṣyami kīrtyamānaṃ nibodhata // ### [1.13.121](https://indike.org/pramana/in.purana.brahmanda.1.13.121) aṅgapratyaṅgasaṃyogātkālātmā pratitāmahaḥ / ṛksāmayajuṣāṃ yoniḥ pañcānāṃ patirīśvaraḥ // ### [1.13.122](https://indike.org/pramana/in.purana.brahmanda.1.13.122) so 'gniryamaśca kālaśca saṃbhūtiḥ sa prajāpatiḥ / proktaḥ saṃvatsaraśceti sūrya conirmanīṣibhiḥ // ### [1.13.123](https://indike.org/pramana/in.purana.brahmanda.1.13.123) yasmātkālavibhāgānāṃ māsartvayanayorapi / grahanakṣatraśītoṣṇavarṣāyuḥ karmaṇāṃ tathā // ### [1.13.124](https://indike.org/pramana/in.purana.brahmanda.1.13.124) yoniḥ sa pravibhāgānāṃ divasānāṃ ca bhāskaraḥ / vaikārikaḥ prasannātmā brahmaputraḥ prajāpatiḥ // ### [1.13.125](https://indike.org/pramana/in.purana.brahmanda.1.13.125) eko naiko 'tha divaso māso 'thartuḥ pitāmahaḥ / ādityaḥ savitā bhānurjīvano brahmasatkṛtaḥ // ### [1.13.126](https://indike.org/pramana/in.purana.brahmanda.1.13.126) prabhavaścāvyayaścaiva bhūtānāṃ tena bhāskaraḥ / tārābhimānī vijñeyo dvitīyaḥ parivatsaraḥ // ### [1.13.127](https://indike.org/pramana/in.purana.brahmanda.1.13.127) somaḥ sarvauṃṣadhipatiryasmātsa prapitāmahaḥ / ājīvaḥ sarvabhūtānāṃ yogakṣemakṛdīśvaraḥ // ### [1.13.128](https://indike.org/pramana/in.purana.brahmanda.1.13.128) āvekṣamāṇaḥ satataṃ bibharti jagadaṃśubhiḥ / tithīnāṃ parvasaṃdhīnāṃ pūrṇimādarśayorapi // ### [1.13.129](https://indike.org/pramana/in.purana.brahmanda.1.13.129) yonirniśākaro yaśca amṛtātmā prajāpatiḥ / tasmātsa pitṛmānsomaḥ smṛta iṅvatsarātmakaḥ // ### [1.13.130](https://indike.org/pramana/in.purana.brahmanda.1.13.130) prāṇāpānasamānādyairvyānodānātmakairapi / karmabhiḥ prāṇināṃ loke sarvaceṣṭāpravartakaḥ // ### [1.13.131](https://indike.org/pramana/in.purana.brahmanda.1.13.131) pañcānāṃ cendriyamanorbuddhismṛtibalātmanām / samānakālakaraṇakriyāḥ saṃpādayannapi // ### [1.13.132](https://indike.org/pramana/in.purana.brahmanda.1.13.132) sarvātmā sarvalokeśa āvahapravahādibhiḥ / varttate copakārairyastanubhiḥ saptasaptabhiḥ // ### [1.13.133](https://indike.org/pramana/in.purana.brahmanda.1.13.133) vidhātā sarvabhūtānāṅkṣemī nityaṃ prabhañjanaḥ / yoniragnerapāṃ bhūme raveścandramasaścayaḥ // ### [1.13.134](https://indike.org/pramana/in.purana.brahmanda.1.13.134) vāyuḥ prajāpatirbhūto lokātmā prapitāmahaḥ / ahorātrakarastasmātsa vāyuranuvatsaraḥ // ### [1.13.135](https://indike.org/pramana/in.purana.brahmanda.1.13.135) ete prajānāṃ patayaścatvāra upapakṣajāḥ / pitaraḥ sarvalokānāṃ lokātmānaḥ prakīrttitāḥ // ### [1.13.136](https://indike.org/pramana/in.purana.brahmanda.1.13.136) dhyāyato brahmāṇo vaktrādudansamabhavadbhavaḥ / ṛṣirviprā mahādevo bhūtātmā prapitāmahaḥ // ### [1.13.137](https://indike.org/pramana/in.purana.brahmanda.1.13.137) īśvaraḥ sarvabhūtānāṃ praṇavo yo 'thapaṭhyate / ātmāveśena bhūtānāmaṅgapratyaṅgasaṃbhavaḥ // ### [1.13.138](https://indike.org/pramana/in.purana.brahmanda.1.13.138) unmādako 'nugrahakṛdrudro vatsara ucyate / sūryyaśca candramāścāgnirvāyū rudrastathaiva ca // ### [1.13.139](https://indike.org/pramana/in.purana.brahmanda.1.13.139) yugābhimānī kālātmā nityaṃ saṃkṣayakṛdvibhuḥ / rudraḥ praviṣṭo bhagavāñjagatyasminsvatejasā // ### [1.13.140](https://indike.org/pramana/in.purana.brahmanda.1.13.140) āśrayānmayi saṃyogāttanubhirnāmamistathā / tatastasya tu vīryeṇa lokānugrahakārakam // ### [1.13.141](https://indike.org/pramana/in.purana.brahmanda.1.13.141) devatvaṃ ca pitṛtvaṃ ca kālatvaṃ cāsya yatparam / tasmādvai sarvathā rudrastadvidvadbhirabhījyate // ### [1.13.142](https://indike.org/pramana/in.purana.brahmanda.1.13.142) yataḥ patiḥ sa bhagavān prajeśānāṃ prajāpatiḥ / bhāvanaḥ sarvabhūtānāṃ sarvātmā nīlalohitaḥ // ### [1.13.143](https://indike.org/pramana/in.purana.brahmanda.1.13.143) auṣadhīḥ pratisaṃdhatte rudraḥ kṣīṇāḥ punaḥpunaḥ / prajāpatimukhairdevaiḥ samyagiṣṭaphalārthibhiḥ // ### [1.13.144](https://indike.org/pramana/in.purana.brahmanda.1.13.144) tribhireva kapālaiśca trayaṃbakairauṣadhikṣaye / ijyate bhagavān yasmāttasmārtryaṃbaka ucyate // ### [1.13.145](https://indike.org/pramana/in.purana.brahmanda.1.13.145) gāyatrī caiva triṣṭupca jagatī caiva yāḥ smṛtāḥ / tryaṃbakā nāmataḥ premṇā yonayastā vanaspateḥ // ### [1.13.146](https://indike.org/pramana/in.purana.brahmanda.1.13.146) tābhirekatvabhūtābhistrividhābhiḥ svavīryataḥ / trisādhanaḥ puroḍāśastrikapālaḥ sa vai smṛtaḥ // ### [1.13.147](https://indike.org/pramana/in.purana.brahmanda.1.13.147) tryaṃbakaḥ sa puroḍāśastenaiṣa tryaṃbakaḥ smṛtaḥ / ityetatpañcavarṣaṃ hi yugaṃ proktaṃ manīṣibhiḥ // ### [1.13.148](https://indike.org/pramana/in.purana.brahmanda.1.13.148) yaścaiṣa pañcadhātmā vai proktaḥ saṃvatsaro dvijaiḥ / saikaḥ ṣaṭko vijajñe 'tha madhvādiṛtusaṃjñakaḥ // ### [1.13.149](https://indike.org/pramana/in.purana.brahmanda.1.13.149) ṛtuputrārttavāḥ pañca iti sargaḥ samāsataḥ / ityeṣa bahumāno vai prāṇinā jīvitāni ca / nadīvega ivāsaktaḥ kālo dhāvati saṃharan // ### [1.13.150](https://indike.org/pramana/in.purana.brahmanda.1.13.150) eteṣāṃ yadapatyaṃ vai tadaśakyaṃ pramāṇataḥ / bahutvātparisaṃkhyātuṃ putra pautramanantakam // ### [1.13.151](https://indike.org/pramana/in.purana.brahmanda.1.13.151) imaṃ vaṃśaṃ prajeśānāṃ mahataḥ puṇyakarmaṇām / kīrttayanpuṇyakīrttīnāṃ mahatīṃ siddhimāpnuyāt // ### [1.13.151.p1](https://indike.org/pramana/in.purana.brahmanda.1.13.151.p1) iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde kālasadbhāvavarṇanaṃ nāma trayodaśoṃ'dhyāya ## Linked texts (3) - [Vāyupurāṇa](https://indike.org/pramana/in.purana.vayu.1.30.6) — Vyāsa, Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.7.1.84_445) — Sanskrit - [Śivapurāṇa (complete text)](https://indike.org/pramana/in.purana.siva*complete.9.17.55) — Sanskrit --- Source: [https://indike.org/pramana/in.purana.brahmanda.1.13](https://indike.org/pramana/in.purana.brahmanda.1.13) · Pramāṇa